If you would like a copy of this version please contact info@davaraudiobibles.org

ቦርኖን ሃንድር ታራ

<div class="version vid3252 iso6393bwo" data-vid="3252" data-iso6393="bwo">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Iyesus ash d&#250;r iko b&#769;kashitsok'o</div><div class="p"> 1Maniye hakon ayhudiwots worowoti bali aaw b&#769; wottsotse Iyesus Iyerusalem maants b&#237;ami. 2Iyerusalemn mererwots fengeshi ganoke, Ibrayist'i noonon Betezata eteets ikok kakts atso fa'e b&#769;tesh, b&#769;g&#250;ratsnowere b&#237; tookatse ipdetsts boweeron besheefwots fa'ano botesh. 3Ayidek't ay shodetswots, aaw dogwots, duruwotsnat shoklirwots b&#769; beshiru werats k'edek'tni botesh.#5:3 Yoots kishon guut'ets mas'afwots taaw 3 s'watsere tuur taaw 4 s'uwaats b&#769;borfetso dabrakno. Ashmanots aatsman b&#769; giwoni bokotfo botesh, 4Besh beshr Doonzo melakiyo aats kakots ood'r aatsman b&#769; giwshfoni, aats giwmaniye okoon shino aats kakmanits kindtso b&#769; shodts shodinar jamatse kashefe b&#769; tesh. 5Manoknowere shaashe shimt nat jamosh shodts ash iko fa'e b&#769;tesh. 6Iyesus ashman manoke b&#769; k'eefere bek't ayduroniye shintson b&#769;shodok'o dant, &#171;Kasho geefi?&#187; b&#237;et.</div><div class="p"> 7Shodetsonuwere &#171;Doonzono! aatso b&#769; giwtsok'on taan de'amr aats kakmanits gedet asho deshatse, taa amoosh tietor k'osh asho taayere shino oot'b&#769;wtsiriye&#187; b&#237;et.</div><div class="p"> 8Iyesuswere &#171;Tuuwe! ni es'o kurde'er amee!&#187; b&#237;et. 9Ashmanwere manoor kashb&#769;gutsi, b&#769; es'onowere kurdek't b&#237;ami.</div><div class="p">Han b&#769;wotwere sanbati aawone. 10#Neh. 13:19; Erm. 17:21 Mansh Ayhudi naash naashuwots kashts ashmansh &#171;Hambets sanbat b&#769;wottsotse ni es'o nkuritwok'o neesh eekeratse&#187; boet.</div><div class="p"> 11B&#237;m&#243;, &#171;Taan kashits asho &#8249;nies'o kurde'e amee&#8250; ett taash keewre&#187; b&#237;et.</div><div class="p"> 12Bowere, &#171;Ni es'o kurde' amee neesh ettso kone b&#237;?&#187; ett bo aati.</div><div class="p"> 13Ashmanm&#243; ashasho b&#237; aytsotsnat Iyesus manoke okaan t'iindek't b&#769;teshtsotse b&#237;n kashitso koni b&#769;wottsok'o danatse b&#769;tesh.</div><div class="p"> 14Maniye hakon Iyesus ashman Ik' mootse daatsdek't, &#171;Hamb, and kasherne, haniye bog keewo niats b&#769;borawok'o haniye hakon morro fink'aye&#187; b&#237;et.</div><div class="p"> 15Ashmanwere amt b&#237;n kashitso Iyesusi b&#769;wottsok'o ayhudiyi naashwotssh keewb&#769;k'ri. 16Keew man sanbati aawots b&#769; fintsotse Ayhudi naashwots Iyesusi gisho dek't botwi.</div><div class="p"> 17Iyesusm&#243; &#171;T nih andish b&#769;borfetso fine b&#769;finiri, taawere finirwe&#187; ett boosh b&#237;aaniy.</div><div class="p"> 18Man boshishtsosh Ayhudi naashuwots Iyesusi bo&#250;d'itwok'o iki boon tuzb&#769;k'ri, man b&#769;wotu b&#237;ye sanbato b&#769;gaaktso s'uzsh b&#769; woterawo, &#171;Ik'o t nihiye&#187; eton b&#769; tooko Ik'onton b&#769;nutsitsoshe.</div><div class="s">Ik'o naay detsts alo</div><div class="p"> 19Iyesus hank'o ett boosh b&#237;aaniy, &#171;Arikon arkoniye itsh ti etiriye, Niho b&#769; finefere b&#769;bek'tso finoniye okoon naayo b&#769;took alon eegor fino falratse. Niho b&#769; k'alirwok'o naayonwere b&#769; k'aliri. 20Niho naayo b&#769;shuntsosh b&#769; finiru jamo b&#237;sh kitsitwe, itwere it aditwok'o haniye bog finonor b&#237;sh kitsitwe. 21Niho k'irtsuwotsi b&#769; tuuzituwok'onat kashonowere boosh b&#769;imetuwok'owa, naayon&#250;we mankowa b&#769; shunts ashosh kasho b&#769; imeti. 22Niho konatsor angshratse, ernm&#243; angsh jamo naayosh imk'rere. 23Hanowere b&#769; k'alir ash jamwots niho bomangitwok'o, aaninwere naayo no bomangitwok'owa, naayo mangirawo, naayman woshts niho mangiratse.</div><div class="p"> 24&#171;Ariko aroniye itsh tietiri, t aap'tso k'ewur taan woshtsono amanitwo d&#250;re d&#250;ri beyo detsfe, b&#237;ye k'irotse kashomand k'az b&#769; kimtsotse b&#237;ats angsheratse. 25Ariko arikoniye itsh keewirwe, k'irts ashuwots Ik'o naay k'aaro boshishet aawo fa'e, b&#769;d&#250;ron&#250;were andee, b&#237;n shishetu jamwotswere kashon beetune. 26Niho b&#769;tookon kash t'uup'o b&#769;wottsotse, b&#769;naaywere kash t'uup'o b&#769;wotitwok'o woshre. 27Ashna'a b&#769; wottsotsnowere angsho b&#237;angshitwok'o alo b&#237;sh imre. 28Keewan jangatse adk'ayere, dowootse fa'a jametswots b&#769; k'&#225;&#225;ro boshishet aawo weetwe. 29#Dan. 12:2 Sheeng fintswots dootse keewarr kashon beetune, gond fintswotsem&#243; dowootse keer boere boats angshetwe.</div><div class="s">Iyesus jangosh gawets gawo</div><div class="p"> 30&#171;Taa t took alon eegor k'alo falratse, ernm&#243; nihoke t shishtso angshitwe, taan woshtso b&#769; geyirwok'owa bako t geyirwok'o t angshrawotse t angsho k&#225;&#225;we. 31Taa t took jangosh t gawitk wotiyal t gawts gawo arikaliye. 32Ernm&#243; t jangosh gawitwo k'osho fa'e, b&#237;were t jangosh b&#769;gawit gawo arik b&#769; wotitwok'o danfee. 33#Yoh. 1:19-27; 3:27-30 Itiye Yohans maants wosho amtsuwotsi woshatniye it teshi, b&#237;were aro gawere. 34Han tietiriye it kashitwok'owa bako taash ash gawo b&#769;geyitsoshaliye. 35Yohans aat'at c'eshts c'eshok'oyiye b&#769; teshi, it were muk' aawosh b&#769; sh&#225;&#225;nits sh&#225;&#225;non gene'osh itgeyi. 36Ernm&#243; taa Yohans gawtsoniyere bog gawo detsfe, t gawon&#250;were t nih tfinitwok'o taash b&#769;'imts finoniye, t finit finmanwere niho taan b&#769;wooshtsok'o t jango gawitwe. 37#Mat. 3:17; Mar. 1:11; Luk'. 3:22 Taan woshts Niho b&#769; tookon t jango gawere, itm&#243; b&#769; k'aaro b&#769;jamon shiyatste, b&#237;aronowere b&#769; jamon be'atste. 38B&#237; b&#769;woshtso it amanerawotse b&#769; aap'o itnibots geratste. 39It S'ayin mas'aafwotsitse d&#250;re d&#250;ri kasho it daatsitwok'o itsh b&#237;'artsotse boon p'ec'at its'iliri, boowere t jangosh gawirwotsiye. 40Ernm&#243; it kashu daatsosh t maants woo geratste. 41Taa mango ashoke geeratse. 42It it nibotse Ik'o shunawwotsi it wottsok'o danfee. 43Taa t nih sh&#250;tson waare, itm&#243; taan de'atste, ernm&#243; k'osho b&#769;took sh&#250;tson b&#769;waal b&#769;&#237;n dek'etute. 44It atsatseyosh mango geyirwots Ik' ikoke daatset mangonm&#243; gerawwots, awuk'o k'alrniya amanosh it faliti? 45Taa t nih shinatse itn t s'aamitwok'o ark'aya itsha, iti s'amitwo b&#237;n it jangirwo Museyiye. 46Museyi amaneerte wotink'e b&#237; tjango b&#769; guut'tsotse taanor amaniyank'te b&#769;tesh. 47B&#237; b&#769; guut'tso amaneratste wotiyal t aap'o awuk'o k'alrniya it amaniti?&#187;</div>
 </div>
 </div>
</div>

The Word for the World International Publishing PO Box 26363, Colorado Springs, CO 80919, USA

Maniye hakon ayhudiwots worowoti bali aaw b́ wottsotse Iyesus Iyerusalem maants bíami. Iyerusalemn mererwots fengeshi ganoke, Ibrayist'i noonon Betezata eteets ikok kakts atso fa'e b́tesh, b́gúratsnowere bí tookatse ipdetsts boweeron besheefwots fa'ano botesh. Ayidek't ay shodetswots, aaw dogwots, duruwotsnat shoklirwots b́ beshiru werats k'edek'tni botesh. Ashmanots aatsman b́ giwoni bokotfo botesh, Besh beshr Doonzo melakiyo aats kakots ood'r aatsman b́ giwshfoni, aats giwmaniye okoon shino aats kakmanits kindtso b́ shodts shodinar jamatse kashefe b́ tesh. Manoknowere shaashe shimt nat jamosh shodts ash iko fa'e b́tesh. Iyesus ashman manoke b́ k'eefere bek't ayduroniye shintson b́shodok'o dant, «Kasho geefi?» bíet.
Shodetsonuwere «Doonzono! aatso b́ giwtsok'on taan de'amr aats kakmanits gedet asho deshatse, taa amoosh tietor k'osh asho taayere shino oot'b́wtsiriye» bíet.
Iyesuswere «Tuuwe! ni es'o kurde'er amee!» bíet. Ashmanwere manoor kashb́gutsi, b́ es'onowere kurdek't bíami.
Han b́wotwere sanbati aawone. Mansh Ayhudi naash naashuwots kashts ashmansh «Hambets sanbat b́wottsotse ni es'o nkuritwok'o neesh eekeratse» boet.
Bímó, «Taan kashits asho ‹nies'o kurde'e amee› ett taash keewre» bíet.
Bowere, «Ni es'o kurde' amee neesh ettso kone bí?» ett bo aati.
Ashmanmó ashasho bí aytsotsnat Iyesus manoke okaan t'iindek't b́teshtsotse bín kashitso koni b́wottsok'o danatse b́tesh.
Maniye hakon Iyesus ashman Ik' mootse daatsdek't, «Hamb, and kasherne, haniye bog keewo niats b́borawok'o haniye hakon morro fink'aye» bíet.
Ashmanwere amt bín kashitso Iyesusi b́wottsok'o ayhudiyi naashwotssh keewb́k'ri. Keew man sanbati aawots b́ fintsotse Ayhudi naashwots Iyesusi gisho dek't botwi.
Iyesusmó «T nih andish b́borfetso fine b́finiri, taawere finirwe» ett boosh bíaaniy.
Man boshishtsosh Ayhudi naashuwots Iyesusi boúd'itwok'o iki boon tuzb́k'ri, man b́wotu bíye sanbato b́gaaktso s'uzsh b́ woterawo, «Ik'o t nihiye» eton b́ tooko Ik'onton b́nutsitsoshe.

Iyesus hank'o ett boosh bíaaniy, «Arikon arkoniye itsh ti etiriye, Niho b́ finefere b́bek'tso finoniye okoon naayo b́took alon eegor fino falratse. Niho b́ k'alirwok'o naayonwere b́ k'aliri. Niho naayo b́shuntsosh b́ finiru jamo bísh kitsitwe, itwere it aditwok'o haniye bog finonor bísh kitsitwe. Niho k'irtsuwotsi b́ tuuzituwok'onat kashonowere boosh b́imetuwok'owa, naayonúwe mankowa b́ shunts ashosh kasho b́ imeti. Niho konatsor angshratse, ernmó angsh jamo naayosh imk'rere. Hanowere b́ k'alir ash jamwots niho bomangitwok'o, aaninwere naayo no bomangitwok'owa, naayo mangirawo, naayman woshts niho mangiratse.
«Ariko aroniye itsh tietiri, t aap'tso k'ewur taan woshtsono amanitwo dúre dúri beyo detsfe, bíye k'irotse kashomand k'az b́ kimtsotse bíats angsheratse. Ariko arikoniye itsh keewirwe, k'irts ashuwots Ik'o naay k'aaro boshishet aawo fa'e, b́dúronúwere andee, bín shishetu jamwotswere kashon beetune. Niho b́tookon kash t'uup'o b́wottsotse, b́naaywere kash t'uup'o b́wotitwok'o woshre. Ashna'a b́ wottsotsnowere angsho bíangshitwok'o alo bísh imre. Keewan jangatse adk'ayere, dowootse fa'a jametswots b́ k'ááro boshishet aawo weetwe. Sheeng fintswots dootse keewarr kashon beetune, gond fintswotsemó dowootse keer boere boats angshetwe.

«Taa t took alon eegor k'alo falratse, ernmó nihoke t shishtso angshitwe, taan woshtso b́ geyirwok'owa bako t geyirwok'o t angshrawotse t angsho kááwe. Taa t took jangosh t gawitk wotiyal t gawts gawo arikaliye. Ernmó t jangosh gawitwo k'osho fa'e, bíwere t jangosh b́gawit gawo arik b́ wotitwok'o danfee. Itiye Yohans maants wosho amtsuwotsi woshatniye it teshi, bíwere aro gawere. Han tietiriye it kashitwok'owa bako taash ash gawo b́geyitsoshaliye. Yohans aat'at c'eshts c'eshok'oyiye b́ teshi, it were muk' aawosh b́ sháánits sháánon gene'osh itgeyi. Ernmó taa Yohans gawtsoniyere bog gawo detsfe, t gawonúwere t nih tfinitwok'o taash b́'imts finoniye, t finit finmanwere niho taan b́wooshtsok'o t jango gawitwe. Taan woshts Niho b́ tookon t jango gawere, itmó b́ k'aaro b́jamon shiyatste, bíaronowere b́ jamon be'atste. Bí b́woshtso it amanerawotse b́ aap'o itnibots geratste. It S'ayin mas'aafwotsitse dúre dúri kasho it daatsitwok'o itsh bí'artsotse boon p'ec'at its'iliri, boowere t jangosh gawirwotsiye. Ernmó it kashu daatsosh t maants woo geratste. Taa mango ashoke geeratse. It it nibotse Ik'o shunawwotsi it wottsok'o danfee. Taa t nih shútson waare, itmó taan de'atste, ernmó k'osho b́took shútson b́waal b́ín dek'etute. It atsatseyosh mango geyirwots Ik' ikoke daatset mangonmó gerawwots, awuk'o k'alrniya amanosh it faliti? Taa t nih shinatse itn t s'aamitwok'o ark'aya itsha, iti s'amitwo bín it jangirwo Museyiye. Museyi amaneerte wotink'e bí tjango b́ guut'tsotse taanor amaniyank'te b́tesh. Bí b́ guut'tso amaneratste wotiyal t aap'o awuk'o k'alrniya it amaniti?»

Sikiliza Yohans Dooshishiyo 5