Mistari Maarufu ya Biblia kutoka ሉቃሳ 24

Shirikisha

ሄኮ፥ ታካ ታ አዋይ እምዳ ኡፋይሳ ህንተዉ የዳና። ህንተ ሳሎፐ ዎልቃ ማአና ጋካናዉ የሩሳላመ ካታማን ጋምእተ” ያግስ።

እ ሀይሳን ዴና፤ ሀይቆፐ ደንድስ፥ ‘አሳ ናአይ ናጋራንቾታ ኩሸን አድ እመታና፤ ኤንትካ እያ ካቃና። እ ሄን ቃማን ሀይቆፐ ደንዳና’ ያግድ፥ እ ህንተራ ጋልላን ደእሸ ህንተዉ ኦድዳ ቃላ ቆፕተ” ያግስ።

ሄ ዎደ ኤንቲ ኤራና መላ ኤንታ አይፈይ ዶየትስ። ኤንትካ ኤርዶሶና። ሽን እ ኤንታፈ ጌምስ። ኤንቲ፥ “ኑ ኦግያ ቦላ ደእሽን እ ኑስ ጌሻ ማፃፋ ብርሽሽንነ ኑና ኦድስሽን፥ ኑ ዎዛናይ ፁገትቤኔ?” ያግዶሶና።

ሄሳዳካ፥ “ክርስቶስ ዋየ ኤካና፥ ሄን ቃማን ሀይቆፐ ደንዳና ያግድ ፃፈትስ። የሩሳላመፐ ደንድድ አሳ ኡባስ ናጋራፐ ማሮተይነ አቶተይ እያ ሱንን ማርካታና።

ኤንቲ ያ ጋክያ ዎደ ዱፉዋ ዶናን ደእያ ሹቻይ ጎንደረትድ ክቾይሳ ደምዶሶና። ኤንቲ ዱፉዋ ጋ ገልዶሶና፥ ሽን ጎዳ የሱሳ አሀ ደምቦኮና።