Mistari Maarufu ya Biblia kutoka Mateus 2

Shirikisha

Lada itirango räni iimwara lada käkäne riweisira ma neirar Maria, lada hadobuhuyetiwo lada haparüye. Lada iteriniwou marahara hadiyael kolt ma frankincense ma yalöngü ra iitar mir lada hariya Hesus.

Hesus e fad ma räni wotawotara Betlehem ra e mire Yudea ifiri-mo e king Herodes. Nga palüül mwaare ra la tanaho ifiri titiini fidi, la bwitiwo ma hotiwo lada bwitiwo Yerusalem, lada hadiya bwa, “Iya riweisira e fad bwa ebwe yael lei Yudea king? Hai käkäne fidira hannahahir ra e bwitahe ma hotiwo, haida bwitoho bwa haibwe haparüye.”

Lada buwou lada süye lada fatare, nga lada para käkäne fidiwe la käkäne ma hotiwo. Ifiri mena la käkäne fidira nga eda yalaraho dewa mahori faringörüngörüül ma yael kkele! Eda taali fidira imowael eda tohongari burukara riweisira e mire irang.

Lada wehitafaari uwawori farüyael nga la taühü par deyau yaar, bwa Dios e tabongariil ma räni yaela ttar bwa la tawai wehitafaari iyolori Herodes. Werimwiliri na lada süya nga yaari Tamoru anghel eda hirengari Hosei ma räni yara ttar eda haüya bwa, “Herodes ra ebwe kupeti riweisira bwa ebwe riiya. Simwatahe! Hädi riweisira ma neirar hauda mwarotiwo Ekipto eda tohongari na ibwe hauho bwa haubwe süya ma irang.”