Ijɔ̍ɔn 14
14
Ɔpɔ̄pū nīi ta̍ ga Ɛbɛ yī Ɔwɔ A̍dā ma̍
1Iji̍sɔ̄ɔsi koko̍o de wa̍ bɛ̍ɛ̄nɛ̄ hīka, “Ala̍ e̍e hi̍yɛ̄ngura nīi ūkpɔ̄tū ge̍ ti̍ya ala̍ tū ni̍. Ala̍ ā de ɔtū che Ɔwɔ nīi ala̍ ge̍ de ɔtū che u i̍ngi̍ngɔ̍ɔ. 2Ipu̍nu̍ lyɛ̄mɛ̄mɛ̄ abɔ̍ɔ la wɔlɛ̍ yī A̍dā yī u. N yɛ gāa ge̍ē gbla̍a ɛbɛ ɔha̍ ē lā de ala̍. O̍ i̍ ge̍ lɛ i̍ngɔ̍ɔ ni̍ nɛ, n i̍ ge̍ koko̍o de ala̍ ni̍. 3N ge̍ gāa ge̍ de ɛbɛ ɔha̍ gbla̍a lā de ala̍ mɛ̍, n ge̍ē ku̍chē wā ge̍ē bī ala̍ ē pīya ē dikpo̍ ē ba̍ iyī u, hɛ̄ɛbɛ nīi ala̍ ē wā ge̍ē hɔ̄ la ɛbɛ nīi n hɔ̄ ma̍. 4Ala̍ chī je̍ ɔpɔ̄pū nīi ta̍ ga ɛbɛ nīi n pīya yɛ gāa ma̍ mɛ̍.”
5Itɔ̍mɔ̄ɔsi da ɔ̍ hīka, “Ādā be̍e! Alɔ i̍ chī je̍ ɛbɛ nīi a pīya yɛ gāa ni̍ ma̍, kana̍ nīi alɔ ge̍ē je̍ ɔpɔ̄pū yī abɔ̍ɔ ma̍?”
6Iji̍sɔ̄ɔsi hīya anu̍ ɔkɔ hīka, “Ma̍ gɛ ko̍ō! Ami re̍ka ɔpɔ̄pū ɔla̍ā a̍nɛ. Ami - olēchi̍ lēchi̍ a̍nɛ, ami chī gba̍a - ɔhɔ̄leyī a̍nɛ. Ɔ̄chɔ̄chɛ i̍ ē ga ɛbɛ yī Ɔwɔ A̍dā mɛ ni̍, ɔ̍chi̍kpa̍kpa̍ ɔlɔjā ga la abɔ̄ yī u. 7U̍ma̍ama nīi ala̍ de u je̍ mɛ̍ ma̍, ala̍ ge̍ē je̍ A̍dā yī u i̍ngi̍ngɔ̍ɔ bɛ̍ɛ̄nɛ̄. Obū la u̍ma̍ama nūma̍, ala̍ yɛ amu ē ma̍ ɔ̄. Ala̍ u̍tu je̍ ɔ̄ mɛ̍.”
8Ifi̍līipu ka ɔ̍lɔ ge̍ Ādā be̍e! Ɔ̍lɔ ge̍ chabɔ̄ yī Ɔwɔ A̍dā hu̍ aa̍ gɛ, ma̍a ɔjā wa̍a̍ nīi aɛ̍lɛ chikpo̍ ma̍ ɔ̍lɔ hɔ̄ aa̍ a̍nɛ.
9Iji̍sɔ̄ɔsi hīya anu̍ ɔkɔ hīka, “O̍ ligbo̍ gba̍a̍ nīi n hɔ̄ ma̍ ba̍la ala̍ ma̍, o̍ re̍ka a i̍ je̍ u we̍ ni̍ Ifi̍līipu? Ɔ̄chɛ nīi ge̍ ma̍ u mɛ̍, o̍ re̍ka o̍ ma̍ Ɔwɔ A̍dā mɛ̍. Oji̍ - ohu̍ nīi a gba̍a ka hīka amɔ̍lɔ ge̍ chabɔ̄ yī A̍dā hu̍ ala̍ ma̍? 10Ifi̍līipu be̍e! O̍ re̍ka a i̍ chɛ̄ hīka amɔ̍lɔ hɔ̄ la Ɔwɔ A̍dā, Ɔwɔ A̍dā titi ɔ̍lɔ hɔ̄ la amɔ̍lɔ ni̍? Lɛlā wa̍a̍ nīi n ka de ala̍ ma̍, e̍ i̍ bū la abɔ̄ yī ami ɔlɔjā ni̍. Ɔwɔ A̍dā nīi hɔ̄ la ami ma̍ ē ya̍ u̍ku̍rɔ̍ ɔla̍ā a̍nɛ. 11Ala̍ ā chɛ̄ku u gɛ hīka n hɔ̄ la Ɔwɔ A̍dā, Ɔwɔ A̍dā titi hɔ̄ la ami. O̍ i̍ ge̍ i̍ngɔ̍ɔ ni̍, ala̍ chɛ̄ku u wu̍chē yī u̍ku̍rɔ̍ ɛla̍ā wa̍a̍ gɛ. 12Lēchi̍-lēchi̍, n koko̍o de ala̍! Ɔ̄chɛ nīi ge̍ chɛ̄ku u, ɔlɔjā ge̍ē ya̍ u̍ku̍rɔ̍ nīi n ē ya̍ ma̍. Lēchi̍, o̍ ge̍ē ya̍ u̍ku̍rɔ̍ ɔnɔ̄kɔ̄kū-ɔnɔ̄kɔ̄kū. Wu̍chē oji̍ nɛ, ami pīya yɛ gāa dikpo̍ba̍ Ɔwɔ A̍dā mɛ̍. 13N ge̍ē ya̍ ɔjāmɔjā nīi ala̍ ge̍ē chikpo̍ bū la riyī yī u ma̍, hɛ̄ɛbɛ nīi rīgā yī Ɔwɔ A̍dā hi̍yɛchɛ ē bū la abɔ̄ yī ami Ɔyi̍ yī Ɔwɔ. 14Ɔjāha̍-ɔjāha̍ nīi ala̍ ge̍ chikpo̍ la abɔ̄ yī u, n ge̍ē ya̍ ē de ala̍.
Iji̍sɔ̄ɔsi choko̍o ge̍ē de Uhu Ɔnɛ̄ɛhɛhi yī Ɔwɔ ē tɛ̄rɔ̄
15“Ɔ̄chɛ nīi ge̍ yɔ̍ɔhɔtū yī u, o̍ ge̍ē yɛ̍ɛ̄lā nīi n ka ma̍. 16N ge̍ē ka ē de Ɔwɔ A̍dā nīi o̍ ē de Ɔtwɔ̄bɔ̄ tɛ̄rɔ̄ hu ala̍. O̍ ge̍ē wā ge̍ē hɔ̄ ba̍la ala̍ kpɛɛ ē ku yɛ̄grāa ɔha̍lɔha̍. Anu̍ re̍ka Uhu yī Ɔwɔ nīi bī lɛlā olēchi̍ lēchi̍ a̍nɛ. 17Alyɛchɛ nūma̍ ma̍ i̍ ge̍ē nāa lɛlā yī nū mɛ ni̍. Wu̍chē oji̍ nɛ, e̍ i̍ ge̍ē ma̍ ɔ̄ kɛ̄ɛ ē je̍ ɔ̄ mɛ ni̍. Ala̍ ma̍ ge̍ē je̍ ɔ̄, wu̍chē oji̍ nɛ, o̍ ge̍ē hɔ̄ ba̍la ala̍ gba̍a ē tū la ala̍.
18“N i̍ ge̍ē pīya ē hī ala̍ ē gblāa amu lōra̍ala̍ ni̍. N ge̍ē ku̍chē wā dikpo̍ ē ba̍ ala̍. 19Yɛ̄grāa ɔha̍ pi̍nyɛ̍ u̍uma, alyɛchɛ nūma̍ i̍ ge̍ē ma̍ u ē gɛ ni̍. Ala̍ ma̍ chī ge̍ē ma̍ u we̍. Wu̍chē oji̍ nɛ, ami hɔ̄leyī, ala̍ titi chī hɔ̄leyī. 20Ɔ̄chī ɔla̍ā ge̍ē gbajɛ ma̍, ala̍ ge̍ē jo̍ōkū hīka amɔ̍lɔ hɔ̄ la A̍dā yī amɔ̍lɔ. Ala̍ titi hɔ̄ amu la ami lɔkɔ nīi ami hɔ̄ la ala̍ ma̍.
21“Ɔ̄chɛ nīi ge̍ nāa lɛlā yī u nīi n ka ma̍, gba̍a ya̍ lɔkɔ nīi n ka ma̍, ɔlɔjā re̍ka ɔ̄chɛ ɔyɔ̍ɔhɔtū yī u a̍nɛ. A̍dā yī u chī ge̍ē yɔ̍ɔhɔtū yī ɔ̄chɛ ɔlɔjā. Ami titi ge̍ē yɔ̍ɔhɔtū yī ɔlɔjā gba̍a ē de iyī u ē chabɔ̄ hu̍ ɔ̄.”
22Iju̍dasi che Iji̍sɔ̄ɔsi ikpo̍ ka ɔ̍lɔ ge̍, “Ādā be̍e! Ɔkana̍ hɔ̄ ma̍ ma̍/? A i̍ de iyī wɔ chabɔ̄ hu̍ yɛchɛ gɛ ni̍, a hɔ̄ɔ̄hɔ̄ ge̍ē chabɔ̄ iyī wɔ ē hu̍ alɔ?” Iju̍dasi nūma̍ hɔ̄ɔ̄hɔ̄ hi̍ onīi re̍ka Isikɛ̍rīyɔti ma̍.
23Iji̍sɔ̄ɔsi hīya anu̍ ɔkɔ hīka, “Ma̍ gɛ ko̍ō! Ɔ̄chɛ nīi ē yɔ̍ɔhɔtū yī u ma̍, anu̍ ē yɛ̍ɛ̄lā nīi n ka ma̍ a̍nɛ. A̍dā yī u chī ge̍ē yɔ̍ɔhɔtū yī ɔ̄chɛ ɔlɔjā. Ami ba̍la A̍dā yī u ge̍ē wā dikpo̍ba̍ ɔlɔjā ge̍ē hɔ̄ ba̍la anu̍. 24Ɔ̄chɛ nīi i̍ ge̍ yɔ̍ɔhɔtū yī u ni̍, o̍ i̍ ē yɛ̍ɛ̄lā nīi n ka ma̍ ni̍. Ɛrɔ̄ nūma̍ wa̍a̍ nīi ala̍ po̍ ma̍, i̍ iyī wɔ̄bɔ̄bɔ̄ yī u ni̍. O̍ bū la abɔ̄ yī Ɔwɔ A̍dā nīi de u tɛ̄rɔ̄ ma̍.
25“Onūma̍ wa̍a̍, n yɛ ē koko̍o ē de ala̍ yɛ̄grāa nīi n e̍e hɔ̄ amu ba̍la ala̍ ma̍. 26Ɔtwɔ̄bɔ̄ nīi re̍ka Uhu Ɔnɛ̄ɛhɛhi yī Ɔwɔ nīi Ɔwɔ A̍dā ge̍ē de ē bū la riyī yī u ma̍ ge̍ē ngū ala̍ ɔjāha̍-ɔjāha̍ wa̍a̍. Anu̍ ge̍ē ya̍ nīi ala̍ ē bla lɛlā wa̍a̍ nīi n ka de ala̍ ma̍ a̍nɛ.
27“N tu̍ hī ogbodɔ̍dɔ̍ de ala̍. N de ogbodɔ̍dɔ̍ yī ami ɔlɔjā de ala̍. N i̍ de de ala̍ lɔkɔ nīi yɛchɛ ē de ma̍ ni̍. Ala̍ e̍e de hi̍yɛ̄ngura nīi ūkpɔ̄tū ɔha̍lɔha̍ ge̍ ti̍ya ala̍ tū ni̍. Ala̍ e̍e tūuhwi ni̍. 28Je̍ka ala̍ po̍ nīi n ka de ala̍ ma̍, ‘N ge̍ē pīya mɛ̍, n chī ge̍ē ku̍chē wā dikpo̍ ē ba̍ ala̍.’ Ala̍ ge̍ yɔ̍ɔhɔtū yī u, ɔ̍lɔma̍ o̍ ge̍ē lɛ ala̍ wɔnyɛ kpɛ̍ɛji nīi n pīya yɛ ma̍ yɛ gāa ɛbɛ yī Ɔwɔ A̍dā ma̍. Wu̍chē oji̍ nɛ, anu̍ ga um ɔgɔ̄ga a̍nɛ. 29Onūma̍ wa̍a̍, n yɛ ē de ē koko̍o ē de ala̍ u̍ma̍ama lɔ̄lā, hɛ̄ɛbɛ nīi lɛlā nūma̍ ge̍ē ya̍ ma̍ nīi ala̍ ge̍ē chɛ̄ku u. 30N i̍ ge̍ē kɛlā tāa ala̍ kpɛɛ ē mɛ ē gɛ ni̍. Wu̍chē oji̍ nɛ, ɔ̄chɛ nīi ē deyīrɛ yɛchɛ nūma̍ ma̍ yɛ amu yewā mɛ̍. O̍ i̍ chī lwɔhu̍ ɔha̍lɔha̍ ge̍ē deyīrɛ ami ni̍. 31O̍ ngma̍ nīi yɛchɛ wa̍a̍ ē jo̍ōkū hīka amɔ̍lɔ yɔ̍ɔhɔtū yī Ɔwɔ A̍dā. Ɔla̍ā - ohu̍ nīi n yɛ ē yɛ̍ɛ̄lāha̍ ɛlāha̍ wa̍a̍ nīi o̍ ka de u ma̍ a̍nɛ.
“Ala̍ yewā nīi alɔ ā pīya hī ɛbɛ nūma̍.
Nu markerat:
Ijɔ̍ɔn 14: YBASR
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)
Ijɔ̍ɔn 14
14
Ɔpɔ̄pū nīi ta̍ ga Ɛbɛ yī Ɔwɔ A̍dā ma̍
1Iji̍sɔ̄ɔsi koko̍o de wa̍ bɛ̍ɛ̄nɛ̄ hīka, “Ala̍ e̍e hi̍yɛ̄ngura nīi ūkpɔ̄tū ge̍ ti̍ya ala̍ tū ni̍. Ala̍ ā de ɔtū che Ɔwɔ nīi ala̍ ge̍ de ɔtū che u i̍ngi̍ngɔ̍ɔ. 2Ipu̍nu̍ lyɛ̄mɛ̄mɛ̄ abɔ̍ɔ la wɔlɛ̍ yī A̍dā yī u. N yɛ gāa ge̍ē gbla̍a ɛbɛ ɔha̍ ē lā de ala̍. O̍ i̍ ge̍ lɛ i̍ngɔ̍ɔ ni̍ nɛ, n i̍ ge̍ koko̍o de ala̍ ni̍. 3N ge̍ gāa ge̍ de ɛbɛ ɔha̍ gbla̍a lā de ala̍ mɛ̍, n ge̍ē ku̍chē wā ge̍ē bī ala̍ ē pīya ē dikpo̍ ē ba̍ iyī u, hɛ̄ɛbɛ nīi ala̍ ē wā ge̍ē hɔ̄ la ɛbɛ nīi n hɔ̄ ma̍. 4Ala̍ chī je̍ ɔpɔ̄pū nīi ta̍ ga ɛbɛ nīi n pīya yɛ gāa ma̍ mɛ̍.”
5Itɔ̍mɔ̄ɔsi da ɔ̍ hīka, “Ādā be̍e! Alɔ i̍ chī je̍ ɛbɛ nīi a pīya yɛ gāa ni̍ ma̍, kana̍ nīi alɔ ge̍ē je̍ ɔpɔ̄pū yī abɔ̍ɔ ma̍?”
6Iji̍sɔ̄ɔsi hīya anu̍ ɔkɔ hīka, “Ma̍ gɛ ko̍ō! Ami re̍ka ɔpɔ̄pū ɔla̍ā a̍nɛ. Ami - olēchi̍ lēchi̍ a̍nɛ, ami chī gba̍a - ɔhɔ̄leyī a̍nɛ. Ɔ̄chɔ̄chɛ i̍ ē ga ɛbɛ yī Ɔwɔ A̍dā mɛ ni̍, ɔ̍chi̍kpa̍kpa̍ ɔlɔjā ga la abɔ̄ yī u. 7U̍ma̍ama nīi ala̍ de u je̍ mɛ̍ ma̍, ala̍ ge̍ē je̍ A̍dā yī u i̍ngi̍ngɔ̍ɔ bɛ̍ɛ̄nɛ̄. Obū la u̍ma̍ama nūma̍, ala̍ yɛ amu ē ma̍ ɔ̄. Ala̍ u̍tu je̍ ɔ̄ mɛ̍.”
8Ifi̍līipu ka ɔ̍lɔ ge̍ Ādā be̍e! Ɔ̍lɔ ge̍ chabɔ̄ yī Ɔwɔ A̍dā hu̍ aa̍ gɛ, ma̍a ɔjā wa̍a̍ nīi aɛ̍lɛ chikpo̍ ma̍ ɔ̍lɔ hɔ̄ aa̍ a̍nɛ.
9Iji̍sɔ̄ɔsi hīya anu̍ ɔkɔ hīka, “O̍ ligbo̍ gba̍a̍ nīi n hɔ̄ ma̍ ba̍la ala̍ ma̍, o̍ re̍ka a i̍ je̍ u we̍ ni̍ Ifi̍līipu? Ɔ̄chɛ nīi ge̍ ma̍ u mɛ̍, o̍ re̍ka o̍ ma̍ Ɔwɔ A̍dā mɛ̍. Oji̍ - ohu̍ nīi a gba̍a ka hīka amɔ̍lɔ ge̍ chabɔ̄ yī A̍dā hu̍ ala̍ ma̍? 10Ifi̍līipu be̍e! O̍ re̍ka a i̍ chɛ̄ hīka amɔ̍lɔ hɔ̄ la Ɔwɔ A̍dā, Ɔwɔ A̍dā titi ɔ̍lɔ hɔ̄ la amɔ̍lɔ ni̍? Lɛlā wa̍a̍ nīi n ka de ala̍ ma̍, e̍ i̍ bū la abɔ̄ yī ami ɔlɔjā ni̍. Ɔwɔ A̍dā nīi hɔ̄ la ami ma̍ ē ya̍ u̍ku̍rɔ̍ ɔla̍ā a̍nɛ. 11Ala̍ ā chɛ̄ku u gɛ hīka n hɔ̄ la Ɔwɔ A̍dā, Ɔwɔ A̍dā titi hɔ̄ la ami. O̍ i̍ ge̍ i̍ngɔ̍ɔ ni̍, ala̍ chɛ̄ku u wu̍chē yī u̍ku̍rɔ̍ ɛla̍ā wa̍a̍ gɛ. 12Lēchi̍-lēchi̍, n koko̍o de ala̍! Ɔ̄chɛ nīi ge̍ chɛ̄ku u, ɔlɔjā ge̍ē ya̍ u̍ku̍rɔ̍ nīi n ē ya̍ ma̍. Lēchi̍, o̍ ge̍ē ya̍ u̍ku̍rɔ̍ ɔnɔ̄kɔ̄kū-ɔnɔ̄kɔ̄kū. Wu̍chē oji̍ nɛ, ami pīya yɛ gāa dikpo̍ba̍ Ɔwɔ A̍dā mɛ̍. 13N ge̍ē ya̍ ɔjāmɔjā nīi ala̍ ge̍ē chikpo̍ bū la riyī yī u ma̍, hɛ̄ɛbɛ nīi rīgā yī Ɔwɔ A̍dā hi̍yɛchɛ ē bū la abɔ̄ yī ami Ɔyi̍ yī Ɔwɔ. 14Ɔjāha̍-ɔjāha̍ nīi ala̍ ge̍ chikpo̍ la abɔ̄ yī u, n ge̍ē ya̍ ē de ala̍.
Iji̍sɔ̄ɔsi choko̍o ge̍ē de Uhu Ɔnɛ̄ɛhɛhi yī Ɔwɔ ē tɛ̄rɔ̄
15“Ɔ̄chɛ nīi ge̍ yɔ̍ɔhɔtū yī u, o̍ ge̍ē yɛ̍ɛ̄lā nīi n ka ma̍. 16N ge̍ē ka ē de Ɔwɔ A̍dā nīi o̍ ē de Ɔtwɔ̄bɔ̄ tɛ̄rɔ̄ hu ala̍. O̍ ge̍ē wā ge̍ē hɔ̄ ba̍la ala̍ kpɛɛ ē ku yɛ̄grāa ɔha̍lɔha̍. Anu̍ re̍ka Uhu yī Ɔwɔ nīi bī lɛlā olēchi̍ lēchi̍ a̍nɛ. 17Alyɛchɛ nūma̍ ma̍ i̍ ge̍ē nāa lɛlā yī nū mɛ ni̍. Wu̍chē oji̍ nɛ, e̍ i̍ ge̍ē ma̍ ɔ̄ kɛ̄ɛ ē je̍ ɔ̄ mɛ ni̍. Ala̍ ma̍ ge̍ē je̍ ɔ̄, wu̍chē oji̍ nɛ, o̍ ge̍ē hɔ̄ ba̍la ala̍ gba̍a ē tū la ala̍.
18“N i̍ ge̍ē pīya ē hī ala̍ ē gblāa amu lōra̍ala̍ ni̍. N ge̍ē ku̍chē wā dikpo̍ ē ba̍ ala̍. 19Yɛ̄grāa ɔha̍ pi̍nyɛ̍ u̍uma, alyɛchɛ nūma̍ i̍ ge̍ē ma̍ u ē gɛ ni̍. Ala̍ ma̍ chī ge̍ē ma̍ u we̍. Wu̍chē oji̍ nɛ, ami hɔ̄leyī, ala̍ titi chī hɔ̄leyī. 20Ɔ̄chī ɔla̍ā ge̍ē gbajɛ ma̍, ala̍ ge̍ē jo̍ōkū hīka amɔ̍lɔ hɔ̄ la A̍dā yī amɔ̍lɔ. Ala̍ titi hɔ̄ amu la ami lɔkɔ nīi ami hɔ̄ la ala̍ ma̍.
21“Ɔ̄chɛ nīi ge̍ nāa lɛlā yī u nīi n ka ma̍, gba̍a ya̍ lɔkɔ nīi n ka ma̍, ɔlɔjā re̍ka ɔ̄chɛ ɔyɔ̍ɔhɔtū yī u a̍nɛ. A̍dā yī u chī ge̍ē yɔ̍ɔhɔtū yī ɔ̄chɛ ɔlɔjā. Ami titi ge̍ē yɔ̍ɔhɔtū yī ɔlɔjā gba̍a ē de iyī u ē chabɔ̄ hu̍ ɔ̄.”
22Iju̍dasi che Iji̍sɔ̄ɔsi ikpo̍ ka ɔ̍lɔ ge̍, “Ādā be̍e! Ɔkana̍ hɔ̄ ma̍ ma̍/? A i̍ de iyī wɔ chabɔ̄ hu̍ yɛchɛ gɛ ni̍, a hɔ̄ɔ̄hɔ̄ ge̍ē chabɔ̄ iyī wɔ ē hu̍ alɔ?” Iju̍dasi nūma̍ hɔ̄ɔ̄hɔ̄ hi̍ onīi re̍ka Isikɛ̍rīyɔti ma̍.
23Iji̍sɔ̄ɔsi hīya anu̍ ɔkɔ hīka, “Ma̍ gɛ ko̍ō! Ɔ̄chɛ nīi ē yɔ̍ɔhɔtū yī u ma̍, anu̍ ē yɛ̍ɛ̄lā nīi n ka ma̍ a̍nɛ. A̍dā yī u chī ge̍ē yɔ̍ɔhɔtū yī ɔ̄chɛ ɔlɔjā. Ami ba̍la A̍dā yī u ge̍ē wā dikpo̍ba̍ ɔlɔjā ge̍ē hɔ̄ ba̍la anu̍. 24Ɔ̄chɛ nīi i̍ ge̍ yɔ̍ɔhɔtū yī u ni̍, o̍ i̍ ē yɛ̍ɛ̄lā nīi n ka ma̍ ni̍. Ɛrɔ̄ nūma̍ wa̍a̍ nīi ala̍ po̍ ma̍, i̍ iyī wɔ̄bɔ̄bɔ̄ yī u ni̍. O̍ bū la abɔ̄ yī Ɔwɔ A̍dā nīi de u tɛ̄rɔ̄ ma̍.
25“Onūma̍ wa̍a̍, n yɛ ē koko̍o ē de ala̍ yɛ̄grāa nīi n e̍e hɔ̄ amu ba̍la ala̍ ma̍. 26Ɔtwɔ̄bɔ̄ nīi re̍ka Uhu Ɔnɛ̄ɛhɛhi yī Ɔwɔ nīi Ɔwɔ A̍dā ge̍ē de ē bū la riyī yī u ma̍ ge̍ē ngū ala̍ ɔjāha̍-ɔjāha̍ wa̍a̍. Anu̍ ge̍ē ya̍ nīi ala̍ ē bla lɛlā wa̍a̍ nīi n ka de ala̍ ma̍ a̍nɛ.
27“N tu̍ hī ogbodɔ̍dɔ̍ de ala̍. N de ogbodɔ̍dɔ̍ yī ami ɔlɔjā de ala̍. N i̍ de de ala̍ lɔkɔ nīi yɛchɛ ē de ma̍ ni̍. Ala̍ e̍e de hi̍yɛ̄ngura nīi ūkpɔ̄tū ɔha̍lɔha̍ ge̍ ti̍ya ala̍ tū ni̍. Ala̍ e̍e tūuhwi ni̍. 28Je̍ka ala̍ po̍ nīi n ka de ala̍ ma̍, ‘N ge̍ē pīya mɛ̍, n chī ge̍ē ku̍chē wā dikpo̍ ē ba̍ ala̍.’ Ala̍ ge̍ yɔ̍ɔhɔtū yī u, ɔ̍lɔma̍ o̍ ge̍ē lɛ ala̍ wɔnyɛ kpɛ̍ɛji nīi n pīya yɛ ma̍ yɛ gāa ɛbɛ yī Ɔwɔ A̍dā ma̍. Wu̍chē oji̍ nɛ, anu̍ ga um ɔgɔ̄ga a̍nɛ. 29Onūma̍ wa̍a̍, n yɛ ē de ē koko̍o ē de ala̍ u̍ma̍ama lɔ̄lā, hɛ̄ɛbɛ nīi lɛlā nūma̍ ge̍ē ya̍ ma̍ nīi ala̍ ge̍ē chɛ̄ku u. 30N i̍ ge̍ē kɛlā tāa ala̍ kpɛɛ ē mɛ ē gɛ ni̍. Wu̍chē oji̍ nɛ, ɔ̄chɛ nīi ē deyīrɛ yɛchɛ nūma̍ ma̍ yɛ amu yewā mɛ̍. O̍ i̍ chī lwɔhu̍ ɔha̍lɔha̍ ge̍ē deyīrɛ ami ni̍. 31O̍ ngma̍ nīi yɛchɛ wa̍a̍ ē jo̍ōkū hīka amɔ̍lɔ yɔ̍ɔhɔtū yī Ɔwɔ A̍dā. Ɔla̍ā - ohu̍ nīi n yɛ ē yɛ̍ɛ̄lāha̍ ɛlāha̍ wa̍a̍ nīi o̍ ka de u ma̍ a̍nɛ.
“Ala̍ yewā nīi alɔ ā pīya hī ɛbɛ nūma̍.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2020 Bible Society of Nigeria (second edition)