Matthew Lefi 10
10
1-5A gwedi galw ato ei ddeg a dau ddysgybl, efe á roddes iddynt allu i fwrw allan ysbrydion aflan, ac i iachâu clefydon ac anhwylderau o bob math. A dyma enwau y deg a dau apostol; Y cyntaf, Simon, à elwir Pedr, ac Andreas ei frawd; Iago, mab Zebedëus ac Iöan ei frawd; Phylip a Bartholomeus; Thomas a Matthew y tollwr; Iago, mab Alphëus, a Lebbëus, á gyfenwir Thadëus; Simon y Canaanëad, a Iuwdas Iscariot, yr hwn á’i bradychodd ef. Y deuarddeg hyn á #10:1 Awdurdododd; commissioned.genadwriaethodd Iesu, gàn eu haddysgu hwynt, a dywedyd,
6-10Nac ewch ymaith at y Cenedloedd, nac i fewn i ddinas Samariaidd; ond ewch yn uniawn at ddefaid colledig cyff Israel. Ac wrth fyned, cyhoeddwch, gàn ddywedyd, Y mae Teyrnasiad y Nefoedd yn agosâu. Iachewch y cleifion, cyfodwch y meirw, glanewch y gwahangleifion, bwriwch allan gythreuliaid; yn rad y derbyniasoch, rhoddwch yn rad. Na ddodwch aur, neu arian, neu efydd, yn eich gwregysau; na chariwch ysgrepan teithio, na pheisiau dros bèn digon, esgidiau na ffon; canys y mae y gweithiwr yn deilwng o’i gynnaliaeth.
11-15Ac i ba ddinas neu bentref bynag yr eloch, ymofynwch pa ddyn o deilyngdod sydd yn byw yno; ac aroswch gydag ef, hyd oni adawoch y lle. Pan eloch i’r tŷ, anerchwch y teulu. Os bydd y teulu yn deilwng, y tangnefedd à ewyllysiwch iddynt, á ddaw arnynt; os na byddant deilwng, efe á adchwel arnoch eich hunain. Pa le bynag ni’ch derbyniant, a nid ystyriant eich geiriau, wrth ymadael o’r tŷ hwnw, neu y ddinas hòno, ysgydwch y llwch oddwrth eich traed. Yn wir, yr wyf yn dywedyd wrthych, y bydd cyflwr Sodoma a Gomora yn fwy goddefadwy yn nydd y farn, na chyflwr y ddinas hòno.
16-22Wele! yr wyf yn eich anfon allan fel defaid yn nghanol bleiddiaid. Byddwch, gàn hyny, gall fel y seirff, a diniwaid fel y colomenod. Ond ymogelwch rhag y dynion hyn; canys hwy á’ch rhoddant i fyny i gynghorau, ac á’ch fflangellant chwi yn eu cynnullfëydd; a chwi á ddygir gèr bron llywiawdwyr a breninoedd, o’m hachos i, i ddwyn tystiolaeth iddynt hwy, ac i’r Cenedloedd. Ond pan roddant chwi i fyny, na phryderwch pa fodd, neu pa beth á lefaroch; canys pa beth á lefaroch á roddir yn eich meddwl yn y meidyn hwnw. Canys nid chwi fydd yn llefaru; ond Ysbryd fy Nhad, yr hwn á lefara drwyddoch. Yna y brawd á rydd y brawd i fyny i farwolaeth; a’r tad, y plentyn; a phlant á godant yn erbyn eu rhieni, ac á berant eu marwolaeth. A chwi á gasêir yn gyffredinol èr mwyn fy enw i. Ond y neb à barâo hyd y diwedd, á fydd cadwedig.
23-25Am hyny, pàn ych erlidiant yn un ddinas, ffowch i un arall; canys yn wir, yr wyf yn dywedyd wrthych, ni byddwch wedi myned drwy ddinasoedd Israel, hyd oni ddêl Mab y Dyn. Nid yw dysgybl yn uwch na ’i athraw; na gwas yn uwch na ’i feistr. Digon i’r dysgybl fod fel ei athraw, ac i’r gwas fod fel ei feistr. Os galwasant feistr y tŷ yn Beelzebwb, pa faint mwy ei deulüyddion?
26-33Am hyny, nac ofnwch hwynt, canys nid oes dim cuddiedig, a’r nas dadguddir; dim dirgel, a’r nas gwybyddir. Yr hyn á ddywedwyf wrthych yn y tywyllwch, dadgenwch yn y goleuni; a’r hyn sydd yn cael ei sisial yn eich clust, cyhoeddwch oddar benau y tai. A nac ofnwch y rhai à laddant y corff, ond nid allant ladd yr enaid; yn hytrach ofnwch yr hwn à ddichon ddystrywio enaid a chorff yn uffern. Oni werthir dau aderyn y tô èr ceiniog? Eto nid yw yr un o honynt yn syrthio i ’r llawr heb eich Tad chwi. Na, y mae hyd yn nod holl wallt eich pen yn gyfrifedig. Nac ofnwch, gàn hyny; yr ydych chwi yn werthfawrocach na llawer o adar y tô. Pwybynag, gàn hyny, á’m haddefo i gèr gwydd dynion, hwnw hefyd á addefaf finnau gèr gwydd fy Nhad yr hwn sydd yn y nefoedd. Ond pwybynag á’m gwado i gèr gwydd dynion, hwnw á wadaf finnau hefyd gèr gwydd fy Nhad yr hwn sydd yn y nefoedd.
34-39Na thybiwch fy nyfod i i ddwyn heddwch àr y ddaiar. Ni ddaethym i ddwyn heddwch, ond cleddyf. Canys daethym i beri annghydfod rhwng tad a mab, rhwng mam a merch, rhwng mam‐yn‐nghyfraith a merch-yn‐nghyfraith; fel mai gelynion gŵr á geir yn ei deulu ei hun. Yr hwn sydd yn caru tad neu fam yn fwy na myfi, nid yw deilwng o honof fi. Y sawl sydd yn caru mab neu ferch yn fwy na myfi, nid yw deilwng o honof fi. Y neb ni chymero ei groes a’m canlyn i, nid yw deilwng o honof fi. Y neb sydd yn cadw ei einioes, á’i cyll; ond y neb sydd yn colli ei einioes, o’m hachos i, á’i ceidw hi.
40-42Y sawl sydd yn eich derbyn chwi, sydd yn fy nerbyn i; a’r sawl sydd yn fy nerbyn i, sydd yn derbyn yr hwn à’m hanfonodd i. Y neb sydd yn derbyn proffwyd, am mai proffwyd yw, á gaiff obr proffwyd; a’r neb sydd yn derbyn un cyfiawn, am mai un cyfiawn yw, á dderbyn obr un cyfiawn: a phwybynag á roddo i un o’r rhai bychain hyn, am mai dysgybl i mi ydyw, gwpanaid o ddwfr oer yn unig, iddei hyfed; yn wir, yr wyf yn dywedyd wrthych, ni chyll, efe ei obr.
Nu markerat:
Matthew Lefi 10: CJW
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Yr Oraclau Bywiol gan John Williams 1842. Cafodd y testun ei ddigideiddio gan Gymdeithas y Beibl yn 2021.