If you have would like a copy of this version please contact info@davarpartners.com

The Lusoga Bible

<div class="version vid1256 iso6393xog" data-vid="1256" data-iso6393="xog">
 <div class="book bkGEN">
 <div class="chapter ch29" data-usfm="GEN.29">
 <div class="label">29</div><div class="s1">Yakobo atuuka mu maka ga Labani</div><div class="p"> 1Agho Yakobo yeeyongera okutambula, yaatuuka mu nsi y'abantu ab'e buvandhuba. 2Yaja okulinga ati, yaabona ensulo mu nsiko n'ebighaso eby'entaama bisatu, nga dhirambaire agho aghali ensulo; kuba mu nsulo omwo mwe baanhwesanga entaama. Ku nsulo eyo nga basandikiraku eibaale eikologho. 3Ebighaso eby'entaama byonabyona buli lwe byesolozanga, ng'olwo abaayi bagalangula eibaale eryo okuva ku munwa gw'ensulo, nga banhwesa entaama; kabiri nga baliizaagho okusandikira ensulo.</div><div class="p"> 4Yakobo yaabuuza abaayi ab'ebighaso eby'entaama bire ebisatu, ati: &#8220;Bakagwa, muviira gha?&#8221; Bairamu bati: &#8220;Tuviira Harani.&#8221; 5Yaababuuza ati: &#8220;Mwidhi Labani mwidhukulu wa Nahori?&#8221; Bairamu bati: &#8220;Tumwidhi.&#8221; 6Yaabuuza ati: &#8220;Aliyo mukalamu?&#8221; Bairamu bati: &#8220;Aliyo mukalamu era bona, mughala we Rakeli wuuyo ali kwidha n'entaama.&#8221; 7Yakobo yaakoba ati: &#8220;Bona, bukaali musana, ekiseera eky'okwingiza ebyayo mu bisibo kikaali kutuuka. Kale munhwese entaama, mudhiizeeyo mudhaaye.&#8221; 8Baakoba bati: &#8220;Titughanga kukola tutyo, okutoolaku ng'ebighaso by'entaama byonabyona byesoloiza, twagalangula eibaale okusandukula ku nsulo, memale twanhwesa entaama.&#8221;</div><div class="p"> 9Yakobo yali akaayogera nabo, Rakeli yaatuuka n'entaama dha ise, kuba n'eyadhaayanga. 10Yakobo bweyabona Rakeli mughala wa Labani ng'ali n'entaama dha Labani ise, yaaja yaagalangula eibaale okusandukula ensulo, yaanhwesa entaama edho. Labani oyo yali mwanhina wa inhina wa Yakobo. 11Agho yaagwa Rakeli mu kifuba, yaasangaala inho, era yaakuba n'omuzira. 12Yakobo yaakobera Rakeli ati: &#8220;Nze ndi waluganda ni lata wo, ndi mwana wa songa wo Rebekka.&#8221; Rakeli yaalumuka okukobera ise.</div><div class="p"> 13Labani bweyawulira ati Yakobo omwana wa mwanhina aidhie, yaalumuka, yaaja okumusangaaza. Yaamugwa mu kifuba era yaamwevumba, yamwingiza mu ndhu ye. Yakobo yaakobera Labani ebimufaaku byonabyona. 14Labani yaakoba ati: &#8220;Bwenebwene oli musaayi gwange era wa mu nda.&#8221; Yakobo yaamala naye omwezi mulamba.</div><div class="s1">Yakobo akolera Labani olw'okufuna Rakeli ni Leeya</div><div class="p"> 15Agho Labani yaakoba Yakobo ati: &#8220;Toidha kunkoleranga mirimo ku bwereere, waire oli waluganda lwange. Nkobera empeera ye wandyenze?&#8221; 16Mpegaano, Labani yali ni baghala be babiri; eriina ery'omukulu nga ni Leeya, ate ery'omuto nga ni Rakeli. 17Leeya tiyali mulungi inho, aye enkula ya Rakeli yali ng'esanhusa okubona. 18Yakobo yali ayenda inho Rakeli, kale yaakoba ati: &#8220;Ndidha kukukolera okumala emyaka musanvu ompe Rakeli mughala wo omuto.&#8221; 19Labani yaakoba ati: &#8220;Okumugha iwe kisinga okumugha omusaadha owundi yeenayeena. Kale ba ghano ninze.&#8221; 20Yakobo yaakolera emyaka musanvu afune Rakeli, era gyamubonekera ng'oti nnaku bunaku entono dhiti, olw'okumwenda okungi kwe yali nakwo.</div><div class="p"> 21Agho Yakobo yaakoba Labani ati: &#8220;Mpa mughala wo mmubayize, kuba mmazeeyo ekiseera kyange.&#8221; 22Kale Labani yaayeta abantu boonaboona ab'omu kiketezo ekyo, yaakola embaga. 23Aye obwire obwo yatoola mughala we Leeya yaamutwalira Yakobo, yaaba naye mu buliri. 24Labani yaatoola omwiru we omukazi ayetebwa Zilipa yaamugha mughala we Leeya, okumugheereza. 25Bwe bwakya enkyo, Yakobo yaja okubona ati, nga ye baamugha ni Leeya. Agho yaaja yaakoba Labani ati: &#8220;Kiki kino ky'onkoze? Tyakukolera lwa kwenda kufuna Rakeli? Kale lwaki wanguyiiya?&#8221;</div><div class="p"> 26Labani yairamu ati: &#8220;Tikikolebwa mu nsi yaife, okughaayo omuto n'asooka omukulu okubayira. 27Sooka omaleku enaku omusanvu edh'embaga y'oyo, memale tulikugha owundi, ng'onkoleire kabiri okumala emyaka egindi musanvu.&#8221; 28Yakobo yaaganha, era enaku omusanvu bwe dhaawaaku, Labani yaamugha mughala we Rakeli okuba mukazi we. 29Labani yaatoola omwiru we omukazi ayetebwa Biliha yaamugha mughala we Rakeli, okumugheereza. 30Yakobo yaaba ni Rakeli yeena era yaamwenda inho okusinga Leeya. Agho Yakobo yaakolera Labani okumala emyaka egindi musanvu.</div><div class="s1">Abaana ba Yakobo</div><div class="p"> 31Musengwa Katonda bweyabona nga Yakobo ayenda inho Rakeli okusinga Leeya, yaagha Leeya okuzaala, aye Rakeli yaasigala nga mugumba. 32Leeya yaatoola enda, yazaala omwana mulenzi, yaamutuuma eriina Reubeni, kuba yakoba ati: &#8220;Musengwa Katonda aboine okudaazibwadaazibwa kwange, mpegaano baze aidha kuunhenda.&#8221; 33Kabiri yaatoola enda, yaazaala omwana mulenzi, yaakoba ati: &#8220;Musengwa Katonda yawulira nga tyendebwa kyaviire era n'ampa omwana ono.&#8221; Kale yaamutuuma eriina Simeoni. 34Era yaatoola enda, yaazaala omwana mulenzi, yaakoba ati: &#8220;Ku mukuzi guno baze aidha kugumira ku nze, kuba mmuzaaliire abaana abalenzi basatu.&#8221; Kyeyava n'amutuuma eriina Levi. 35Era yaatoola enda kabiri yaazaala omwana mulenzi. Yaakoba ati: &#8220;Ku mukuzi guno ndidha kusaaka Musengwa Katonda.&#8221; Kyeyava n'amutuuma eriina Yuda. Agho yaakoma okuzaala.</div>
 </div>
 </div>
</div>

Baibuli Ekibono kya Katonda © The Bible Society of Uganda, 2014

Agho Yakobo yeeyongera okutambula, yaatuuka mu nsi y'abantu ab'e buvandhuba. Yaja okulinga ati, yaabona ensulo mu nsiko n'ebighaso eby'entaama bisatu, nga dhirambaire agho aghali ensulo; kuba mu nsulo omwo mwe baanhwesanga entaama. Ku nsulo eyo nga basandikiraku eibaale eikologho. Ebighaso eby'entaama byonabyona buli lwe byesolozanga, ng'olwo abaayi bagalangula eibaale eryo okuva ku munwa gw'ensulo, nga banhwesa entaama; kabiri nga baliizaagho okusandikira ensulo.
Yakobo yaabuuza abaayi ab'ebighaso eby'entaama bire ebisatu, ati: “Bakagwa, muviira gha?” Bairamu bati: “Tuviira Harani.” Yaababuuza ati: “Mwidhi Labani mwidhukulu wa Nahori?” Bairamu bati: “Tumwidhi.” Yaabuuza ati: “Aliyo mukalamu?” Bairamu bati: “Aliyo mukalamu era bona, mughala we Rakeli wuuyo ali kwidha n'entaama.” Yakobo yaakoba ati: “Bona, bukaali musana, ekiseera eky'okwingiza ebyayo mu bisibo kikaali kutuuka. Kale munhwese entaama, mudhiizeeyo mudhaaye.” Baakoba bati: “Titughanga kukola tutyo, okutoolaku ng'ebighaso by'entaama byonabyona byesoloiza, twagalangula eibaale okusandukula ku nsulo, memale twanhwesa entaama.”
Yakobo yali akaayogera nabo, Rakeli yaatuuka n'entaama dha ise, kuba n'eyadhaayanga. Yakobo bweyabona Rakeli mughala wa Labani ng'ali n'entaama dha Labani ise, yaaja yaagalangula eibaale okusandukula ensulo, yaanhwesa entaama edho. Labani oyo yali mwanhina wa inhina wa Yakobo. Agho yaagwa Rakeli mu kifuba, yaasangaala inho, era yaakuba n'omuzira. Yakobo yaakobera Rakeli ati: “Nze ndi waluganda ni lata wo, ndi mwana wa songa wo Rebekka.” Rakeli yaalumuka okukobera ise.
Labani bweyawulira ati Yakobo omwana wa mwanhina aidhie, yaalumuka, yaaja okumusangaaza. Yaamugwa mu kifuba era yaamwevumba, yamwingiza mu ndhu ye. Yakobo yaakobera Labani ebimufaaku byonabyona. Labani yaakoba ati: “Bwenebwene oli musaayi gwange era wa mu nda.” Yakobo yaamala naye omwezi mulamba.

Agho Labani yaakoba Yakobo ati: “Toidha kunkoleranga mirimo ku bwereere, waire oli waluganda lwange. Nkobera empeera ye wandyenze?” Mpegaano, Labani yali ni baghala be babiri; eriina ery'omukulu nga ni Leeya, ate ery'omuto nga ni Rakeli. Leeya tiyali mulungi inho, aye enkula ya Rakeli yali ng'esanhusa okubona. Yakobo yali ayenda inho Rakeli, kale yaakoba ati: “Ndidha kukukolera okumala emyaka musanvu ompe Rakeli mughala wo omuto.” Labani yaakoba ati: “Okumugha iwe kisinga okumugha omusaadha owundi yeenayeena. Kale ba ghano ninze.” Yakobo yaakolera emyaka musanvu afune Rakeli, era gyamubonekera ng'oti nnaku bunaku entono dhiti, olw'okumwenda okungi kwe yali nakwo.
Agho Yakobo yaakoba Labani ati: “Mpa mughala wo mmubayize, kuba mmazeeyo ekiseera kyange.” Kale Labani yaayeta abantu boonaboona ab'omu kiketezo ekyo, yaakola embaga. Aye obwire obwo yatoola mughala we Leeya yaamutwalira Yakobo, yaaba naye mu buliri. Labani yaatoola omwiru we omukazi ayetebwa Zilipa yaamugha mughala we Leeya, okumugheereza. Bwe bwakya enkyo, Yakobo yaja okubona ati, nga ye baamugha ni Leeya. Agho yaaja yaakoba Labani ati: “Kiki kino ky'onkoze? Tyakukolera lwa kwenda kufuna Rakeli? Kale lwaki wanguyiiya?”
Labani yairamu ati: “Tikikolebwa mu nsi yaife, okughaayo omuto n'asooka omukulu okubayira. Sooka omaleku enaku omusanvu edh'embaga y'oyo, memale tulikugha owundi, ng'onkoleire kabiri okumala emyaka egindi musanvu.” Yakobo yaaganha, era enaku omusanvu bwe dhaawaaku, Labani yaamugha mughala we Rakeli okuba mukazi we. Labani yaatoola omwiru we omukazi ayetebwa Biliha yaamugha mughala we Rakeli, okumugheereza. Yakobo yaaba ni Rakeli yeena era yaamwenda inho okusinga Leeya. Agho Yakobo yaakolera Labani okumala emyaka egindi musanvu.

Musengwa Katonda bweyabona nga Yakobo ayenda inho Rakeli okusinga Leeya, yaagha Leeya okuzaala, aye Rakeli yaasigala nga mugumba. Leeya yaatoola enda, yazaala omwana mulenzi, yaamutuuma eriina Reubeni, kuba yakoba ati: “Musengwa Katonda aboine okudaazibwadaazibwa kwange, mpegaano baze aidha kuunhenda.” Kabiri yaatoola enda, yaazaala omwana mulenzi, yaakoba ati: “Musengwa Katonda yawulira nga tyendebwa kyaviire era n'ampa omwana ono.” Kale yaamutuuma eriina Simeoni. Era yaatoola enda, yaazaala omwana mulenzi, yaakoba ati: “Ku mukuzi guno baze aidha kugumira ku nze, kuba mmuzaaliire abaana abalenzi basatu.” Kyeyava n'amutuuma eriina Levi. Era yaatoola enda kabiri yaazaala omwana mulenzi. Yaakoba ati: “Ku mukuzi guno ndidha kusaaka Musengwa Katonda.” Kyeyava n'amutuuma eriina Yuda. Agho yaakoma okuzaala.

Sikiliza Amainhama 29