Mistari Maarufu ya Biblia kutoka Luk 7

Shirikisha

Tiyȧŋ i kanɛ mu, ɛhakɛ yɔŋ ɛyɛ yi ɛgbathi, a po kɔ yi tera, kotȧy-e ɔ bɔthər ɔbana; kɛrɛ ɔwe a tera ɔthan, kɔnɔ bɔthər ɔthan. kɔ pa ka ɔya, A tera mu ɛhakɛ ɛ mu.

Ɔwa ɔ pa ka ɔya, Kɔnɛ yi məthɔfəl; kȧlanɛ ka mu kə po mu kisis.

kɔ təmȧ rodarəŋ ka ȧtȧtək tɔŋ, ɔ bok, kɔ təp kəbɔyis ȧtȧtək tɔŋ yi ȧmȧntər mɔŋ, ɔ nasi ti yi aŋfon ŋa rȧbomp rɔŋ, ɔ muməl ȧtȧtək tɔŋ, kɔ sop ti masopa məfɔlfɔl ame.

Tȧsom sɔ-e, i tȧmtȧmnɛ hɛ kəpa i yi min beki tə kəder ro rɔmu, kɛrɛ pa gbo ȧrim, ɔwa ȧŋbɔy a mi ɔ tə yeŋk. kotȧy-e minɛ sɔ i yi wuni ka afɔsɔ ratha, ɔwa i ba atim roratha kȧmi. I kanɛ ukin ka ŋaŋ, Kɔ, ɔwa ɔ kɔnɛ; ka ulɔm, Der, ɔwa ɔ der; ka ȧŋbɔy a mi, Yɔ ȧte, ɔwa ɔ yɔ ti. Ma Yisɔs ɔ təl mȧtȧy ame, ɔ kabanɛ, kɔ fəlɛ ka aŋfəm aŋa tȧŋ kɔ, ɔ pa ro ŋaŋ, I tha bəp hɛ kəlanɛ kəbana mɔ ake hali kətɔŋ ka aŋIsrɛl.

Ka ȧŋlɔkɔ ŋati gbeŋ Yisɔs ɔ ramər afəm agbȧthi aŋa ba tətu-o, ɛsɔmpanɛ ɛbaŋ-o, yi akərəfi aləs, ɔwa ɔ sɔŋ kəkəli ka afith agbȧthi. Ka Yisɔs ɔ wosȧnɛ ŋa ɔ pa, Kɔnɛ nu, ɔwa tɔri Yɔn mȧtȧy ama nə po nənk yi ama nə po təl; aŋfith aŋ sɔthɔ kakəli ka ŋaŋ, aŋgbɛthkɛ aŋ kɔth, aŋa ba arom a fethər ŋa, aŋtȧŋȧ aŋ təl, aŋfi aŋ kȧl yi akəli, ɔwa a tɔri ȧkɛra kəfinɔ ka Kuru ka ȧŋmɔnɛ.