Lumasaaba - 2008 BSU (NT) Drama

<div class="version vid2183 iso6393myx" data-vid="2183" data-iso6393="myx">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s1">Yesu ni babandaaye</div><div class="p"> 1Lwanyuma lw'ebyo, Yesu waakyeendakakho mu Galilaaya, ne waalekha khukana khuukyenda mu Yuda ta, khulwekhuuba abe Bayudaaya baakhalile kamakyesi ke khuumwiira. 2#Lev 23.34; Maka 16.13Ne kamayiiya ke Bayudaaya ke Tsiweema nga kali aambi khukhwoola, 3babandaaye ba Yesu baamuloma bari, &#8220;N'urure ano utsye i Yuda, nio baleekelwa boowo b'eyo nabo babone kimilimo kyoowo kyeesi ukhola. 4Khulwekhuuba mbaawo ukholela shishiindu shoosi mu khwibisa, ate nga akana shimanyikhe mu lubuula ta. N'uba nga ukhola bibiindu bino, ni wiyokesanise isi shiibala.&#8221; 5Khulwekhuuba ni bayaaya beewe babeene sibaamufukiililamo ta.</div><div class="p"> 6Aryo kila Yesu abaloma ari, &#8220;Isaawa yase inyene ishiili khukhwoola ta, ne inywe mwaambaasa muri isaawa yoosi iba niyo inyene iyo. 7Shiibala seshinyala shababiiyila inywe ta. Ne shayimbiiyila ise khulwekhuuba ise nokesanisa ndi kimilimo kyasho kili kimibi. 8Inywe mwabeene ni muniine mutsye khu mayiiya. Ise s'inaniinayo ari ta. Khulwekhuuba isaawa yase inyene ishiili khwoola ta.&#8221; 9Aryo n'amala khuubaboolela ibyo, umweene waarama i Galilaaya.</div><div class="s1">Yesu nga ali khu mayiiya ke Tsiweema</div><div class="p"> 10Lwanyumakho babandaaye ba Yesu ni baamala khuuniina baatsya khu mayiiya, naye aryo waatsya yenyene, akhuba mu lubuula ta, ne mu shimoonyo busa.</div><div class="p"> 11Bayudaaya baamuweentsa khu mayiiya nga bareebana bari, &#8220;Umusaani uwatsana ali waheena?&#8221; 12Aabawo khukhwimoonyelesa khukali mu baandu, nga balala baloma bari, &#8220;Ali umuundu umulayi,&#8221; ne babaandi bari, &#8220;Taawe, akosaasakosaasa babaandu.&#8221; 13Ne alekha khubawo umuundu uloma lubuula ta, khulwe khuurya Bayudaaya.</div><div class="p"> 14Ne kamayiiya ni kaaba koolile shinakari, Yesu waaniina mu Lisaayilo Likhulu, wananikha khuleekela. 15Bayudaaya beyaanga nga baloma bari, &#8220;Umusaani yuno buleekele buno abufuna aryeena, ate nga ashiili khufunakho khusoma ta?&#8221;</div><div class="p"> 16Yesu waabeelamo ari: &#8220;Khuuleekela khuno sikhuli khukhwase ta, ne khuli khwoyo uwandumana. 17Umuundu yeesi n'akana khuukhola byeesi Wele akana, alimanya oba nga khuleekela khwase khuno khwaama isi Wele, namwe oba nga ise inganikha khulwe bunyala bubwase samweene. 18Uyo ukanikha khulwe bunyala bubweewe umweene, aba ewentsela shiriifwa umweene. Ne uyo uweetsa shiriifwa sh'oyo uwamurumana, aba uwa &#331;ali, naluundi s'abamo ni bubwoonaki ta. 19Musa s'abawa inywe kamakaambila? Ne mbaawo namutweela khus'inywe ukawaamba ta. Khulwashiina mukhakakho khukhuntsira?&#8221;</div><div class="p"> 20Wanamuundu waamwiilamo ari, &#8220;Iwe ulikho kimisaambwa! Naanu ukana khukhwiira?&#8221;</div><div class="p"> 21Yesu waabilamo ari: &#8220;Inakhola kumulimo mutweela nanywe mwiyange. 22#Lev 12.3; Rak 17.10Musa niye uwabawa shilomo she khukhwinjila imbalu (ne akhaba nga yaama isi baakuuka, akhuba isi Musa ta), ne inywe musheba umuundu akhaba ni khu shifukhu sha Sabato. 23#Yok 5.9Noola musheba umwaana imbalu khu Sabato, nio kamakaambila ka Musa kalekhe khukhwonakisibwa ta, khulwashiina muukhalalila ise bari khulwekhuuba nawonesele umuundu khu Sabato? 24Mukhakhalatsaka kumusaango nga mwiima khu biindu bye khu ngaaki byeesi mubona ni tsimoni ta, ne ni mube ba&#331;ali mu khukhala kumusaango.&#8221;</div><div class="s1">Yesu niye Kristo</div><div class="p"> 25Mu mbuka nyene iyo, balala khu baandu be mu Yerusalemu baareeba bari, &#8220;Uyuno s'ali niye umuundu esi baweentsa khukhwiira? 26Ne bona ali ano akanikha lubuula nga mbaawo sheesi bamukholakho ta. Inyala khuuba iri bawuli ilala bamanyile nga niye Kristo? 27Ne ifwe kwamanya isi umusaani yuno ama. Kristo n'aliitsa, mbaawo ulimanya isi ama ta.&#8221;</div><div class="p"> 28Ne Yesu n'aba nga ashileekela mu Lisaayilo Likhulu, waalomela angaaki lukali ari, &#8220;Ilala mwayimanya ise? Ni esi naama mwamanyayo? Ise sinayitsa khu lwase samweene ta. Ise nayitsa khu lwooyo uli uwa &#331;ali, uwandumana ise. Inywe simwamumanya ta. 29Ne ise namumanya, khulwekhuuba naama is'ali, naluundi niye uwandumana ise.&#8221;</div><div class="p"> 30Lwanyuma lwa bino bakhakakho khumuwaamba, ne mbaawo namutweela uwamutiilakho kumukhono ta, khulwekhuuba abe isaawa yeewe inyene yaba ishiili khukhwoola ta. 31Akhaba nga byaba biryo, ne bakali khu lituuli lye babaandu bamufukiilila, nga baloma bari, &#8220;Kristo n'aliitsa, alikhola bubonelo bukali khufuura umusaani yuno bwakhola?&#8221;</div><div class="s1">Bafarisaayo barumana basilikhale khuuwaamba Yesu</div><div class="p"> 32Bafarisaayo bawulila babaandu nga bekuta khu biindu bibiwaamba khu Yesu. Baryo Bafarisaayo tsana ni Basaayi bakhulu barumana basilikhale be Lisaayilo Likhulu, bari bamuwaambe. 33Ne Yesu waaloma ari, &#8220;Indi ni nanywe imbuka yino injeekhe, ne lwanyuma intsye isi uyo uwandumana. 34Mulimbeetsa ne simulinyoola ta, ni isi ndiba simunyala mwetsayo ta.&#8221; 35Lwanyuma Bayudaaya baloma bonyene na bonyene bari, &#8220;Umusaani uyu akana khuutsya ena isi khukhanyala khwamunyoolela ta? Manya akana khuutsya mu Bayudaaya babasalanila mu Buyonaani, atsye aleekele Bayonaani? 36Amanyisile shiina ni lomo isi alomele ari, &#8216;Mulimbeetsa ni simulinyoola ta,&#8217; luundi ari, &#8216;Isi ise intsya simunyala mwetsayo ta.&#8217; &#8221;</div><div class="s1">Tsintsitsi tsye kameetsi kakareera buulamu</div><div class="p"> 37 # 
 Lev 23.36
 Khu shifukhu shishimaliilisayo she kamayiiya, luundi nga nisho shishifuura bukhulu, Yesu wiima walangilila ari, &#8220;Noola umuundu yeesi bulesa bumulya, ni etse isi ise ndi anywe. 38#Ezek 47.1; Zek 14.8Nga bibyaronebwa bikhosefu ni biloma biri, &#8216;Buli muundu ufukiilila mus'iise, tsintsitsi tsye kameetsi tsilirurukukha khukhwaama mu mwoyo kweewe.&#8217; &#8221; 39Shino Yesu ashiloma nga amanyisa Umwoyo uyo, esi abo babamufukiilisamo baaba batsya khufuna, khulwekhuuba Yesu aba ashiili khwisibwamo shiriifwa ta.</div><div class="s">Babaandu bawukhanamo</div><div class="p"> 40Batweela khu baandu be mwituuli ni bawulila bilomo bino, baloma bari, &#8220;Ilala umusaani yuno ali umu&#331;oosi.&#8221;</div><div class="p"> 41Babaandi baloma bari, &#8220;Uyuno Kristo,&#8221; ne babaandi bari, &#8220;Kristo anyala aryeena khukhwaama mu Galilaaya? 42#2 Sam 7.12; Miik 5.2Bibyaronebwa bikhosefu sibiloma biri, Kristo alyaama munda iya Dawudi, mu Beselehemu, shiriimba mweesi Dawudi amenyatsaka?&#8221; 43Baryo babaandu bawukhanamo khulwa Yesu. 44Babaandi khu nibo bakana bamuwaambe, ne alekha khubawo uwakhakakho khumuwaamba ta.</div><div class="s1">Khulekha khufukiilila khwe baraangilisi be Bayudaaya</div><div class="p"> 45Lwanyuma basilikhale be Lisaayilo belayo isi basaayi bakhulu, ni Bafarisaayo babaabarumana. Basaayi bakhulu ni Bafarisaayo bareeba basilikhale bari, &#8220;Khulwashiina mukhamureerire ano?&#8221;</div><div class="p"> 46Basilikhale babeelamo bari, &#8220;Mbaawo umuundu na mutweela uwakanikhatsakakho nga umusaani uyu n'akanikha ta!&#8221;</div><div class="p"> 47Bafarisaayo bareeba basilikhale bari, &#8220;Ni nanywe umusaani uyu wababorosile? 48Mwabonakho na mutweela khu baraangilisi, namwe khu Bafarisaayo umufukiilila? 49Ne khu lituuli lino, abo babaakhamanya kamakaambila ka Musa ta, bali ni shitsubo khukhwaama isi Wele.&#8221;</div><div class="p"> 50 # 
 Yok 3.1,2 Ne mutweela uwe mu lituuli lyaabwe, ulaangibwa Nikodemusi, uwaba abe waatsyakho khaale isi Yesu, wareeba ari, 51&#8220;Kamakaambila keefwe kafukiilisa khukhalila umuundu kumusaango, nga ashiili khunyoowa khukhwiwotsakho, ni khuumanya shiina sheesi akholile ta?&#8221;</div><div class="p"> 52Baamukobolamo bari, &#8220;Ni nawe waama i Galilaaya? N'usome mu byaronebwa bikhosefu, uwentselese, kane ubone nga mbaawo umu&#331;oosi uwaama i Galilaaya ta.&#8221; 53Baryo buli muundu welayo ingo weewe.</div>
 </div>
 </div>
</div>

The Bible in Lumasaaba © Bible Society of Uganda, 2016. 

Lwanyuma lw'ebyo, Yesu waakyeendakakho mu Galilaaya, ne waalekha khukana khuukyenda mu Yuda ta, khulwekhuuba abe Bayudaaya baakhalile kamakyesi ke khuumwiira. Ne kamayiiya ke Bayudaaya ke Tsiweema nga kali aambi khukhwoola, babandaaye ba Yesu baamuloma bari, “N'urure ano utsye i Yuda, nio baleekelwa boowo b'eyo nabo babone kimilimo kyoowo kyeesi ukhola. Khulwekhuuba mbaawo ukholela shishiindu shoosi mu khwibisa, ate nga akana shimanyikhe mu lubuula ta. N'uba nga ukhola bibiindu bino, ni wiyokesanise isi shiibala.” Khulwekhuuba ni bayaaya beewe babeene sibaamufukiililamo ta.
Aryo kila Yesu abaloma ari, “Isaawa yase inyene ishiili khukhwoola ta, ne inywe mwaambaasa muri isaawa yoosi iba niyo inyene iyo. Shiibala seshinyala shababiiyila inywe ta. Ne shayimbiiyila ise khulwekhuuba ise nokesanisa ndi kimilimo kyasho kili kimibi. Inywe mwabeene ni muniine mutsye khu mayiiya. Ise s'inaniinayo ari ta. Khulwekhuuba isaawa yase inyene ishiili khwoola ta.” Aryo n'amala khuubaboolela ibyo, umweene waarama i Galilaaya.

Lwanyumakho babandaaye ba Yesu ni baamala khuuniina baatsya khu mayiiya, naye aryo waatsya yenyene, akhuba mu lubuula ta, ne mu shimoonyo busa.
Bayudaaya baamuweentsa khu mayiiya nga bareebana bari, “Umusaani uwatsana ali waheena?” Aabawo khukhwimoonyelesa khukali mu baandu, nga balala baloma bari, “Ali umuundu umulayi,” ne babaandi bari, “Taawe, akosaasakosaasa babaandu.” Ne alekha khubawo umuundu uloma lubuula ta, khulwe khuurya Bayudaaya.
Ne kamayiiya ni kaaba koolile shinakari, Yesu waaniina mu Lisaayilo Likhulu, wananikha khuleekela. Bayudaaya beyaanga nga baloma bari, “Umusaani yuno buleekele buno abufuna aryeena, ate nga ashiili khufunakho khusoma ta?”
Yesu waabeelamo ari: “Khuuleekela khuno sikhuli khukhwase ta, ne khuli khwoyo uwandumana. Umuundu yeesi n'akana khuukhola byeesi Wele akana, alimanya oba nga khuleekela khwase khuno khwaama isi Wele, namwe oba nga ise inganikha khulwe bunyala bubwase samweene. Uyo ukanikha khulwe bunyala bubweewe umweene, aba ewentsela shiriifwa umweene. Ne uyo uweetsa shiriifwa sh'oyo uwamurumana, aba uwa ŋali, naluundi s'abamo ni bubwoonaki ta. Musa s'abawa inywe kamakaambila? Ne mbaawo namutweela khus'inywe ukawaamba ta. Khulwashiina mukhakakho khukhuntsira?”
Wanamuundu waamwiilamo ari, “Iwe ulikho kimisaambwa! Naanu ukana khukhwiira?”
Yesu waabilamo ari: “Inakhola kumulimo mutweela nanywe mwiyange. Musa niye uwabawa shilomo she khukhwinjila imbalu (ne akhaba nga yaama isi baakuuka, akhuba isi Musa ta), ne inywe musheba umuundu akhaba ni khu shifukhu sha Sabato. Noola musheba umwaana imbalu khu Sabato, nio kamakaambila ka Musa kalekhe khukhwonakisibwa ta, khulwashiina muukhalalila ise bari khulwekhuuba nawonesele umuundu khu Sabato? Mukhakhalatsaka kumusaango nga mwiima khu biindu bye khu ngaaki byeesi mubona ni tsimoni ta, ne ni mube baŋali mu khukhala kumusaango.”

Mu mbuka nyene iyo, balala khu baandu be mu Yerusalemu baareeba bari, “Uyuno s'ali niye umuundu esi baweentsa khukhwiira? Ne bona ali ano akanikha lubuula nga mbaawo sheesi bamukholakho ta. Inyala khuuba iri bawuli ilala bamanyile nga niye Kristo? Ne ifwe kwamanya isi umusaani yuno ama. Kristo n'aliitsa, mbaawo ulimanya isi ama ta.”
Ne Yesu n'aba nga ashileekela mu Lisaayilo Likhulu, waalomela angaaki lukali ari, “Ilala mwayimanya ise? Ni esi naama mwamanyayo? Ise sinayitsa khu lwase samweene ta. Ise nayitsa khu lwooyo uli uwa ŋali, uwandumana ise. Inywe simwamumanya ta. Ne ise namumanya, khulwekhuuba naama is'ali, naluundi niye uwandumana ise.”
Lwanyuma lwa bino bakhakakho khumuwaamba, ne mbaawo namutweela uwamutiilakho kumukhono ta, khulwekhuuba abe isaawa yeewe inyene yaba ishiili khukhwoola ta. Akhaba nga byaba biryo, ne bakali khu lituuli lye babaandu bamufukiilila, nga baloma bari, “Kristo n'aliitsa, alikhola bubonelo bukali khufuura umusaani yuno bwakhola?”

Bafarisaayo bawulila babaandu nga bekuta khu biindu bibiwaamba khu Yesu. Baryo Bafarisaayo tsana ni Basaayi bakhulu barumana basilikhale be Lisaayilo Likhulu, bari bamuwaambe. Ne Yesu waaloma ari, “Indi ni nanywe imbuka yino injeekhe, ne lwanyuma intsye isi uyo uwandumana. Mulimbeetsa ne simulinyoola ta, ni isi ndiba simunyala mwetsayo ta.” Lwanyuma Bayudaaya baloma bonyene na bonyene bari, “Umusaani uyu akana khuutsya ena isi khukhanyala khwamunyoolela ta? Manya akana khuutsya mu Bayudaaya babasalanila mu Buyonaani, atsye aleekele Bayonaani? Amanyisile shiina ni lomo isi alomele ari, ‘Mulimbeetsa ni simulinyoola ta,’ luundi ari, ‘Isi ise intsya simunyala mwetsayo ta.’ ”

Khu shifukhu shishimaliilisayo she kamayiiya, luundi nga nisho shishifuura bukhulu, Yesu wiima walangilila ari, “Noola umuundu yeesi bulesa bumulya, ni etse isi ise ndi anywe. Nga bibyaronebwa bikhosefu ni biloma biri, ‘Buli muundu ufukiilila mus'iise, tsintsitsi tsye kameetsi tsilirurukukha khukhwaama mu mwoyo kweewe.’ ” Shino Yesu ashiloma nga amanyisa Umwoyo uyo, esi abo babamufukiilisamo baaba batsya khufuna, khulwekhuuba Yesu aba ashiili khwisibwamo shiriifwa ta.

Batweela khu baandu be mwituuli ni bawulila bilomo bino, baloma bari, “Ilala umusaani yuno ali umuŋoosi.”
Babaandi baloma bari, “Uyuno Kristo,” ne babaandi bari, “Kristo anyala aryeena khukhwaama mu Galilaaya? Bibyaronebwa bikhosefu sibiloma biri, Kristo alyaama munda iya Dawudi, mu Beselehemu, shiriimba mweesi Dawudi amenyatsaka?” Baryo babaandu bawukhanamo khulwa Yesu. Babaandi khu nibo bakana bamuwaambe, ne alekha khubawo uwakhakakho khumuwaamba ta.

Lwanyuma basilikhale be Lisaayilo belayo isi basaayi bakhulu, ni Bafarisaayo babaabarumana. Basaayi bakhulu ni Bafarisaayo bareeba basilikhale bari, “Khulwashiina mukhamureerire ano?”
Basilikhale babeelamo bari, “Mbaawo umuundu na mutweela uwakanikhatsakakho nga umusaani uyu n'akanikha ta!”
Bafarisaayo bareeba basilikhale bari, “Ni nanywe umusaani uyu wababorosile? Mwabonakho na mutweela khu baraangilisi, namwe khu Bafarisaayo umufukiilila? Ne khu lituuli lino, abo babaakhamanya kamakaambila ka Musa ta, bali ni shitsubo khukhwaama isi Wele.”
Ne mutweela uwe mu lituuli lyaabwe, ulaangibwa Nikodemusi, uwaba abe waatsyakho khaale isi Yesu, wareeba ari, “Kamakaambila keefwe kafukiilisa khukhalila umuundu kumusaango, nga ashiili khunyoowa khukhwiwotsakho, ni khuumanya shiina sheesi akholile ta?”
Baamukobolamo bari, “Ni nawe waama i Galilaaya? N'usome mu byaronebwa bikhosefu, uwentselese, kane ubone nga mbaawo umuŋoosi uwaama i Galilaaya ta.” Baryo buli muundu welayo ingo weewe.

Sikiliza Yokana 7