Perjanjian Baru terjemahan Bahasa Melayu Maluku Utara

Melayu Maluku Utara

<div class="version vid2975 iso6393max" data-vid="2975" data-iso6393="max">
 <div class="book bkMRK">
 <div class="chapter ch3" data-usfm="MRK.3">
 <div class="label">3</div><div class="s">Yesus kase sembu orang pas di hari Sabat</div><div class="r">(Mat. 12:9-14; Luk. 6:6-11)</div><div class="p"> 1Abis itu, Yesus bale ulang di ruma ibada agama Yahudi. Di situ ada satu orang yang dia pe tangan sabla mati, 2deng ada lagi orang-orang Yahudi dari aliran Farisi. Dorang lia-lia turus pa Yesus. Kalu Yesus kase sembu orang itu di hari Sabat, hari yang orang agama Yahudi tara bole bakarja itu, dorang dapa alasan untuk kase sala pa Dia. 3Yesus bilang pa orang yang dia pe tangan sabla mati itu bagini, &#8220;Mari ngana badiri di muka sini.&#8221;</div><div class="p"> 4Kong Yesus tanya pa orang-orang yang ada di situ, &#8220;Kalu iko aturan di lima kitab Musa, mana yang torang bisa biking di hari Sabat? Biking barang yang bae ka biking barang yang jahat? Kase slamat orang ka bunu orang?&#8221; Tapi dorang cuma babadiam saja.</div><div class="p"> 5Yesus pe hati susa karna dorang pe hati karas. Dia haga pa dorang samua deng rasa mara, kong Dia bilang pa orang yang dia pe tangan sabla mati itu, &#8220;Kase kamari ngana pe tangan.&#8221; Turus orang itu kase dia pe tangan kong dia pe tangan jadi sembu. 6Waktu itu suda, orang-orang Yahudi dari aliran Farisi kaluar dari ruma ibada itu kong dorang langsung baku ator deng raja Herodes pe orang-orang#3:6: Raja Herodes pe orang-orang itu, orang-orang Yahudi yang salalu dukung pa raja Herodes. la mo bunu pa Yesus.</div><div class="s">Orang banya iko pa Yesus</div><div class="p"> 7Yesus deng Dia pe murit-murit bapinda dari orang banya, kong pigi di talaga Galilea. Tapi orang banya dari daera Galilea iko pa Dia. Ada lagi orang-orang dari daera Yudea, 8kota Yerusalem, daera Idumea, deng dari daera kali Yordan pe sabla, deng sekitar kota Tirus deng kota Sidon. Dorang itu me masi iko pa Yesus, barang dorang so perna dengar apa yang Dia biking. 9#Mrk. 4:1; Luk. 5:1-3 Pe banya orang yang datang, sampe Yesus suru pa Dia pe murit-murit kase sadia parau satu, la Dia mo nae, supaya Dia tara tadempet deng orang banya itu. 10Barang, Dia so kase sembu banya orang, jadi orang-orang yang saki me banya lagi yang datang baku-baku gepe untuk bapegang pa Dia. 11Tiap kali orang-orang yang kemasukan setang dapa lia pa Yesus, dorang langsung berlutut pa Dia pe muka, kong dorang bataria, &#8220;Ngana suda Anak Allah.&#8221;</div><div class="p"> 12Tapi Yesus larang karas pa setang-setang itu supaya jang kase tau pa orang-orang, Dia itu sapa.</div><div class="s">Yesus pangge dua blas orang untuk iko pa Dia</div><div class="r">(Mat. 10:1-4; Luk. 6:12-16)</div><div class="p"> 13Abis itu, Yesus nae ka atas di gunung satu. Di situ, Dia pangge pa dorang yang Dia so pili itu kong dorang datang ka sana pa Dia. 14Dia pili dua blas orang la dorang mo sama-sama deng Dia, deng Dia mo utus pa dorang la dong kase tau Tuhan Allah pe Kabar Bae. 15Dia me kase kuasa pa dorang, la dorang bisa user setang.</div><div class="p"> 16Dua blas orang yang Yesus pili itu dorang pe nama: Simon (yang Dia kase nama Petrus), 17Yakobus deng dia pe sudara Yohanes, (Zebedeus pe ana-ana. Yesus kase nama pa dorang dua, Boanerges, yang pe arti sama deng guntur), 18Andreas, Filipus, Bartolomeus, Matius, Tomas, Yakobus (Alfeus pe ana), Tadeus, Simon (dari Gerakan Yahudi Merdeka),#3:18: Gerakan Yahudi Merdeka, itu satu kelompok orang Israel yang suka marontak pa pemerinta Roma. Dorang marontak supaya bisa bebas dari pemerinta Roma yang jaja pa dorang. Kelompok ini lagi orang jaga bilang, zelot. deng 19Yudas Iskariot (dia itu yang bahianat pa Yesus).</div><div class="s">Orang tudu, Yesus pake Beelzebul pe kuasa untuk user setang</div><div class="r">(Mat. 12:22-32; Luk. 11:14-23)</div><div class="p"> 20Abis itu, Yesus maso di ruma satu. Di situ, banya orang yang datang bakumpul lagi, sampe Dia deng Dia pe murit-murit me so tara bisa makang. 21Waktu Yesus pe keluarga dengar itu, dorang datang mo ambe pa Yesus, barang orang-orang bilang kata, Yesus so tara waras.</div><div class="p"> 22 # 
 Mat. 9:34, 10:25, 12:24; Luk. 11:15 Guru-guru agama Yahudi yang ahli lima kitab Musa datang dari Yerusalem, kong bilang bagini, &#8220;Orang ini so kemasukan Beelzebul, setang-setang pe raja. Itu yang biking sampe Dia bisa user setang!&#8221;</div><div class="p"> 23Yesus pangge pa guru-guru agama Yahudi itu, kong bicara pa dorang pake umpama bagini, &#8220;Bagimana kong setang mo user setang? 24Kalu dalam satu kerajaan baku malawang kong tapisa-pisa, pasti kerajaan itu akan ancor. 25Kong kalu dalam satu ruma tangga baku malawang kong tapisa-pisa, so pasti lagi ruma tangga itu akan ancor. 26Bagitu me deng Iblis, setang-setang pe raja. Kalu Iblis baku malawang deng dia pe ana bua setang-setang, pasti dorang mo tapisa-pisa. Turus Iblis pe kerajaan mo ancor kong abis.</div><div class="p"> 27Ambe conto bagini, tarada orang yang bisa maso di orang yang kuat pe ruma kong pancuri dia pe barang. Dia musti ika dulu pa orang yang kuat itu baru bisa pancuri dia pe harta.#3:27: Orang yang kuat itu, Iblis. Kong, orang yang ika dulu pa orang yang kuat itu, Yesus. Yesus tau, Dia mampo kase kala pa Iblis, setang-setang pe raja. Deng bagitu, Dia me bisa user setang yang maso pa orang-orang.</div><div class="p"> 28Ngoni dengar bae-bae e, samua dosa yang orang biking masi bole dapa ampun, bagitu lagi yang hina pa manusia bole dapa ampun. 29#Mat. 12:32; Luk. 12:10 Tapi kalu orang hina pa Roh Kudus, dia tara akan dapa ampun sampe slama-lamanya, karna dia biking dosa yang tara bisa mo dapa ampun.&#8221;</div><div class="p"> 30Yesus bilang bagitu, barang dorang bilang kata, Dia kemasukan setang.</div><div class="s">Orang yang biking Tuhan pe mau, dia itu Yesus pe keluarga</div><div class="r">(Mat. 12:46-50; Luk. 8:19-21)</div><div class="p"> 31Waktu Yesus ada mangajar, Dia pe mama deng Dia pe sudara-sudara datang. Sementara dorang badiri di luar, dong suru orang pangge pa Yesus. 32Di ruma itu, banya skali orang ada dudu kase kuliling pa Yesus. Turus dorang bilang pa Yesus, &#8220;Bapa, Bapa pe mama deng Bapa pe sudara-sudara ada di luar, kong dorang ada berusaha baku dapa deng Bapa.&#8221;</div><div class="p"> 33Tapi Yesus bilang pa dorang, &#8220;Kita pe mama deng Kita pe sudara-sudara sapa kong?&#8221;</div><div class="p"> 34Yesus haga pa orang-orang yang dudu kuliling pa Dia, kong Yesus bilang bagini, &#8220;Ngoni samua ini me Kita pe mama deng Kita pe sudara-sudara! 35Barang, sapa yang biking Tuhan Allah pe mau, dia itu suda Kita pe sudara-sudara deng Kita pe mama.&#8221;</div>
 </div>
 </div>
</div>

Perjanjian Baru Bahasa Melayu Maluku Utara @ Lembaga Alkitab Indonesia 2020

Abis itu, Yesus bale ulang di ruma ibada agama Yahudi. Di situ ada satu orang yang dia pe tangan sabla mati, deng ada lagi orang-orang Yahudi dari aliran Farisi. Dorang lia-lia turus pa Yesus. Kalu Yesus kase sembu orang itu di hari Sabat, hari yang orang agama Yahudi tara bole bakarja itu, dorang dapa alasan untuk kase sala pa Dia. Yesus bilang pa orang yang dia pe tangan sabla mati itu bagini, “Mari ngana badiri di muka sini.”
Kong Yesus tanya pa orang-orang yang ada di situ, “Kalu iko aturan di lima kitab Musa, mana yang torang bisa biking di hari Sabat? Biking barang yang bae ka biking barang yang jahat? Kase slamat orang ka bunu orang?” Tapi dorang cuma babadiam saja.
Yesus pe hati susa karna dorang pe hati karas. Dia haga pa dorang samua deng rasa mara, kong Dia bilang pa orang yang dia pe tangan sabla mati itu, “Kase kamari ngana pe tangan.” Turus orang itu kase dia pe tangan kong dia pe tangan jadi sembu. Waktu itu suda, orang-orang Yahudi dari aliran Farisi kaluar dari ruma ibada itu kong dorang langsung baku ator deng raja Herodes pe orang-orang la mo bunu pa Yesus.

Yesus deng Dia pe murit-murit bapinda dari orang banya, kong pigi di talaga Galilea. Tapi orang banya dari daera Galilea iko pa Dia. Ada lagi orang-orang dari daera Yudea, kota Yerusalem, daera Idumea, deng dari daera kali Yordan pe sabla, deng sekitar kota Tirus deng kota Sidon. Dorang itu me masi iko pa Yesus, barang dorang so perna dengar apa yang Dia biking. Pe banya orang yang datang, sampe Yesus suru pa Dia pe murit-murit kase sadia parau satu, la Dia mo nae, supaya Dia tara tadempet deng orang banya itu. Barang, Dia so kase sembu banya orang, jadi orang-orang yang saki me banya lagi yang datang baku-baku gepe untuk bapegang pa Dia. Tiap kali orang-orang yang kemasukan setang dapa lia pa Yesus, dorang langsung berlutut pa Dia pe muka, kong dorang bataria, “Ngana suda Anak Allah.”
Tapi Yesus larang karas pa setang-setang itu supaya jang kase tau pa orang-orang, Dia itu sapa.


Abis itu, Yesus nae ka atas di gunung satu. Di situ, Dia pangge pa dorang yang Dia so pili itu kong dorang datang ka sana pa Dia. Dia pili dua blas orang la dorang mo sama-sama deng Dia, deng Dia mo utus pa dorang la dong kase tau Tuhan Allah pe Kabar Bae. Dia me kase kuasa pa dorang, la dorang bisa user setang.
Dua blas orang yang Yesus pili itu dorang pe nama: Simon (yang Dia kase nama Petrus), Yakobus deng dia pe sudara Yohanes, (Zebedeus pe ana-ana. Yesus kase nama pa dorang dua, Boanerges, yang pe arti sama deng guntur), Andreas, Filipus, Bartolomeus, Matius, Tomas, Yakobus (Alfeus pe ana), Tadeus, Simon (dari Gerakan Yahudi Merdeka), deng Yudas Iskariot (dia itu yang bahianat pa Yesus).


Abis itu, Yesus maso di ruma satu. Di situ, banya orang yang datang bakumpul lagi, sampe Dia deng Dia pe murit-murit me so tara bisa makang. Waktu Yesus pe keluarga dengar itu, dorang datang mo ambe pa Yesus, barang orang-orang bilang kata, Yesus so tara waras.
Guru-guru agama Yahudi yang ahli lima kitab Musa datang dari Yerusalem, kong bilang bagini, “Orang ini so kemasukan Beelzebul, setang-setang pe raja. Itu yang biking sampe Dia bisa user setang!”
Yesus pangge pa guru-guru agama Yahudi itu, kong bicara pa dorang pake umpama bagini, “Bagimana kong setang mo user setang? Kalu dalam satu kerajaan baku malawang kong tapisa-pisa, pasti kerajaan itu akan ancor. Kong kalu dalam satu ruma tangga baku malawang kong tapisa-pisa, so pasti lagi ruma tangga itu akan ancor. Bagitu me deng Iblis, setang-setang pe raja. Kalu Iblis baku malawang deng dia pe ana bua setang-setang, pasti dorang mo tapisa-pisa. Turus Iblis pe kerajaan mo ancor kong abis.
Ambe conto bagini, tarada orang yang bisa maso di orang yang kuat pe ruma kong pancuri dia pe barang. Dia musti ika dulu pa orang yang kuat itu baru bisa pancuri dia pe harta.
Ngoni dengar bae-bae e, samua dosa yang orang biking masi bole dapa ampun, bagitu lagi yang hina pa manusia bole dapa ampun. Tapi kalu orang hina pa Roh Kudus, dia tara akan dapa ampun sampe slama-lamanya, karna dia biking dosa yang tara bisa mo dapa ampun.”
Yesus bilang bagitu, barang dorang bilang kata, Dia kemasukan setang.


Waktu Yesus ada mangajar, Dia pe mama deng Dia pe sudara-sudara datang. Sementara dorang badiri di luar, dong suru orang pangge pa Yesus. Di ruma itu, banya skali orang ada dudu kase kuliling pa Yesus. Turus dorang bilang pa Yesus, “Bapa, Bapa pe mama deng Bapa pe sudara-sudara ada di luar, kong dorang ada berusaha baku dapa deng Bapa.”
Tapi Yesus bilang pa dorang, “Kita pe mama deng Kita pe sudara-sudara sapa kong?”
Yesus haga pa orang-orang yang dudu kuliling pa Dia, kong Yesus bilang bagini, “Ngoni samua ini me Kita pe mama deng Kita pe sudara-sudara! Barang, sapa yang biking Tuhan Allah pe mau, dia itu suda Kita pe sudara-sudara deng Kita pe mama.”

Sikiliza Markus 3