U̍ku̍rɔ̍ yī Alɛrɔ̄ 12
12
Ichi̍ hɔ̄ de Āchɛ yī Ikra̍yisi ga iyɔ̄bū-iyɔ̄bū
1Yɛ̄grāa ɔla̍ā, Ihɛ̍rɔ̄ɔdi Ipwɔ̍lɛ̍ kū la ɔya̍ ogrēeyī yī āchɛ yī Ɔwɔ ichi̍ dwɔ̄bi̍ dwɔ̄bi̍ bɛ̍ɛ̄nɛ̄. 2O̍ de Ije̍mēehi nīi - ɔɔ̍nɛ̍ yī Ijɔ̍ɔn ma̍ ngmo̍ la a̍yā. 3O̍ ma̍ hīka ɔ̍lɔ lɛ Iju̍u ehēhī wɔnyɛ ma̍, o̍ gba̍a gāa ge̍ de Ipi̍ta ku̍. Lɛlā nūma̍ lā la yɛ̄grāa yī Ɔwɔ̄wīyā Nīi Ojōre̍ yī Nū I̍ Tū Ɔjā Obī Ibrɛ̍ɛdi Nōnū Ni̍ ma̍. 4E̍ de Ipi̍ta ku̍ ma̍, e̍ bī ɔ̄ ge̍ tū la igbakɔbɔ. Ribi yī icho̍ojiya ɛnɛ nīi lɛ āchɛ ɛnɛnɛ ma̍ nīi e̍ de Ipi̍ta tū wā la abɔ̄ nīi e̍ ge̍ē deyīrɛ ɔ̍ hīhī de iyī wā a̍nɛ. Ihɛ̍rɔ̄ɔdi miya nīi o̍ ge̍ē bī Ipi̍ta wā la lɛpɔ̄ la ɔgbādu yɛ̄grāa nīi Ɔwɔ̄wīyā yī Owu̍lā ge̍ē ga ma̍. 5Wu̍chē yī ɔla̍ā, e̍ ku̍ Ipi̍ta tū abɔ̍ɔ la igbakɔbɔ kpɔ̍ɔ̍ we̍. Ogrēeyī yī āchɛ yī Ɔwɔ wa̍a̍ gblāa abɔ̍ɔ ē jɔhā de Ɔwɔ lēchi̍ lēchi̍ wu̍chē yī Ipi̍ta.
Ādā de Ipi̍ta wu̍ ngmɛ̍ɛchɛ hī igbakɔbɔ
6La otu̍ yī i̍chi̍chɛ nīi Ihɛ̍rɔ̄ɔdi ge̍ē bī Ipi̍ta gāa ɔgbādu la ɔ̄chī yī nū ma̍, Ipi̍ta gbwɔlā abɔ̍ɔ la ɔprɛ̍ɛpa yī āchɛ ɛpa nīi yɛ ē gbō ɔ̄ ma̍. E̍ de agba̍ ɛpa tū ɔ̄. Āchɛ ɔgbɛ̄ɛbɛ gblāa abɔ̍ɔ ē gbō oko̍prīinu yī igbakɔbɔ ɔla̍ā i̍ngi̍ngɔ̍ɔ. 7Ɔpɔ̄ɔpɛ̄, ɔyɛ̍ɛ̄chɛ̄rɔ̄ nīi Ādā de tɛ̄rɔ̄ ma̍ bū kpu̍u̍ ge̍ rɛ abɔ̍ɔ. Ɛbɛ de lɛ bāa ogēdēgēdē ma̍ abɔ̍ɔ la u̍nu̍ yī igbakɔbɔ wa̍a̍. Ɔyɛ̍ɛ̄chɛ̄rɔ̄ yī Ādā gāa ge̍ dra̍ Ipi̍ta abɔ̄ la wɔcha̍, hɛ̍ ɔ̄ eyī. O̍ de Ipi̍ta ka ɔ̍lɔ ge̍ pa̍pa̍! Ɔ̍lɔ ge̍ nīichō! Ɔpɔ̄ɔpɛ̄, agba̍ ɛla̍ā gba hī Ipi̍ta abɔ̄ cha̍cha̍. 8O̍ da Ipi̍ta hīka ɔ̍lɔ ge̍ tu̍ ɔjā ku̍ owu brii, nīi ɔ̍lɔ ge̍ ku̍ wɔkpa̍ ochelikpo̍ yī ɔ̍lɔ tū yɛ̍yɛ̍. Ipi̍ta de ya̍ i̍ngɔ̍ɔ. O̍ ka Ipi̍ta ɔ̍lɔ ge̍ de ɔ̄pa̍ yī ɔ̍lɔ ta̍kla̍, nīi ɔ̍lɔ ge̍ ku anu̍ la u̍tu. 9Ipi̍ta ku ɔ̍ la u̍tu, ngmɛ̍ɛchɛ hī igbakɔbɔ ke̍e̍. O̍ i̍ jo̍ōkū hīka lɛlā yī ɔyɛ̍ɛ̄chɛ̄rɔ̄ yī Ɔwɔ nūma̍ ɔ̍lɔ - ichɛ̄ɛhi nɛ ni̍; o̍ je̍ka ɔ̍lɔ - wɔ̄na ɔlɛbɛ̍bi̍ ɔha̍ nɛ. 10E̍ wā ge̍ ga la ɛbɛ ɔrāarāa nīi āchɛ gblāa yɛ ē gbō ɛbɛ ma̍. E̍ gba̍a ga la ɔ̍mɛpa. O̍bū, e̍ wā ge̍ gbajɛ la ɔpu olojoje nīi ɔ̄chɛ ē ga la anu̍ chɛ̄ gāa ipwɔ̍ɔ̄lɛ̍ ma̍. Ɔpu lwāa la abɔ̄ yī nū de wa̍ nīi e̍ chɛ̄ gāa ke̍e̍. E̍ yɛ ē ga la ɔpɔ̄pū yī ogblo̍lo̍ ɔha̍ bɛ̍ɛ̄nɛ̄ ma̍, ɔyɛ̍ɛ̄chɛ̄rɔ̄ yī Ɔwɔ ku̍ pīya hī Ipi̍ta ɔpɔ̄ɔpɛ̄.
11Ɔpɔ̄ɔpɛ̄, Ipi̍ta jyɛ̍ɛ̄lā nīi yɛ ē ya̍ ma̍. O̍ ka u̍ma̍ama, anɔ̍lɔ de jo̍ōkū hīka ɔ̍lɔ lɛlā lēchi̍ nɛ mɛ̍! Ādā ɔ̍lɔ de ɔyɛ̍ɛ̄chɛ̄rɔ̄ yī ɔ̍lɔ tɛ̄rɔ̄ wā ge̍ hɛ̍ anu̍ ta̍ hī wɔhu̍ yī Ihɛ̍rɔ̄ɔdi ba̍la ɔjā wa̍a̍ nīi Iju̍u ɛ̍lɛ yɛ ē gbɛri̍ya̍ ge̍ē ya̍ ma̍ a̍nɛ.
12Ipi̍ta wā ge̍ ma̍ lɔkɔ nīi lɛlā lɛ wa̍a̍ ma̍, o̍ nyā pīya ga wɔlɛ̍ yī Imeri̍ nīi - ɛ̍nɛ̍ yī Ijɔ̍ɔn Ima̍aki ma̍. Āchɛ grēeyī gblāa abɔ̍ɔ kpɛ̍ɛji yɛ ē jɔhā. 13Ipi̍ta gāa ge̍ rɛ abɔ̍ɔ la oko̍prīinu ē de abɔ̄ ku ɔpu ma̍, ɔ̍chɛ̍ yī wā ɔnɔ̄nyā ɔha̍ nīi re̍ka Iro̍da ma̍ pīya gāa ge̍ē ma̍. 14O̍ pɔ̍ɔkɔ yī Ipi̍ta ma̍, o̍ lɛ ɔwɔ̄wīyā kpɛ̍ɛji, nīi o̍ de mwanyī hī ɔpu ɔrɔ̄rwāa; ku̍chē pīya gāa ge̍ koko̍o hīka Ipi̍ta ɔ̍lɔ rɛ abɔ̍ɔ yɛchɛ. 15E̍ da ɔyi̍ ɔnɔ̄nyā ɔla̍ā ka ɔ̍lɔ ē gbyɛ̍lɛ̍? Ɔyi̍ i̍ chɛ̄ ni̍, ka ɔ̍lɔ - lēchi̍ nɛ ma̍, aa̍ wa̍a̍ ka bɛ̍ɛ̄nɛ̄ ka ɔ̍lɔma̍ ɔ̍lɔ - ɔyɛ̍ɛ̄chɛ̄rɔ̄ yī Ɔwɔ nīi - ɔ̍lɔ iyī Ipi̍ta ma̍ nɛ.
16Yɛ̄grāa ɔla̍ā wa̍a̍, Ipi̍ta rɛ abɔ̍ɔ ē de abɔ̄ ku ɔpu kpɔ̍ɔ̍ we̍. E̍ wā ge̍ de ɔpu lwāa bɛ̍ɛ̄nɛ̄, ma̍ Ipi̍ta ma̍, o̍ de ya̍ wā lɛbɛ̍bi̍ ɔlamu ɔlamu. 17Ipi̍ta ya̍ wā la abābɔ̄ ka ɛ̍lɛ ge̍ cho̍cho̍! O̍ koko̍o de wa̍ wa̍a̍ lɔkɔ nīi Ādā wu̍ ɔ̄ ngmɛ̍ɛchɛ hī igbakɔbɔ ma̍. O̍ de ɔ̍ chlɛhu̍ bɛ̍ɛ̄nɛ̄ hīka, “Ala̍ ā gāa ge̍ koko̍o de Ije̍mēehi ba̍la aɛ̍nɛ̍ alɔ ehēhī i̍ngɔ̍ɔ bɛ̍ɛ̄nɛ̄ ko̍ō!” Ipi̍ta wā ge̍ pīya yī ɛbɛ ɔha̍.
18Eyī wā ge̍ de nyā ma̍, icho̍ojiya nīi ē gbō ɛbɛ ma̍ de re̍ jɛ̄jɛjɛ̄ gblāa amu mɛ oo! E̍ i̍ je̍ ɔjā nīi ku̍ Ipi̍ta ma̍ gɛ ni̍ oo! 19Ihɛ̍rɔ̄ɔdi Ipwɔ̍lɛ̍ ka nīi e̍ gāla̍ Ipi̍ta, e̍ i̍ ma̍ ɔ̄ ni̍ kpɔ̍ɔ̍. Wu̍chē yī ɔla̍ā, Ihɛ̍rɔ̄ɔdi ku̍ āchɛ ɔgbɛ̄ɛbɛ ɛla̍ā ge̍ che wa̍ ikpo̍ yī lɛlā o̍bū ka nīi e̍ bī wā ge̍ ngmo̍.
La okwi̍ihi yī ɔla̍ā, Ihɛ̍rɔ̄ɔdi wā ge̍ pīya bū la Ijudi̍ya ga ipwo̍gra yī Isi̍sari̍ya gāa ge̍ē hɔ̄ abɔ̍ɔ la yɛ̄grāa ɔha̍ pi̍nyɛ̍ o̍bū.
Ɔpīyaku̍ yī Ihɛ̍rɔ̄ɔdi ipwɔ̍lɛ̍
20Yɛ̄grāa ɔla̍ā, Ihɛ̍rɔ̄ɔdi wo̍ōtōwu̍ tāa Alita̍ya ba̍la Alisa̍yi̍dɔn wu̍chē yī ɔla̍ā, aa̍ wa̍a̍ ngmo̍tu̍chɛ̄ la ɛbɛ ūkpo̍he yɛ gāa ge̍ē ma̍ ɔ̄. La ɔrāarāa, e̍ ya̍ nīi Ibla̍tūusi rɛ la ihi yī wā. Anu̍ - ɔ̄chɛ odeyīrɛ ipwɔ̍ɔ̄nū yī Ihɛ̍rɔ̄ɔdi a̍nɛ. E̍ wā ge̍ pīya dikpo̍ba̍ Ihɛ̍rɔ̄ɔdi ge̍ ra̍ābɔ̄ de ɔ̍ ka aɛ̍lɛ ge̍ pi̍ye̍mā lɛlā ogbōgbo tū iyī aa̍. Wu̍chē oji̍ nɛ, ojōre̍ yī ɔcha yī wā ē bū la ɔcha yī Ihɛ̍rɔ̄ɔdi.
21I̍chi̍chɛ ɔha̍ nīi e̍ de kwɔbɔ̄ pi̍i̍ ma̍, Ihɛ̍rɔ̄ɔdi de ɛjā yī ɔchwɔ̄lɛ̍ yī nū kpo̍ tū la iyē bɛ̍ɛ̄nɛ̄, pīya hyāhɔ̄ la atɛ̍ yī nū yɛ ē kɛlā de āchɛ. 22Āchɛ wa̍a̍ to̍ohwe̍e, kā ɔ̄ ɔkɔ̄kā: ɔwɔ ke̍e̍ ɔ̍lɔ hɔ̄ ma̍ kɛlā a̍nɛ oo; ɔ̍lɔ i̍ ɔ̄chɛ̄ɛchɛ ji ni̍! 23Ɔpɔ̄ɔpɛ̄, ɔyɛ̍ɛ̄chɛ̄rɔ̄ yī Ɔwɔ ya̍ nīi o̍ de kwi̍īyē ɔdwɔ̄bi̍ ɔha̍. Wu̍chē oji̍ nɛ, o̍ i̍ de otūlichō nīi - iyī Ɔwɔ ma̍ de Ɔwɔ ni̍. Itaku de ɔ̍ re̍ cha̍cha̍ nīi o̍ pīyaku̍.
24Lɛlā yī Ɔwɔ ngrāa, gba̍a jɛ̄ ga iyɔ̄bū iyɔ̄bū bɛ̍ɛ̄nɛ̄.
25Iba̍nābasi ba̍la Isɔ̍ɔli kwɛ̍ɛjī la ɔjā nīi e̍ gāa ge̍ ya̍ ma̍, e̍ cha bū la Ijɛru̍sālɛm bɛ̍ɛ̄nɛ̄. E̍ bī Ijɔ̍ɔn Ima̍aki cha ba̍la iyī wā.
Nu markerat:
U̍ku̍rɔ̍ yī Alɛrɔ̄ 12: YBASR
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)
U̍ku̍rɔ̍ yī Alɛrɔ̄ 12
12
Ichi̍ hɔ̄ de Āchɛ yī Ikra̍yisi ga iyɔ̄bū-iyɔ̄bū
1Yɛ̄grāa ɔla̍ā, Ihɛ̍rɔ̄ɔdi Ipwɔ̍lɛ̍ kū la ɔya̍ ogrēeyī yī āchɛ yī Ɔwɔ ichi̍ dwɔ̄bi̍ dwɔ̄bi̍ bɛ̍ɛ̄nɛ̄. 2O̍ de Ije̍mēehi nīi - ɔɔ̍nɛ̍ yī Ijɔ̍ɔn ma̍ ngmo̍ la a̍yā. 3O̍ ma̍ hīka ɔ̍lɔ lɛ Iju̍u ehēhī wɔnyɛ ma̍, o̍ gba̍a gāa ge̍ de Ipi̍ta ku̍. Lɛlā nūma̍ lā la yɛ̄grāa yī Ɔwɔ̄wīyā Nīi Ojōre̍ yī Nū I̍ Tū Ɔjā Obī Ibrɛ̍ɛdi Nōnū Ni̍ ma̍. 4E̍ de Ipi̍ta ku̍ ma̍, e̍ bī ɔ̄ ge̍ tū la igbakɔbɔ. Ribi yī icho̍ojiya ɛnɛ nīi lɛ āchɛ ɛnɛnɛ ma̍ nīi e̍ de Ipi̍ta tū wā la abɔ̄ nīi e̍ ge̍ē deyīrɛ ɔ̍ hīhī de iyī wā a̍nɛ. Ihɛ̍rɔ̄ɔdi miya nīi o̍ ge̍ē bī Ipi̍ta wā la lɛpɔ̄ la ɔgbādu yɛ̄grāa nīi Ɔwɔ̄wīyā yī Owu̍lā ge̍ē ga ma̍. 5Wu̍chē yī ɔla̍ā, e̍ ku̍ Ipi̍ta tū abɔ̍ɔ la igbakɔbɔ kpɔ̍ɔ̍ we̍. Ogrēeyī yī āchɛ yī Ɔwɔ wa̍a̍ gblāa abɔ̍ɔ ē jɔhā de Ɔwɔ lēchi̍ lēchi̍ wu̍chē yī Ipi̍ta.
Ādā de Ipi̍ta wu̍ ngmɛ̍ɛchɛ hī igbakɔbɔ
6La otu̍ yī i̍chi̍chɛ nīi Ihɛ̍rɔ̄ɔdi ge̍ē bī Ipi̍ta gāa ɔgbādu la ɔ̄chī yī nū ma̍, Ipi̍ta gbwɔlā abɔ̍ɔ la ɔprɛ̍ɛpa yī āchɛ ɛpa nīi yɛ ē gbō ɔ̄ ma̍. E̍ de agba̍ ɛpa tū ɔ̄. Āchɛ ɔgbɛ̄ɛbɛ gblāa abɔ̍ɔ ē gbō oko̍prīinu yī igbakɔbɔ ɔla̍ā i̍ngi̍ngɔ̍ɔ. 7Ɔpɔ̄ɔpɛ̄, ɔyɛ̍ɛ̄chɛ̄rɔ̄ nīi Ādā de tɛ̄rɔ̄ ma̍ bū kpu̍u̍ ge̍ rɛ abɔ̍ɔ. Ɛbɛ de lɛ bāa ogēdēgēdē ma̍ abɔ̍ɔ la u̍nu̍ yī igbakɔbɔ wa̍a̍. Ɔyɛ̍ɛ̄chɛ̄rɔ̄ yī Ādā gāa ge̍ dra̍ Ipi̍ta abɔ̄ la wɔcha̍, hɛ̍ ɔ̄ eyī. O̍ de Ipi̍ta ka ɔ̍lɔ ge̍ pa̍pa̍! Ɔ̍lɔ ge̍ nīichō! Ɔpɔ̄ɔpɛ̄, agba̍ ɛla̍ā gba hī Ipi̍ta abɔ̄ cha̍cha̍. 8O̍ da Ipi̍ta hīka ɔ̍lɔ ge̍ tu̍ ɔjā ku̍ owu brii, nīi ɔ̍lɔ ge̍ ku̍ wɔkpa̍ ochelikpo̍ yī ɔ̍lɔ tū yɛ̍yɛ̍. Ipi̍ta de ya̍ i̍ngɔ̍ɔ. O̍ ka Ipi̍ta ɔ̍lɔ ge̍ de ɔ̄pa̍ yī ɔ̍lɔ ta̍kla̍, nīi ɔ̍lɔ ge̍ ku anu̍ la u̍tu. 9Ipi̍ta ku ɔ̍ la u̍tu, ngmɛ̍ɛchɛ hī igbakɔbɔ ke̍e̍. O̍ i̍ jo̍ōkū hīka lɛlā yī ɔyɛ̍ɛ̄chɛ̄rɔ̄ yī Ɔwɔ nūma̍ ɔ̍lɔ - ichɛ̄ɛhi nɛ ni̍; o̍ je̍ka ɔ̍lɔ - wɔ̄na ɔlɛbɛ̍bi̍ ɔha̍ nɛ. 10E̍ wā ge̍ ga la ɛbɛ ɔrāarāa nīi āchɛ gblāa yɛ ē gbō ɛbɛ ma̍. E̍ gba̍a ga la ɔ̍mɛpa. O̍bū, e̍ wā ge̍ gbajɛ la ɔpu olojoje nīi ɔ̄chɛ ē ga la anu̍ chɛ̄ gāa ipwɔ̍ɔ̄lɛ̍ ma̍. Ɔpu lwāa la abɔ̄ yī nū de wa̍ nīi e̍ chɛ̄ gāa ke̍e̍. E̍ yɛ ē ga la ɔpɔ̄pū yī ogblo̍lo̍ ɔha̍ bɛ̍ɛ̄nɛ̄ ma̍, ɔyɛ̍ɛ̄chɛ̄rɔ̄ yī Ɔwɔ ku̍ pīya hī Ipi̍ta ɔpɔ̄ɔpɛ̄.
11Ɔpɔ̄ɔpɛ̄, Ipi̍ta jyɛ̍ɛ̄lā nīi yɛ ē ya̍ ma̍. O̍ ka u̍ma̍ama, anɔ̍lɔ de jo̍ōkū hīka ɔ̍lɔ lɛlā lēchi̍ nɛ mɛ̍! Ādā ɔ̍lɔ de ɔyɛ̍ɛ̄chɛ̄rɔ̄ yī ɔ̍lɔ tɛ̄rɔ̄ wā ge̍ hɛ̍ anu̍ ta̍ hī wɔhu̍ yī Ihɛ̍rɔ̄ɔdi ba̍la ɔjā wa̍a̍ nīi Iju̍u ɛ̍lɛ yɛ ē gbɛri̍ya̍ ge̍ē ya̍ ma̍ a̍nɛ.
12Ipi̍ta wā ge̍ ma̍ lɔkɔ nīi lɛlā lɛ wa̍a̍ ma̍, o̍ nyā pīya ga wɔlɛ̍ yī Imeri̍ nīi - ɛ̍nɛ̍ yī Ijɔ̍ɔn Ima̍aki ma̍. Āchɛ grēeyī gblāa abɔ̍ɔ kpɛ̍ɛji yɛ ē jɔhā. 13Ipi̍ta gāa ge̍ rɛ abɔ̍ɔ la oko̍prīinu ē de abɔ̄ ku ɔpu ma̍, ɔ̍chɛ̍ yī wā ɔnɔ̄nyā ɔha̍ nīi re̍ka Iro̍da ma̍ pīya gāa ge̍ē ma̍. 14O̍ pɔ̍ɔkɔ yī Ipi̍ta ma̍, o̍ lɛ ɔwɔ̄wīyā kpɛ̍ɛji, nīi o̍ de mwanyī hī ɔpu ɔrɔ̄rwāa; ku̍chē pīya gāa ge̍ koko̍o hīka Ipi̍ta ɔ̍lɔ rɛ abɔ̍ɔ yɛchɛ. 15E̍ da ɔyi̍ ɔnɔ̄nyā ɔla̍ā ka ɔ̍lɔ ē gbyɛ̍lɛ̍? Ɔyi̍ i̍ chɛ̄ ni̍, ka ɔ̍lɔ - lēchi̍ nɛ ma̍, aa̍ wa̍a̍ ka bɛ̍ɛ̄nɛ̄ ka ɔ̍lɔma̍ ɔ̍lɔ - ɔyɛ̍ɛ̄chɛ̄rɔ̄ yī Ɔwɔ nīi - ɔ̍lɔ iyī Ipi̍ta ma̍ nɛ.
16Yɛ̄grāa ɔla̍ā wa̍a̍, Ipi̍ta rɛ abɔ̍ɔ ē de abɔ̄ ku ɔpu kpɔ̍ɔ̍ we̍. E̍ wā ge̍ de ɔpu lwāa bɛ̍ɛ̄nɛ̄, ma̍ Ipi̍ta ma̍, o̍ de ya̍ wā lɛbɛ̍bi̍ ɔlamu ɔlamu. 17Ipi̍ta ya̍ wā la abābɔ̄ ka ɛ̍lɛ ge̍ cho̍cho̍! O̍ koko̍o de wa̍ wa̍a̍ lɔkɔ nīi Ādā wu̍ ɔ̄ ngmɛ̍ɛchɛ hī igbakɔbɔ ma̍. O̍ de ɔ̍ chlɛhu̍ bɛ̍ɛ̄nɛ̄ hīka, “Ala̍ ā gāa ge̍ koko̍o de Ije̍mēehi ba̍la aɛ̍nɛ̍ alɔ ehēhī i̍ngɔ̍ɔ bɛ̍ɛ̄nɛ̄ ko̍ō!” Ipi̍ta wā ge̍ pīya yī ɛbɛ ɔha̍.
18Eyī wā ge̍ de nyā ma̍, icho̍ojiya nīi ē gbō ɛbɛ ma̍ de re̍ jɛ̄jɛjɛ̄ gblāa amu mɛ oo! E̍ i̍ je̍ ɔjā nīi ku̍ Ipi̍ta ma̍ gɛ ni̍ oo! 19Ihɛ̍rɔ̄ɔdi Ipwɔ̍lɛ̍ ka nīi e̍ gāla̍ Ipi̍ta, e̍ i̍ ma̍ ɔ̄ ni̍ kpɔ̍ɔ̍. Wu̍chē yī ɔla̍ā, Ihɛ̍rɔ̄ɔdi ku̍ āchɛ ɔgbɛ̄ɛbɛ ɛla̍ā ge̍ che wa̍ ikpo̍ yī lɛlā o̍bū ka nīi e̍ bī wā ge̍ ngmo̍.
La okwi̍ihi yī ɔla̍ā, Ihɛ̍rɔ̄ɔdi wā ge̍ pīya bū la Ijudi̍ya ga ipwo̍gra yī Isi̍sari̍ya gāa ge̍ē hɔ̄ abɔ̍ɔ la yɛ̄grāa ɔha̍ pi̍nyɛ̍ o̍bū.
Ɔpīyaku̍ yī Ihɛ̍rɔ̄ɔdi ipwɔ̍lɛ̍
20Yɛ̄grāa ɔla̍ā, Ihɛ̍rɔ̄ɔdi wo̍ōtōwu̍ tāa Alita̍ya ba̍la Alisa̍yi̍dɔn wu̍chē yī ɔla̍ā, aa̍ wa̍a̍ ngmo̍tu̍chɛ̄ la ɛbɛ ūkpo̍he yɛ gāa ge̍ē ma̍ ɔ̄. La ɔrāarāa, e̍ ya̍ nīi Ibla̍tūusi rɛ la ihi yī wā. Anu̍ - ɔ̄chɛ odeyīrɛ ipwɔ̍ɔ̄nū yī Ihɛ̍rɔ̄ɔdi a̍nɛ. E̍ wā ge̍ pīya dikpo̍ba̍ Ihɛ̍rɔ̄ɔdi ge̍ ra̍ābɔ̄ de ɔ̍ ka aɛ̍lɛ ge̍ pi̍ye̍mā lɛlā ogbōgbo tū iyī aa̍. Wu̍chē oji̍ nɛ, ojōre̍ yī ɔcha yī wā ē bū la ɔcha yī Ihɛ̍rɔ̄ɔdi.
21I̍chi̍chɛ ɔha̍ nīi e̍ de kwɔbɔ̄ pi̍i̍ ma̍, Ihɛ̍rɔ̄ɔdi de ɛjā yī ɔchwɔ̄lɛ̍ yī nū kpo̍ tū la iyē bɛ̍ɛ̄nɛ̄, pīya hyāhɔ̄ la atɛ̍ yī nū yɛ ē kɛlā de āchɛ. 22Āchɛ wa̍a̍ to̍ohwe̍e, kā ɔ̄ ɔkɔ̄kā: ɔwɔ ke̍e̍ ɔ̍lɔ hɔ̄ ma̍ kɛlā a̍nɛ oo; ɔ̍lɔ i̍ ɔ̄chɛ̄ɛchɛ ji ni̍! 23Ɔpɔ̄ɔpɛ̄, ɔyɛ̍ɛ̄chɛ̄rɔ̄ yī Ɔwɔ ya̍ nīi o̍ de kwi̍īyē ɔdwɔ̄bi̍ ɔha̍. Wu̍chē oji̍ nɛ, o̍ i̍ de otūlichō nīi - iyī Ɔwɔ ma̍ de Ɔwɔ ni̍. Itaku de ɔ̍ re̍ cha̍cha̍ nīi o̍ pīyaku̍.
24Lɛlā yī Ɔwɔ ngrāa, gba̍a jɛ̄ ga iyɔ̄bū iyɔ̄bū bɛ̍ɛ̄nɛ̄.
25Iba̍nābasi ba̍la Isɔ̍ɔli kwɛ̍ɛjī la ɔjā nīi e̍ gāa ge̍ ya̍ ma̍, e̍ cha bū la Ijɛru̍sālɛm bɛ̍ɛ̄nɛ̄. E̍ bī Ijɔ̍ɔn Ima̍aki cha ba̍la iyī wā.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)