&copy; 1999 The Bible Society of Tanzania; ℗ 2010 Hosanna

Kihehe - 1999 Edition (NT)

<div class="version vid1815 iso6393heh" data-vid="1815" data-iso6393="heh">
 <div class="book bkLUK">
 <div class="chapter ch8" data-usfm="LUK.8">
 <div class="label">8</div><div class="s">Avang'inetu vevamufwatige Yesu</div><div class="p"> 1Pambele ludodo pesilutye iso Yesu ahele kigendagenda muboma na mufijiji, idalika Ulukani Lunofu lwa Uwutwa wa Nguluvi. Na vala avanyichumi na vavili vevali pamwinga navee. 2Na vang'inetu avamwi vala veavaponise amasoka na ifitamwa na avene ve iva: Maliya (yeatambuligwe Magadalena), yula yeahumisiwe amasoka agimufung'ati, 3Na Yoane, umukina Kusa, umukami va Helodi na Susana na avangi wolofu, vevamupigilige Yesu uluhuma mufinu fyawo.</div><div class="s">Ikiganiso icha umunyakuvyala</div><div class="r">(Matayo 13:1-9; Maliko 4:1-9)</div><div class="p"> 4Na ililugu ilikomi lyavelige likong'ana, avanu vahumile iboma mbesili nu kumusila Yesu neke avalongele, kwa ikiganiso. 5&#8220;Umuvyasi ahele kukuvyala inyadikwa yakwe nave peavyalige, isimwi sagwe mung'asi, neke silivatwe na avalutila ng'asi swe na ifidege filya. 6Na isimwi sagwe pitalawe, savelige simela sanyalite pakuva sagayite uwudodi. 7Na isimwi sagwe mufisaka, imifwa pegikula jatofile inyadikwa. 8Na isimwi sagwe apono apanono, swe simela nu kuveleka nyadikwa yimwi ligana.&#8221; Avelige ilonga iso, ihugite iliswi itigila, &#8220;Yula yeina mapulikilo aga ukupulikila apulikage!&#8221;</div><div class="s">Ichalekite Yesu igise kwa ifiganiso</div><div class="r">(Matayo 13:10-17; Maliko 4:10-12)</div><div class="p"> 9Na avanyigendo vakwe vamuwusise ikiganiso icho kwekutigila ndawuli. 10Swe atigile, &#8220;Nyenye mwivapele ukusikagula mbesili isa ikinyele sa uwutwa wa Nguluvi; neke avamwi mbaka kwa figaniso, sambi valave valemwe ukusiwona na ukupulika valemwe ukulukagula.</div><div class="s">Yesu iganula ulwa ikiganiso</div><div class="r">(Matayo 13:18-23; Maliko 4:13-20)</div><div class="p"> 11&#8220;Lino ikiganiso icho kwe kutigila de: Inyadikwa lwe ulukani lwa Nguluvi. 12Sila isagwe mung'asi vevala vevavipulika; neke Setani aase ahese ulukani ulo munumbula sawo, valafuuwa nu kupokwa. 13Na sila isagwe pitalawe ve vala, vevavipulikisa ulukani, nu kwanukila ulukani lula kwa luhekelelo, we vagaya ndela vavifuuwa lusika ludodo pesigagande vipiluka kumbele. 14Na sila isagwe mumifwa, ve vala vevavipulika, na mumikalile jawo vavibanwa ni fipigo fya uwunono nu wudobofu wa uwumi uwu valemwe ukutung'unia amaveleko. 15Na sila isagwe apono apanono, vevala vevavipulika ulukani nu kwinatila kwa mutima mwelu na uwugolofu, nu wuwuya wa inumbula sawo neke vaveleke amaveleko kwa kwikangalisa.</div><div class="s">Ulung'ali ulufihe</div><div class="r">(Maliko 4:21-25)</div><div class="p"> 16&#8220;Sikwali umunu yeaikunga ulung'ali neke avike mukisilo nambi mwifungu pesi ulwa ayivika pachanya, paluwumba sambi avakwingila vawuwonage uwelu.&#8221;</div><div class="p"> 17&#8220;Pakuva sikololi lukani ulufike lwesisaluwoneka, nambi ikinu ikifihe chesisakikagulanika na ukuhuma pawelu.&#8221;</div><div class="p"> 18&#8220;Apo mwikomalilage, lwemwikola ukupulika; pakuva yeina ikinu awilwa neke umugaya kinu apokwa na kila cheihosa ulwa inacho.&#8221;</div><div class="s">Uyuve na avanyalukolo va Yesu</div><div class="r">(Matayo 12:46-50; Maliko 3:31-35)</div><div class="p"> 19Neke uyuve va Yesu na avanyalukolo vakwe vamusilige swe vilemwa ukuhegelela pepwali pakuva kwekwina lilugu lya avanu. 20Ndawe alongelwige ukutigila, uyuwo na avanyalukolo vako vimite kwivala viwenda vakuwone. 21Neke avatigile, &#8220;Yuva va nene na avanyalukolo vangu ve iwo avipulika ulukani lwa Nguluvi na ukupiga.&#8221;</div><div class="s">Yesu ikenyela ikifulufumbi</div><div class="r">(Matayo 8:23-27; Maliko 4:35-41)</div><div class="p"> 22Ikimunyi ikimwi Yesu na avanyigendo vakwe vinje mukipugu, neke avatigile, &#8220;Leke tulowoke mbaka kumwambu gwa inyanza.&#8221; Ndawe valowokige. 23Vave pevabita ni kipugu ndawe Yesu agonelelige tulo. Swe ikifulufumbi ikikomi kivange ukupuga munyanza na ululenga lwimema mukipugu, swe viva mulutalamu. 24Avanyigendo vamulamwise Yesu vitigila, &#8220;Mulugu mulugu, twifwa!&#8221; Yesu swe ilamuka nu kukenyela ikifulufumbi na amavingo ndawe fyasikimalige nu kuva tototo. 25Swe Yesu akuvawusa, &#8220;Lulikwi ulufuuwo lwenyu?&#8221; Neke avene wogope nu kusuma, vakwilonganza, &#8220;Uyu ye nani, yeikenyela ikifulufumbi na amavingo neke fimupulike?&#8221;</div><div class="s">Yesu akumuponia umunu munyamasoka</div><div class="r">(Matayo 8:28-34; Maliko 5:1-20)</div><div class="p"> 26Ndawe vafikige mumwani ya ing'i ya Avagelasi iyilaving'ine na i Galilaya. 27Ave ihuma mukipugu atang'ine na umunu yahumige muboma munyamasoka, filo fyolofu safwaligi myenda, na sikaligi mukaye e munu vakwikala mufyanga. 28Avelige akumuwona Yesu, akoolite nu kugwa pasi pamagulu ga Yesu na ukuyova, &#8220;Ndina kiki naveve Yesu ve umwana va Nguluvi yali kuchanya? Ngukugongola, &#8220;Ulandogofya!&#8221; 29Alonzile ulo pakuva Yesu yealalikalipye ilisoka ilyo lihume mulumunu yula. Ilisoka ilyo lyamulalulige mbepali mbepali mbaka avanu vamudindilige vamupinzile ni minyololo, najo mbepali adumulige ilalukila mwihala. 30Swe Yesu akumuwusa, &#8220;Ilitawa lyako winani?&#8221; neke atigile, &#8220;Ndi lilugu&#8221; &#8212;pakuva eina masoka molofu agegamwinje.</div><div class="p"> 31Neke gamugongole alagakenyela gamuhume na ukubita mulikombo ilikomi ilihelesa. 32Ipo pepokili ikipinga ikikomi cha ingubi ichakwamilige mwivambala lya ikidunda; neke gamugongole agatawule gakingile mukipinga. Swe akugatawula.</div><div class="p"> 33Swe amasoka gihuma mulumunu yula nu kwingila mungubi sila; naso swe sisulunuka luvilo mukisulunukila ikitaali sigwila munyanza ndawe safwisige mululenga. 34Vala avanyakukwamila vavelige vakuluwona ulo, vakimbye na ukutagalisa ulukani mu boma na mulubali. 35Avanu vahumite vakalave uluwonike, swe vakumubitila Yesu, nu kumuwona umunu yula yegamuhumite amasoka, ateng'ime pamagulu ga Yesu, afwite imyenda ina luhala asikimee, vave na muhwehwe. 36Na vala avaluwene vavalonje avayawo we lwave lwa imiponele ja yula umunya masoka. 37Avanu mbevali ava mung'i ya Avagelasi vamugongolite ahege ukwawo pakuva vevibatike nu muhwehwe mukomi, swe ndawe ingilige mukipugu iwuyaga. 38Yula yegamuhumile amasoka amusukite amuninile. Neke Yesu samwidichi swe akumutigila, 39&#8220;Wuye ukwenyu, ukolelele ingomi mbesili se Nguluvi akupije veve.&#8221; Ndawe ibitilige kono we idalika muboma mbeyili ing'ani mbesili seamupije Yesu.</div><div class="s">Yesu akumuponia umwalive va Yailo na umung'inetu</div><div class="r">(Matayo 9:18-26; Maliko 5:21-43)</div><div class="p"> 40Yesu ave ipiluka imwambu inzagwe ya inyanza ililugu lya avanu vamwanuche pakuva mbevali vamusindilige. 41Baho swe aasile umunu yeitambulwa Yailo, yee muvina va i sinagogi swe akwitoosa pa magulu ga Yesu nu kumugongola abite kukaye yakwe, 42pakuva umwalive yee iyena hela, yagelaniche myaka minyichumi na givili dee ali mutamwa nave alimukufwa. Na lweabitige avanu vevamumemeleche imbali mbesili. 43Neke mwilugu lila e mwali umung'inetu uyumwi yee mutamwa uwutamwa wa ukuhuma danda myaka minyichumi na givili, ye avakofi migoda vevanuche ifyakwe fyolofu, nambi ndahihyo sivahwaniti ukumukovela apone. 44Aasile mumbele mwa Yesu na ukupamisa ulupindo lwa umwenda gwakwe, lulusika lulo aponite uwutamwa wakwe wa ukuhuma idanda. 45Neke Yesu atigile, &#8220;Ye nani yemamise?&#8221; Mbevali vakanite, Ndawe Petulo atigilige, &#8220;Mulugu, amalugu ga avanu gakupilime nu kukubana!&#8221; 46Neke Yesu atigile, &#8220;Pwali umunu yeamamise, pakuva ndilukagwe ulwa uludali luhumite.&#8221; 47Umung'inetu yula ave iwona sahwana ukwifiha swe akwilagila kono we ikuvila, ndawe agwisige pamalugu ga Yesu nu kwilogolola pa avanu ikilesile amupamise Yesu na ulwave apone sukumwi. 48Ndawe Yesu amutigilige, &#8220;Mwalivangu, ulufuuwo lwako lukuponise. Wibitilage chesa mutima.&#8221;</div><div class="p"> 49We Yesu pealonga, Yailo vamukutye uluhuma kukaye ulwa, &#8220;Umwaliwo yafwe, ino ulamufwahisa Umwigisi?&#8221; 50Yesu ave ipulika ulo amulonje Yailo, &#8220;Ulogopa fuuwagwe hela nave apona.&#8221;</div><div class="p"> 51Avelige ifika pakaye Yesu akanite alingila munu pamwi na umwene, pesi Petulo, Yohane, Yakobo, na avegasi va umwanahinza hela. 52Avanu mbevali vamuvembelige nu kwiyayamba, neke Yesu avatigile, &#8220;Mulavemba, pakuva umwana salafwa agonelye!&#8221; 53Nawo vamuhesile, vakumubedala pakuva valukagulige ukuta afwe. 54Ndawe Yesu amwibatige iliwoko, akumukemela itigila, &#8220;Mwana lamuke!&#8221; 55Swe umuhe gwa uwumi gukumupilukila, swe ilamuka ndawe Yesu alagilige vamupele kinu alye. 56Na avegasi vakwe vasasave, neke Yesu avakanile valalongela munu lwelupigike.</div>
 </div>
 </div>
</div>

Kihehe New Testament © Bible Society of Tanzania, 2004.

Pambele ludodo pesilutye iso Yesu ahele kigendagenda muboma na mufijiji, idalika Ulukani Lunofu lwa Uwutwa wa Nguluvi. Na vala avanyichumi na vavili vevali pamwinga navee. Na vang'inetu avamwi vala veavaponise amasoka na ifitamwa na avene ve iva: Maliya (yeatambuligwe Magadalena), yula yeahumisiwe amasoka agimufung'ati, Na Yoane, umukina Kusa, umukami va Helodi na Susana na avangi wolofu, vevamupigilige Yesu uluhuma mufinu fyawo.


Na ililugu ilikomi lyavelige likong'ana, avanu vahumile iboma mbesili nu kumusila Yesu neke avalongele, kwa ikiganiso. “Umuvyasi ahele kukuvyala inyadikwa yakwe nave peavyalige, isimwi sagwe mung'asi, neke silivatwe na avalutila ng'asi swe na ifidege filya. Na isimwi sagwe pitalawe, savelige simela sanyalite pakuva sagayite uwudodi. Na isimwi sagwe mufisaka, imifwa pegikula jatofile inyadikwa. Na isimwi sagwe apono apanono, swe simela nu kuveleka nyadikwa yimwi ligana.” Avelige ilonga iso, ihugite iliswi itigila, “Yula yeina mapulikilo aga ukupulikila apulikage!”


Na avanyigendo vakwe vamuwusise ikiganiso icho kwekutigila ndawuli. Swe atigile, “Nyenye mwivapele ukusikagula mbesili isa ikinyele sa uwutwa wa Nguluvi; neke avamwi mbaka kwa figaniso, sambi valave valemwe ukusiwona na ukupulika valemwe ukulukagula.


“Lino ikiganiso icho kwe kutigila de: Inyadikwa lwe ulukani lwa Nguluvi. Sila isagwe mung'asi vevala vevavipulika; neke Setani aase ahese ulukani ulo munumbula sawo, valafuuwa nu kupokwa. Na sila isagwe pitalawe ve vala, vevavipulikisa ulukani, nu kwanukila ulukani lula kwa luhekelelo, we vagaya ndela vavifuuwa lusika ludodo pesigagande vipiluka kumbele. Na sila isagwe mumifwa, ve vala vevavipulika, na mumikalile jawo vavibanwa ni fipigo fya uwunono nu wudobofu wa uwumi uwu valemwe ukutung'unia amaveleko. Na sila isagwe apono apanono, vevala vevavipulika ulukani nu kwinatila kwa mutima mwelu na uwugolofu, nu wuwuya wa inumbula sawo neke vaveleke amaveleko kwa kwikangalisa.


“Sikwali umunu yeaikunga ulung'ali neke avike mukisilo nambi mwifungu pesi ulwa ayivika pachanya, paluwumba sambi avakwingila vawuwonage uwelu.”
“Pakuva sikololi lukani ulufike lwesisaluwoneka, nambi ikinu ikifihe chesisakikagulanika na ukuhuma pawelu.”
“Apo mwikomalilage, lwemwikola ukupulika; pakuva yeina ikinu awilwa neke umugaya kinu apokwa na kila cheihosa ulwa inacho.”


Neke uyuve va Yesu na avanyalukolo vakwe vamusilige swe vilemwa ukuhegelela pepwali pakuva kwekwina lilugu lya avanu. Ndawe alongelwige ukutigila, uyuwo na avanyalukolo vako vimite kwivala viwenda vakuwone. Neke avatigile, “Yuva va nene na avanyalukolo vangu ve iwo avipulika ulukani lwa Nguluvi na ukupiga.”


Ikimunyi ikimwi Yesu na avanyigendo vakwe vinje mukipugu, neke avatigile, “Leke tulowoke mbaka kumwambu gwa inyanza.” Ndawe valowokige. Vave pevabita ni kipugu ndawe Yesu agonelelige tulo. Swe ikifulufumbi ikikomi kivange ukupuga munyanza na ululenga lwimema mukipugu, swe viva mulutalamu. Avanyigendo vamulamwise Yesu vitigila, “Mulugu mulugu, twifwa!” Yesu swe ilamuka nu kukenyela ikifulufumbi na amavingo ndawe fyasikimalige nu kuva tototo. Swe Yesu akuvawusa, “Lulikwi ulufuuwo lwenyu?” Neke avene wogope nu kusuma, vakwilonganza, “Uyu ye nani, yeikenyela ikifulufumbi na amavingo neke fimupulike?”


Ndawe vafikige mumwani ya ing'i ya Avagelasi iyilaving'ine na i Galilaya. Ave ihuma mukipugu atang'ine na umunu yahumige muboma munyamasoka, filo fyolofu safwaligi myenda, na sikaligi mukaye e munu vakwikala mufyanga. Avelige akumuwona Yesu, akoolite nu kugwa pasi pamagulu ga Yesu na ukuyova, “Ndina kiki naveve Yesu ve umwana va Nguluvi yali kuchanya? Ngukugongola, “Ulandogofya!” Alonzile ulo pakuva Yesu yealalikalipye ilisoka ilyo lihume mulumunu yula. Ilisoka ilyo lyamulalulige mbepali mbepali mbaka avanu vamudindilige vamupinzile ni minyololo, najo mbepali adumulige ilalukila mwihala. Swe Yesu akumuwusa, “Ilitawa lyako winani?” neke atigile, “Ndi lilugu” —pakuva eina masoka molofu agegamwinje.
Neke gamugongole alagakenyela gamuhume na ukubita mulikombo ilikomi ilihelesa. Ipo pepokili ikipinga ikikomi cha ingubi ichakwamilige mwivambala lya ikidunda; neke gamugongole agatawule gakingile mukipinga. Swe akugatawula.
Swe amasoka gihuma mulumunu yula nu kwingila mungubi sila; naso swe sisulunuka luvilo mukisulunukila ikitaali sigwila munyanza ndawe safwisige mululenga. Vala avanyakukwamila vavelige vakuluwona ulo, vakimbye na ukutagalisa ulukani mu boma na mulubali. Avanu vahumite vakalave uluwonike, swe vakumubitila Yesu, nu kumuwona umunu yula yegamuhumite amasoka, ateng'ime pamagulu ga Yesu, afwite imyenda ina luhala asikimee, vave na muhwehwe. Na vala avaluwene vavalonje avayawo we lwave lwa imiponele ja yula umunya masoka. Avanu mbevali ava mung'i ya Avagelasi vamugongolite ahege ukwawo pakuva vevibatike nu muhwehwe mukomi, swe ndawe ingilige mukipugu iwuyaga. Yula yegamuhumile amasoka amusukite amuninile. Neke Yesu samwidichi swe akumutigila, “Wuye ukwenyu, ukolelele ingomi mbesili se Nguluvi akupije veve.” Ndawe ibitilige kono we idalika muboma mbeyili ing'ani mbesili seamupije Yesu.


Yesu ave ipiluka imwambu inzagwe ya inyanza ililugu lya avanu vamwanuche pakuva mbevali vamusindilige. Baho swe aasile umunu yeitambulwa Yailo, yee muvina va i sinagogi swe akwitoosa pa magulu ga Yesu nu kumugongola abite kukaye yakwe, pakuva umwalive yee iyena hela, yagelaniche myaka minyichumi na givili dee ali mutamwa nave alimukufwa. Na lweabitige avanu vevamumemeleche imbali mbesili. Neke mwilugu lila e mwali umung'inetu uyumwi yee mutamwa uwutamwa wa ukuhuma danda myaka minyichumi na givili, ye avakofi migoda vevanuche ifyakwe fyolofu, nambi ndahihyo sivahwaniti ukumukovela apone. Aasile mumbele mwa Yesu na ukupamisa ulupindo lwa umwenda gwakwe, lulusika lulo aponite uwutamwa wakwe wa ukuhuma idanda. Neke Yesu atigile, “Ye nani yemamise?” Mbevali vakanite, Ndawe Petulo atigilige, “Mulugu, amalugu ga avanu gakupilime nu kukubana!” Neke Yesu atigile, “Pwali umunu yeamamise, pakuva ndilukagwe ulwa uludali luhumite.” Umung'inetu yula ave iwona sahwana ukwifiha swe akwilagila kono we ikuvila, ndawe agwisige pamalugu ga Yesu nu kwilogolola pa avanu ikilesile amupamise Yesu na ulwave apone sukumwi. Ndawe Yesu amutigilige, “Mwalivangu, ulufuuwo lwako lukuponise. Wibitilage chesa mutima.”
We Yesu pealonga, Yailo vamukutye uluhuma kukaye ulwa, “Umwaliwo yafwe, ino ulamufwahisa Umwigisi?” Yesu ave ipulika ulo amulonje Yailo, “Ulogopa fuuwagwe hela nave apona.”
Avelige ifika pakaye Yesu akanite alingila munu pamwi na umwene, pesi Petulo, Yohane, Yakobo, na avegasi va umwanahinza hela. Avanu mbevali vamuvembelige nu kwiyayamba, neke Yesu avatigile, “Mulavemba, pakuva umwana salafwa agonelye!” Nawo vamuhesile, vakumubedala pakuva valukagulige ukuta afwe. Ndawe Yesu amwibatige iliwoko, akumukemela itigila, “Mwana lamuke!” Swe umuhe gwa uwumi gukumupilukila, swe ilamuka ndawe Yesu alagilige vamupele kinu alye. Na avegasi vakwe vasasave, neke Yesu avakanile valalongela munu lwelupigike.

Sikiliza Luka 8