Yohana 2
2
Ambadha i Kana
1Man i ceng’ mir adege ambadha nuti i Kana mi Galilaya; man min Yesu de ni kakeca: 2julwong’o Yesu bende, giku julubne de i ambadhane. 3Kinde ma pigulok uthum, min Yesu wacu ire kumae, Pigulok migi mbe. 4Man Yesu wacu ire kumae, Dhaku, ang’o ma wabedo ko wakudi? saa para fokuwok ungo. 5Min uwacu ni jutic kumae, Gin ceke ma tek ewacu iwu ci, wutime. 6Nwang’u juketho agulu pi mi kidi abusiel keca calu kura logo mi Juyahudi, ma adekapi ario kadi adek ka pong’o agulune acel. 7Yesu wacu igi kumae, Wupong’ agulune ku pi. E gipong’ogi thur. 8Man ewacu igi kumae, Kawono wutwom, wuter ba jadit mir ambadha. Gitero de. 9E ka jadit mir agba bilo pi m’udoko ni pigulok kawono, man eng’eyo ngo ka m’eai i ie (endre jutic ma gitwomo pige ging’eyo), jadit mir agba lwong’o won ambadha, 10man ewacu ire kumae, Ku ba dhanu ceke gilar gikelo pigulok ma mit; man ka dhanu madhu hai, e gikelo maeno ma mit nyanok: in ikanu pigulok ma mit cil kawono. 11Thekri mi giranyutha pare maeni Yesu timo i Kana mi Galilaya, man enyutho dwong’ pare; julubne de giyie.
12 #
Mt 4:13
Yo ng’ei maeni eloro piny i Kapernaum, en, ku min, ku utumin, man julubne; man gibedo kuca ceng’ dupa ngo.
Yesu Wodho Ju M’ucido Hekalu
(Mt 21:12-13; Mk 11:15-18; Lk 19:45-46)
13 #
Ai 12:1-27
Man kadhukuwijo mi Juyahudi ni ceng’ni, Yesu de idho malu Yerusalem. 14Man enwang’u ju m’uloko koni dhiang’ ku rombe, kud akuru, man ju m’uwilo sente de gibedo i hekalu: 15man ekiedo thol ni del, ewodho kogi kud i hekalu, rombe ku koni dhiang’ bende; man eoyo sente mi juwil sente, ebolo mesa migi de; 16man ewacu kumae ni ju m’uloko akuru, Wuwodh giki maeni woko; kud wudwok ot pa Vwa ni odkuloka. 17#Zab 69:9Julubne poi nia egore kumae, Ava ot peri bicama. 18Ka kumeno Juyahudi giloko lembe giwacu ire kumae, Giranyutha ang’o m’inyutho iwa kum itimo gin maeni? 19#Mt 26:61; 27:40; Mk 14:58; 15:29Yesu dwoko lembe ewacu igi kumae, Wuyak hekalu maeni, man i ceng’ adek abiting’e malu. 20Ka kumeno Juyahudi wacu kumae, Jugomo hekalu maeni rundi pier ang’wen wi abusiel, in e m’ibiting’e malu ceng’ adeki? 21endre eyero pi hekalu ma kume. 22Ka kumeno ka juting’e ku kind ju m’utho, julubne gipoi nia yang’ eyero lembe maeni; e giyio lembagora pa Mungu, ku lembe ma Yesu yero de.
Yesu Ng’eyo Dhanu Ceke
23Nie kinde m’eni i Yerusalem i kadhukuwijo, i nindo mir agba, dhanu dupa giyio nyinge, ma gineno giranyutha pare m’etimoi. 24Ento Yesu nyebre gire ngo i bang’gi, kum eng’eyo dhanu ceke, 25kum eyenyo ngo nia ng’atu moko nyuth lembe pi dhanu; kum eng’eyo en lembe ma nuti i dhanu.
Nu markerat:
Yohana 2: AB1970
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
The Holy Bible In Alur (Lur), Revised Orthography © United Bible Societies, 1970.
