Mistari Maarufu ya Biblia kutoka Yoani 6

Shirikisha

Yesu abasuka ati, “Nine mukate wamweo. Uyo uwaisa kuli ine takatale omfwa insala nakalya. Uyo uwasumina muli ine takatale omfwa icilaka nakalya.

Ni Mupashi eupeela umweo, umuntu wena tabomba kantu. Amashiwi ayo namweba, ala mupashi kabili mweo.

Mwilabombela icakulya icishili cakubelelela. Ala akubombeleni icakulya icakupeela umweo wape, ico Umwana wa muntu akamupeela. Pantu Lesa Wishi umwine eo asuminisha.”

Pantu ico Tata afwaya nici icakuti, onse uwamona Mwane no kumusumina, akwate umweo wape. Eo na ine nkabusha pa bushiku bwakupelekeshako.”

Yesu abasuka ati, “Imilimo Lesa afwaya ukuti mucite, kusumina muli uyo atuma.”

Abo bonse abo Tata ampeela bakulaisa kuli ine. Elyo ine nshakatale ntamfya onse uwaisa kuli ine.

Simoni Petelo amwasuka ati, “We Mfumu ni kuli ani twingaya? Ala niwe wakwata amashiwi yapeela umweo wape.

Nine mukate wamweo uwaika ku mulu. Elyo onse uulya uyu mukate, akabelelela uwamweo pe. Umukate nkamupeela, mubili wandi uwakupeela aba pano isonde umweo.”

Ala tapaba nangu umo uwingesa kuli ine, kano Tata uwantuma ewamuleta. Elyo na ine nkamubusha pa bushiku bwakupelekeshako.

Pantu umukate wakwa Lesa ni uyu uwaika ukufuma ku mulu, no kwisa peela aba pano isonde umweo.”

Ine nine mukate wamweo.

Elyo Yesu abuula imikate atasha Lesa. Elyo balayakanya abantu abekele, balabapeela ukulingana napo balefwaila. Isabi nalyo bacita ifyo fine. Awe bonse balya baikuta. Elyo Yesu aeba abasambi bakwe ati, “Longanyeni ifipandwa fyashalako, mwileka fyonaike.”

Ilyo abasambi baoba ubwato intamfu ingalingana ne milundu isano nangu mutanda, elyo bamona Yesu aleenda pa menshi, aleisa ku bwato. Awe batiina nganshi. Yesu abeba ati, “Ala nine, mwitiina!”