Mistari Maarufu ya Biblia kutoka Yokana 4

Shirikisha

Wele ali Umwoyo, nashiryo abo babaamwisaaya, baamwisaaya mu Mwoyo ni mu Ŋali.”

Ne imbuka ilyoola, ne khanome ndi yoolile khaale, isi babesaaya mu bwa ŋali, balisaaya Paapa mu Mwoyo ni muŋali, khulwekhuuba Paapa akana babaandu babaali nga abo khuumwisaaya.

Ne umuundu yeesi unywa kameetsi keesi ise imuwa, buulesa sibulimulya luundi ta. Ilala kameetsi keesi ise imuwa kalikyela mu niye isebele itubukha, nga kamuwa buulamu bubukhawawo ta.”

Yesu waamuloma ari, “Uba nga umanyile shiwaanwa sha Wele nga ni shili, naluundi uba nga umanyile uyo ukhuloombile ari, ‘imbekho kameetsi inywe,’ Iwe wandimuloombile she khuunywa, ni naye yandikhuweele kameetsi kakareera buulamu.”

Yesu waabaloma ari, “Biilyo byase nikhwo khuukhola sheesi uyo uwanduma akana, ni khukhwoolelesa kumulimo kweewe kweesi aamba.

Umukhasi wamwiilamo ari, “Paapa, iwe s'uli ni she khuutayila kameetsi ta, naluundi isebele iyi, ili indeeyi naabi, ne kameetsi kano kakaareera buulamu, kane ukaamiise wahe?

Umukhasi waamuloma ari, “Uyo isi baamala khuubiitakho tsikhabi (ulaangibwa ari Kristo), alikhukhwiitsa. Ni naye nga weetsile, ifwe alikhuboolela byoosi.” Yesu waamuboolela lubuula ari, “Ise niy'oyu isi ulikho ukanikha ni naye.”

“Ni mwiitse mubone umuundu uwumboolele byoosi byeesi ise nakhola. Manya umweene uyu anyala khuuba niye Kristo?”