SAN LUCAS 23
23
JesĆŗs apnaclha Pilato
(Mt 27.1-2,11-14; Mr 15.1-5; Jn 18.28-38)
1Apquilquimpaclhec alhta apquilanomacpo. Apquilyantamaclhec alhta JesĆŗs apnaclha Pilato. 2Apquilantipcasquic alhta apvisay, apquilpamejitsa:
āNingvitac alhta nincoo as enlhit ayajemo apquillhicmoscama ingnaymacoc. Apcasquic alhta colhic almesa solyayem (impuesto) apvisqui CĆ©sar co Roma. Aptimesacpo apanco apvisay Cristo najan apvisay Apvisqui āalhta apquiltomjac.
3Aptomjac alhta apcanya Pilato:
āĀæLhip ya judĆos apvisqui pac? āalhta aptomjac.
Apcatingmavoc alhta JesĆŗs:
āCoo nac, aplhena nac lha āalhta aptomjac.
4Aptomjac alhta Pilato apquilanya apquilimja apmamyi sacerdotes najan apnaymacoc:
āAm otaac coo apmapsom as enlhit āalhta aptomjac.
5Apquilinlhanacmec alhta elantipsic apvisay:
āApquillovcasquic alhta mataa enlhitaoc co Judea ayinyema apquillhicmoscama apanco. Yoclhilhma Galilea alhta actiyapvoyclha amyaa, acvaa najan asi āalhta apquiltomjac.
JesĆŗs apnaclha apvisqui Herodes
6Lhama alhta aplinga as amyaa Pilato. Apquilmalhna alhta eyca: ĀæCo Galilea yai? āalhta aptomjac.
7Apquilatingmavoc alhta:
āEje āalhta apquiltomjac.
Yejemoc alhta apcapajasa JesĆŗs apnaclha Herodes apvisqui co Galilea. Am alhta covanco apvoycta Herodes tingma JerusalĆ©n. 8Inpayjeclhec alhta apvalhoc Herodes apvita JesĆŗs. Nanoc alhta apquiltamjoc eta. Ayinyemaclha aplingay alhta mataa apvisay. Apquiltamjoc alhta etac aptamjaycam sinpilapquiscama. 9Inlhamoc alhta asoc apquilmalhnaycam Herodes. Am alhta ingyatingmavoc JesĆŗs. 10Apcanam alhta lhama apquilimja apmamyi sacerdotes najan apquilyascamco apquiltemaclha. Apquilinlhanacmec alhta elantipsic apvisay. 11Yejemoc alhta apquiltovasamcaa Herodes najan apquillhalhmaa singilpilhtetemo. Innec alhta acvanamcaa JesĆŗs, apcasmesacpec alhta najan. Apquilantalhnaseclhec alhta apava apquiltamila, malha apvisqui apquilantalhnama. Apcapajasquic alhta Herodes elyantimiclha JesĆŗs apnaclha Pilato. 12Yejemoc alhta apcasicjaclho Herodes Pilato. Aptanovquic alhta siclhoc poc.
JesĆŗs apcanyomap ematong
(Mt 27.15-26; Mr 15.6-15; Jn 18.39ā19.16)
13Yejemoc alhta apcansaclho Pilato apquilimja apmamyi sacerdotes najan apquilyimtalhnamo najan apnaymacoc enlhit. 14Aptomjac alhta apquilanya Pilato:
āElyantimcasentac quellhip as enlhit. Apquilanem quellhip elovcasac enlhitaoc. Acyicpilcoc coo as enlhit napatavo quellhip. Am otaac coo mocjam apmapsom as enlhit. Ayajemo apquiltipquiscascam apvisay. 15Am najan etac apmapsom Herodes. Apcapajasquic lhac mocjam asi. Quip elanojo quellhip. Ayajemo yoyam elajic, paj acmasom aptamjaycam. 16Pa inyicje olyicpilhquetic. Oyamyiclhac sat jayqui āalhta aptomjac.
17Copvanquejec alhta Pilato meyamyiclheje lhama apquilpilhquetomap apquiltomjamacpilha caya. Apquiltemaclha alhta judĆos. 18Apquilpalhamam alhta aplhamoclhojo enlhitaoc:
āIngyaa sat as enlhit. BarrabĆ”s sat eyca iyamyiclha āalhta apquiltomjac.
19Apnacmec alhta singilpilhtetomaclha as enlhit apvisay BarrabĆ”s. Ayinyema alhta apquimpocjay tingma (JerusalĆ©n). Innamquic alhta apquilnapma. 20Apquiltimnaseclhoc alhta mocjam Pilato. Apquiltamjoc alhta Pilato eyamyiclha JesĆŗs. 21Yejemoc alhta apquilpalhimcaso:
āIyipitquis asoc timyescama. Iyipitquis asoc timyescama āalhta apquiltomjac.
22Natqui apquiltimnasayclho alhta intomjac Pilato:
āĀæSoc lhac tomja yi? ĀæJalhco actemaclha apmapsom? Am otaac coo apmapsom as enlhit. Ayajemo yoyam elajic. Pa inyicje olyicpilhquetic. Oyamyiclhac sat jayqui āalhta aptomjac.
23Apquilinlhanacmec alhta apquilpalhamaycam. Apquilanayquic alhta colhic acyipitsa asoc timyescama. Avanjec alhta apquilpalhamaycam. Inliclacmec alhta cajalhnomalhco appayvam. 24Apcanayquic alhta Pilato cotnejic actomjaclha malmalhnaycam. 25Yejemoc alhta apyamyiclho enlhit aptomja apyacyesomap. Apnacmec alhta singilpilhtetomaclha as enlhit. Ayinyema alhta apquimpocjay. Innamquic alhta apquilnapma. Aptomjac alhta apquilanya Pilato:
āEltime sat quellhip yavamlha eltimesic āalhta aptomjac.
Apyipitsomacpilha JesĆŗs asoc timyescama
(Mt 27.32-44; Mr 15.21-32; Jn 19.17-27)
26Lhama alhta apquilyantamaclho JesĆŗs, yoyam colhic acyipitsa asoc timyescama. Apquiltajanyac alhta lhama enlhit apvisay SimĆ³n co Cirene. Nicja yoclhilhma alhta apquinyecta. Apcanyacpec alhta epatimsic asoc timyescama eyiplovc JesĆŗs.
27Apquilyiplovquic alhta aplhamoclhojo enlhit. Inyapcalhquic alhta aclhamoclhojo quilvanaa, inquilinlhacmec alhta. 28Appaycacpoc alhta JesĆŗs, apquilpamejitsa:
āQuilvanaa co JerusalĆ©n. Nojelinlhama nasa coo. Eyca colinlhamalhcojo anco quellhiya. Colinlhama sat ayitquic. 29Ca incolanojo. Comoc sat acnim, yoyam cotnejic amyaa colanyalhca quellhiya: āInquilinyejemoc anco cotay ayitquic najan quilvanaa cotnaja inlovsavo najan cotnaja inalavaa.ā 30Sat eltimjic enlhitaoc elanic inquilhe acvinatem: āCotyim sat nincoo tecjinlhit.ā Sat eltimjic elanic inquilhe ayitcoc: āJingilajapā āsat eltimjic elanic enlhitaoc.#Os 10.8; Ap 6.16. 31Acyitcasquic quellhip yamit alhnancoc. Apquillingamcoc sat ancoc acmasca quellhip apquiltomja malha yamit alhnancoc, Āæjalhco sat eltimjic enlhitaoc apquiltomja malha yamit Ć”pac āalhta aptomjac.
32Apnalovquic alhta apcanit enlhit apquilmapsomcaa, yoyam eticyojoc lhama JesĆŗs. 33Apquilvocmec alhta yoclhilhma acvisay Acyitnamaclha Apcatic. Apyipitsacpec alhta asoc timyescama JesĆŗs. Najan maa apcanit enlhit apquilmapsomcaa. Lhama alhta apquilyascamaclha, poc eyca nipsancalvelha. 34Lhama alhta apyipitsacpo asoc timyescama. Aptomjac alhta JesĆŗs:
āTata, ingyimliclhojo as enlhitaoc. Am elyasamcoc apquiltomjaclha āalhta aptomjac.
Yejemoc alhta apmilascacpo JesĆŗs apquilantalhnama. Apquiltovasamquic alhta sicas. Apmetsovjacpec alhta apava.#Sal 22.18. 35Apcanam alhta enlhit apquilinmelhavo. Apvanacpec alhta JesĆŗs. Apquiltomjac alhta enlhit apquilyimtalhnamo:
āApquilvomcasquic alhta tap apnaymacoc. Ingyane sat evomsacpojo apanco tap. ĀæNaso ya aptomja Cristo Dios apyacyescama? āalhta apquiltomjac.
36Najan maa singilpilhtetemo. Apquilasmasquic alhta. Apquilsovsacmec alhta moyayit uva yingmenic acmasca. 37Apquiltomjac alhta apquilanya:
āNasoc sat ancoc lhip aptomja judĆos apvisqui pac, ivomsacpojo apanco tap āalhta apquiltomjac.
38Yitnec alhta tacjaplhit JesĆŗs actalhesomalhca actemaclha griego appayvam najan latĆn appayvam najan hebreo appayvam: āEycaso judĆos apvisqui pacā āalhta intomjac.
39Yejemoc alhta apyamatsamcaa JesĆŗs lhama enlhit apmapsom, apquilhnomacpo lhama netin:
āNasoc sat ancoc lhip aptomja Cristo, ivomsacpojo apanco tap. Jingilvomquis nincoo lha tap āalhta aptomjac.
40Yejemoc alhta apquilyasalhma poc:
āĀæSoctomja mengyaco nac Dios? Aplhenacpec apmapsom lhip lha. Pac ematnojoc lhama. 41Inpeyvoc ninlhenomalhca ningmasom. Eyca as enlhit paj apmapsom āalhta aptomjac.
42Aptomjac alhta as enlhit:
āJesĆŗs, nojelvonquim nasa coo apvoclho sat lhip maa apquinyemayaclha āalhta aptomjac.
43Apcatingmavoc alhta JesĆŗs:
āActomjac coo siyanya lhip: Naso, jelhojoc sat lhama lhip coo acnim nac jay yoclhilhma ParaĆso āalhta aptomjac.
Apquitsepma JesĆŗs
(Mt 27.45-56; Mr 15.33-41; Jn 19.28-30)
44Ingyitsicso acnim alhta intomjac acyatesa ilhma lhalhma anco acvocmo actalhnam (a las tres). 45Inmasquec alhta ayitsasquisa ilhma acnim. Apyaptacpec alhta apava apjalhtamomap congne tingma apponquinomap.#Ex 26.31-33; 2 Cr 3.14. Malha ningyaptama apava nipyesicsa. 46Yejemoc alhta appametamcaa JesĆŗs apyimnatesa appayvam:
āTata, ima sat ejangaoc. Lhip sat etamilsic āalhta aptomjac.#Sal 31.5; Hch 7.59.
Natamin appayvam alhta apquitsepa.
47Lhama alhta apvita actomjaclha capitƔn co Roma. Apcacavoc alhta Dios Ingyapam, appamejitsa:
āNasoc anco appeyvomo as enlhit āalhta aptomjac.
48Apnam alhta maa enlhit appintalhnama. Lhama alhta apquilvita actomjaclha maa, inquilyitnocjavoc alhta apquilvalhoc. Apquiltajaclhec alhta mocjam. 49Apcanvocmec alhta mocjay apnaymacoc apquilinmelho. Najan maa quilvanaa altomja allhalhmaa JesĆŗs apquinyecta alhta yoclhilhma Galilea.#Lc 8.2-3.
JesĆŗs apcatonomap
(Mt 27.57-61; Mr 15.42-47; Jn 19.38-42)
50Lhama enlhit alhta appeyvomo najan aptamila apvisay JosĆ©. Tingma pac alhta Arimatea yoclhilhma Judea. Aptomja lhama nipyesicsa apquilviscaa apquilpamejitsomap. 51Apmiyovquic alhta inyicje JosĆ©, yoyam ematong JesĆŗs. Apquiljalhanmec alhta mataa JosĆ© Dios apquilnancascama. 52Apyocmec alhta JosĆ© apnaclha Pilato. Apquilmalhningvocmec alhta quilmasoy (JesĆŗs apquitsepma). 53Apliquic alhta apquilhnama netin asoc timyescama. Appilhtetquic alhta apava apmopoy. Appiquinquic alhta tacjalhop avalhoc mataymong. Quilhvo acmetmomalhca mataymong avalhoc. Am alhta apquilpiquenaclha poc enlhit apjapac maa. 54Viernes alhta intomjac (acnim ninpenescomaclha), yicpintama acnim ninnayclha.
55Inquilyiplacmec alhta apjapac quilvanaa altomja alhta allhalhmaa JesĆŗs apquinyecta yoclhilhma Galilea. Inquillanoc alhta tacjalhop najan apquilpiquenaclha alhta. 56Yejemoc alhta altajaclho tingma JerusalĆ©n. Inquilaneclhec alhta asoc masis, yoyam catsisquisic. Innam alhta quilvanaa acnim ninnayclha. Inquiltamilcasquic alhta actemaclha singanamaclha.#Ex 20.10; Dt 5.14.
Iliyochaguliwa sasa
SAN LUCAS 23: ENHL
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
SAN LUCAS 23
23
JesĆŗs apnaclha Pilato
(Mt 27.1-2,11-14; Mr 15.1-5; Jn 18.28-38)
1Apquilquimpaclhec alhta apquilanomacpo. Apquilyantamaclhec alhta JesĆŗs apnaclha Pilato. 2Apquilantipcasquic alhta apvisay, apquilpamejitsa:
āNingvitac alhta nincoo as enlhit ayajemo apquillhicmoscama ingnaymacoc. Apcasquic alhta colhic almesa solyayem (impuesto) apvisqui CĆ©sar co Roma. Aptimesacpo apanco apvisay Cristo najan apvisay Apvisqui āalhta apquiltomjac.
3Aptomjac alhta apcanya Pilato:
āĀæLhip ya judĆos apvisqui pac? āalhta aptomjac.
Apcatingmavoc alhta JesĆŗs:
āCoo nac, aplhena nac lha āalhta aptomjac.
4Aptomjac alhta Pilato apquilanya apquilimja apmamyi sacerdotes najan apnaymacoc:
āAm otaac coo apmapsom as enlhit āalhta aptomjac.
5Apquilinlhanacmec alhta elantipsic apvisay:
āApquillovcasquic alhta mataa enlhitaoc co Judea ayinyema apquillhicmoscama apanco. Yoclhilhma Galilea alhta actiyapvoyclha amyaa, acvaa najan asi āalhta apquiltomjac.
JesĆŗs apnaclha apvisqui Herodes
6Lhama alhta aplinga as amyaa Pilato. Apquilmalhna alhta eyca: ĀæCo Galilea yai? āalhta aptomjac.
7Apquilatingmavoc alhta:
āEje āalhta apquiltomjac.
Yejemoc alhta apcapajasa JesĆŗs apnaclha Herodes apvisqui co Galilea. Am alhta covanco apvoycta Herodes tingma JerusalĆ©n. 8Inpayjeclhec alhta apvalhoc Herodes apvita JesĆŗs. Nanoc alhta apquiltamjoc eta. Ayinyemaclha aplingay alhta mataa apvisay. Apquiltamjoc alhta etac aptamjaycam sinpilapquiscama. 9Inlhamoc alhta asoc apquilmalhnaycam Herodes. Am alhta ingyatingmavoc JesĆŗs. 10Apcanam alhta lhama apquilimja apmamyi sacerdotes najan apquilyascamco apquiltemaclha. Apquilinlhanacmec alhta elantipsic apvisay. 11Yejemoc alhta apquiltovasamcaa Herodes najan apquillhalhmaa singilpilhtetemo. Innec alhta acvanamcaa JesĆŗs, apcasmesacpec alhta najan. Apquilantalhnaseclhec alhta apava apquiltamila, malha apvisqui apquilantalhnama. Apcapajasquic alhta Herodes elyantimiclha JesĆŗs apnaclha Pilato. 12Yejemoc alhta apcasicjaclho Herodes Pilato. Aptanovquic alhta siclhoc poc.
JesĆŗs apcanyomap ematong
(Mt 27.15-26; Mr 15.6-15; Jn 18.39ā19.16)
13Yejemoc alhta apcansaclho Pilato apquilimja apmamyi sacerdotes najan apquilyimtalhnamo najan apnaymacoc enlhit. 14Aptomjac alhta apquilanya Pilato:
āElyantimcasentac quellhip as enlhit. Apquilanem quellhip elovcasac enlhitaoc. Acyicpilcoc coo as enlhit napatavo quellhip. Am otaac coo mocjam apmapsom as enlhit. Ayajemo apquiltipquiscascam apvisay. 15Am najan etac apmapsom Herodes. Apcapajasquic lhac mocjam asi. Quip elanojo quellhip. Ayajemo yoyam elajic, paj acmasom aptamjaycam. 16Pa inyicje olyicpilhquetic. Oyamyiclhac sat jayqui āalhta aptomjac.
17Copvanquejec alhta Pilato meyamyiclheje lhama apquilpilhquetomap apquiltomjamacpilha caya. Apquiltemaclha alhta judĆos. 18Apquilpalhamam alhta aplhamoclhojo enlhitaoc:
āIngyaa sat as enlhit. BarrabĆ”s sat eyca iyamyiclha āalhta apquiltomjac.
19Apnacmec alhta singilpilhtetomaclha as enlhit apvisay BarrabĆ”s. Ayinyema alhta apquimpocjay tingma (JerusalĆ©n). Innamquic alhta apquilnapma. 20Apquiltimnaseclhoc alhta mocjam Pilato. Apquiltamjoc alhta Pilato eyamyiclha JesĆŗs. 21Yejemoc alhta apquilpalhimcaso:
āIyipitquis asoc timyescama. Iyipitquis asoc timyescama āalhta apquiltomjac.
22Natqui apquiltimnasayclho alhta intomjac Pilato:
āĀæSoc lhac tomja yi? ĀæJalhco actemaclha apmapsom? Am otaac coo apmapsom as enlhit. Ayajemo yoyam elajic. Pa inyicje olyicpilhquetic. Oyamyiclhac sat jayqui āalhta aptomjac.
23Apquilinlhanacmec alhta apquilpalhamaycam. Apquilanayquic alhta colhic acyipitsa asoc timyescama. Avanjec alhta apquilpalhamaycam. Inliclacmec alhta cajalhnomalhco appayvam. 24Apcanayquic alhta Pilato cotnejic actomjaclha malmalhnaycam. 25Yejemoc alhta apyamyiclho enlhit aptomja apyacyesomap. Apnacmec alhta singilpilhtetomaclha as enlhit. Ayinyema alhta apquimpocjay. Innamquic alhta apquilnapma. Aptomjac alhta apquilanya Pilato:
āEltime sat quellhip yavamlha eltimesic āalhta aptomjac.
Apyipitsomacpilha JesĆŗs asoc timyescama
(Mt 27.32-44; Mr 15.21-32; Jn 19.17-27)
26Lhama alhta apquilyantamaclho JesĆŗs, yoyam colhic acyipitsa asoc timyescama. Apquiltajanyac alhta lhama enlhit apvisay SimĆ³n co Cirene. Nicja yoclhilhma alhta apquinyecta. Apcanyacpec alhta epatimsic asoc timyescama eyiplovc JesĆŗs.
27Apquilyiplovquic alhta aplhamoclhojo enlhit. Inyapcalhquic alhta aclhamoclhojo quilvanaa, inquilinlhacmec alhta. 28Appaycacpoc alhta JesĆŗs, apquilpamejitsa:
āQuilvanaa co JerusalĆ©n. Nojelinlhama nasa coo. Eyca colinlhamalhcojo anco quellhiya. Colinlhama sat ayitquic. 29Ca incolanojo. Comoc sat acnim, yoyam cotnejic amyaa colanyalhca quellhiya: āInquilinyejemoc anco cotay ayitquic najan quilvanaa cotnaja inlovsavo najan cotnaja inalavaa.ā 30Sat eltimjic enlhitaoc elanic inquilhe acvinatem: āCotyim sat nincoo tecjinlhit.ā Sat eltimjic elanic inquilhe ayitcoc: āJingilajapā āsat eltimjic elanic enlhitaoc.#Os 10.8; Ap 6.16. 31Acyitcasquic quellhip yamit alhnancoc. Apquillingamcoc sat ancoc acmasca quellhip apquiltomja malha yamit alhnancoc, Āæjalhco sat eltimjic enlhitaoc apquiltomja malha yamit Ć”pac āalhta aptomjac.
32Apnalovquic alhta apcanit enlhit apquilmapsomcaa, yoyam eticyojoc lhama JesĆŗs. 33Apquilvocmec alhta yoclhilhma acvisay Acyitnamaclha Apcatic. Apyipitsacpec alhta asoc timyescama JesĆŗs. Najan maa apcanit enlhit apquilmapsomcaa. Lhama alhta apquilyascamaclha, poc eyca nipsancalvelha. 34Lhama alhta apyipitsacpo asoc timyescama. Aptomjac alhta JesĆŗs:
āTata, ingyimliclhojo as enlhitaoc. Am elyasamcoc apquiltomjaclha āalhta aptomjac.
Yejemoc alhta apmilascacpo JesĆŗs apquilantalhnama. Apquiltovasamquic alhta sicas. Apmetsovjacpec alhta apava.#Sal 22.18. 35Apcanam alhta enlhit apquilinmelhavo. Apvanacpec alhta JesĆŗs. Apquiltomjac alhta enlhit apquilyimtalhnamo:
āApquilvomcasquic alhta tap apnaymacoc. Ingyane sat evomsacpojo apanco tap. ĀæNaso ya aptomja Cristo Dios apyacyescama? āalhta apquiltomjac.
36Najan maa singilpilhtetemo. Apquilasmasquic alhta. Apquilsovsacmec alhta moyayit uva yingmenic acmasca. 37Apquiltomjac alhta apquilanya:
āNasoc sat ancoc lhip aptomja judĆos apvisqui pac, ivomsacpojo apanco tap āalhta apquiltomjac.
38Yitnec alhta tacjaplhit JesĆŗs actalhesomalhca actemaclha griego appayvam najan latĆn appayvam najan hebreo appayvam: āEycaso judĆos apvisqui pacā āalhta intomjac.
39Yejemoc alhta apyamatsamcaa JesĆŗs lhama enlhit apmapsom, apquilhnomacpo lhama netin:
āNasoc sat ancoc lhip aptomja Cristo, ivomsacpojo apanco tap. Jingilvomquis nincoo lha tap āalhta aptomjac.
40Yejemoc alhta apquilyasalhma poc:
āĀæSoctomja mengyaco nac Dios? Aplhenacpec apmapsom lhip lha. Pac ematnojoc lhama. 41Inpeyvoc ninlhenomalhca ningmasom. Eyca as enlhit paj apmapsom āalhta aptomjac.
42Aptomjac alhta as enlhit:
āJesĆŗs, nojelvonquim nasa coo apvoclho sat lhip maa apquinyemayaclha āalhta aptomjac.
43Apcatingmavoc alhta JesĆŗs:
āActomjac coo siyanya lhip: Naso, jelhojoc sat lhama lhip coo acnim nac jay yoclhilhma ParaĆso āalhta aptomjac.
Apquitsepma JesĆŗs
(Mt 27.45-56; Mr 15.33-41; Jn 19.28-30)
44Ingyitsicso acnim alhta intomjac acyatesa ilhma lhalhma anco acvocmo actalhnam (a las tres). 45Inmasquec alhta ayitsasquisa ilhma acnim. Apyaptacpec alhta apava apjalhtamomap congne tingma apponquinomap.#Ex 26.31-33; 2 Cr 3.14. Malha ningyaptama apava nipyesicsa. 46Yejemoc alhta appametamcaa JesĆŗs apyimnatesa appayvam:
āTata, ima sat ejangaoc. Lhip sat etamilsic āalhta aptomjac.#Sal 31.5; Hch 7.59.
Natamin appayvam alhta apquitsepa.
47Lhama alhta apvita actomjaclha capitƔn co Roma. Apcacavoc alhta Dios Ingyapam, appamejitsa:
āNasoc anco appeyvomo as enlhit āalhta aptomjac.
48Apnam alhta maa enlhit appintalhnama. Lhama alhta apquilvita actomjaclha maa, inquilyitnocjavoc alhta apquilvalhoc. Apquiltajaclhec alhta mocjam. 49Apcanvocmec alhta mocjay apnaymacoc apquilinmelho. Najan maa quilvanaa altomja allhalhmaa JesĆŗs apquinyecta alhta yoclhilhma Galilea.#Lc 8.2-3.
JesĆŗs apcatonomap
(Mt 27.57-61; Mr 15.42-47; Jn 19.38-42)
50Lhama enlhit alhta appeyvomo najan aptamila apvisay JosĆ©. Tingma pac alhta Arimatea yoclhilhma Judea. Aptomja lhama nipyesicsa apquilviscaa apquilpamejitsomap. 51Apmiyovquic alhta inyicje JosĆ©, yoyam ematong JesĆŗs. Apquiljalhanmec alhta mataa JosĆ© Dios apquilnancascama. 52Apyocmec alhta JosĆ© apnaclha Pilato. Apquilmalhningvocmec alhta quilmasoy (JesĆŗs apquitsepma). 53Apliquic alhta apquilhnama netin asoc timyescama. Appilhtetquic alhta apava apmopoy. Appiquinquic alhta tacjalhop avalhoc mataymong. Quilhvo acmetmomalhca mataymong avalhoc. Am alhta apquilpiquenaclha poc enlhit apjapac maa. 54Viernes alhta intomjac (acnim ninpenescomaclha), yicpintama acnim ninnayclha.
55Inquilyiplacmec alhta apjapac quilvanaa altomja alhta allhalhmaa JesĆŗs apquinyecta yoclhilhma Galilea. Inquillanoc alhta tacjalhop najan apquilpiquenaclha alhta. 56Yejemoc alhta altajaclho tingma JerusalĆ©n. Inquilaneclhec alhta asoc masis, yoyam catsisquisic. Innam alhta quilvanaa acnim ninnayclha. Inquiltamilcasquic alhta actemaclha singanamaclha.#Ex 20.10; Dt 5.14.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia