Maleko 6
6
Ko te ahiahi ki Nasaleti
1I tana osi mavae mai ai, nee alu ia ki tona fenua, pea nee fagona mo ia ana tisipulo. 2I te hoko‐mai o te sapato, nee fai akonaki ia i te sinakoka pea tokolahi age nee punamauli i tanatou logoi ana lea, pea nee natou ui: “Pe e ina mau maifea te poto aena? Pea kotea te fakapotopoto ae kua foaki ki ai pea mo te u milakulo lalahi e lavai aki ona nima? 3Pe e mole ko te tufuga aeni, te tama a Malia, te tehina o Sakopo, Sosefo, Suta pea mo Simone? Pe e mole i heni i te lotolotoga o tatou ona u tokolua?” Pea nee natou loto kinakina, o meimei fakakaukau hala o uhiga mo ia. 4Pea nee folafola kia natou e Sesu, o ui maana: “Ko he polofeta e hoki fehiainai i tonape fenua, i ona kaiga pea mo tona loto fale.” 5Pea nee mole ina lava fai i ai he milakulo, e gatape i tana fakamalolo niihi mahaki, aki tana hilifaki ona takafalu kia natou, 6pea nee punamauli ia i tanatou hala mo te tui.
Ko te fekaui o te tokohogofulu‐ma‐lua
Nee fealuaki ia i te atu kolo nee ovi‐age mo akonaki ki ai. 7Nee ina paui i te lakaga aia te tokohogofulu‐ma‐lua, pea nee ina fekau natou ke natou o tautau tokolua, mo ina tuku kia natou te pule ki te u laumalie kovi. 8Pea nee ina fakatotonu‐age ke aua naa too he mea ki te fagona, gatape ko he tokotoko, aua naa ave he pane, he taga, niihi foi fala i onatou noo, 9kae “Koutou tuipe outou sulie, pea aua naa koutou ave ni kofu e lua.” 10Pea nee folafola ia kia natou: “He falepe e koutou hu ki ai, ke koutou nonofo i ai o aupe ki te temi e koutou mavae mai te potu aia. 11Pea kapau e i ai he kolo e mole ina fia tali koutou pea mole fia fakalogo‐atu tona hahai, koutou mavae mai ai, pea ke koutou tutu te efuefu e i outou vae, ko tautou fakamooni ki tanatou agakovi.” 12Pea nee olo ia natou o akonaki, koteuhi ke fakahemala te hahai; 13pea nee natou kapu te u temonio tokolahi, pea nee natou takai aki te lolo te u mahaki tokolahi pea nee natou fakamalolo natou.
Ko Helote mo Sesu
14Kae nee logoi e te hau ko Helote te u talanoa o uhiga mo Sesu, koteuhi nee kua logologona leva tona higoa, pea nee lau e te hahai: “Ko Soane Patita kua tuu‐ake mai te mate; pea koiape e ha ai ia te ia te u pule fai milakulo.” 15Ko niihi nee natou lau: “Ko Elia.” Pea lau e niihi kehe: “Ko he polofeta o hage ko te u polofeta mua.” 16Ko Helote, i tana mau te logo ki te u talanoa aia nee ina lau: “Ko Soane nee au fekau ke tuusi tona ulu, kua tuu‐ake ia.”
Ko te puluhia o Soane Patita
17Pea e mooni foki, he ko ia, ko Helote, nee ina fekau ke tuku ia Soane ki te pilisoni pea ke haisia ai, uhipe ko Helotiate, te ohoana o tona tehina ko Filipo nee nonofo mo ia. 18He, ko Soane nee ina tala‐age kia Helote: “E mole gafua kia koe ke ke nofo mo te ohoana o tou tehina.” 19Kae ko Helotiate nee loto kovi aupito kia te ia pea nee faiga ia ke tamatei, kae nee mole ina lavai ia, 20koteuhi ko Helote nee mataku ia kia Soane, ko tana iloi ko he tagata agatonu mo maonioni, pea nee ina malui ia; i tana osi logoi ana lea, nee matuaki lotolotolua, pea nee fagono kia te ia mo te loto fiafia.
21Kae nee hoko he aho faigamalie, ko te fai e Helote, i te aho nee fakamanatu ai ki tona tupu, he katoaga lahi ki te u aliki nee nonofo mo ia, pea mo ana ofisa mo niihi matua iloa o Kalilea; 22nee hu‐age te taahine o Helotiate pea mee ai, pea nee malieia tana mee e Helote mo natou fuli nee ina fakaafe. Pea nee ui‐age e te hau ki te taahine aia: “Ke ke kole‐mai te mea e ke loto ki ai pea e au foaki‐atu ia.” 23Pea nee ina fai kia te ia te fuakava aeni: “Ko mea fuli e au foaki‐atu, logope ko te vaelua o toku puleaga.” 24Pea nee alu ia ki tua mo ina tala ki tana fae: “Kotea te mea e tonu ke au kole?” Pea nee ui‐age ki ai e tana fae: “Te ulu o Soane Patita.” 25Pea nee hu fakavilivili te taahine o alu ia ki te hau mo ina fai kia te ia te kole aeni: “E au fia mau nei, i he pa, te ulu o Soane Patita.” 26Nee loto mamahi aupito te hau, kae, uhipe ko te fuakava nee ina fai pea mo natou fuli nee ina fakaafe, nee mole fia lohi ki tana fuakava aia. 27Pea, i te lakaga tonu aia, nee fekau e te hau ki he tagata leo, o ina fakatotonu ki ai ke ina aumai te ulu o Soane Patita. 28Nee alu te tagata leo aia o tuusi te kia o Soane i te pilisoni; pea nee ina aumai te ulu i he pa, pea nee ina foaki ia ki te taahine, pea ko te taahine nee ina foaki ia ki tana fae. 29Ko te u tisipulo a Soane, i tanatou logoi te mea aia, nee natou omai o ave tona sino pea nee natou tuku ia ki he fale maka.
Ko te uluaki fakaliuga o te pane
30Nee fakatahi te u apositolo mo Sesu pea nee natou fakamatala kia te ia te u mea fuli nee natou fai pea mo te u mea fuli nee natou ako ki te hahai. 31Pea nee folafola ia kia natou: “Koutou omai mo koutou ki he potu lavaki, mamao mai te hahai, pea ke koutou malolo siisiipe i ai.” Pea nee tonupe ia, koteuhi, i te tokolahi fau o natou nee omai, pea mo natou kua mavae‐age, nee mole mau e te u apositolo he temi ke natou kai ai. 32Koia nee olo ai, i te vaka, ki he potu lavaki, koteuhi ke natou ateaina ia natoupe. 33I te sio ki tanatou fakamamao‐age, nee malama te tokolahi ki te uhiga o tanatou olo feia, pea, mai te u kolo lalahi fuli, nee felelei‐mai te hahai ki te potu aia, nee natou olo lalope, pea nee natou muaage ki ai. 34I te hifo mai te vaka, nee sio ia Sesu ki te hahai tokolahi, pea nee ofa ia kia natou, koteuhi nee hage natou ko ni akeno e mole kei mau honatou tagata tauhi, pea nee ina kamata akoi natou o fualoa. 35Nee kua vave afiafi ia i te omai o ana tisipulo o fakaovi‐age kia te ia, pea natou ui‐age ki ai: “Ko te potu lavaki aeni, pea kua afiafi ia. 36Pei ke fekau kia natou ke liliu‐la, koteuhi ke natou olo ki te u api o te hahai gaue kele pea mo te u kolo e ovi‐mai, o fakatau hanatou mea kai.” 37Pea nee tali e Sesu kia natou: “Pei koutou foaki‐age, e koutou, hanatou mea kai.” Pea nee natou ui‐age kia te ia: “Pe e aoga ke matou olo o fakatau te u foi pane aki ia tenalio e lua geau, koteuhi ke fafaga aki ia natou?” 38Pea nee toe tali e Sesu: “Pe e fia te u pane e koutou mau? Pei koutou vakai ki ai?” I tanatou osi fakalavelave nee natou ui‐age: “Ko pane e nima pea mo ika e lua.”
39Pea nee ina fekaui natou ke fakatotonu ki te hahai ke natou nonofo ki lalo, o nofoi kaigana, i te luna. 40Pea nee natou nonofo‐ifo ki lalo takitokoteau pea takitokonimagofulu. 41Nee too leva e Sesu ia te pane e nima, pea mo ika e lua, pea nee hiki tona fofoga ki lagi mo ina lau te tapuaki, pea nee ina tofitofi te u pane mo ina foaki ia ki ana tisipulo ke natou tufaki. Pea nee ina tofitofi feia ia ika e lua kia natou fuli. 42Nee natou kakai fulipe o makokona, 43pea nee tanaki kato e hogofulu ma lua kua fofonu i te u moi pane mo te u toega ika. 44Kae, ko natou nee natou kai te u pane aia nee ko tagata e tokonima afe.
Ko Sesu e haele ia i te fuga tai
45Pea nee ina fekaui fakamalohi ona u tisipulo ke natou toe hopo ki te vaka pea ke natou mua‐age ki Petesaita, lolotoga tana fekau te hahai ke olo‐la. 46Pea i te osi o tana fakamavae te hahai aia, nee alu ia ki te mouga, o faikole. 47Pea i te hoko o te afiafi, ko te vaka nee kei taupe ia i te loto tai, kae ko ia tokotahipe nee nofo i uta. 48I tana sio ki tanatou fakaau o vaivai i te tau aalo, he nee matagi pupunu, i te vave mafoata, nee hau ia kia natou, e haelepe ia i te fuga tai, pea nee amanaki lakaage ia, ia natou. 49Pea ko natou, i tanatou sisio ki tana haele i te fuga tai, nee natou uipe ko he laumalie kehe, pea nee natou pa kalaga ake ai, 50he ko natou fuli nee kua natou sio ki ai pea nee natou loto hohaa ai. Kae nee folafola‐atu aipe kia natou: “Koutou fakafimalie‐la, ko aupe, aua naa koutou matataku.” 51Pea nee hopo ia mo natou ki te vaka, pea nee noga te matagi. Pea, nee lahi aupito tanatou punamauli, 52koteuhi nee heekimo malama natou ki te milakulo o te liuga pane, kae nee kei mapunupe tonatou atamai.
Ko te fakamalolo i te fenua o Senesaleti
53I te osi o tanatou folau, nee natou hake ki uta, i Senesaleti, pea nee natou tuku taula i ai. 54I tanatou mavae mai te vaka, nee omai‐atu aipe te hahai nee natou iloi ia ia, 55pea nee natou fealuaki i te koga fenua aia, mo natou aumai kia te ia niihi mahaki i onatou moeaga, i te u potu nee natou logoi e nofo ai ia. 56Pea, ia potu kehekehe nee hu ai, i te u kolo likiliki mo te u kolo lalahi, pea mo te u api o te hahai gaue kele, nee tuku ai te u mahaki i te u malae, pea nee kole kia te ia ke ina fakagafua kia natou tanatou ala kia te ia pe ki te tapa o tona kofu, pea ko natou fuli nee natou ala kia te ia nee natou malolo.
Nu markerat:
Maleko 6: WLS1971
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Published by the Bible Society in New Zealand 1971
Maleko 6
6
Ko te ahiahi ki Nasaleti
1I tana osi mavae mai ai, nee alu ia ki tona fenua, pea nee fagona mo ia ana tisipulo. 2I te hoko‐mai o te sapato, nee fai akonaki ia i te sinakoka pea tokolahi age nee punamauli i tanatou logoi ana lea, pea nee natou ui: “Pe e ina mau maifea te poto aena? Pea kotea te fakapotopoto ae kua foaki ki ai pea mo te u milakulo lalahi e lavai aki ona nima? 3Pe e mole ko te tufuga aeni, te tama a Malia, te tehina o Sakopo, Sosefo, Suta pea mo Simone? Pe e mole i heni i te lotolotoga o tatou ona u tokolua?” Pea nee natou loto kinakina, o meimei fakakaukau hala o uhiga mo ia. 4Pea nee folafola kia natou e Sesu, o ui maana: “Ko he polofeta e hoki fehiainai i tonape fenua, i ona kaiga pea mo tona loto fale.” 5Pea nee mole ina lava fai i ai he milakulo, e gatape i tana fakamalolo niihi mahaki, aki tana hilifaki ona takafalu kia natou, 6pea nee punamauli ia i tanatou hala mo te tui.
Ko te fekaui o te tokohogofulu‐ma‐lua
Nee fealuaki ia i te atu kolo nee ovi‐age mo akonaki ki ai. 7Nee ina paui i te lakaga aia te tokohogofulu‐ma‐lua, pea nee ina fekau natou ke natou o tautau tokolua, mo ina tuku kia natou te pule ki te u laumalie kovi. 8Pea nee ina fakatotonu‐age ke aua naa too he mea ki te fagona, gatape ko he tokotoko, aua naa ave he pane, he taga, niihi foi fala i onatou noo, 9kae “Koutou tuipe outou sulie, pea aua naa koutou ave ni kofu e lua.” 10Pea nee folafola ia kia natou: “He falepe e koutou hu ki ai, ke koutou nonofo i ai o aupe ki te temi e koutou mavae mai te potu aia. 11Pea kapau e i ai he kolo e mole ina fia tali koutou pea mole fia fakalogo‐atu tona hahai, koutou mavae mai ai, pea ke koutou tutu te efuefu e i outou vae, ko tautou fakamooni ki tanatou agakovi.” 12Pea nee olo ia natou o akonaki, koteuhi ke fakahemala te hahai; 13pea nee natou kapu te u temonio tokolahi, pea nee natou takai aki te lolo te u mahaki tokolahi pea nee natou fakamalolo natou.
Ko Helote mo Sesu
14Kae nee logoi e te hau ko Helote te u talanoa o uhiga mo Sesu, koteuhi nee kua logologona leva tona higoa, pea nee lau e te hahai: “Ko Soane Patita kua tuu‐ake mai te mate; pea koiape e ha ai ia te ia te u pule fai milakulo.” 15Ko niihi nee natou lau: “Ko Elia.” Pea lau e niihi kehe: “Ko he polofeta o hage ko te u polofeta mua.” 16Ko Helote, i tana mau te logo ki te u talanoa aia nee ina lau: “Ko Soane nee au fekau ke tuusi tona ulu, kua tuu‐ake ia.”
Ko te puluhia o Soane Patita
17Pea e mooni foki, he ko ia, ko Helote, nee ina fekau ke tuku ia Soane ki te pilisoni pea ke haisia ai, uhipe ko Helotiate, te ohoana o tona tehina ko Filipo nee nonofo mo ia. 18He, ko Soane nee ina tala‐age kia Helote: “E mole gafua kia koe ke ke nofo mo te ohoana o tou tehina.” 19Kae ko Helotiate nee loto kovi aupito kia te ia pea nee faiga ia ke tamatei, kae nee mole ina lavai ia, 20koteuhi ko Helote nee mataku ia kia Soane, ko tana iloi ko he tagata agatonu mo maonioni, pea nee ina malui ia; i tana osi logoi ana lea, nee matuaki lotolotolua, pea nee fagono kia te ia mo te loto fiafia.
21Kae nee hoko he aho faigamalie, ko te fai e Helote, i te aho nee fakamanatu ai ki tona tupu, he katoaga lahi ki te u aliki nee nonofo mo ia, pea mo ana ofisa mo niihi matua iloa o Kalilea; 22nee hu‐age te taahine o Helotiate pea mee ai, pea nee malieia tana mee e Helote mo natou fuli nee ina fakaafe. Pea nee ui‐age e te hau ki te taahine aia: “Ke ke kole‐mai te mea e ke loto ki ai pea e au foaki‐atu ia.” 23Pea nee ina fai kia te ia te fuakava aeni: “Ko mea fuli e au foaki‐atu, logope ko te vaelua o toku puleaga.” 24Pea nee alu ia ki tua mo ina tala ki tana fae: “Kotea te mea e tonu ke au kole?” Pea nee ui‐age ki ai e tana fae: “Te ulu o Soane Patita.” 25Pea nee hu fakavilivili te taahine o alu ia ki te hau mo ina fai kia te ia te kole aeni: “E au fia mau nei, i he pa, te ulu o Soane Patita.” 26Nee loto mamahi aupito te hau, kae, uhipe ko te fuakava nee ina fai pea mo natou fuli nee ina fakaafe, nee mole fia lohi ki tana fuakava aia. 27Pea, i te lakaga tonu aia, nee fekau e te hau ki he tagata leo, o ina fakatotonu ki ai ke ina aumai te ulu o Soane Patita. 28Nee alu te tagata leo aia o tuusi te kia o Soane i te pilisoni; pea nee ina aumai te ulu i he pa, pea nee ina foaki ia ki te taahine, pea ko te taahine nee ina foaki ia ki tana fae. 29Ko te u tisipulo a Soane, i tanatou logoi te mea aia, nee natou omai o ave tona sino pea nee natou tuku ia ki he fale maka.
Ko te uluaki fakaliuga o te pane
30Nee fakatahi te u apositolo mo Sesu pea nee natou fakamatala kia te ia te u mea fuli nee natou fai pea mo te u mea fuli nee natou ako ki te hahai. 31Pea nee folafola ia kia natou: “Koutou omai mo koutou ki he potu lavaki, mamao mai te hahai, pea ke koutou malolo siisiipe i ai.” Pea nee tonupe ia, koteuhi, i te tokolahi fau o natou nee omai, pea mo natou kua mavae‐age, nee mole mau e te u apositolo he temi ke natou kai ai. 32Koia nee olo ai, i te vaka, ki he potu lavaki, koteuhi ke natou ateaina ia natoupe. 33I te sio ki tanatou fakamamao‐age, nee malama te tokolahi ki te uhiga o tanatou olo feia, pea, mai te u kolo lalahi fuli, nee felelei‐mai te hahai ki te potu aia, nee natou olo lalope, pea nee natou muaage ki ai. 34I te hifo mai te vaka, nee sio ia Sesu ki te hahai tokolahi, pea nee ofa ia kia natou, koteuhi nee hage natou ko ni akeno e mole kei mau honatou tagata tauhi, pea nee ina kamata akoi natou o fualoa. 35Nee kua vave afiafi ia i te omai o ana tisipulo o fakaovi‐age kia te ia, pea natou ui‐age ki ai: “Ko te potu lavaki aeni, pea kua afiafi ia. 36Pei ke fekau kia natou ke liliu‐la, koteuhi ke natou olo ki te u api o te hahai gaue kele pea mo te u kolo e ovi‐mai, o fakatau hanatou mea kai.” 37Pea nee tali e Sesu kia natou: “Pei koutou foaki‐age, e koutou, hanatou mea kai.” Pea nee natou ui‐age kia te ia: “Pe e aoga ke matou olo o fakatau te u foi pane aki ia tenalio e lua geau, koteuhi ke fafaga aki ia natou?” 38Pea nee toe tali e Sesu: “Pe e fia te u pane e koutou mau? Pei koutou vakai ki ai?” I tanatou osi fakalavelave nee natou ui‐age: “Ko pane e nima pea mo ika e lua.”
39Pea nee ina fekaui natou ke fakatotonu ki te hahai ke natou nonofo ki lalo, o nofoi kaigana, i te luna. 40Pea nee natou nonofo‐ifo ki lalo takitokoteau pea takitokonimagofulu. 41Nee too leva e Sesu ia te pane e nima, pea mo ika e lua, pea nee hiki tona fofoga ki lagi mo ina lau te tapuaki, pea nee ina tofitofi te u pane mo ina foaki ia ki ana tisipulo ke natou tufaki. Pea nee ina tofitofi feia ia ika e lua kia natou fuli. 42Nee natou kakai fulipe o makokona, 43pea nee tanaki kato e hogofulu ma lua kua fofonu i te u moi pane mo te u toega ika. 44Kae, ko natou nee natou kai te u pane aia nee ko tagata e tokonima afe.
Ko Sesu e haele ia i te fuga tai
45Pea nee ina fekaui fakamalohi ona u tisipulo ke natou toe hopo ki te vaka pea ke natou mua‐age ki Petesaita, lolotoga tana fekau te hahai ke olo‐la. 46Pea i te osi o tana fakamavae te hahai aia, nee alu ia ki te mouga, o faikole. 47Pea i te hoko o te afiafi, ko te vaka nee kei taupe ia i te loto tai, kae ko ia tokotahipe nee nofo i uta. 48I tana sio ki tanatou fakaau o vaivai i te tau aalo, he nee matagi pupunu, i te vave mafoata, nee hau ia kia natou, e haelepe ia i te fuga tai, pea nee amanaki lakaage ia, ia natou. 49Pea ko natou, i tanatou sisio ki tana haele i te fuga tai, nee natou uipe ko he laumalie kehe, pea nee natou pa kalaga ake ai, 50he ko natou fuli nee kua natou sio ki ai pea nee natou loto hohaa ai. Kae nee folafola‐atu aipe kia natou: “Koutou fakafimalie‐la, ko aupe, aua naa koutou matataku.” 51Pea nee hopo ia mo natou ki te vaka, pea nee noga te matagi. Pea, nee lahi aupito tanatou punamauli, 52koteuhi nee heekimo malama natou ki te milakulo o te liuga pane, kae nee kei mapunupe tonatou atamai.
Ko te fakamalolo i te fenua o Senesaleti
53I te osi o tanatou folau, nee natou hake ki uta, i Senesaleti, pea nee natou tuku taula i ai. 54I tanatou mavae mai te vaka, nee omai‐atu aipe te hahai nee natou iloi ia ia, 55pea nee natou fealuaki i te koga fenua aia, mo natou aumai kia te ia niihi mahaki i onatou moeaga, i te u potu nee natou logoi e nofo ai ia. 56Pea, ia potu kehekehe nee hu ai, i te u kolo likiliki mo te u kolo lalahi, pea mo te u api o te hahai gaue kele, nee tuku ai te u mahaki i te u malae, pea nee kole kia te ia ke ina fakagafua kia natou tanatou ala kia te ia pe ki te tapa o tona kofu, pea ko natou fuli nee natou ala kia te ia nee natou malolo.
Nu markerat:
:
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Published by the Bible Society in New Zealand 1971