Mistari Maarufu ya Biblia kutoka JƆN NSENDƐ 4

Shirikisha

Ŋkwath ma cheni nchɔmalenay, kɛ nchɔmalen pɛɛ ma tho ŋkwath. Haliwɔ ŋkwath ma bi ha ha len ni ŋgbathil, ni nɔɛ wɔ ha ŋkwathɛ biyɛni nchɔmalen pɛɛ wɔnay.

Apuma tata, ŋa ha Hɔbatokɛ, ni ŋa koŋ nyum min boŋsua Kraystɛ; haliwɔ wɔnɛ wɔ nɔayɛ wɔ bomba chaŋ wɔnɛ wɔ hɔlɔayɛ.

Hi chɔŋlen, haliwɔ wɔ peŋgɛ hi chɔŋlen.

Anya nchɔmalen, hi chɔŋniyalen; haliwɔ nchɔmalen ma ha Hɔbatokɛ, ni nɔɛ gbi wɔ chɔŋlendɛ wɔ gbemni Hɔbatokɛ ni si Hɔbatokɛ.

Nɔɛ gbi wɔ chɔŋɔnilendɛ sini Hɔbatokɛ; haliwɔ Hɔbatokɛ wɔɛ nchɔmalen.

Lanɛ kiay la nchɔmalen, la chendɛ lɛ hi chɔŋ Hɔbatokɛ len kɛ lɛ wɔŋ wɔ chɔŋ hi len ni wom Taa wɔɛ ha cheɛ nɔ theyɛnɛki ha iwɛi hiɛ.

Anya nchɔmalen, yɛ Hɔbatokɛ chɔŋ hi gbo len fuli, hin bɛ fuli hi ha chɔŋniyalen.

Lanɛ kiay nchɔmalen ma Hɔbatokɛ ma toŋgiɛni hin thiyeŋ, lɛ Hɔbatokɛ wom Taa wɔ bulɛ hɔlɔay, chelɛ hi bɔ che wɔnay.

Nɔɛ gbi wɔ hɔ gboɛ, “Ya chɔŋ Hɔbatokɛ len”, ni mith pɛnte wɔɛ, wɔɛ nɔ mbol; haliwɔ yɛ nɔɛ gbi wɔ chɔŋɔni gbo pɛnte wɔɛ lendɛ wɔ koŋ keɛ, chen bɔ chɔŋ Hɔbatokɛ len wɔ keniɛ.

Nɔɛ gbi wɔ si gboɛ lɛ Jisɔs wɔ Tak Hɔbatokɛ, Hɔbatokɛ wɔ wɔnay, ni wɔn wɔ Hɔbatokɛay.

Ni sabaɛ ki hɔ hi bi hiŋg wɔnɛ, lɛ wɔnɛ wɔ chɔŋ Hɔbatokɛ len dɛ wɔ ha chɔŋ pɛ pɛnte wɔɛ len.

Anya ŋchɔmalen, ŋa ma laanɛ min gbi, kɛ ŋa hɛl minsɛ ni ŋa ke lagbondɛ ŋa ha Hɔbatokɛ; haliwɔ ŋkɛnda ambollɛ a gbe ŋa koŋ honi hɔlɔay. Ka lanɛ ki ŋa si Mindɛ wɔ ha Hɔbatokɛ: mindɛ gbi wɔ si gboɛ lɛ Jisɔs Krayst koŋ hun jal layɛ wɔ ha Hɔbatokɛ

mindɛ gbi wɔ si ni gbo Jisɔsɛ cheni ha Hɔbatokɛ ni min boŋsua Kraystɛ wɔ ki, wɔ ŋa koŋ theyɛ lɛ wɔ bi ha hundɛ, ni yɛlayoɛ wɔ lɔ ni hɔlɔay.