Lumasaaba - 2008 BSU (NT) Drama

<div class="version vid2183 iso6393myx" data-vid="2183" data-iso6393="myx">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s1">Yesu abimbula tsimoni tsy'omubofu</div><div class="p"> 1Yesu n'aba nga akyeenda, waabona umusaani uwasaalikha nga ali umubofu. 2Baleekelwa beewe baamureeba bari, &#8220;Umuleekeli, naanu niye uwoonaka kila umusaani uyu asaalikha nga ali umubofu? Niye umweene namwe basaali beewe?&#8221;</div><div class="p"> 3Yesu welamo ari, &#8220;Sishili bari khulwe bibyoonako byeewe, namwe khulwe bye basaali beewe, kila umuundu uyu asaalikha nga umubofu ta. Ne khurusakho ndi ali umubofu nio akile bikholwa bya Wele biboneshele mu niye. 4Nga antsye ashiili kumuusi, shaakhila khukhole kimilimo kyooyo uwanduma ise. Mbaawo unyala waraamba kumulimo nga antsye bwelabuule ta. 5#Mat 5.14; Yok 8.12Nga ishiili mu shiibala, ise mba niye buwaanga bwe shiibala.&#8221;</div><div class="p"> 6Yesu n'amala khuloma aryo, wafuutsa kamare aasi, waroka lifukhuulu mu mare, walihakha khu moni tsy'omusaani umubofu. 7Waloma umubofu ari, &#8220;N'utsye wisiinge mwitibo liliili i Siloamu&#8221; (Siloamu shimanyisa khuurumiwa). Nashiryo waatsya, wesiinga, waakobola nga tsimoni tsibona.</div><div class="p"> 8Ne bahesanwa b'omusaani uyo, ni babaandu babaandi abe babamubonakho khaale nga wekhaale asabilisa, baloma bari, &#8220;Umusaani uyu s'ali niye uwekhalatsaka awo nga asabilisa?&#8221; 9Batweelakho baloma bari, &#8220;E e, niye.&#8221; Ne babaandi bakhaabisa nga baloma bari, &#8220;Taawe, s'ali niye ta. Uyuno amufwaanana busa.&#8221; Kila umusaani umweene aloma ari, &#8220;Niye ise.&#8221; 10Bamureeba bari, &#8220;Ne tsimoni tsoowo tsibimbushile tsiryeena?&#8221; 11Umusaani uyo welamo ari, &#8220;Umuundu isi balaanga bari Yesu, arokile lifukhuulu, waambakha khu moni tsase, wanoma ari intsye mu Siloamu nisiinge. Nase natsya, nga ninisingile, tsimoni tsabimbukha.&#8221; 12Bamureeba bari, &#8220;Umusaani mweene uyo ali waheena?&#8221;</div><div class="p">Wabeelamo ari, &#8220;Ise simanya ta.&#8221;</div><div class="s1">Bafarisaayo bareebelesa khuuwonesebwa khw'omubofu</div><div class="p"> 13Bayila umusaani uwaba umubofu isi Bafarisaayo. 14Ne yaba khu shifukhu sheesi Yesu arokelamo lifukhuulu wabimbula tsimoni tsy'omusaani uyo, shaba sha Sabato. 15Bafarisaayo nabo luundi baareebelesa umusaani uyo, isaambo isi abimbukhamo tsimoni. Wabaloma ari &#8220;Ambakha liiloba khu moni tsase, natsya nasiinga mu moni mwase, narakikha khubona.&#8221;</div><div class="p"> 16Batweela khu Bafarisaayo baaloma bari, &#8220;Seshinyalikha khuuba nga umuundu ukholile shino ama isi Wele ta, khulwekhuuba s'alondelela kamakaambila ke shifukhu sha Sabato ta.&#8221; Ne babaandi baloma bari, &#8220;Ne abe umuundu aba umwonaki khali anyalile aryeena khukhola bye kamakaanga nga bino?&#8221; Lwanyuma abawo khukhwawukhana akari abwe.</div><div class="p"> 17Bafarisaayo luundi bareeba umusaani uwabakho umubofu bari, &#8220;Umusaani uyu iwe umulomakho uryeena, khukhwaama nga n'uloma uri akhubimbuule tsimoni?&#8221; Welamo ari, &#8220;Umusaani uyo ali umu&#331;oosi.&#8221;</div><div class="p"> 18Ne Bayudaaya balekha khufukiilila bari umusaani uyo asaalikha nga ali umubofu, ne nga ari abona ta, khukhwoolisa ni balaanga basaali beewe. 19Bareeba basaala beewe bari, &#8220;Uyuno ali umwaana wenywe, isi muloma muri asaalikha nga ali umubofu? Shiitsa shiryeena waba nga aluno ari abona?&#8221; 20Basaali beewe belamo bari, &#8220;Ifwe khwaamanyile khuri uyuno ali umwaana weefwe, naluundi khwaamanyile khuri asaalikha nga ali umubofu. 21Ne ifwe sikhumanya nga n'abimbukhile tsimoni ta, namwe sikhumanya naanu umubimbuule tsimoni ta. Khukhwaama n'ali umuundu umukhulu, ni mumureebe umweene; lekha umweene ekanikhekho.&#8221; 22Basaali beewe baaloma baryo khulwe khuurya baraangilisi be Bayudaaya, abe babaamalile khuukhalawo bari umuundu yeesi ukane alome ari Yesu niye Kristo, kane bamwikalewo khuutsya mu ntsu iye khukhwisaayilamo. 23Shino nisho shishakila basaali beewe baaloma bari, &#8220;Ali umusaani umukhulu, ni mumureebe umweene.&#8221;</div><div class="p"> 24Lwanyuma balaanga umusaani abe uwaba umubofu kumuluundi kukukhola khabili, bamuloma bari, &#8220;Iwe n'uruuye Wele! Ifwe khwaamanyile nga umuundu uyu n'ali umwonaki.&#8221; 25Umusaani wabeelamo ari, &#8220;Ise s'imanya oba ali umwonaki namwe ta. Ne ise shishiindu shitweela sheesi imanya shili ndi, naba umubofu, ne ari imbona.&#8221; 26Bamureeba bari, &#8220;Ne akhukholile aryeena? Akhubimbuule aryeena tsimoni?&#8221;</div><div class="p"> 27Welamo ari, &#8220;Ise namalile khaale khubaboolela, ne simuwulila ta. Khulwashiina kila mukana niilemo luundi? Namwe nanywe muli khukana khukhwikyela baleekelwa beewe?&#8221; 28Bamukhoma. Baloma bari, &#8220;Iwe niye uli umuleekelwa w'omusaani uyo. Ne ifwe khuli baleekelwa ba Musa. 29Ifwe khwaamanya khuri Wele akanikha ni Musa, ne bibiwaambakana n'umusaani uyu, ifwe sikhumanya isi ama ta.&#8221;</div><div class="p"> 30Umusaani uyo wabeelamo ari, &#8220;Shino she khukhwiyaangisa! Khulwekhuuba muloma muri simumanya isi ama ta, ne bona ise wamimbuule tsimoni tsase. 31Feesi khwaamanya khuri Wele s'arekeeresa babonaki ta, akhali arekeeresa abo babamurya naluundi babaakhola sheesi akana. 32Ne khukhwaama khukhubuumbibwa khwe shiibala khaale ni khaale, sishawulilikhanakho nga abawo umuundu yeesi uwabimbula tsimoni tsy'omuundu uwasaalikha nga ali umubofu ta. 33Ne umuundu yuno nga khurusakho ama isi Wele, busa khali s'anyalile khukhola shishiindu shoositsana ta.&#8221;</div><div class="p"> 34Bamuloma bari, &#8220;Ne iwe nawe uwasaalikha nga uli umwonaki, iwe nawe unyala uryeena khukhuleekela ifwe?&#8221; Bamuwoona khukhwaama mu ntsu ye khukhwisaayilamo.</div><div class="s1">Khuuba umubofu mu mwoyo</div><div class="p"> 35Yesu n'awulila bari bamuwoonile khukhwaama mu ntsu ye khukhwisaayilamo, ne n'akaanana umusaani uwatsana, waamureeba ari, &#8220;Ufukiilila mu Mwaana w'Omuundu?&#8221;</div><div class="p"> 36Umusaani welamo Yesu ari, &#8220;Musakhulu, n'umboolele niye naanu, ni nase kane imufukiililemo.&#8221;</div><div class="p"> 37Yesu wamuloma ari, &#8220;Wamuboone khaale, naluundi niye umweene yuno niye yeesi ulikho ukanikha ni naye.&#8221;</div><div class="p"> 38Waloma Yesu ari, &#8220;Umukasya, naafukiilile.&#8221; Aryo wafukhama aasi wesaaya Yesu.</div><div class="p"> 39Yesu waaloma ari, &#8220;Ise neetsa mu shiibala khulwe khukhala kumusaango. Nio akile baabofu babimbukhe tsimoni; ni naabo babaabona bekyele baabofu.&#8221;</div><div class="p"> 40Bafarisaayo babaaba ni Yesu ni baawulila bino kila baloma bari, &#8220;Ari kila uloma uri ifwe nafwe khuli baabofu?&#8221;</div><div class="p"> 41Yesu wabeelamo ari, &#8220;Muba nga mumuuli baabofu, khali simuli ni kumusaango kwe bubwoonaki ta; ne ari ni muloma muri munyala khubona, shimanyisa shiri muli ni kumusaango kwe bubwoonaki.&#8221;</div>
 </div>
 </div>
</div>

The Bible in Lumasaaba © Bible Society of Uganda, 2016. 

Yesu n'aba nga akyeenda, waabona umusaani uwasaalikha nga ali umubofu. Baleekelwa beewe baamureeba bari, “Umuleekeli, naanu niye uwoonaka kila umusaani uyu asaalikha nga ali umubofu? Niye umweene namwe basaali beewe?”
Yesu welamo ari, “Sishili bari khulwe bibyoonako byeewe, namwe khulwe bye basaali beewe, kila umuundu uyu asaalikha nga umubofu ta. Ne khurusakho ndi ali umubofu nio akile bikholwa bya Wele biboneshele mu niye. Nga antsye ashiili kumuusi, shaakhila khukhole kimilimo kyooyo uwanduma ise. Mbaawo unyala waraamba kumulimo nga antsye bwelabuule ta. Nga ishiili mu shiibala, ise mba niye buwaanga bwe shiibala.”
Yesu n'amala khuloma aryo, wafuutsa kamare aasi, waroka lifukhuulu mu mare, walihakha khu moni tsy'omusaani umubofu. Waloma umubofu ari, “N'utsye wisiinge mwitibo liliili i Siloamu” (Siloamu shimanyisa khuurumiwa). Nashiryo waatsya, wesiinga, waakobola nga tsimoni tsibona.
Ne bahesanwa b'omusaani uyo, ni babaandu babaandi abe babamubonakho khaale nga wekhaale asabilisa, baloma bari, “Umusaani uyu s'ali niye uwekhalatsaka awo nga asabilisa?” Batweelakho baloma bari, “E e, niye.” Ne babaandi bakhaabisa nga baloma bari, “Taawe, s'ali niye ta. Uyuno amufwaanana busa.” Kila umusaani umweene aloma ari, “Niye ise.” Bamureeba bari, “Ne tsimoni tsoowo tsibimbushile tsiryeena?” Umusaani uyo welamo ari, “Umuundu isi balaanga bari Yesu, arokile lifukhuulu, waambakha khu moni tsase, wanoma ari intsye mu Siloamu nisiinge. Nase natsya, nga ninisingile, tsimoni tsabimbukha.” Bamureeba bari, “Umusaani mweene uyo ali waheena?”
Wabeelamo ari, “Ise simanya ta.”

Bayila umusaani uwaba umubofu isi Bafarisaayo. Ne yaba khu shifukhu sheesi Yesu arokelamo lifukhuulu wabimbula tsimoni tsy'omusaani uyo, shaba sha Sabato. Bafarisaayo nabo luundi baareebelesa umusaani uyo, isaambo isi abimbukhamo tsimoni. Wabaloma ari “Ambakha liiloba khu moni tsase, natsya nasiinga mu moni mwase, narakikha khubona.”
Batweela khu Bafarisaayo baaloma bari, “Seshinyalikha khuuba nga umuundu ukholile shino ama isi Wele ta, khulwekhuuba s'alondelela kamakaambila ke shifukhu sha Sabato ta.” Ne babaandi baloma bari, “Ne abe umuundu aba umwonaki khali anyalile aryeena khukhola bye kamakaanga nga bino?” Lwanyuma abawo khukhwawukhana akari abwe.
Bafarisaayo luundi bareeba umusaani uwabakho umubofu bari, “Umusaani uyu iwe umulomakho uryeena, khukhwaama nga n'uloma uri akhubimbuule tsimoni?” Welamo ari, “Umusaani uyo ali umuŋoosi.”
Ne Bayudaaya balekha khufukiilila bari umusaani uyo asaalikha nga ali umubofu, ne nga ari abona ta, khukhwoolisa ni balaanga basaali beewe. Bareeba basaala beewe bari, “Uyuno ali umwaana wenywe, isi muloma muri asaalikha nga ali umubofu? Shiitsa shiryeena waba nga aluno ari abona?” Basaali beewe belamo bari, “Ifwe khwaamanyile khuri uyuno ali umwaana weefwe, naluundi khwaamanyile khuri asaalikha nga ali umubofu. Ne ifwe sikhumanya nga n'abimbukhile tsimoni ta, namwe sikhumanya naanu umubimbuule tsimoni ta. Khukhwaama n'ali umuundu umukhulu, ni mumureebe umweene; lekha umweene ekanikhekho.” Basaali beewe baaloma baryo khulwe khuurya baraangilisi be Bayudaaya, abe babaamalile khuukhalawo bari umuundu yeesi ukane alome ari Yesu niye Kristo, kane bamwikalewo khuutsya mu ntsu iye khukhwisaayilamo. Shino nisho shishakila basaali beewe baaloma bari, “Ali umusaani umukhulu, ni mumureebe umweene.”
Lwanyuma balaanga umusaani abe uwaba umubofu kumuluundi kukukhola khabili, bamuloma bari, “Iwe n'uruuye Wele! Ifwe khwaamanyile nga umuundu uyu n'ali umwonaki.” Umusaani wabeelamo ari, “Ise s'imanya oba ali umwonaki namwe ta. Ne ise shishiindu shitweela sheesi imanya shili ndi, naba umubofu, ne ari imbona.” Bamureeba bari, “Ne akhukholile aryeena? Akhubimbuule aryeena tsimoni?”
Welamo ari, “Ise namalile khaale khubaboolela, ne simuwulila ta. Khulwashiina kila mukana niilemo luundi? Namwe nanywe muli khukana khukhwikyela baleekelwa beewe?” Bamukhoma. Baloma bari, “Iwe niye uli umuleekelwa w'omusaani uyo. Ne ifwe khuli baleekelwa ba Musa. Ifwe khwaamanya khuri Wele akanikha ni Musa, ne bibiwaambakana n'umusaani uyu, ifwe sikhumanya isi ama ta.”
Umusaani uyo wabeelamo ari, “Shino she khukhwiyaangisa! Khulwekhuuba muloma muri simumanya isi ama ta, ne bona ise wamimbuule tsimoni tsase. Feesi khwaamanya khuri Wele s'arekeeresa babonaki ta, akhali arekeeresa abo babamurya naluundi babaakhola sheesi akana. Ne khukhwaama khukhubuumbibwa khwe shiibala khaale ni khaale, sishawulilikhanakho nga abawo umuundu yeesi uwabimbula tsimoni tsy'omuundu uwasaalikha nga ali umubofu ta. Ne umuundu yuno nga khurusakho ama isi Wele, busa khali s'anyalile khukhola shishiindu shoositsana ta.”
Bamuloma bari, “Ne iwe nawe uwasaalikha nga uli umwonaki, iwe nawe unyala uryeena khukhuleekela ifwe?” Bamuwoona khukhwaama mu ntsu ye khukhwisaayilamo.

Yesu n'awulila bari bamuwoonile khukhwaama mu ntsu ye khukhwisaayilamo, ne n'akaanana umusaani uwatsana, waamureeba ari, “Ufukiilila mu Mwaana w'Omuundu?”
Umusaani welamo Yesu ari, “Musakhulu, n'umboolele niye naanu, ni nase kane imufukiililemo.”
Yesu wamuloma ari, “Wamuboone khaale, naluundi niye umweene yuno niye yeesi ulikho ukanikha ni naye.”
Waloma Yesu ari, “Umukasya, naafukiilile.” Aryo wafukhama aasi wesaaya Yesu.
Yesu waaloma ari, “Ise neetsa mu shiibala khulwe khukhala kumusaango. Nio akile baabofu babimbukhe tsimoni; ni naabo babaabona bekyele baabofu.”
Bafarisaayo babaaba ni Yesu ni baawulila bino kila baloma bari, “Ari kila uloma uri ifwe nafwe khuli baabofu?”
Yesu wabeelamo ari, “Muba nga mumuuli baabofu, khali simuli ni kumusaango kwe bubwoonaki ta; ne ari ni muloma muri munyala khubona, shimanyisa shiri muli ni kumusaango kwe bubwoonaki.”

Sikiliza Yokana 9