Wenía 13
13
Abrão ãwẽ epashko Lónĩ pashkánanãti ivo yoã
1Askái ano Egitonamãsho Abrão ãwẽ aĩ, ãwẽ epashko Ló aatíi, atõ awe roa avaí, arimẽse Neguebekiri iovaĩóvo. 2Abrãoro kakáya mestẽkasho kopimatiyãwaka ivo yora. Iná, ouro, prata akárasĩ aya. 3Askásho ano Neguebenamãsho, Betelkiri kaí, Betelnĩ Ai tõovakĩ nokókaĩi, ãwẽ peshé avawãtachĩanamã. 4Ano nokókaĩsho anõ maki ati tapo ãwẽ achĩanamãshósevi Yavé ravióki.
5Askái ãwẽ epashko, avé kachĩa ivo ãwẽ inárasĩ, peshérasĩ aatii arí ayasevi. 6Ano ravé atõ shokomẽkĩ wasĩ mashkávo, atõ inárasĩ westímashõ. 7Aská aatiã cananeu yorarasĩ, ferezeu yorarasĩ aatii ano aaivo mai naki shokoóvo. Askáinã anosho Abrãonĩ ãwẽ epashkopa iná vesoyavorasĩ arímamẽ vatxinanãvo.
8Askáki shavá wetsã Abrãone ãwẽ epashko tanamakĩ. “Nokero mĩ wetsamakoĩmẽkĩ, nokẽ inárasĩ vesoyavo arímamẽ atõ vatxinanãa roakamáse. 9Nõ norí pashkávakĩnõ. Atokiri mĩ roa aka? ‘Ea mechmiri ẽ katãnõ’, mĩ imaĩnõro, ea mekiri ẽ kakatsai. Askámaĩnõ, ‘ea mekiri ẽ katãnõ’, mĩ imaĩnõro, ea mechmiri ẽ kakatsai”, akĩ.
10Ãwẽ askámaĩnõ ã epashkopa patákaĩsho ã oĩa, Jordão waka kesó itãi, mató sapaka kaí Zoar shavánamã kesoa oĩki. Ano mai roaka, teã kesó, Yavepa wai ayãta keská, Egito mai keská aká. Aatiã Sodomanĩ Gomorra shavá ayase, Yavepa ato keyoti vevo. 11Askái Jordão maikiri kavẽvaí vari oátõ kaí. Anosho oshkévakĩtivo. 12Abrãoro Canaã mainamãse niakéi, askámaĩnõ ãwẽ epashkóro Sodoma oramachta, cidade nakosho rakáa, mató sapakanamã niakéi. 13Aská Sodoma yorarasĩro askata ichnárasĩrvi, Yavepa vana tavámai isĩpatõ ikí shokovo.
14Askásho ãwẽ epashko arí pashkákaĩvaitxinĩ, Yavepa Abrão tanamakĩ. “Ano shaváyashõ naí paróri, naí paró wetsã, vari oátõ, vari kaatõ oĩi, atso. 15Mai naa rakáa mĩ oĩa ivo, mia, mĩ revomarasĩ aká keyoki mato ẽ inãkatsa, matonase ikatsai. 16Aská akĩ atovoro mai pototíi, tanátĩpa ikatsai. 17Askái ramaro weníinavai kashõ, naaivo mai ãwẽ kesoketanatióki oĩkéta, vari oátõ, vari kaatõ, naí paróri, naí paró wetsã, akánamã oĩketátso”, akĩ.
18Aská nĩkãinã ãwẽ peshé txoyo avaí, Hebrom shavá orakama, iwi “carvalho” atõ aká ivorasĩ shokoanamã niakéi kaí. Aaivo iwiro Manre yoraná. Askái anosho anõ maki ati tapo Yavéravĩki ashõóki.
Nu markerat:
Wenía 13: YKV
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Active: © Wycliffe Bible Translators, Inc. All rights reserved
Wenía 13
13
Abrão ãwẽ epashko Lónĩ pashkánanãti ivo yoã
1Askái ano Egitonamãsho Abrão ãwẽ aĩ, ãwẽ epashko Ló aatíi, atõ awe roa avaí, arimẽse Neguebekiri iovaĩóvo. 2Abrãoro kakáya mestẽkasho kopimatiyãwaka ivo yora. Iná, ouro, prata akárasĩ aya. 3Askásho ano Neguebenamãsho, Betelkiri kaí, Betelnĩ Ai tõovakĩ nokókaĩi, ãwẽ peshé avawãtachĩanamã. 4Ano nokókaĩsho anõ maki ati tapo ãwẽ achĩanamãshósevi Yavé ravióki.
5Askái ãwẽ epashko, avé kachĩa ivo ãwẽ inárasĩ, peshérasĩ aatii arí ayasevi. 6Ano ravé atõ shokomẽkĩ wasĩ mashkávo, atõ inárasĩ westímashõ. 7Aská aatiã cananeu yorarasĩ, ferezeu yorarasĩ aatii ano aaivo mai naki shokoóvo. Askáinã anosho Abrãonĩ ãwẽ epashkopa iná vesoyavorasĩ arímamẽ vatxinanãvo.
8Askáki shavá wetsã Abrãone ãwẽ epashko tanamakĩ. “Nokero mĩ wetsamakoĩmẽkĩ, nokẽ inárasĩ vesoyavo arímamẽ atõ vatxinanãa roakamáse. 9Nõ norí pashkávakĩnõ. Atokiri mĩ roa aka? ‘Ea mechmiri ẽ katãnõ’, mĩ imaĩnõro, ea mekiri ẽ kakatsai. Askámaĩnõ, ‘ea mekiri ẽ katãnõ’, mĩ imaĩnõro, ea mechmiri ẽ kakatsai”, akĩ.
10Ãwẽ askámaĩnõ ã epashkopa patákaĩsho ã oĩa, Jordão waka kesó itãi, mató sapaka kaí Zoar shavánamã kesoa oĩki. Ano mai roaka, teã kesó, Yavepa wai ayãta keská, Egito mai keská aká. Aatiã Sodomanĩ Gomorra shavá ayase, Yavepa ato keyoti vevo. 11Askái Jordão maikiri kavẽvaí vari oátõ kaí. Anosho oshkévakĩtivo. 12Abrãoro Canaã mainamãse niakéi, askámaĩnõ ãwẽ epashkóro Sodoma oramachta, cidade nakosho rakáa, mató sapakanamã niakéi. 13Aská Sodoma yorarasĩro askata ichnárasĩrvi, Yavepa vana tavámai isĩpatõ ikí shokovo.
14Askásho ãwẽ epashko arí pashkákaĩvaitxinĩ, Yavepa Abrão tanamakĩ. “Ano shaváyashõ naí paróri, naí paró wetsã, vari oátõ, vari kaatõ oĩi, atso. 15Mai naa rakáa mĩ oĩa ivo, mia, mĩ revomarasĩ aká keyoki mato ẽ inãkatsa, matonase ikatsai. 16Aská akĩ atovoro mai pototíi, tanátĩpa ikatsai. 17Askái ramaro weníinavai kashõ, naaivo mai ãwẽ kesoketanatióki oĩkéta, vari oátõ, vari kaatõ, naí paróri, naí paró wetsã, akánamã oĩketátso”, akĩ.
18Aská nĩkãinã ãwẽ peshé txoyo avaí, Hebrom shavá orakama, iwi “carvalho” atõ aká ivorasĩ shokoanamã niakéi kaí. Aaivo iwiro Manre yoraná. Askái anosho anõ maki ati tapo Yavéravĩki ashõóki.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Active: © Wycliffe Bible Translators, Inc. All rights reserved