Wongeela Maatewos Seensa
Seensa
Wongeelli Maatewosii abddiin dhufiinssa Yesusii durssee ka itti dubbatameef, Fayyisaa ta'uu isaatii fi Waaqinni waadaa duraanii titti ummata isaatiif dubbii abddi'ii ka isaaniif kenne raawwate'llee, karama isaatiin ta'uu isaa, ka labissu Dubbii Gammachu'uu ka qabatee jiru. Dubbiin Gammachu'uu kun'llee Yesus nu'u jiddu'utti dhalatee ka guddate nu worra Yihudotaa qofaaf uduu hin ta'in, ummata biyya lafaa maraaf.
Kitaabnni Wongeela Maatewosii kitaaba ufi eegganna'aan qophaaye, dhalachuu Yesusiitii jala qabee waayee cuupha'aatii fi waayee qormaatama isaa mara eega ibiseen duubatti, Galiila'atti ka taasise, waayee barsiisu'uutii fi tajaajila fayyisu'uu'llee ni dhiyeessa. Kanatti'llee aanssu'uun Yesus Galiila'aa gara Yerusaalemii waayee adeemissa taasiseetii fi waayee bara biyya lafaa kana irra turetti'llee, torbaan muumme'ee irratti waayee wonittoota ta'anii mara ni tarreessa, wonittoonni kunniin'llee fannifamuu isaa, waayee du'a isaatii fi du'aa ka'iinssa isaa'llee wolitti ka qabatee jiru.
Wongeelli kun Yesusiin, seera Mootummaa Waaqaa hiiku'uuf aangoo ka qabuu fi waayee Mootummaa Waaqaa'llee ka barsiisu, barsiisaa ol aanaa akka ta'e taasisee ni dhiyeessaan. Barsiisa isaa keessaa'llee harki baayi'een, bifa adda addaatiin kan qindaayan kutaawwan shanitti ni ramadama,
1. Amala hujii eennummaa ummata Mootummaa Waaqaa, mirga, dirqama fi carraa isaanii ka muumme'ee ka hubachiisu, lallaba Gaara irraa (boqa. 5—7).
2. Barattoonni isaa kudha lamaan lallaba wongeelaatiif yeroo ergamanitti, qajeelffamoota isaaniif kennaman (boqa. 10).
3. Waayee Mootummaa Waaqaatiif ka dhiyaatan, fakkeennota adda addaa (boqa. 13).
4. Waayee hiikkaa barnnoota barataa isaa ta'uu barsiisuu, (boqa. 18).
5. Waayee raawwii bara kanaatii fi waayee dhufiinssa Mootummaa Waaqaatiif barsiisa kenname (boqa. 24—25).
Woliigala Qabiyyee Kitaabchaa
Hidda fiixaa Yesusii Kristosiitii fi dhaloota isaa 1:1—2:23
Tajaajila Yohaannisii cuupha'aa 3:1-12
Cuuphamuu Yesusiitii fi qormaatamuu isaa 3:13—4:11
Yesus hujii Galiila'atti jalaqabuu isaa 4:12—18:35
Galiila'aa gara Yerusaalemii 19:1—20:34
Torbaan muumme'ee Yerusaalemii fi Naannoo Isi'ii titti, 21:1—27:66
Du'aa ka'iinssa Gooftaa Keennaatii fi Muldhachuu isaa 28:1-20
Nu markerat:
Wongeela Maatewos Seensa: ArsiDNT
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in