Mistari Maarufu ya Biblia kutoka JONI 10

Shirikisha

Sa sega ni lako wale mai na daubutako, me butako ga, ka ravuravu, ka vakarusa: au sa lako mai me rawa vei ira na bula, ia me rawa vakalevu sara.

Oi au nai vakatawa vinaka: sa solia na nona bula nai vakatawa vinaka e na vukudra na sipi.

Sa rogoca na noqu vosa ko ira na noqu sipi, ia kau sa kilai ira, ka ra sa muri au

ia kau sa solia vei ira na bula tawa mudu, ia era na sega sara ni rusa, se dua e kaliraki ira mai na ligaqu.

Oi au na katuba: kevaka sa curu kina e dua na tamata e na vukuqu, ena vakabulai, ka na daucuru mai ka daucuru yani, ka na kune kakana.

Oi au nai vakatawa vinaka: ia kau sa kilai ira sa noqu, ia ko ira sa noqu era sa kilai au

A Tamaqu, ko koya sa soli ira vei au, sa uasivia na ka kecega: a sa sega e dua sa rawata me kaliraki ira mai na liga i Tamaqu. Keirau sa dua bauga kei Tamaqu.

me vaka sa kilai au ko Tamaqu, ka me vaka kau sa kilai Tamaqu: kau sa solia talega na noqu bula e na vukudra na sipi.

Sa sega e dua sa kovea oqo vei au, ia kau sa solia vakai au ga. Au sa rawata meu solia, ia kau sa rawata meu kauta tale. Ai vunau oqo sa solia mai vei au ko Tamaqu.

Sa qai kaya tale vei ira ko Jisu, E dina, e dina, au sa kaya vei kemudou, Oi au na katuba ni sipi.

Ia ko koya sa voli na nona cakacaka, ka sega ni koya nai vakatawa, ka sa sega ni taukeni ira na sipi, sa raica na wolifa ni sa lako tiko mai, ka sa biuti ira na sipi ko koya, ka dro; a sa kati ira na wolifa, a sa vakatolosevi ira

E dina, e dina, au sa kaya vei kemudou, O koya sa sega ni curu e katuba ni bai ni sipi, ia sa kaba cake e na tikina tani, sai koya oqo na daubutako ka daukovekove.