Mistari Maarufu ya Biblia kutoka मत्ती 2

Shirikisha

अउर ऊँ पंचे उआ घर के भीतर गें, अउर उआ लड़िका काहीं अपने महतारी मरियम के साथ देखिन, अउर गोड़न गिरिके उनहीं प्रनाम किहिन; अउर कीमती चीजन से भरे आपन-आपन थइला खोलिके उनहीं सोन, अउर लोभान, अउर गन्धरस के भेंट चढ़ाइन।

जब यीसु के जनम यहूदिया प्रदेस के बैतलहम गाँव माहीं भ, उआ समय राजा हेरोदेस राज करत रहे हँय, त देखा, यीसु के जनम के कुछ समय के बाद पूरुब दिसा से तरइअन के बारे माहीं जानँइ बाले कइअक जने यरूसलेम सहर माहीं आइके पूँछँइ लागें, कि “यहूदी लोगन के राजा जिनखर अबहिनय जनम भ हय, ऊँ कहाँ हें?” काहेकि उनखे जनम के बारे माहीं बतामँइ बाली तरइया काहीं हम पंचे पूरुब दिसा माहीं देखेन हय, एहिन से उनहीं प्रनाम करँइ आए हएन।

उआ तरइया काहीं देखिके ऊँ पंचे खुब खुसी भें।

अउर तरइअन के बारे माहीं जानँइ बाले सपन माहीं परमातिमा से चेतउनी पाइन, कि “राजा हेरोदेस के लघे पुनि न जया”, एसे ऊँ पंचे दुसरे गइल से होइके अपने देस काहीं चलेगें। अउर जब तरइअन के बारे माहीं जानँइ बाले चलेगें, तब प्रभू के एकठे दूत यूसुफ काहीं सपन माहीं देखाई दइके कहिन, कि “उठा, इआ लड़िका अउर एखे महतारी काहीं घलाय लइके मिस्र देस माहीं भागि जा; अउर जब तक हम तोंहसे न कही, तब तक तूँ उहँइ रह्या; काहेकि राजा हेरोदेस इआ लड़िका काहीं ढुँढ़बामँइ बाला हय, जउने एही मरबाय डारय।”