Marko̱ 2
2
Jesuu̱ ku xu̱ta̱ xi majín fue
(Mt 9.1-8; Lk 5.17-26)
1Nga je kjín ni̱tjin jaꞌa, tsꞌutjíni Jesuu̱ nangi jmá ꞌmí Kafarnau̱n. Tu kubétse xu̱ta̱ nga tjián Jesuu̱ nganiꞌya, 2tuxi kjín xu̱ta̱ xi kikasere̱. Tuxi kjín ma xu̱ta̱ ku kite sꞌenjín ngakjáin jmá tjen kjindetju̱a̱. Ku kjia tsaꞌángire̱ Jesuu̱ nga kitsuyáre̱ en tjatse xi yaꞌa kju̱a̱ndá.
3Tu̱ tra̱tse jichú ñujún xu̱ta̱ nganiꞌya. Nachan kjisunre ngu xu̱ta̱ xi kje ngují ni̱tjin ma fue. 4Nga̱tꞌa tjeꞌñu xu̱ta̱ xi tjin, ngatsjá niꞌya tsijín ku kꞌi̱a̱ kitsindare ngu tixa. Kꞌi̱a̱ kitsikjajen tjiujun nachan xi kjisunre kui xta̱ xi ndáji tjínre.
5Nga kube Jesuu̱ nga tuxi inchasꞌejínre̱ kui xu̱ta̱ nga̱tꞌaꞌe, kitsúre̱ xu̱ta̱ xi majín fue: «Ndá yaꞌare, tsichatꞌara jee xi tjínri.»
6Nga tsitꞌe én xi kitsúre̱ xta̱ xi majín fue, tjin chjine Kju̱a̱kixiꞌe Namiña Diuu̱ xi kꞌi̱a̱ tjima, ku̱i̱cha kitsikjo: 7«Kúcha tsu kui xu̱ta̱ nga tsakunjín nga ku̱i̱cha chja̱. ¡Én tsaꞌa tjitsure̱ Namiña Diuu̱ nga kua tjitsu! Tumá Namiña Diuu̱tse xi ma tsichatꞌa jee xi tjinña.»
8Ta̱nga kube Jesuu̱ najmi xi inchatsikjo, ku ku̱i̱cha kitsúre̱: «Mí xá ku̱i̱cha nikjójnu. 9Tixuyájnu, mí xi niꞌinjín ngisa. A nga nichatꞌáre xi ndáji tjínre, a xu nga nindaya̱. 10Ta̱nga án bakumájnu, nga Kjindiꞌe xu̱ta̱ ngasundeꞌan, tjínna ngaꞌñu kꞌui nangi nga tsichatꞌana jeeꞌe xu̱ta̱.»
Ku kjia ku̱i̱cha kitsúre̱ xi majín fue: 11«Tisitjein, chja̱bi nachanri ku tꞌain nganiꞌyari.»
12Tekuini chu̱ba̱, ku ngixkun ngieje xu̱ta̱, kui xu̱ta̱ xi majín fue skabe nachanꞌen ku itju kui ngande. Nga tsasére̱, ngieje xu̱ta̱ tuxi se̱n kumáre ku ku̱i̱cha kitsú nga kubétkun Namiña Diuu̱: «¡Kjia ngují ni̱tjin yaña najmi xi ku̱i̱cha ma!»
Jesuu̱ nga tsichjáre̱ Mateo̱
(Mt 9.9-13; Lk 5.27-32)
13Nga je ku̱i̱cha kuma, te̱ kijíni Jesuu̱ tsꞌua chincha tsé xi ꞌmí Ngalilea̱. Tuxi kjín xu̱ta̱ kutkure, ku kꞌi̱a̱ ikuyáre.
14Jaskánni, nga tjimani ndiya, kube Jesuu̱ xu̱ta̱ xi ꞌmí Mateo̱ tiꞌe̱ Alfeo̱, xi tjia yaxile jma nga faꞌachji tón xi ꞌbechjitjai xá xi inchatsiꞌin xu̱ta̱, xi minengi Roma̱. Ku̱i̱cha kitsúre̱ Jesuu̱: «Ndibitengina.»
Tjeꞌñu isitjen Mateo̱ ku kijitjengire.
15Nga je tꞌajíni, Jesuu̱ ku ja xi kjibakuyáre̱ inchakjiénni nga je ni̱tje̱n nganiꞌyaꞌe Mateo̱. Kjín xu̱ta̱ xi faꞌachji tón xi machjitjai xá, kju̱ kjaꞌi xu̱ta̱ ngisa xi chꞌo ngare, xi je Jesuu̱ tjimatjengíre kjatꞌei, tekuácha kꞌi̱a̱ inchakjien.
16Yajín chjine Kju̱a̱kixiꞌe̱ Namiña Diuu̱ xi fariseo̱, kube nga Jesuu̱ jña inchakjién kui xu̱ta̱, tjeꞌñu tsinengiyare̱ ja xi kjibakuyáre̱ Jesuu̱:
—Mí xá chji̱ne̱jnu jña kjién xu̱ta̱ xi inchafaꞌachjí tón xi machjitjai xá kju̱ xu̱ta̱ xi chꞌo ngare̱.
17Tsitꞌe Jesuu̱ ku skengire:
—Xi ndáji sindure kui xi machjenre chji̱netki, mitsa xi ndá sindure. Ku án xu̱ta̱ xi tjínre jee kju̱a̱ꞌitsikitꞌeꞌan nga te̱ ngandibakúnni Namiña Diuu̱, mitsa xi inchatsú subá nga ndá xu̱ta̱.
Nga ikuya Jesuu̱ tse̱ꞌe nga mijña kjíndia
(Mt 9.14-17; Lk 5.33-39)
18Ngu ndiya, ja xi kjibakuyáre̱ Jua xi Batenda kju̱ ja xi inchabakuyáre̱ xu̱ta̱ fariseo̱ kjindiá inchatsikjaꞌa yajo̱ꞌe. Tjín xu̱ta̱ xi kikasere̱ Jesuu̱ ku tsinengiyare̱:
—Mí xá tsikjaꞌají kjindiá yajo̱ꞌe ja xi tjibakuyeri. A tu kuicha tsiꞌin ja xi kjibakuyáre̱ Jua xi Batenda kju̱ xi inchabakuyáre̱ xu̱ta̱ fariseo̱.
19Ku̱i̱cha skengire Jesuu̱:
—Xu̱ta̱ xi nikitꞌe sꞌuiꞌe ngu kju̱a̱xke kjindiají tsikjaꞌa yajo̱ꞌe nga tuku kꞌi̱a̱ tjijínre xke; 20ta̱nga fichu ngu chu̱ba̱ nga mangijnu xke, ku kjia kjiaku̱a̱ nga ma tsikjaꞌa kjindia yajo̱ꞌe xu̱ta̱ xi kinikitꞌe sꞌui.
21»Tsa ngu najñu changa tjichaja ku tjiya, najmi xi najñu tjatse tsichjen nga ꞌbetiu; nga̱tꞌa nga mane kui najñu, faitku najñu xi tjatse ku tusá ꞌñu mateya tixaꞌe̱.
22»Tekuácha majín mincha bino tjatse ngaya tiji tjiuxin xi changa; nga̱tꞌa nga masan bino tjatse kjendiya tjiuxin changa. Nga ku̱i̱cha chaja bino tjatse ku te̱ chaja tiji jma mincha. Kui kju̱a̱ nga xi bino tjatse tekuácha tiji tjatse tsubáre mincha.
Nga tsate natinꞌen trigo̱ ja xi kjibakuyáre̱ Jesuu̱
(Mt 12.1-8; Lk 6.1-5)
23Ngu ni̱tjin xubato nga tjima ndiya Jesuu̱ kju̱ ja xi kjibakuyáre̱ jmá tjián ngu jnuxꞌajnu trigo̱, kꞌi̱a̱ tsate kui ja natinꞌen kui tu. 24Nga kube fariseo̱ najmi xi kjima, tsichjaju Jesuu̱:
—¡Chasei najmi xi inchatsiꞌin ja xi tjibakuyeri! A bejí nga majín bicha natinꞌen trigo̱ nga ni̱tjin nikjaya.
25-26Jesuu̱ ku̱i̱cha skengire:
—A kje ꞌbexkiyajíjnu jun Xu̱ju̱n Enꞌen Namiña Diuu̱ najmi xi kitsiꞌin xu̱ta̱ xá tetjun Ndabi̱, nga Abiata siantetjunre ja chanaꞌmi. Ndabi̱ kju̱ xu̱ta̱ xi jña tjima tuxi tsé nami kichajayare ku tsé kjindia inchafaꞌa. Ku kjia tsasꞌen Ndabi̱ ngaya niꞌyaꞌe Namiña Diuu̱ ku kiskine ni̱pan xi je kuchakún, xi tu chanaꞌmitsje ma kjíne, ku jña tsakjienjun ja xi jña tjima.
Ku ku̱a̱cha kitsúre̱ ngisa:
27—Kunda xubato nga ni̱tjin tkun ta̱nga kju̱a̱ndáꞌe xu̱ta̱, mitsa kunda xu̱ta̱ nga kui tsiꞌinre kju̱a̱ndá xubato. 28Án, Kjindiꞌe xu̱ta̱ nga̱sunde, xi xinꞌan mí xi ma ñaꞌan ku mí xi majín ñaꞌan ku mí xi majín ñaꞌan nga ni̱tjin tkun.
Nu markerat:
Marko̱ 2: MZI
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
México © Sociedad Bíblica de México, A.C. AÑO
Marko̱ 2
2
Jesuu̱ ku xu̱ta̱ xi majín fue
(Mt 9.1-8; Lk 5.17-26)
1Nga je kjín ni̱tjin jaꞌa, tsꞌutjíni Jesuu̱ nangi jmá ꞌmí Kafarnau̱n. Tu kubétse xu̱ta̱ nga tjián Jesuu̱ nganiꞌya, 2tuxi kjín xu̱ta̱ xi kikasere̱. Tuxi kjín ma xu̱ta̱ ku kite sꞌenjín ngakjáin jmá tjen kjindetju̱a̱. Ku kjia tsaꞌángire̱ Jesuu̱ nga kitsuyáre̱ en tjatse xi yaꞌa kju̱a̱ndá.
3Tu̱ tra̱tse jichú ñujún xu̱ta̱ nganiꞌya. Nachan kjisunre ngu xu̱ta̱ xi kje ngují ni̱tjin ma fue. 4Nga̱tꞌa tjeꞌñu xu̱ta̱ xi tjin, ngatsjá niꞌya tsijín ku kꞌi̱a̱ kitsindare ngu tixa. Kꞌi̱a̱ kitsikjajen tjiujun nachan xi kjisunre kui xta̱ xi ndáji tjínre.
5Nga kube Jesuu̱ nga tuxi inchasꞌejínre̱ kui xu̱ta̱ nga̱tꞌaꞌe, kitsúre̱ xu̱ta̱ xi majín fue: «Ndá yaꞌare, tsichatꞌara jee xi tjínri.»
6Nga tsitꞌe én xi kitsúre̱ xta̱ xi majín fue, tjin chjine Kju̱a̱kixiꞌe Namiña Diuu̱ xi kꞌi̱a̱ tjima, ku̱i̱cha kitsikjo: 7«Kúcha tsu kui xu̱ta̱ nga tsakunjín nga ku̱i̱cha chja̱. ¡Én tsaꞌa tjitsure̱ Namiña Diuu̱ nga kua tjitsu! Tumá Namiña Diuu̱tse xi ma tsichatꞌa jee xi tjinña.»
8Ta̱nga kube Jesuu̱ najmi xi inchatsikjo, ku ku̱i̱cha kitsúre̱: «Mí xá ku̱i̱cha nikjójnu. 9Tixuyájnu, mí xi niꞌinjín ngisa. A nga nichatꞌáre xi ndáji tjínre, a xu nga nindaya̱. 10Ta̱nga án bakumájnu, nga Kjindiꞌe xu̱ta̱ ngasundeꞌan, tjínna ngaꞌñu kꞌui nangi nga tsichatꞌana jeeꞌe xu̱ta̱.»
Ku kjia ku̱i̱cha kitsúre̱ xi majín fue: 11«Tisitjein, chja̱bi nachanri ku tꞌain nganiꞌyari.»
12Tekuini chu̱ba̱, ku ngixkun ngieje xu̱ta̱, kui xu̱ta̱ xi majín fue skabe nachanꞌen ku itju kui ngande. Nga tsasére̱, ngieje xu̱ta̱ tuxi se̱n kumáre ku ku̱i̱cha kitsú nga kubétkun Namiña Diuu̱: «¡Kjia ngují ni̱tjin yaña najmi xi ku̱i̱cha ma!»
Jesuu̱ nga tsichjáre̱ Mateo̱
(Mt 9.9-13; Lk 5.27-32)
13Nga je ku̱i̱cha kuma, te̱ kijíni Jesuu̱ tsꞌua chincha tsé xi ꞌmí Ngalilea̱. Tuxi kjín xu̱ta̱ kutkure, ku kꞌi̱a̱ ikuyáre.
14Jaskánni, nga tjimani ndiya, kube Jesuu̱ xu̱ta̱ xi ꞌmí Mateo̱ tiꞌe̱ Alfeo̱, xi tjia yaxile jma nga faꞌachji tón xi ꞌbechjitjai xá xi inchatsiꞌin xu̱ta̱, xi minengi Roma̱. Ku̱i̱cha kitsúre̱ Jesuu̱: «Ndibitengina.»
Tjeꞌñu isitjen Mateo̱ ku kijitjengire.
15Nga je tꞌajíni, Jesuu̱ ku ja xi kjibakuyáre̱ inchakjiénni nga je ni̱tje̱n nganiꞌyaꞌe Mateo̱. Kjín xu̱ta̱ xi faꞌachji tón xi machjitjai xá, kju̱ kjaꞌi xu̱ta̱ ngisa xi chꞌo ngare, xi je Jesuu̱ tjimatjengíre kjatꞌei, tekuácha kꞌi̱a̱ inchakjien.
16Yajín chjine Kju̱a̱kixiꞌe̱ Namiña Diuu̱ xi fariseo̱, kube nga Jesuu̱ jña inchakjién kui xu̱ta̱, tjeꞌñu tsinengiyare̱ ja xi kjibakuyáre̱ Jesuu̱:
—Mí xá chji̱ne̱jnu jña kjién xu̱ta̱ xi inchafaꞌachjí tón xi machjitjai xá kju̱ xu̱ta̱ xi chꞌo ngare̱.
17Tsitꞌe Jesuu̱ ku skengire:
—Xi ndáji sindure kui xi machjenre chji̱netki, mitsa xi ndá sindure. Ku án xu̱ta̱ xi tjínre jee kju̱a̱ꞌitsikitꞌeꞌan nga te̱ ngandibakúnni Namiña Diuu̱, mitsa xi inchatsú subá nga ndá xu̱ta̱.
Nga ikuya Jesuu̱ tse̱ꞌe nga mijña kjíndia
(Mt 9.14-17; Lk 5.33-39)
18Ngu ndiya, ja xi kjibakuyáre̱ Jua xi Batenda kju̱ ja xi inchabakuyáre̱ xu̱ta̱ fariseo̱ kjindiá inchatsikjaꞌa yajo̱ꞌe. Tjín xu̱ta̱ xi kikasere̱ Jesuu̱ ku tsinengiyare̱:
—Mí xá tsikjaꞌají kjindiá yajo̱ꞌe ja xi tjibakuyeri. A tu kuicha tsiꞌin ja xi kjibakuyáre̱ Jua xi Batenda kju̱ xi inchabakuyáre̱ xu̱ta̱ fariseo̱.
19Ku̱i̱cha skengire Jesuu̱:
—Xu̱ta̱ xi nikitꞌe sꞌuiꞌe ngu kju̱a̱xke kjindiají tsikjaꞌa yajo̱ꞌe nga tuku kꞌi̱a̱ tjijínre xke; 20ta̱nga fichu ngu chu̱ba̱ nga mangijnu xke, ku kjia kjiaku̱a̱ nga ma tsikjaꞌa kjindia yajo̱ꞌe xu̱ta̱ xi kinikitꞌe sꞌui.
21»Tsa ngu najñu changa tjichaja ku tjiya, najmi xi najñu tjatse tsichjen nga ꞌbetiu; nga̱tꞌa nga mane kui najñu, faitku najñu xi tjatse ku tusá ꞌñu mateya tixaꞌe̱.
22»Tekuácha majín mincha bino tjatse ngaya tiji tjiuxin xi changa; nga̱tꞌa nga masan bino tjatse kjendiya tjiuxin changa. Nga ku̱i̱cha chaja bino tjatse ku te̱ chaja tiji jma mincha. Kui kju̱a̱ nga xi bino tjatse tekuácha tiji tjatse tsubáre mincha.
Nga tsate natinꞌen trigo̱ ja xi kjibakuyáre̱ Jesuu̱
(Mt 12.1-8; Lk 6.1-5)
23Ngu ni̱tjin xubato nga tjima ndiya Jesuu̱ kju̱ ja xi kjibakuyáre̱ jmá tjián ngu jnuxꞌajnu trigo̱, kꞌi̱a̱ tsate kui ja natinꞌen kui tu. 24Nga kube fariseo̱ najmi xi kjima, tsichjaju Jesuu̱:
—¡Chasei najmi xi inchatsiꞌin ja xi tjibakuyeri! A bejí nga majín bicha natinꞌen trigo̱ nga ni̱tjin nikjaya.
25-26Jesuu̱ ku̱i̱cha skengire:
—A kje ꞌbexkiyajíjnu jun Xu̱ju̱n Enꞌen Namiña Diuu̱ najmi xi kitsiꞌin xu̱ta̱ xá tetjun Ndabi̱, nga Abiata siantetjunre ja chanaꞌmi. Ndabi̱ kju̱ xu̱ta̱ xi jña tjima tuxi tsé nami kichajayare ku tsé kjindia inchafaꞌa. Ku kjia tsasꞌen Ndabi̱ ngaya niꞌyaꞌe Namiña Diuu̱ ku kiskine ni̱pan xi je kuchakún, xi tu chanaꞌmitsje ma kjíne, ku jña tsakjienjun ja xi jña tjima.
Ku ku̱a̱cha kitsúre̱ ngisa:
27—Kunda xubato nga ni̱tjin tkun ta̱nga kju̱a̱ndáꞌe xu̱ta̱, mitsa kunda xu̱ta̱ nga kui tsiꞌinre kju̱a̱ndá xubato. 28Án, Kjindiꞌe xu̱ta̱ nga̱sunde, xi xinꞌan mí xi ma ñaꞌan ku mí xi majín ñaꞌan ku mí xi majín ñaꞌan nga ni̱tjin tkun.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
México © Sociedad Bíblica de México, A.C. AÑO