Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s">Jorduwareuge Etaregodure Tuiorduwo Jesusji</div><div class="p"> 1Jesus boture Bel&#233;m ba kurireu keje Jud&#233;ia moto keje. Nou Jud&#233;ia moto kejewu boe eimijera kurireu iere Herodes. Jesus boture dukeje ia boe tuginaiwuge jorduwareuge etaregodure to moto piji Jerusal&#233;m ba kurireu ka. Leste pijire etaregodure. 2Etaregodure Jerusal&#233;m ba kurireu ka dukeje enarare nou boe dogei. Egore: &#8211; &#268;erdure Judeu doge eimijera kurireu maiwu o kuieje tuginaiwuji baru tada. Nou kuieje tuginaiwu ruture dukeje &#269;erdure ji. Dukodire &#269;erduware Judeu doge eimijera kurireu maiwu boture rugadu duji. Dukodire &#269;edaregodure aino &#269;ewo &#269;ebu jodo moto keje jokorai &#269;emago pemegawo ji rugadu. Ema pa? Kaiba rakojere?</div><div class="p"> 3Nou Jerusal&#233;m kejewu boe eimijera kurireu Herodes meardure nou egoino duji dukeje mororamagadure rugadu. Jerusal&#233;m ba kurireu kejewuge emeardure ewadaruji jamedu dukodire eiamedu boe emororamagadure jamedu. 4Dukodire Herodes makore nou ure Judeu doge enomea maku Pao Kurireu aiwuge eimijerage ewagai. Makore nou jorduware Judeu doge eno bakaru jiwuge eiamedu boe ewagai jamedu. Etaregodure dukeje Herodes unarare ei kaiba nou umode boe ekinorudowu botumoduie. 5Erduware rugadu dukodire emagore Herodes bataru jipagi. Egore: &#8211; Nou umode boe ekinorudowu botumode Bel&#233;m ba kurireu keje. Ainore nou mariguduwu makore Pao Kurireu bataru jiwu batarure marigudu. Nou bataru padure bapera keje. Akore:</div><div class="q"> 6&#8211; Bel&#233;m ba kurireu mugure Jud&#225; uwobe eno moto keje. Boe eda kurikareu nure nou Bel&#233;m&#269;e. Boe eimijera kurikareu mugure Bel&#233;m keje. Mare nou Bel&#233;m boe eda kejere ia Judeu doge eimijera kurireu botumode nono. Nou boe eimijera kurireu jetu pemegamode iwobe#2.6 Pao Kurireu ure tugeragu nou Israel dogei pudae tuwo tuwobedo emage taidu tabo. Etuo pega Abra&#227;o meartorure Pao Kurireuji rugadu dukodire roino. Awu bataru padure G&#234;nesis 15.6, 28.13-15 Israel doge eiamedu boei rugadu.#2.6 Awu bataru padure Miqu&#233;ias 5.2 keje.</div><div class="p">&#8211; Ainore Pao Kurireu akore marigudu.</div><div class="p"> 7Nono Herodes makore nou boe tuginaiwuge jorduwareuge ewagai etaregoduwo pudae. Makore ei tuginaigodu. Unarare ei dukodire ere Herodes biedu pemegado nuba merire pudui tuiorduie nou kuieje tuginaiwu rutuie duji. 8Nono Herodes makore ei etuwo Bel&#233;m ba kurireu ka rugadu. Akore: &#8211; Tadudo toro rugadu. Tagaiwodo rugadu nou imedu rogu bagai. Tardumode ji dukeje tagirimi kuri mato tawo iwie rugadu kaiba rakojere ituwo toro jamedu iwo ipu jodo moto keje imago pemegawo ji jamedu.</div><div class="p"> 9Nou boe tuginaiwuge jorduwareuge emeardure nou Herodes makore puduiwu boeji dukeje eture pugeje. &#268;a nou erdure jiwu kuieje rakoje kimore baru tada. Erdure ji. Nou kuieje uture etododai rugadu jii je rugadu. Dukeje nou kuieje ure tuwuredo nono nou imedu rogu rakojere tadawu bai aogeje. 10Nou boe tuginaiwuge jorduwareuge erdure nou kuieje roinoduji dukeje egarere pudui rugadu. 11Ere tuburedo nou baiji. Nono ere turemo nou baito rugadu. Dukejere &#269;are erdure nou imedu roguji. Rakojere tuje Maria apo rugadu. Nou jorduwareuge ere tubu jodo moto keje nou imedu rogu jokorai tumago pemegawo ji. Emago pemegare ji rugadu. Nono ere toe tadaboe jado tuwo toe maku nou imedu rogu ai. Ere toe mori kurireu maku ai rugadu. Ere tori kuieje maku imedu rogu ai. Ere roreboe mori kurireu maku ai. Ere jorubo pemegareu mori kurireu maku ai. Nou jorubo pemegareu iere mirra. 12Nou boe&#269;oji eniaure Pao Kurireu aregodure pudae duji. Pao Kurireu makore ei pagaie Herodes akoino ei. Pao Kurireu makore ei ekaiago tugirimi Herodes ae. Dukodire nou barogwato ekare tugirimi Herodes ae rugadu. Eture ia awaraji Bel&#233;m piji tuduwo to moto ka rugadu.</div><div class="s">Jos&#233; Maria Eregodure Tonaregedu Apo Egito Moto Ka Herodes Piji</div><div class="p"> 13Nou boe tuginaiwuge jorduwareuge eture dukeje Jos&#233; uniaure Pao Kurireu utugare baru tadawu aregodure pudae duji. Nou Pao Kurireu utugare baru tadawu makore Joseji. Akore: &#8211; Aragojedo. Akeragu imedu roguji tuje apo jamedu taregodudo toro Egito moto ka tawo tawiado toro Herodes piji. Herodes aiwomode nou imedu rogu bagai tuwo nou imedu rogu bito. Tarego piji toro Egito moto ka. Tagaba tagirimi tago moto ka jii toro ire tawie kejewu meri ka. Imire imode tawie kaba meri kejeba tamode tagirimi tago moto ka pugeje.</div><div class="p">Ainore Pao Kurireu akore Joseji uniau tada. 14Dukodire Jos&#233; ure turagojedo kuri je nou boe&#269;oji rugadu. Ure tugeragu nou imedu roguji, nou u&#269;eji. Eture nou boe&#269;oji rugadu nou tieda piji tuduwo toro Egito moto ka. Eture jii toro etaregodure Egito moto ka rugadu. 15Emugu raire nono Egito moto keje jii nou Herodes bire kejewu meri ka. Marigudu Pao Kurireu ure boe ewie ainore eromoduie. Makore Pao Kurireu bataru jiwu ure nou bataru bu bapera keje. Akore: &#8211; Imagore itonaregedu bagai utuwo Egito moto piji#2.15 Awu bataru padure Os&#233;ias 11.1 keje..</div><div class="p">Aino nou bataru jeture pudui rugadu.</div><div class="p"> 16&#268;a nou boe tuginaiwuge jorduwareuge ere &#269;inorudo Herodes piji. Ekare tugirimi ae rugadu. Nou Herodes jorduwagodure nou inoduji dukodire korigodure rugadu. Aidure tuwo nou imedu rogu bito marigudu. Mare nou jorduwareuge ekare tuiorduwado duboba nure ema duji. Dukodire korigodure. Makore to tugobaigaregei etuwo Bel&#233;m ba kurireu ka ewo boe etore ime eiamedu ewido rugadu. Nou boture maibariwuge, nou jorure mitotu, pobetu kejewuge eiamedu boe ewido. Emode nou Bel&#233;m ba kurireu tadawuge boe etore kugure ime ewido, nou mugure pureduwuge boe etore ime ewido jamedu. Nou boe tuginaiwuge jorduwareuge ere Herodes bie kaba meri kejeba eture to moto piji. Dukodire Herodes meardaere jorumoduie pobe ei etaiwore bagaiwu imedu roguji. Dukodire makore to tugobaigaregei ewo nou boe etore ime ewido, ewo nou boture maibariwuge ewido, nou o jorure mitotu, pobetu kejewuge boe etore ime ewido jamedu. Dukodire nou tugobaigarege eture toro. Ere nou boe etore ime eiamedu boe ewido rugadu Bel&#233;m ba kurireu keje, nou rakojere nou Bel&#233;m ba kurireu pureduwuge ewido jamedu. 17Pao Kurireu ure boe ewie nou inoduji marigudu. Ure tuwadaru maku makore Pao Kurireu bataru jiwu Jeremias ai. Akore:</div><div class="q"> 18&#8211; Boe eda Ram&#225; rakoje jaekare Bel&#233;m piji. Ram&#225; kejewuge etragudu rakamode rugadu. Ekiarigodumode rugadu. Boe emeardumode etraguduji rugadu. Nou moto kejewuge etuje Raquel uwobe areme etragudumode tore ewagai. Boe erduwamodukare tuwo ewudugugo nou tugiarigodure dupiji. Etore kugure eiamedu boe ewire dukodi.#2.18 Awu bataru padure Jeremias 31.15 keje.</div><div class="p">Ainore Pao Kurireu akore marigudu. Aino &#269;are nou Pao Kurireu bataru jeture pudui rugadu.</div><div class="s">Jos&#233; Ure Tugirimi Egito Piji Maria Apo Jesus Apo Jamedu</div><div class="p"> 19Toro ia meri keje Herodes bire rugadu. Nono ia Pao Kurireu utugare baru tadawu aregodure Jos&#233; ae toro Egito moto ka. Makore Joseji uniau tada. 20Akore: &#8211; Nou aidure tuwo imedu rogu bitowu bokware. Aino &#269;a taragojedo taduwo taibagi tago moto ka pugeje, aki, nou imedu rogu, nou u&#269;e jamedu tawo tagirimi Israel moto ka.</div><div class="p"> 21Dukodire Jos&#233; ure turagojedo. Ure tugeragu toredujeji, nou imedu roguji dukeje eture rugadu toro to moto Israel moto ka rugadu. 22Kodure awaraji dukeje Jos&#233; meardure nou imedu Arquelau muguie tuo Herodes mugato boe eimijera kurireuwo ema nono Jud&#233;ia moto keje. Dukodire Jos&#233; pagudure tuduwo Jud&#233;ia moto ka. Uniau tadare Pao Kurireu ure bie jamedu utukawo toro Jud&#233;ia moto ka. Dukodire Jos&#233; uture toreduje apo nou imedu rogu apo jamedu toro Galil&#233;ia moto ka. 23Etaregodure Galil&#233;ia moto ka dukeje eture toro Nazar&#233; ba kurireu ka tumuguwo nono. Marigudu Pao Kurireu ure boe ewie eromoduie aino. Nou makore Pao Kurireu bataru jiwuge ere nou Pao Kurireu bataru bu bapera keje. Akore: &#8211; Nou umode boe ekinorudowu iemode Nazar&#233; ba kurireu pijiwu nure ema.</div><div class="p">Ainore Pao Kurireu akore marigudu. Aino &#269;a nou Pao Kurireu bataru jeture pudui rugadu.</div>
 </div>
 </div>
</div>

Jesus boture Belém ba kurireu keje Judéia moto keje. Nou Judéia moto kejewu boe eimijera kurireu iere Herodes. Jesus boture dukeje ia boe tuginaiwuge jorduwareuge etaregodure to moto piji Jerusalém ba kurireu ka. Leste pijire etaregodure. Etaregodure Jerusalém ba kurireu ka dukeje enarare nou boe dogei. Egore: – Čerdure Judeu doge eimijera kurireu maiwu o kuieje tuginaiwuji baru tada. Nou kuieje tuginaiwu ruture dukeje čerdure ji. Dukodire čerduware Judeu doge eimijera kurireu maiwu boture rugadu duji. Dukodire čedaregodure aino čewo čebu jodo moto keje jokorai čemago pemegawo ji rugadu. Ema pa? Kaiba rakojere?
Nou Jerusalém kejewu boe eimijera kurireu Herodes meardure nou egoino duji dukeje mororamagadure rugadu. Jerusalém ba kurireu kejewuge emeardure ewadaruji jamedu dukodire eiamedu boe emororamagadure jamedu. Dukodire Herodes makore nou ure Judeu doge enomea maku Pao Kurireu aiwuge eimijerage ewagai. Makore nou jorduware Judeu doge eno bakaru jiwuge eiamedu boe ewagai jamedu. Etaregodure dukeje Herodes unarare ei kaiba nou umode boe ekinorudowu botumoduie. Erduware rugadu dukodire emagore Herodes bataru jipagi. Egore: – Nou umode boe ekinorudowu botumode Belém ba kurireu keje. Ainore nou mariguduwu makore Pao Kurireu bataru jiwu batarure marigudu. Nou bataru padure bapera keje. Akore:
– Belém ba kurireu mugure Judá uwobe eno moto keje. Boe eda kurikareu nure nou Belémče. Boe eimijera kurikareu mugure Belém keje. Mare nou Belém boe eda kejere ia Judeu doge eimijera kurireu botumode nono. Nou boe eimijera kurireu jetu pemegamode iwobe Israel doge eiamedu boei rugadu.
– Ainore Pao Kurireu akore marigudu.
Nono Herodes makore nou boe tuginaiwuge jorduwareuge ewagai etaregoduwo pudae. Makore ei tuginaigodu. Unarare ei dukodire ere Herodes biedu pemegado nuba merire pudui tuiorduie nou kuieje tuginaiwu rutuie duji. Nono Herodes makore ei etuwo Belém ba kurireu ka rugadu. Akore: – Tadudo toro rugadu. Tagaiwodo rugadu nou imedu rogu bagai. Tardumode ji dukeje tagirimi kuri mato tawo iwie rugadu kaiba rakojere ituwo toro jamedu iwo ipu jodo moto keje imago pemegawo ji jamedu.
Nou boe tuginaiwuge jorduwareuge emeardure nou Herodes makore puduiwu boeji dukeje eture pugeje. Ča nou erdure jiwu kuieje rakoje kimore baru tada. Erdure ji. Nou kuieje uture etododai rugadu jii je rugadu. Dukeje nou kuieje ure tuwuredo nono nou imedu rogu rakojere tadawu bai aogeje. Nou boe tuginaiwuge jorduwareuge erdure nou kuieje roinoduji dukeje egarere pudui rugadu. Ere tuburedo nou baiji. Nono ere turemo nou baito rugadu. Dukejere čare erdure nou imedu roguji. Rakojere tuje Maria apo rugadu. Nou jorduwareuge ere tubu jodo moto keje nou imedu rogu jokorai tumago pemegawo ji. Emago pemegare ji rugadu. Nono ere toe tadaboe jado tuwo toe maku nou imedu rogu ai. Ere toe mori kurireu maku ai rugadu. Ere tori kuieje maku imedu rogu ai. Ere roreboe mori kurireu maku ai. Ere jorubo pemegareu mori kurireu maku ai. Nou jorubo pemegareu iere mirra. Nou boečoji eniaure Pao Kurireu aregodure pudae duji. Pao Kurireu makore ei pagaie Herodes akoino ei. Pao Kurireu makore ei ekaiago tugirimi Herodes ae. Dukodire nou barogwato ekare tugirimi Herodes ae rugadu. Eture ia awaraji Belém piji tuduwo to moto ka rugadu.

Nou boe tuginaiwuge jorduwareuge eture dukeje José uniaure Pao Kurireu utugare baru tadawu aregodure pudae duji. Nou Pao Kurireu utugare baru tadawu makore Joseji. Akore: – Aragojedo. Akeragu imedu roguji tuje apo jamedu taregodudo toro Egito moto ka tawo tawiado toro Herodes piji. Herodes aiwomode nou imedu rogu bagai tuwo nou imedu rogu bito. Tarego piji toro Egito moto ka. Tagaba tagirimi tago moto ka jii toro ire tawie kejewu meri ka. Imire imode tawie kaba meri kejeba tamode tagirimi tago moto ka pugeje.
Ainore Pao Kurireu akore Joseji uniau tada. Dukodire José ure turagojedo kuri je nou boečoji rugadu. Ure tugeragu nou imedu roguji, nou učeji. Eture nou boečoji rugadu nou tieda piji tuduwo toro Egito moto ka. Eture jii toro etaregodure Egito moto ka rugadu. Emugu raire nono Egito moto keje jii nou Herodes bire kejewu meri ka. Marigudu Pao Kurireu ure boe ewie ainore eromoduie. Makore Pao Kurireu bataru jiwu ure nou bataru bu bapera keje. Akore: – Imagore itonaregedu bagai utuwo Egito moto piji.
Aino nou bataru jeture pudui rugadu.
Ča nou boe tuginaiwuge jorduwareuge ere činorudo Herodes piji. Ekare tugirimi ae rugadu. Nou Herodes jorduwagodure nou inoduji dukodire korigodure rugadu. Aidure tuwo nou imedu rogu bito marigudu. Mare nou jorduwareuge ekare tuiorduwado duboba nure ema duji. Dukodire korigodure. Makore to tugobaigaregei etuwo Belém ba kurireu ka ewo boe etore ime eiamedu ewido rugadu. Nou boture maibariwuge, nou jorure mitotu, pobetu kejewuge eiamedu boe ewido. Emode nou Belém ba kurireu tadawuge boe etore kugure ime ewido, nou mugure pureduwuge boe etore ime ewido jamedu. Nou boe tuginaiwuge jorduwareuge ere Herodes bie kaba meri kejeba eture to moto piji. Dukodire Herodes meardaere jorumoduie pobe ei etaiwore bagaiwu imedu roguji. Dukodire makore to tugobaigaregei ewo nou boe etore ime ewido, ewo nou boture maibariwuge ewido, nou o jorure mitotu, pobetu kejewuge boe etore ime ewido jamedu. Dukodire nou tugobaigarege eture toro. Ere nou boe etore ime eiamedu boe ewido rugadu Belém ba kurireu keje, nou rakojere nou Belém ba kurireu pureduwuge ewido jamedu. Pao Kurireu ure boe ewie nou inoduji marigudu. Ure tuwadaru maku makore Pao Kurireu bataru jiwu Jeremias ai. Akore:
– Boe eda Ramá rakoje jaekare Belém piji. Ramá kejewuge etragudu rakamode rugadu. Ekiarigodumode rugadu. Boe emeardumode etraguduji rugadu. Nou moto kejewuge etuje Raquel uwobe areme etragudumode tore ewagai. Boe erduwamodukare tuwo ewudugugo nou tugiarigodure dupiji. Etore kugure eiamedu boe ewire dukodi.
Ainore Pao Kurireu akore marigudu. Aino čare nou Pao Kurireu bataru jeture pudui rugadu.

Toro ia meri keje Herodes bire rugadu. Nono ia Pao Kurireu utugare baru tadawu aregodure José ae toro Egito moto ka. Makore Joseji uniau tada. Akore: – Nou aidure tuwo imedu rogu bitowu bokware. Aino ča taragojedo taduwo taibagi tago moto ka pugeje, aki, nou imedu rogu, nou uče jamedu tawo tagirimi Israel moto ka.
Dukodire José ure turagojedo. Ure tugeragu toredujeji, nou imedu roguji dukeje eture rugadu toro to moto Israel moto ka rugadu. Kodure awaraji dukeje José meardure nou imedu Arquelau muguie tuo Herodes mugato boe eimijera kurireuwo ema nono Judéia moto keje. Dukodire José pagudure tuduwo Judéia moto ka. Uniau tadare Pao Kurireu ure bie jamedu utukawo toro Judéia moto ka. Dukodire José uture toreduje apo nou imedu rogu apo jamedu toro Galiléia moto ka. Etaregodure Galiléia moto ka dukeje eture toro Nazaré ba kurireu ka tumuguwo nono. Marigudu Pao Kurireu ure boe ewie eromoduie aino. Nou makore Pao Kurireu bataru jiwuge ere nou Pao Kurireu bataru bu bapera keje. Akore: – Nou umode boe ekinorudowu iemode Nazaré ba kurireu pijiwu nure ema.
Ainore Pao Kurireu akore marigudu. Aino ča nou Pao Kurireu bataru jeture pudui rugadu.

Sikiliza Mateus 2