Luk 10
10
Tha Jisas 'e falea kau fiu taafulu disaepol ma roo disaepol nia ki
1'I buira na doo 'eki, Lord ka filia fiu taafulu wane ki ma roo wane ki#10:1 Tei manuskript kera sore'a fiu taafulu bana, ma ka faleda keka lae to'o rooroo wane ki, fasi keka lae 'i na'o 'ani nia ura kula ki sui na nia kai lae uria. 2Ma nia ka ba'e 'una 'eri fada, “Na uni'i doo 'e rafo ka 'oro, sui taa ma to'a ni raa kesi 'oro. Adelana bo'o, muka fo'a sana tha God na wane'inoto 'ana uni'i doo ne rafo fasi ka falea mai wane ni raa ki ura ofulana doo ne rafo nia ki. 3Mulu lae. Nau ku arasi kamalu'a mala kale'e sifisifi ki 'i ma'alutana kuita kwasi ki. 4'E a'i musi ngalia ta wa'i malefo ma ta taata'e butu. Ma a'i musi 'abero 'ana ba'elaa bia ta wane sula tala. 5Ma si manga mulu kotho 'ana ta luma, muka ba'e 'una 'eri, ‘nga enenoa tha God kai too biia toaa ne'e.’ 6Ma mada sa ta wane 'ana enenoa na 'e too kula 'eri, na enenoa na mulu 'arata'i nia 'ania kai too biia. Ma mada sa ka a'i, na le'alaa 'eri kai oli la'u bo'o mai 'ana famalu'a. 7Muka too luma 'eri, ma muka 'ania ma muka ku'ufia ta si doo na keki falea famalu'a. Sulia na wane na 'e raa 'e faarana keki usi nia. Muka too ngado, a'i musi too fuufuli la luma 'ee'eta 'oro ki.
8“Ma si manga mulu fula 'ana ta ma'etoaa, ma keka beta kamalu'a, muka 'ania fanga taa na kera falea famalu'a. 9Ma muka fa'a'akwaa imole mata'i ki 'i ma'etoaa 'eri, ma muka ba'e 'una 'eri fada, ‘'inotoa tha God 'e karangi kamalu'a na'a.’ 10Ma mada sa mulu fula 'ana ta ma'etoaa, ma a'i kesi beta kamalu'a, muka lae sulia tala 'i laa na ma'etoaa 'eri, ma muka ba'e 'una 'eri, 11‘Na geegeona tha'egano 'ana ma'etoaa kamalu'a na 'e rara'u 'ana 'aemali'a mena mili kwa'etafasia na kau ura kamalu'a fasi ka faatania na kwaakwa'ea tha God ura aburongolaa kamalu'a. Sui mena muka thaito'omana, na 'inotoa tha God 'e fula karangi kamalu'a na'a.’ 12Ku sore'a 'i samulu'a, kwaakwa'ea na Sodom kai todaa 'ana fa thato 'eri 'ana kwaakwa'ea kai fa'ekwa bana 'ana kwaakwa'ea ba'ita na toaa susu 'eri kai todaa!”
Imole ki 'ana kula ba'ita ki kesi fa'amamanea tha Jisas
(Matiu 11:20-24)
13Tha Jisas ka ba'e 'una 'eri, “'e ta'a ka tatha 'i femu Koresin! 'E ta'a ka tatha 'i femu Bethsaida. Sulia, mada sa doo ni kwelelaa 'ania ki na 'e fuli 'i ma'alutamaro'a 'e fuli 'i Taea ma 'i Saedon,#10:13 'I Taea ma 'i Saedon Na roo ma'etoaa ba'ita 'ee'eta ki fasia 'i Israel, thatada 'e talo sulia ta'alaa kera ki. doo imole 'eki keka luka 'uu bo'o 'ana abulata'alaa kera ki ma keka faatania 'ana 'onolaa iano ma keka to'oni 'ana maku rarasi'aila, ma keka kaakano 'ana fu'a. 14Sui mena 'ana, na kwaakwa'ea na Taea ma Saedon keki todaa 'ana fa bongi 'ana keeketoa kai fa'ekwa bana 'ana si doo na moki todaa. 15Mani 'oe Kapaneam, 'o fiia sa tha God kai kwau 'oe uria 'i thalo lo? Keki 'uu 'ani 'oe 'i ano 'i laa fanua to'a mae ki.”
16Sui tha Jisas ka ba'e 'una 'eri fana bare'e disaepol nia ki, “Tei na ka rongo kamalu'a, nia 'e rongo nau la'u bo'o. Ma tei bana ka lalakwata'i kamalu'a, 'e lalakwata'i nau la'u bo'o. Ma tei bana ka lalakwata'i nau, nia 'e lalakwatania la'u bo'o tha God na 'e fale nau mai.”
17Ma fiu taafulu ma roo wane baa ki keka lae na'a. Ma 'ana si manga kera oli mai, keka se'ethaathala 'asia na'a, ma keka ba'e 'una 'eri, “Aofia 'ae, na ano'edo ta'a ki mena kera adesuli kamali'a si manga mili tarida 'ana suukwa'ia 'oe!”
18Tha Jisas 'e lu'uda ka 'una 'eri, “Nau ku rikia tha Saetana 'e 'asia mai fasia thalo lo mala ta maanu. 19Mulu rongoa fasi! Nau ku falea na'a na suukwa'ia famalu'a fasi muka uru faafia ba'ekwa tolo ma faafari ki bia siitathalaa ne ba'itafa'ama'u faafia sukwa'ia ma'alimae, ma ta si doo si thaungi kamalu'a. 20A'i musi se'ethaathala la'u sulia na ano'edo ta'a ki kera adesuli kamalu'a, muki se'ethaathala 'amalu'a sulia tha God 'e kedaa sui na'a thatamalu'a 'i thalo.”
Tha Jisas 'e se'ethaathala ma ka tangoa tha God
(Matiu 11:25-27; 13:16-17)
21Ma 'ana si manga 'eri, tha Jisas 'e fungu 'ana se'ethathalalaa fasia na Ano'edoo abu ma ka ba'e 'una 'eri, “Maka 'ae, 'oe 'o 'inoto faafia doo ki sui 'i thalo ma 'i fanu na iano. Nau ku tango 'oe, sulia na 'o faatania na doo ne'e ki fana imole ki na kera 'uria kali wela ki, ma 'oko tha'ufunia fasia to'a lioto'o ma keka to'o uria thaito'omanalana doo 'oro ki. Iu Maka, na doo 'eri ki 'e fuli 'una 'eri sulia na thathamilaa 'oe.”
22Sui tha Jisas ka ba'e 'una 'eri, “Maka nau 'e falea sui na'a doo ki sui 'i faku. 'E a'i ta imole si thaito'omana na kaluwane talito'ona na Maka, ma a'i ta imole si thaito'omana na Maka talito'ona kaluwane bia tei bana na kaluwane 'e thathamia kai fata'i nia 'i sada.”
23Sui tha Jisas ka akele ura bare'e disaepol nia ki ka ba'e ura kera talito'oda bana, ka 'una 'eri, “Le'a famalu'a, sulia mulu rikia na doo ne'e ki ni kwelelaa 'ania 'i tara'ena. 24Nau ku sore'a 'i samulu'a, na profet 'oro ki, ma king 'oro ki 'i na'o, kera thathami'i rikia na doo ki mulu rikia 'i tara'ena ma kesi rikia bo'o. Ma keka thathami'i rongoa na doo ne'e ki mulu rongoa 'i tara'ena, ma kesi rongoa bo'o.”
Si Omale'ewane sulia na wane le'a 'i Samaria
25Te'e wane to'odoo 'ana biibirangaa, 'e lae mai sana tha Jisas. Nia 'e thathamia kai ilito'ona, ma ka ba'e 'una 'eri, “Wane ni to'odoo 'ae, ta si taa na kwai ilia fasi kwa todaa na marukia tootoo si sui?”
26Tha Jisas ka lu'u nia 'una 'eri, “Taa na Keekedaa Abu 'e sore'a? 'O te'ema'i 'ufita 'ania?”
27Ma wane 'eri 'e lu'ua ka ba'e 'una 'eri, “'oki liothau 'ana God 'oe, 'ana mangomu te'efau, ma 'ana ruuru'umu te'efau, ma 'ana suukwa'ia 'oe te'efau, ma 'ana manatalamu te'efau. Ma 'oki liothau 'ana wane 'oe ka 'uria la'u bo'o na 'o liothau 'ani 'oe 'i tala'amu.”
28Ma tha Jisas ka ba'e la'u 'una 'eri, “Si lu'ulaa 'oe 'eri 'e kokota. 'O ilia si doo 'eri, ma 'oko maruki.”
29Sui ta, wane to'odoo 'eri, 'e thathamia kai faatania na marukia nia 'e kokota bana, ma nia ka soeto'ona la'u tha Jisas ka 'una 'eri, “Ma tei na wane nau 'eri?”
30Ma tha Jisas ka 'una 'eri, “Te'e wane 'e too mai 'i Jerusalem ma ka lae uria 'i Jeriko, ma to'a ni bili ki keka thaungi nia. Keka ngalia to'oni nia ki, ma keka kwa'e nia karangia kai mae bona'a sui keka lae nada fasia. 31Ma te'e wane ni fo'a ka tatha la'u bo'o sula tala 'eri, ma si manga 'e rikia wane ba, nia ka tabali ma ka tatha la'u bana. 32'Una 'eri la'u bo'o, te'e wane 'ana kwalafaa tha Lifae ka tatha la'u bo'o sulia tala 'eri. Ma si manga 'e fula 'asi kula 'eri ma ka rikia wane ba, 'e tabali fasia ma ka tatha la'u bana. 33Sui te'e wane fasia balifanua 'i Samaria 'e lae la'u bo'o mai sulia tala 'eri. Si manga 'e rikia wane ba, nia ka kwaimanatai 'asia na'a fana. 34Ma 'e lae mai sana, ka sa'ua na maala nia ki 'ana waiwai ma 'ana waen, ma ka 'afua maala nia 'eki. Sui ka kwaua 'i fafona dongki nia, ma ka ngalia na'a uria te'e bi'u ura uusilana ura toolaa 'i laa na, ma ka lio sulia 'i kula'eri. 35Ma 'ana ruana fa thato, nia ka lafua roo mige'e malefo na tala'ana uusilaa ura roo fa thato, ma ka falea fana na wane na 'e lio sulia na bi'u 'eri, ka ba'e 'una 'eri fana, ‘'oki lio sulia wane ne'e, ma 'ana si manga nau ku oli la'u mai, nau kwa du'ua te'efau 'ana malefo 'oe ki na 'o 'adomia 'ania.’ ”
36Sui tha Jisas ka ba'e 'una 'eri fana, “Tei 'ana ulu wane 'eki sa mulu fiia 'e ade mala wane ade le'a nia ura wane ba to'a ni bili ki kera kwa'ea?”
37Ma wane to'odoo 'ana biibirangaa ba ka 'una 'eri, “Na wane na 'e kwaimanatai ura nia.”
Ma tha Jisas 'e lu'ua ka 'una 'eri, “'o lae, ma 'oki ade 'una 'eri la'u bo'o.”
Ni Matha bia ni Mere
38Ma si manga tha Jisas ma bare'e disaepol nia ki kera lae na'a, keka fula 'ana te'e ma'etoaa, ma te'e kini thatana ni Matha ka thathagonia tha Jisas uria luma nia. 39Nia 'e too 'ana te'e do'ora thatana ni Mere, na 'e 'ono ninimana 'aena Lord, ma ka fafurongo 'ana ura to'odoolana. 40Ma manatana ni Matha ka isifuufuli 'asia na'a sulia raa 'oro ki na kai ilia. Ma nia ka lae mai sana, ka ba'e 'una 'eri fana, “Wane'inoto 'ae, 'e a'i si 'oga 'oe bo'o na thaasiku na 'e 'akwasia nau bana uria na kwai ilia bakua na raa ne'e ki sui talifili nau? 'O fa'arongo nia ka lae mai ura kai 'adomi nau!”
41Ma Wane'inoto 'e lu'ua ka 'una 'eri, “Matha 'ae, manatamu 'e ta'aa ma ka isifuufuli 'asia na'a sulia doo 'oro ki. 42Sui ta, te'e si doo bo'o ne tainga'i. Ma ni Mere 'e filia si doo tainga'i na tootoo kesi ngalia fasi nia.”
Nu markerat:
Luk 10: MLU
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2024, SITAG
Luk 10
10
Tha Jisas 'e falea kau fiu taafulu disaepol ma roo disaepol nia ki
1'I buira na doo 'eki, Lord ka filia fiu taafulu wane ki ma roo wane ki#10:1 Tei manuskript kera sore'a fiu taafulu bana, ma ka faleda keka lae to'o rooroo wane ki, fasi keka lae 'i na'o 'ani nia ura kula ki sui na nia kai lae uria. 2Ma nia ka ba'e 'una 'eri fada, “Na uni'i doo 'e rafo ka 'oro, sui taa ma to'a ni raa kesi 'oro. Adelana bo'o, muka fo'a sana tha God na wane'inoto 'ana uni'i doo ne rafo fasi ka falea mai wane ni raa ki ura ofulana doo ne rafo nia ki. 3Mulu lae. Nau ku arasi kamalu'a mala kale'e sifisifi ki 'i ma'alutana kuita kwasi ki. 4'E a'i musi ngalia ta wa'i malefo ma ta taata'e butu. Ma a'i musi 'abero 'ana ba'elaa bia ta wane sula tala. 5Ma si manga mulu kotho 'ana ta luma, muka ba'e 'una 'eri, ‘nga enenoa tha God kai too biia toaa ne'e.’ 6Ma mada sa ta wane 'ana enenoa na 'e too kula 'eri, na enenoa na mulu 'arata'i nia 'ania kai too biia. Ma mada sa ka a'i, na le'alaa 'eri kai oli la'u bo'o mai 'ana famalu'a. 7Muka too luma 'eri, ma muka 'ania ma muka ku'ufia ta si doo na keki falea famalu'a. Sulia na wane na 'e raa 'e faarana keki usi nia. Muka too ngado, a'i musi too fuufuli la luma 'ee'eta 'oro ki.
8“Ma si manga mulu fula 'ana ta ma'etoaa, ma keka beta kamalu'a, muka 'ania fanga taa na kera falea famalu'a. 9Ma muka fa'a'akwaa imole mata'i ki 'i ma'etoaa 'eri, ma muka ba'e 'una 'eri fada, ‘'inotoa tha God 'e karangi kamalu'a na'a.’ 10Ma mada sa mulu fula 'ana ta ma'etoaa, ma a'i kesi beta kamalu'a, muka lae sulia tala 'i laa na ma'etoaa 'eri, ma muka ba'e 'una 'eri, 11‘Na geegeona tha'egano 'ana ma'etoaa kamalu'a na 'e rara'u 'ana 'aemali'a mena mili kwa'etafasia na kau ura kamalu'a fasi ka faatania na kwaakwa'ea tha God ura aburongolaa kamalu'a. Sui mena muka thaito'omana, na 'inotoa tha God 'e fula karangi kamalu'a na'a.’ 12Ku sore'a 'i samulu'a, kwaakwa'ea na Sodom kai todaa 'ana fa thato 'eri 'ana kwaakwa'ea kai fa'ekwa bana 'ana kwaakwa'ea ba'ita na toaa susu 'eri kai todaa!”
Imole ki 'ana kula ba'ita ki kesi fa'amamanea tha Jisas
(Matiu 11:20-24)
13Tha Jisas ka ba'e 'una 'eri, “'e ta'a ka tatha 'i femu Koresin! 'E ta'a ka tatha 'i femu Bethsaida. Sulia, mada sa doo ni kwelelaa 'ania ki na 'e fuli 'i ma'alutamaro'a 'e fuli 'i Taea ma 'i Saedon,#10:13 'I Taea ma 'i Saedon Na roo ma'etoaa ba'ita 'ee'eta ki fasia 'i Israel, thatada 'e talo sulia ta'alaa kera ki. doo imole 'eki keka luka 'uu bo'o 'ana abulata'alaa kera ki ma keka faatania 'ana 'onolaa iano ma keka to'oni 'ana maku rarasi'aila, ma keka kaakano 'ana fu'a. 14Sui mena 'ana, na kwaakwa'ea na Taea ma Saedon keki todaa 'ana fa bongi 'ana keeketoa kai fa'ekwa bana 'ana si doo na moki todaa. 15Mani 'oe Kapaneam, 'o fiia sa tha God kai kwau 'oe uria 'i thalo lo? Keki 'uu 'ani 'oe 'i ano 'i laa fanua to'a mae ki.”
16Sui tha Jisas ka ba'e 'una 'eri fana bare'e disaepol nia ki, “Tei na ka rongo kamalu'a, nia 'e rongo nau la'u bo'o. Ma tei bana ka lalakwata'i kamalu'a, 'e lalakwata'i nau la'u bo'o. Ma tei bana ka lalakwata'i nau, nia 'e lalakwatania la'u bo'o tha God na 'e fale nau mai.”
17Ma fiu taafulu ma roo wane baa ki keka lae na'a. Ma 'ana si manga kera oli mai, keka se'ethaathala 'asia na'a, ma keka ba'e 'una 'eri, “Aofia 'ae, na ano'edo ta'a ki mena kera adesuli kamali'a si manga mili tarida 'ana suukwa'ia 'oe!”
18Tha Jisas 'e lu'uda ka 'una 'eri, “Nau ku rikia tha Saetana 'e 'asia mai fasia thalo lo mala ta maanu. 19Mulu rongoa fasi! Nau ku falea na'a na suukwa'ia famalu'a fasi muka uru faafia ba'ekwa tolo ma faafari ki bia siitathalaa ne ba'itafa'ama'u faafia sukwa'ia ma'alimae, ma ta si doo si thaungi kamalu'a. 20A'i musi se'ethaathala la'u sulia na ano'edo ta'a ki kera adesuli kamalu'a, muki se'ethaathala 'amalu'a sulia tha God 'e kedaa sui na'a thatamalu'a 'i thalo.”
Tha Jisas 'e se'ethaathala ma ka tangoa tha God
(Matiu 11:25-27; 13:16-17)
21Ma 'ana si manga 'eri, tha Jisas 'e fungu 'ana se'ethathalalaa fasia na Ano'edoo abu ma ka ba'e 'una 'eri, “Maka 'ae, 'oe 'o 'inoto faafia doo ki sui 'i thalo ma 'i fanu na iano. Nau ku tango 'oe, sulia na 'o faatania na doo ne'e ki fana imole ki na kera 'uria kali wela ki, ma 'oko tha'ufunia fasia to'a lioto'o ma keka to'o uria thaito'omanalana doo 'oro ki. Iu Maka, na doo 'eri ki 'e fuli 'una 'eri sulia na thathamilaa 'oe.”
22Sui tha Jisas ka ba'e 'una 'eri, “Maka nau 'e falea sui na'a doo ki sui 'i faku. 'E a'i ta imole si thaito'omana na kaluwane talito'ona na Maka, ma a'i ta imole si thaito'omana na Maka talito'ona kaluwane bia tei bana na kaluwane 'e thathamia kai fata'i nia 'i sada.”
23Sui tha Jisas ka akele ura bare'e disaepol nia ki ka ba'e ura kera talito'oda bana, ka 'una 'eri, “Le'a famalu'a, sulia mulu rikia na doo ne'e ki ni kwelelaa 'ania 'i tara'ena. 24Nau ku sore'a 'i samulu'a, na profet 'oro ki, ma king 'oro ki 'i na'o, kera thathami'i rikia na doo ki mulu rikia 'i tara'ena ma kesi rikia bo'o. Ma keka thathami'i rongoa na doo ne'e ki mulu rongoa 'i tara'ena, ma kesi rongoa bo'o.”
Si Omale'ewane sulia na wane le'a 'i Samaria
25Te'e wane to'odoo 'ana biibirangaa, 'e lae mai sana tha Jisas. Nia 'e thathamia kai ilito'ona, ma ka ba'e 'una 'eri, “Wane ni to'odoo 'ae, ta si taa na kwai ilia fasi kwa todaa na marukia tootoo si sui?”
26Tha Jisas ka lu'u nia 'una 'eri, “Taa na Keekedaa Abu 'e sore'a? 'O te'ema'i 'ufita 'ania?”
27Ma wane 'eri 'e lu'ua ka ba'e 'una 'eri, “'oki liothau 'ana God 'oe, 'ana mangomu te'efau, ma 'ana ruuru'umu te'efau, ma 'ana suukwa'ia 'oe te'efau, ma 'ana manatalamu te'efau. Ma 'oki liothau 'ana wane 'oe ka 'uria la'u bo'o na 'o liothau 'ani 'oe 'i tala'amu.”
28Ma tha Jisas ka ba'e la'u 'una 'eri, “Si lu'ulaa 'oe 'eri 'e kokota. 'O ilia si doo 'eri, ma 'oko maruki.”
29Sui ta, wane to'odoo 'eri, 'e thathamia kai faatania na marukia nia 'e kokota bana, ma nia ka soeto'ona la'u tha Jisas ka 'una 'eri, “Ma tei na wane nau 'eri?”
30Ma tha Jisas ka 'una 'eri, “Te'e wane 'e too mai 'i Jerusalem ma ka lae uria 'i Jeriko, ma to'a ni bili ki keka thaungi nia. Keka ngalia to'oni nia ki, ma keka kwa'e nia karangia kai mae bona'a sui keka lae nada fasia. 31Ma te'e wane ni fo'a ka tatha la'u bo'o sula tala 'eri, ma si manga 'e rikia wane ba, nia ka tabali ma ka tatha la'u bana. 32'Una 'eri la'u bo'o, te'e wane 'ana kwalafaa tha Lifae ka tatha la'u bo'o sulia tala 'eri. Ma si manga 'e fula 'asi kula 'eri ma ka rikia wane ba, 'e tabali fasia ma ka tatha la'u bana. 33Sui te'e wane fasia balifanua 'i Samaria 'e lae la'u bo'o mai sulia tala 'eri. Si manga 'e rikia wane ba, nia ka kwaimanatai 'asia na'a fana. 34Ma 'e lae mai sana, ka sa'ua na maala nia ki 'ana waiwai ma 'ana waen, ma ka 'afua maala nia 'eki. Sui ka kwaua 'i fafona dongki nia, ma ka ngalia na'a uria te'e bi'u ura uusilana ura toolaa 'i laa na, ma ka lio sulia 'i kula'eri. 35Ma 'ana ruana fa thato, nia ka lafua roo mige'e malefo na tala'ana uusilaa ura roo fa thato, ma ka falea fana na wane na 'e lio sulia na bi'u 'eri, ka ba'e 'una 'eri fana, ‘'oki lio sulia wane ne'e, ma 'ana si manga nau ku oli la'u mai, nau kwa du'ua te'efau 'ana malefo 'oe ki na 'o 'adomia 'ania.’ ”
36Sui tha Jisas ka ba'e 'una 'eri fana, “Tei 'ana ulu wane 'eki sa mulu fiia 'e ade mala wane ade le'a nia ura wane ba to'a ni bili ki kera kwa'ea?”
37Ma wane to'odoo 'ana biibirangaa ba ka 'una 'eri, “Na wane na 'e kwaimanatai ura nia.”
Ma tha Jisas 'e lu'ua ka 'una 'eri, “'o lae, ma 'oki ade 'una 'eri la'u bo'o.”
Ni Matha bia ni Mere
38Ma si manga tha Jisas ma bare'e disaepol nia ki kera lae na'a, keka fula 'ana te'e ma'etoaa, ma te'e kini thatana ni Matha ka thathagonia tha Jisas uria luma nia. 39Nia 'e too 'ana te'e do'ora thatana ni Mere, na 'e 'ono ninimana 'aena Lord, ma ka fafurongo 'ana ura to'odoolana. 40Ma manatana ni Matha ka isifuufuli 'asia na'a sulia raa 'oro ki na kai ilia. Ma nia ka lae mai sana, ka ba'e 'una 'eri fana, “Wane'inoto 'ae, 'e a'i si 'oga 'oe bo'o na thaasiku na 'e 'akwasia nau bana uria na kwai ilia bakua na raa ne'e ki sui talifili nau? 'O fa'arongo nia ka lae mai ura kai 'adomi nau!”
41Ma Wane'inoto 'e lu'ua ka 'una 'eri, “Matha 'ae, manatamu 'e ta'aa ma ka isifuufuli 'asia na'a sulia doo 'oro ki. 42Sui ta, te'e si doo bo'o ne tainga'i. Ma ni Mere 'e filia si doo tainga'i na tootoo kesi ngalia fasi nia.”
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2024, SITAG