MI CILIMA 47
47
1Josefi den gedi ki ban waani *Falono ki yedi o: «N kpeliba leni n baa ñani Kanana diema nni ki cua nekanba ki kubi bi pe leni bi ne leni ban pia yaala kuli. Diidi, bi ye Gosena diema nni.» 2O den taa o kpeliba siiga niba muu ki waani ba Falono. 3Falono den yedi ba: «Yi kubi be yaa tuonle?» Bi den goa ki yedi Falono: «A naacenba tie yankpaabe nani bi baanba n den tie maama yeni.» 4Bi go den yedi Falono: «Ti cua ki bua ki yaa ye mi diema nni kelima ti muadi naa go ye a naacenba pe po, mi koma mo bia boncianla Kanana diema nni. Lanwani ŋan pa a naacenba ban kali Gosena yaa diema nni.» 5Falono den yedi Josefi: «A baa leni a kpeliba cua a kani. 6Ejipiti diema ye a nintuali, teni a baa leni a kpeliba n kali yaa kaanu n ŋani ki cie i kaani kuli Ejipiti diema nni. Ban yaa ye Gosena yaa diema nni, a yaa laa bi siiga nni bi yanfodanba ŋan teni ban yaa kubi npo n yangola.»
7Josefi den teni ke o baa Jakobo cua ke o waani o Falono. Jakobo den gaali Falono. 8Falono den yedi Jakobo: «A pia bina ŋa yo?» 9Jakobo den guani Falono ki yedi o: «N candi ŋanduna nni bina pundi kobiga n bina piitaa. N yaa miali yaa bina naa yabidi. Moko n laa fala a bintiama, ŋaa pundi n baanba candi ŋanduna nni yaa bina.» 10Jakobo go den gaali Falono ki ñani Falono kani. 11Josefi den teni ke o baa leni o kpeliba kali u dogu nni ki puni ba ki tinga ke bi diedi ga Ejipiti diema nni. O den puni ba yaa kaanu n ŋani ki cie i kaani kuli mi diema nni, Lamisesa yaa diema nni nani Falono n den ñani li ñoabonli maama. 12Josefi den puni o baa leni o kpeliba mi jiema leni o baadiegu nni yaaba kuli ki ŋoadi nani bi bila n den coadi ki pundi maama.
Josefi n soani maama mi koma yogunu
13Jiema naa go den ye mi diema kuli nni kelima mi koma den bia boncianla. Ejipiti diema leni Kanana diema den bua ki biidi cain kelima mi koma yaa po. 14Josefi den ga Ejipiti diema nni leni Kanana diema nni ligi kuli kelima bi den da *ŋalikama. O den bili laa ligi kuli Falono diegu nni. 15Yaa ligi n den ye Ejipiti leni Kanana yaa diema nni kuli n den gbeni yaa yogunu, Ejipiti yaaba kuli den cua Josefi kani ki yedi o: «Pa ti mi jiema kelima ligi naa go ye. Be yaa po ke ti baa kpe a nintuali?» 16Josefi den yedi: «Cuani mani yi yangola n baa lebidi ki teni yi mi jiema, li yaa tie ke yii go pia ligi.» 17Lanwani bi den cuani bi yangola Josefi kani ke o teni ba mi jiema ki lebidi leni bi taami leni bi yangola ya n den tie pe, leni ne, leni i ŋunbi kuli. O den teni ba mi jiema laa binli kuli kelima bi yangola po.
18Laa binli n den pendi, bi go den cua Josefi kani yaa binli n den ŋua ki yedi o: «Ti kan wuoni ti diedo ke ti ligi kuli gbeni ke ti taa ti yangola kuli ki cua ki teni ti diedo. Puu naa go sieni ti diedo nintuali, moala se ti gbanandi leni ti tinmu bebe. 19Be yaa po ke ti baa kpe a nintuali? Ti yaa kpe ti tinmu go pia tipo mi laa fuome? Ŋan da tinba leni ti tinmu kuli ki lebidi leni mi jiema. Ti baa tua Falono yonbi wan diedi ti leni ti tinmu kuli. Pa ti li bonbulikaala ke tin yaa ye ki da kpe ke ti tinmu n da tua tinfanmu.» 20Josefi den da Ejipiti tinmu kuli Falono po kelima mi koma den gbadi ba boncianla. Mi diema kuli den tua Falono yaa yaama. 21O den ñani Ejipiti diema banlu kuli yaa niba i kuani nni ki cuani ba i dociami nni. 22Waa den ga bi kopadicianba yaa tinmu bebe kelima Falono yaa *balimaama den ye ki ŋanbi bi kopadicianba po ke ban yaa ye leni Falono n den puni ba yaala. Lani yaa po baa den kuadi bi yaa tinmu. 23Josefi den yedi bi niba: «N da yi dinla leni yi tinmu kuli Falono po. Diidi, ga mani li bonbulikaala ki nan fidi ki buli i kuani. 24Ŋalikama cema yogunu, baabuodi muu kuli yaa siiga yi baa pa Falono baabuoyengu. Yi baa kubi baabuodi naa bondi muu yaa siiga ke yin buli i kuani ki yaa di yinba yiba leni yi bila leni yaaba n ye yi diedi nni.» 25Bi den yedi o: «A ga ti miana. Ti baa li *ŋanbili ti diedo nintuali, lanwani ti baa tie Falono yonbi.» 26Josefi den teni ke laa maama tua li bali maama ki ye hali moala. Li yedi ke Ejipiti yaa tinga kuli bonbaakaala yaa siiga bonyenla bonla muu kuli yaa siiga tie Falono yaa yaala. Li tie bi kopadicianba yaa tinmu bebe yo ke Falono naa den diedi.
Jakobo miajuodikaabu
27Isalele yaaba den kaa Ejipiti diema nni Gosena tinfanma nni. Bi den baa li baali, ti madi mo den tuo ba hali bonŋanla. 28Jakobo den tieni piiga n bina lele Ejipiti diema nni, ke Jakobo yaa miali yaa bina den pundi kobiga n piinaa n bina lele. 29Isalele n den sua ke o kuuma yogunu bua ki pundi, o den yini o bijua Josefi ki yedi o: «Li yaa tie ke a pali mani leni nni, n mia ŋa ŋan kuani a nuu n panli tiipo ki waani nni ke a baa tieni npo li ŋanbili leni ti dugidi. Ŋan da piini nni Ejipiti diema nni. 30N yaa duani leni n danba, a baa taa nni ki ñani nni Ejipiti diema nni ki piini nni n baanba yaa kula nni.» Josefi den goa ki yedi: «N baa tieni ŋan yedi nni yaala.»#Cil 49.29-32; 50.6 31Jakobo den yedi: «Ŋan poli npo ke a baa tieni yeni.» Josefi den poli. Lanwani Isalele den gbaani o duanu yuli po.
Jakobo gaali Josefi bijaba
Nu markerat:
MI CILIMA 47: GUX03
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Gulmancema Bible © Bible Society of Burkina Faso, 2003.
MI CILIMA 47
47
1Josefi den gedi ki ban waani *Falono ki yedi o: «N kpeliba leni n baa ñani Kanana diema nni ki cua nekanba ki kubi bi pe leni bi ne leni ban pia yaala kuli. Diidi, bi ye Gosena diema nni.» 2O den taa o kpeliba siiga niba muu ki waani ba Falono. 3Falono den yedi ba: «Yi kubi be yaa tuonle?» Bi den goa ki yedi Falono: «A naacenba tie yankpaabe nani bi baanba n den tie maama yeni.» 4Bi go den yedi Falono: «Ti cua ki bua ki yaa ye mi diema nni kelima ti muadi naa go ye a naacenba pe po, mi koma mo bia boncianla Kanana diema nni. Lanwani ŋan pa a naacenba ban kali Gosena yaa diema nni.» 5Falono den yedi Josefi: «A baa leni a kpeliba cua a kani. 6Ejipiti diema ye a nintuali, teni a baa leni a kpeliba n kali yaa kaanu n ŋani ki cie i kaani kuli Ejipiti diema nni. Ban yaa ye Gosena yaa diema nni, a yaa laa bi siiga nni bi yanfodanba ŋan teni ban yaa kubi npo n yangola.»
7Josefi den teni ke o baa Jakobo cua ke o waani o Falono. Jakobo den gaali Falono. 8Falono den yedi Jakobo: «A pia bina ŋa yo?» 9Jakobo den guani Falono ki yedi o: «N candi ŋanduna nni bina pundi kobiga n bina piitaa. N yaa miali yaa bina naa yabidi. Moko n laa fala a bintiama, ŋaa pundi n baanba candi ŋanduna nni yaa bina.» 10Jakobo go den gaali Falono ki ñani Falono kani. 11Josefi den teni ke o baa leni o kpeliba kali u dogu nni ki puni ba ki tinga ke bi diedi ga Ejipiti diema nni. O den puni ba yaa kaanu n ŋani ki cie i kaani kuli mi diema nni, Lamisesa yaa diema nni nani Falono n den ñani li ñoabonli maama. 12Josefi den puni o baa leni o kpeliba mi jiema leni o baadiegu nni yaaba kuli ki ŋoadi nani bi bila n den coadi ki pundi maama.
Josefi n soani maama mi koma yogunu
13Jiema naa go den ye mi diema kuli nni kelima mi koma den bia boncianla. Ejipiti diema leni Kanana diema den bua ki biidi cain kelima mi koma yaa po. 14Josefi den ga Ejipiti diema nni leni Kanana diema nni ligi kuli kelima bi den da *ŋalikama. O den bili laa ligi kuli Falono diegu nni. 15Yaa ligi n den ye Ejipiti leni Kanana yaa diema nni kuli n den gbeni yaa yogunu, Ejipiti yaaba kuli den cua Josefi kani ki yedi o: «Pa ti mi jiema kelima ligi naa go ye. Be yaa po ke ti baa kpe a nintuali?» 16Josefi den yedi: «Cuani mani yi yangola n baa lebidi ki teni yi mi jiema, li yaa tie ke yii go pia ligi.» 17Lanwani bi den cuani bi yangola Josefi kani ke o teni ba mi jiema ki lebidi leni bi taami leni bi yangola ya n den tie pe, leni ne, leni i ŋunbi kuli. O den teni ba mi jiema laa binli kuli kelima bi yangola po.
18Laa binli n den pendi, bi go den cua Josefi kani yaa binli n den ŋua ki yedi o: «Ti kan wuoni ti diedo ke ti ligi kuli gbeni ke ti taa ti yangola kuli ki cua ki teni ti diedo. Puu naa go sieni ti diedo nintuali, moala se ti gbanandi leni ti tinmu bebe. 19Be yaa po ke ti baa kpe a nintuali? Ti yaa kpe ti tinmu go pia tipo mi laa fuome? Ŋan da tinba leni ti tinmu kuli ki lebidi leni mi jiema. Ti baa tua Falono yonbi wan diedi ti leni ti tinmu kuli. Pa ti li bonbulikaala ke tin yaa ye ki da kpe ke ti tinmu n da tua tinfanmu.» 20Josefi den da Ejipiti tinmu kuli Falono po kelima mi koma den gbadi ba boncianla. Mi diema kuli den tua Falono yaa yaama. 21O den ñani Ejipiti diema banlu kuli yaa niba i kuani nni ki cuani ba i dociami nni. 22Waa den ga bi kopadicianba yaa tinmu bebe kelima Falono yaa *balimaama den ye ki ŋanbi bi kopadicianba po ke ban yaa ye leni Falono n den puni ba yaala. Lani yaa po baa den kuadi bi yaa tinmu. 23Josefi den yedi bi niba: «N da yi dinla leni yi tinmu kuli Falono po. Diidi, ga mani li bonbulikaala ki nan fidi ki buli i kuani. 24Ŋalikama cema yogunu, baabuodi muu kuli yaa siiga yi baa pa Falono baabuoyengu. Yi baa kubi baabuodi naa bondi muu yaa siiga ke yin buli i kuani ki yaa di yinba yiba leni yi bila leni yaaba n ye yi diedi nni.» 25Bi den yedi o: «A ga ti miana. Ti baa li *ŋanbili ti diedo nintuali, lanwani ti baa tie Falono yonbi.» 26Josefi den teni ke laa maama tua li bali maama ki ye hali moala. Li yedi ke Ejipiti yaa tinga kuli bonbaakaala yaa siiga bonyenla bonla muu kuli yaa siiga tie Falono yaa yaala. Li tie bi kopadicianba yaa tinmu bebe yo ke Falono naa den diedi.
Jakobo miajuodikaabu
27Isalele yaaba den kaa Ejipiti diema nni Gosena tinfanma nni. Bi den baa li baali, ti madi mo den tuo ba hali bonŋanla. 28Jakobo den tieni piiga n bina lele Ejipiti diema nni, ke Jakobo yaa miali yaa bina den pundi kobiga n piinaa n bina lele. 29Isalele n den sua ke o kuuma yogunu bua ki pundi, o den yini o bijua Josefi ki yedi o: «Li yaa tie ke a pali mani leni nni, n mia ŋa ŋan kuani a nuu n panli tiipo ki waani nni ke a baa tieni npo li ŋanbili leni ti dugidi. Ŋan da piini nni Ejipiti diema nni. 30N yaa duani leni n danba, a baa taa nni ki ñani nni Ejipiti diema nni ki piini nni n baanba yaa kula nni.» Josefi den goa ki yedi: «N baa tieni ŋan yedi nni yaala.»#Cil 49.29-32; 50.6 31Jakobo den yedi: «Ŋan poli npo ke a baa tieni yeni.» Josefi den poli. Lanwani Isalele den gbaani o duanu yuli po.
Jakobo gaali Josefi bijaba
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Gulmancema Bible © Bible Society of Burkina Faso, 2003.