Mistari Maarufu ya Biblia kutoka Matteyo 2

Shirikisha

Ninyia ajiŋani isi attua haji, ette isi igonyuna leto iko honyonyi Maria; ania, ette isi irigoŋi ifau itahabuyere inyi. Attati isi iŋanyuna esiorita hosi, ette isiarana jihonyi ayyel, ottogoŋ iko obo aŋallai onno oŋuo gir gir.

Isiuni nyia Yesu ibore gala Betelehem atta fau Yudea, to oŋitek hunyia arari Erode Ahobu. Teya, ofuonni nyia omuk alofiorojok tetteduoŋi holoŋ many Yerusalem, ette ifiyo jiojio, “Tali olodole elle isiuni ahobu Yudei? Nyio, egonyu nyia hohoi elelef honyi ottu teduoŋi holoŋ; ania, efuanari hohoi itahabuyere inyi.”

Ninyia itaniŋuni isi ekiana hobu, ette isi ifuatan. Ojio ihiji ikoi, igonyuni nyia isi ahuan elelef ninyia igonyuni isi teduoŋi holoŋ, ette isi imuno bebe. Olo nyia elelef ania to osiere hosi duurr, many owotiari totto hide maji ninyia awanari olodole lia.

Attati isi icaharu ifau hosi to obo ekoi hama; nyio, iramak nyia Hollum jihosi ta arigiai jio, hèlaha isi acaharai jio Erode. Ninyia afuoi isi, oleyehino nyia ajilo olo Lamonye jio Yosefu, ette jiaran, “Odiotoi, ofuhorori leto alia iko honyonyi ifau Masir. Itoŋoi diya many eramaniere ni iyye; nyio, ottifia adi Erode leto alia ittohori inyi.”