Marko̱ 7
7
Kju̱a̱kitakun xaba xi mare̱ tsindiña
(Mt 15.1-20)
1-4xu̱ta̱ judio̱ kju̱ xu̱ta̱ fariseo̱, kju̱a̱kitakunꞌen xu̱ta̱ changaꞌe̱ tjimajun, kjienjín tsa manejín tsja. Nga ꞌbatse najmi xi chine ndetsin ku nga fichu niꞌyaꞌe, ngují najmi kjíne xi ꞌbatse tsa kjia fejunjín.
Nguxu ni̱tjin, xu̱ta̱ fariseo̱ kju̱ xu̱ta̱ chjine kju̱a̱kixiꞌe ni̱ngu̱xi̱ jichutꞌa tiñare Jesuu̱ xi ndiba Jerusalen. Kuyaxu ja xi kjibakuyáre̱ Jesuu̱ nga siji tsja nga inchakjien, ku chꞌo kinukju̱a̱ya. 5Ku kichjínengiyare Jesuu̱:
—Mí xá tsikitjusunjín kju̱a̱kitakun changa xi tjinña ja xi tjibakuyeri. Mí xá manejín tsja nga kjien.
6Kuixucha kitsú Jesuu̱:
—¡ꞌÑu jó ngakjain nukju̱a̱jnu ngijejnu! Tjínre kju̱a̱kixi Namiña Diuu̱ nga kitsikingiya tetjun Isaia̱:
“Tsu kui ngande nga tsiꞌinna xki̱,
ta̱nga ngují ni̱tjin nga fuetsjenre án.
7Tsamí xi chjiꞌe tsa jun nitsjuajujnuꞌan,
tu en tsa tjiningisunjnu
ku jaskan tjibakujnu
tjibixújnu nga án xi kitsiꞌinꞌan manda.”
8»Nikitjusunjínjnu én xi yeꞌé Namiña Diuu̱ ku kju̱a̱kitakun nga̱sunde xi tjibakujnu. 9Tjeꞌñu ndá je kumajnu nga mejínjnu kju̱a̱kixi xi yeꞌé Namiña Diuu̱ ku tu kju̱a̱kitakun tsajuntsa mejenjnu nixajujnu. 10Nga̱tꞌa ku̱i̱cha kitsú Moise: “Tiaꞌánjnu xki̱ ku chaséjnu Najnu ku Namijnu”. Ku ku̱i̱cha kitsú ngisa: “Xi chꞌo tsure Namiꞌen ku Naꞌen najmi kju̱a̱ndá sakujíre nga̱tꞌaꞌe xi tse̱ꞌe nga̱sunde.” 11-12Ku kjáinni, jun tjibakuyajnu ngu kjindi nga majín basenjun Naꞌen kju̱ Namiꞌen: “Majín basenjúnjnu, nga̱tꞌa ngieje najmi xi tjínna Namiña Diuu̱ kitsjuana.” 13Ku ku̱i̱cha tjin, mejínjnu én xi yeꞌé Namiña Diuu̱ tu kuitse kju̱a̱kitakun tsajun nixajujnu. Ku kjín najmi ñaꞌánjnu xuku xi kui.
14Ku jaskan Jesuu̱ tsichjáre̱ xu̱ta̱ ku ku̱i̱cha kitsúre̱: «Nuꞌyájnu ngijejnu, ku ndá tasenñajúnjnu: 15-16Ni̱ñu̱ xi chineña chꞌoji beꞌeña ngakjain Namiña Diuu̱. Kui en xaba xi bitju tsꞌuaña xi tsikjesunña.»
17Nga itjutꞌare xu̱ta̱ Jesuu̱ ku tsasꞌen niꞌya, ja xi kjibakuyáre̱ minengiya mí xi mejénre tsu kui kju̱a̱kitakun. 18Kuixucha kitsúre̱: «A tekuácha makjínjínjnu jun. Ngují najmi xi basꞌenjín yajo̱ꞌe xu̱ta̱ tsindi ngakjáin Namiña Diuu̱. 19Najmi xi chine tkuñajín fai, ndutsaña fichu, ku jaskan ꞌbatsjéni yajoña.»
Ku̱i̱cha kitsú Jesuu̱ nga kitsuya nga ngují najmi xi chine ku xaba. 20Ku ku̱i̱cha kitsúre̱:
«Xi tsindi xu̱ta̱ ngakjáin Namiña Diuu̱, kui xi chꞌo chja̱, ku chꞌo inchatsiꞌin. 21-23Tsa tjin xi en xaba chja̱, nga̱tꞌa nga xaba ku ngieje ni̱tjin najmi xaba tjitsikjao, kúcha nga ñaꞌanre nga ꞌbejña najmi xaba, tsa cheje ñaꞌan, kútsa nikꞌen xu̱ta̱, kútsa chjun naꞌñu ꞌbeña. Ku kuitsa inchatsikjao kúcha nga ꞌbére tón, kúcha tsiꞌin najmi xaba, kúcha ꞌbanacha, ku kju̱a̱chjikakúnre̱, xaba ku chꞌo tsure xu̱ta̱, tajákakún ku ꞌñu se̱n mare̱ yajo̱ꞌe.»
Ngu chjun xi Judio̱jí kisꞌejínre nga̱tꞌaꞌe Namiña Diuu̱.
(Mt 15.21-28)
24Jaskan, itju Jesuu̱ ku kꞌi̱a̱ kijí nangi na̱xi̱nanda ꞌñu xi Tiro̱. Kui ngande, chu̱ba̱ ni̱tjin kisꞌejña ngu niꞌya, ku ngují xi mejénre sꞌejínre nga kꞌi̱a̱ kitjián. Ta̱nga kumajín kisꞌejñaꞌma.
25-26Ngu chjun kisꞌejínre nga Jesuu̱ kjitjián kui ngande, ku kikangitsjai, ku̱i̱xu asenꞌen xabaꞌe̱ xindajin tjinjín yajo̱ꞌe tsakjínꞌen. Chjun judio̱jíxu; kꞌi̱a̱ xu ngandeꞌe̱ Fenisia̱, ma ꞌmí Siria̱. Ku nga sakure Jesuu̱, isenxu tkuꞌe̱ nga kube ku tsinengire̱ kju̱a̱ndá nga nga̱tꞌatsjéjínre asen xabaꞌe̱ xindajin tsakjínꞌen. 27Ta̱nga ku̱i̱xucha kitsúre̱ Jesuu̱:
—Taꞌe ngande nga tjún niskindi ngatakjienma, chanjín tjin nga chjubaꞌare ni̱ñu̱ꞌen ku naña baꞌíre̱.
28Ku ku̱i̱xucha skengi kui chjun:
—¡Ndia̱ꞌna, Kju̱a̱xikjáinni! Ta̱nga tuku kjien naña najmi xi bixungire̱ niskindi nginde yamexa.
29Kuixucha kitsúre̱ Jesuu̱:
—¡Chjuu̱n, kjáinni najmi xi bixi! Ndá tꞌae̱n niꞌyari, je itjujín xindajin yajo̱ꞌe tsakjichiri.
30Tsꞌutjíni niꞌyaꞌe chjun, ku nga jichú, nachanxu kjisún tsakjínꞌen nga kube. Jexu itju asen xabaꞌe̱ xindajin ngajín yajo̱ꞌe.
Jesuu̱ kitsindaya ngu xu̱ta̱ xi teya ku ni̱ma̱ꞌén
31Te̱ itjuni Jesuu̱ kui ngande xi ꞌmí Tiro̱. Jaꞌa ngande Sido̱n ku jichú Tiña chincha tsé Ngalilea̱, ngande xi yaꞌa Ndekapoli̱. 32Kꞌi̱a̱ tsangijure Jesuu̱ ngu xu̱ta̱ xi teya ku ni̱ma̱ꞌa en, ku kikꞌetsjuare nga ngatasunre tsja tuxi mandaya. 33Jesuu̱ skabe kui xta̱ ku tꞌaxin kiju̱, jmá najmi xu̱ta̱. Ku tsja ꞌyetꞌare ñajun kui xta̱ ku ndate inchare̱ najín. 34Jaskan tsase ngakꞌa ndiu̱jmi, kiskien ndaꞌe ku ku̱i̱cha kitsú: «¡Efatá!», én xi mejénre tsu «¡Chjuxꞌai!» 35Tekui ura kitꞌe ku ndá tsichja kui xta̱.
36Kua kitsúre̱ xu̱ta̱ Jesuu̱ nga ngují xi tsuyare̱; ta̱nga ndatsa ꞌñuxu kuatsure, tusaxu ꞌñu ndá tsuya xu̱ta̱, 37tjexu ꞌñu masenre̱ ku kua tsu: «Tuxi ndá najmi tsiꞌin Jesuu̱. ¡Janda mare̱ tsindaya xi teya ku tsikjichja̱ xi ni̱ma̱ꞌén!»
Nu markerat:
Marko̱ 7: MZI
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
México © Sociedad Bíblica de México, A.C. AÑO
Marko̱ 7
7
Kju̱a̱kitakun xaba xi mare̱ tsindiña
(Mt 15.1-20)
1-4xu̱ta̱ judio̱ kju̱ xu̱ta̱ fariseo̱, kju̱a̱kitakunꞌen xu̱ta̱ changaꞌe̱ tjimajun, kjienjín tsa manejín tsja. Nga ꞌbatse najmi xi chine ndetsin ku nga fichu niꞌyaꞌe, ngují najmi kjíne xi ꞌbatse tsa kjia fejunjín.
Nguxu ni̱tjin, xu̱ta̱ fariseo̱ kju̱ xu̱ta̱ chjine kju̱a̱kixiꞌe ni̱ngu̱xi̱ jichutꞌa tiñare Jesuu̱ xi ndiba Jerusalen. Kuyaxu ja xi kjibakuyáre̱ Jesuu̱ nga siji tsja nga inchakjien, ku chꞌo kinukju̱a̱ya. 5Ku kichjínengiyare Jesuu̱:
—Mí xá tsikitjusunjín kju̱a̱kitakun changa xi tjinña ja xi tjibakuyeri. Mí xá manejín tsja nga kjien.
6Kuixucha kitsú Jesuu̱:
—¡ꞌÑu jó ngakjain nukju̱a̱jnu ngijejnu! Tjínre kju̱a̱kixi Namiña Diuu̱ nga kitsikingiya tetjun Isaia̱:
“Tsu kui ngande nga tsiꞌinna xki̱,
ta̱nga ngují ni̱tjin nga fuetsjenre án.
7Tsamí xi chjiꞌe tsa jun nitsjuajujnuꞌan,
tu en tsa tjiningisunjnu
ku jaskan tjibakujnu
tjibixújnu nga án xi kitsiꞌinꞌan manda.”
8»Nikitjusunjínjnu én xi yeꞌé Namiña Diuu̱ ku kju̱a̱kitakun nga̱sunde xi tjibakujnu. 9Tjeꞌñu ndá je kumajnu nga mejínjnu kju̱a̱kixi xi yeꞌé Namiña Diuu̱ ku tu kju̱a̱kitakun tsajuntsa mejenjnu nixajujnu. 10Nga̱tꞌa ku̱i̱cha kitsú Moise: “Tiaꞌánjnu xki̱ ku chaséjnu Najnu ku Namijnu”. Ku ku̱i̱cha kitsú ngisa: “Xi chꞌo tsure Namiꞌen ku Naꞌen najmi kju̱a̱ndá sakujíre nga̱tꞌaꞌe xi tse̱ꞌe nga̱sunde.” 11-12Ku kjáinni, jun tjibakuyajnu ngu kjindi nga majín basenjun Naꞌen kju̱ Namiꞌen: “Majín basenjúnjnu, nga̱tꞌa ngieje najmi xi tjínna Namiña Diuu̱ kitsjuana.” 13Ku ku̱i̱cha tjin, mejínjnu én xi yeꞌé Namiña Diuu̱ tu kuitse kju̱a̱kitakun tsajun nixajujnu. Ku kjín najmi ñaꞌánjnu xuku xi kui.
14Ku jaskan Jesuu̱ tsichjáre̱ xu̱ta̱ ku ku̱i̱cha kitsúre̱: «Nuꞌyájnu ngijejnu, ku ndá tasenñajúnjnu: 15-16Ni̱ñu̱ xi chineña chꞌoji beꞌeña ngakjain Namiña Diuu̱. Kui en xaba xi bitju tsꞌuaña xi tsikjesunña.»
17Nga itjutꞌare xu̱ta̱ Jesuu̱ ku tsasꞌen niꞌya, ja xi kjibakuyáre̱ minengiya mí xi mejénre tsu kui kju̱a̱kitakun. 18Kuixucha kitsúre̱: «A tekuácha makjínjínjnu jun. Ngují najmi xi basꞌenjín yajo̱ꞌe xu̱ta̱ tsindi ngakjáin Namiña Diuu̱. 19Najmi xi chine tkuñajín fai, ndutsaña fichu, ku jaskan ꞌbatsjéni yajoña.»
Ku̱i̱cha kitsú Jesuu̱ nga kitsuya nga ngují najmi xi chine ku xaba. 20Ku ku̱i̱cha kitsúre̱:
«Xi tsindi xu̱ta̱ ngakjáin Namiña Diuu̱, kui xi chꞌo chja̱, ku chꞌo inchatsiꞌin. 21-23Tsa tjin xi en xaba chja̱, nga̱tꞌa nga xaba ku ngieje ni̱tjin najmi xaba tjitsikjao, kúcha nga ñaꞌanre nga ꞌbejña najmi xaba, tsa cheje ñaꞌan, kútsa nikꞌen xu̱ta̱, kútsa chjun naꞌñu ꞌbeña. Ku kuitsa inchatsikjao kúcha nga ꞌbére tón, kúcha tsiꞌin najmi xaba, kúcha ꞌbanacha, ku kju̱a̱chjikakúnre̱, xaba ku chꞌo tsure xu̱ta̱, tajákakún ku ꞌñu se̱n mare̱ yajo̱ꞌe.»
Ngu chjun xi Judio̱jí kisꞌejínre nga̱tꞌaꞌe Namiña Diuu̱.
(Mt 15.21-28)
24Jaskan, itju Jesuu̱ ku kꞌi̱a̱ kijí nangi na̱xi̱nanda ꞌñu xi Tiro̱. Kui ngande, chu̱ba̱ ni̱tjin kisꞌejña ngu niꞌya, ku ngují xi mejénre sꞌejínre nga kꞌi̱a̱ kitjián. Ta̱nga kumajín kisꞌejñaꞌma.
25-26Ngu chjun kisꞌejínre nga Jesuu̱ kjitjián kui ngande, ku kikangitsjai, ku̱i̱xu asenꞌen xabaꞌe̱ xindajin tjinjín yajo̱ꞌe tsakjínꞌen. Chjun judio̱jíxu; kꞌi̱a̱ xu ngandeꞌe̱ Fenisia̱, ma ꞌmí Siria̱. Ku nga sakure Jesuu̱, isenxu tkuꞌe̱ nga kube ku tsinengire̱ kju̱a̱ndá nga nga̱tꞌatsjéjínre asen xabaꞌe̱ xindajin tsakjínꞌen. 27Ta̱nga ku̱i̱xucha kitsúre̱ Jesuu̱:
—Taꞌe ngande nga tjún niskindi ngatakjienma, chanjín tjin nga chjubaꞌare ni̱ñu̱ꞌen ku naña baꞌíre̱.
28Ku ku̱i̱xucha skengi kui chjun:
—¡Ndia̱ꞌna, Kju̱a̱xikjáinni! Ta̱nga tuku kjien naña najmi xi bixungire̱ niskindi nginde yamexa.
29Kuixucha kitsúre̱ Jesuu̱:
—¡Chjuu̱n, kjáinni najmi xi bixi! Ndá tꞌae̱n niꞌyari, je itjujín xindajin yajo̱ꞌe tsakjichiri.
30Tsꞌutjíni niꞌyaꞌe chjun, ku nga jichú, nachanxu kjisún tsakjínꞌen nga kube. Jexu itju asen xabaꞌe̱ xindajin ngajín yajo̱ꞌe.
Jesuu̱ kitsindaya ngu xu̱ta̱ xi teya ku ni̱ma̱ꞌén
31Te̱ itjuni Jesuu̱ kui ngande xi ꞌmí Tiro̱. Jaꞌa ngande Sido̱n ku jichú Tiña chincha tsé Ngalilea̱, ngande xi yaꞌa Ndekapoli̱. 32Kꞌi̱a̱ tsangijure Jesuu̱ ngu xu̱ta̱ xi teya ku ni̱ma̱ꞌa en, ku kikꞌetsjuare nga ngatasunre tsja tuxi mandaya. 33Jesuu̱ skabe kui xta̱ ku tꞌaxin kiju̱, jmá najmi xu̱ta̱. Ku tsja ꞌyetꞌare ñajun kui xta̱ ku ndate inchare̱ najín. 34Jaskan tsase ngakꞌa ndiu̱jmi, kiskien ndaꞌe ku ku̱i̱cha kitsú: «¡Efatá!», én xi mejénre tsu «¡Chjuxꞌai!» 35Tekui ura kitꞌe ku ndá tsichja kui xta̱.
36Kua kitsúre̱ xu̱ta̱ Jesuu̱ nga ngují xi tsuyare̱; ta̱nga ndatsa ꞌñuxu kuatsure, tusaxu ꞌñu ndá tsuya xu̱ta̱, 37tjexu ꞌñu masenre̱ ku kua tsu: «Tuxi ndá najmi tsiꞌin Jesuu̱. ¡Janda mare̱ tsindaya xi teya ku tsikjichja̱ xi ni̱ma̱ꞌén!»
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
México © Sociedad Bíblica de México, A.C. AÑO