Chivkeeb 4
4
Ka-ees Thiab Anpees
1Adas nrog Evas uas yog nws pojniam pw, ces Evas txawm xeebtub. Evas yug tau ib tug tub thiab nws hais tias “Vim tus TSWV pab kuv, kuv thiaj tau ib tug tub.” Yogli ntawd, nws thiaj tis tus tub ntawd npe hu ua Ka-ees.#4:1: Ka-ees: Lub npe no hais muaj ntsis thooj li lolus Henplais uas hais tias “tau lawm.” 2Tomqab ntawd nws rov yug tau ib tug tub hu ua Anpees.
Anpees yog ib tug tub tu tsiaj, tiamsis Ka-ees yog ib tug tub ua qoobloo. 3Muaj ib hnub Ka-ees nqa tej qoobloo uas nws sau tau los coj tuaj fij rau tus TSWV. 4Anpees los kuj muab nws tej menyuam yaj uas yog thawjtug coj tuaj tua, thiab nws xaiv tej nqaij uas zoo tshajplaws coj tuaj fij rau Vajtswv. Tus TSWV txaussiab heev rau Anpees thiab nws tej khoom fij, #Henpl 11:4 5tiamsis Nws tsis txaussiab rau Ka-ees thiab nws tej khoom fij. Yogli ntawd, Ka-ees thiaj chim thiab ua ntsejmuag npautaws vog.
6Ces tus TSWV hais rau Ka-ees hais tias, “Vim licas koj thiaj chim? Vim licas koj thiaj ua ntsejmuag npautaws vog li ko? 7Yog koj ua qhov zoo, Kuv yeej yuav txais koj tej khoom fij xwb;#4:7: Kuv yeej yuav txais koj tej khoom fij xwb; lossis koj yeej yuav luagntxhi xwb. tiamsis vim koj ua qhov phem, txoj kev txhaum thiaj zov rawv ntawm koj qhovrooj yuav tom koj. Txoj kev txhaum xav ua tus kav koj, tiamsis koj yuavtsum kovyeej nws.”
8Tomqab ntawd Ka-ees hais rau nws tus kwv Anpees hais tias, “Cia wb mus rau nram teb.”#4:8: Tej co ntawv qub-qub thaum ub sau hais tias Wb tawm mus yos uasi nram teb; phau lus Henplais tsis muaj co lus no. Thaum nkawd mus txog nram teb lawm, Ka-ees txawm muab nws tus kwv mos ntho thiab muab tua tuag lawm. #Math 23:35; Lukas 11:51; 1Yauh 3:12
9Tus TSWV nug Ka-ees hais tias, “Koj tus kwv Anpees mus dua twg lawm?”
Nws teb tias, “Kuv tsis paub. Kuv yog tus uas tsomkwm kuv tus kwv no lov?”
10Ces tus TSWV hais tias, “Vim licas koj thiaj ua phem li no? Koj tus kwv co ntshav uas ntws rau hauv av tau quaj hu tuaj txog Kuv, zoo yam li ib lub suab uas thov kev pauj chim. #Henpl 12:24 11Zaumno koj raug foom phem lawm, koj yuav khwv tsis tau noj los ntawm thaj av no ntxiv lawm. Vim thaj av no tau rua ncauj nqos koj tus kwv cov ntshav uas koj tau muab nws tua lawm. 12Txawm yog koj yuav cog qoobloo los tej av ntawd yuav ua rau tej qoobloo hlob tsis taus. Koj yuav ua tibneeg tsis muaj vaj tsis muaj tsev, yuav ua lojleeb mus thoob qabntuj.”
13Ka-ees hais rau tus TSWV hais tias, “Lub txim no hnyav tshaj qhov kuv yuav ris taus lawm. 14Koj ntiab kuv tawm ntawm thaj av no thiab tawm ntawm Koj lub xubntiag mus. Kuv yuav ua tibneeg tsis muaj vaj tsis muaj tsev, yuav ua lojleeb mus thoob qabntuj, thiab leejtwg ntsib kuv los yuav tua kuv povtseg.”
15Tiamsis tus TSWV teb tias, “Tsis tau! Yog leejtwg tua Ka-ees, tus ntawd yuav raug txim pauj xya npaug ntxiv.” Yogli ntawd, tus TSWV thiaj nias cim rau Ka-ees, kom leejtwg pom los tsis txhob muab nws tua. 16Ces Ka-ees thiaj khiav ntawm tus TSWV lub xubntiag thiab mus nyob rau ib lub tebchaws hu ua Nauj#4:16: Nauj: txhais hais tias ncig mus ncig los. uas yog nyob sab hnubtuaj ntawm lub Vaj Edees.
Ka-ees Cov Xeebntxwv
17Ka-ees thiab nws tus pojniam yug tau ib tug tub thiab muab tis npe hu ua Enauj. Ka-ees rhawv tau ib lub nroog thiab nws muab lub nroog ntawd tis npe hu ua Enauj rawsli nws tus tub lub npe. 18Enauj muaj ib tug tub hu ua Ilaj, nws yog Mehuya-ees txiv; Mehuya-ees muaj ib tug tub npe hu ua Methusa-ees, thiab Methusa-ees muaj ib tug tub hu ua Lamej. 19Lamej yuav ob tug pojniam, ib tug hu ua Adas thiab ib tug hu ua Xilas. 20Adas yug tau ib tug tub hu ua Yanpas, uas yog co tibneeg uas yug tsiajtxhu thiab nyob tsevntaub tus yawgkoob. 21Yanpas muaj ib tug kwv hu ua Yunpas, uas yog cov tibneeg uas txawj ntaus nkauj nogncas thiab tshuab raj tus yawgkoob. 22Xilas yug tau ib tug tub hu ua Tunpas Ka-ees, nws txawj ntaus txhua yam cuabyeej#4:22: nws txawj ntaus txhua yam cuabyeej; ib phau ntawv qub-qub thaum ub txhais hais tias nws yog cov tibneeg uas txawj ntaus tooj ntaus hlau tus yawgkoob. uas yog muab tooj muab hlau ntaus. Tunpas Ka-ees tus muam hu ua Na-amas.
23Lamej hais rau nws ob tus pojniam tias,
“Adas thiab Xilas, neb ciali mloog kuv hais:
Kuv tua ib tug tub hluas tuag lawm vim nws ntaus kuv.
24Yog leejtwg tua Ka-ees es nws twb raug txim xya npaug,
yog leejtwg tua kuv, tus ntawd yuav raug txim xyacaum-xya npaug.”
Xej Thiab Enauj
25Adas rov nrog nws tus pojniam pw, ces Evas thiaj rov yug tau ib tug tub hu ua Xej.#4:25: Xej: Lub npe no hais muaj ntsis thooj li lolus Henplais uas hais tias “tau muab pub.” Evas hais tias, “Vajtswv pub kuv muaj dua ib tug tub los sawv Anpees chaw, tus uas Ka-ees muab tua lawm.” 26Xej muaj ib tug tub, thiab nws muab tis npe hu ua Enauj. Txij thaum ntawd los tibneeg txawm pib tuav tus TSWV lub npe uas dawbhuv thaum lawv pehawm Nws.
Iliyochaguliwa sasa
Chivkeeb 4: MWW2022
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2022 United Bible Societies. All rights reserved.
Chivkeeb 4
4
Ka-ees Thiab Anpees
1Adas nrog Evas uas yog nws pojniam pw, ces Evas txawm xeebtub. Evas yug tau ib tug tub thiab nws hais tias “Vim tus TSWV pab kuv, kuv thiaj tau ib tug tub.” Yogli ntawd, nws thiaj tis tus tub ntawd npe hu ua Ka-ees.#4:1: Ka-ees: Lub npe no hais muaj ntsis thooj li lolus Henplais uas hais tias “tau lawm.” 2Tomqab ntawd nws rov yug tau ib tug tub hu ua Anpees.
Anpees yog ib tug tub tu tsiaj, tiamsis Ka-ees yog ib tug tub ua qoobloo. 3Muaj ib hnub Ka-ees nqa tej qoobloo uas nws sau tau los coj tuaj fij rau tus TSWV. 4Anpees los kuj muab nws tej menyuam yaj uas yog thawjtug coj tuaj tua, thiab nws xaiv tej nqaij uas zoo tshajplaws coj tuaj fij rau Vajtswv. Tus TSWV txaussiab heev rau Anpees thiab nws tej khoom fij, #Henpl 11:4 5tiamsis Nws tsis txaussiab rau Ka-ees thiab nws tej khoom fij. Yogli ntawd, Ka-ees thiaj chim thiab ua ntsejmuag npautaws vog.
6Ces tus TSWV hais rau Ka-ees hais tias, “Vim licas koj thiaj chim? Vim licas koj thiaj ua ntsejmuag npautaws vog li ko? 7Yog koj ua qhov zoo, Kuv yeej yuav txais koj tej khoom fij xwb;#4:7: Kuv yeej yuav txais koj tej khoom fij xwb; lossis koj yeej yuav luagntxhi xwb. tiamsis vim koj ua qhov phem, txoj kev txhaum thiaj zov rawv ntawm koj qhovrooj yuav tom koj. Txoj kev txhaum xav ua tus kav koj, tiamsis koj yuavtsum kovyeej nws.”
8Tomqab ntawd Ka-ees hais rau nws tus kwv Anpees hais tias, “Cia wb mus rau nram teb.”#4:8: Tej co ntawv qub-qub thaum ub sau hais tias Wb tawm mus yos uasi nram teb; phau lus Henplais tsis muaj co lus no. Thaum nkawd mus txog nram teb lawm, Ka-ees txawm muab nws tus kwv mos ntho thiab muab tua tuag lawm. #Math 23:35; Lukas 11:51; 1Yauh 3:12
9Tus TSWV nug Ka-ees hais tias, “Koj tus kwv Anpees mus dua twg lawm?”
Nws teb tias, “Kuv tsis paub. Kuv yog tus uas tsomkwm kuv tus kwv no lov?”
10Ces tus TSWV hais tias, “Vim licas koj thiaj ua phem li no? Koj tus kwv co ntshav uas ntws rau hauv av tau quaj hu tuaj txog Kuv, zoo yam li ib lub suab uas thov kev pauj chim. #Henpl 12:24 11Zaumno koj raug foom phem lawm, koj yuav khwv tsis tau noj los ntawm thaj av no ntxiv lawm. Vim thaj av no tau rua ncauj nqos koj tus kwv cov ntshav uas koj tau muab nws tua lawm. 12Txawm yog koj yuav cog qoobloo los tej av ntawd yuav ua rau tej qoobloo hlob tsis taus. Koj yuav ua tibneeg tsis muaj vaj tsis muaj tsev, yuav ua lojleeb mus thoob qabntuj.”
13Ka-ees hais rau tus TSWV hais tias, “Lub txim no hnyav tshaj qhov kuv yuav ris taus lawm. 14Koj ntiab kuv tawm ntawm thaj av no thiab tawm ntawm Koj lub xubntiag mus. Kuv yuav ua tibneeg tsis muaj vaj tsis muaj tsev, yuav ua lojleeb mus thoob qabntuj, thiab leejtwg ntsib kuv los yuav tua kuv povtseg.”
15Tiamsis tus TSWV teb tias, “Tsis tau! Yog leejtwg tua Ka-ees, tus ntawd yuav raug txim pauj xya npaug ntxiv.” Yogli ntawd, tus TSWV thiaj nias cim rau Ka-ees, kom leejtwg pom los tsis txhob muab nws tua. 16Ces Ka-ees thiaj khiav ntawm tus TSWV lub xubntiag thiab mus nyob rau ib lub tebchaws hu ua Nauj#4:16: Nauj: txhais hais tias ncig mus ncig los. uas yog nyob sab hnubtuaj ntawm lub Vaj Edees.
Ka-ees Cov Xeebntxwv
17Ka-ees thiab nws tus pojniam yug tau ib tug tub thiab muab tis npe hu ua Enauj. Ka-ees rhawv tau ib lub nroog thiab nws muab lub nroog ntawd tis npe hu ua Enauj rawsli nws tus tub lub npe. 18Enauj muaj ib tug tub hu ua Ilaj, nws yog Mehuya-ees txiv; Mehuya-ees muaj ib tug tub npe hu ua Methusa-ees, thiab Methusa-ees muaj ib tug tub hu ua Lamej. 19Lamej yuav ob tug pojniam, ib tug hu ua Adas thiab ib tug hu ua Xilas. 20Adas yug tau ib tug tub hu ua Yanpas, uas yog co tibneeg uas yug tsiajtxhu thiab nyob tsevntaub tus yawgkoob. 21Yanpas muaj ib tug kwv hu ua Yunpas, uas yog cov tibneeg uas txawj ntaus nkauj nogncas thiab tshuab raj tus yawgkoob. 22Xilas yug tau ib tug tub hu ua Tunpas Ka-ees, nws txawj ntaus txhua yam cuabyeej#4:22: nws txawj ntaus txhua yam cuabyeej; ib phau ntawv qub-qub thaum ub txhais hais tias nws yog cov tibneeg uas txawj ntaus tooj ntaus hlau tus yawgkoob. uas yog muab tooj muab hlau ntaus. Tunpas Ka-ees tus muam hu ua Na-amas.
23Lamej hais rau nws ob tus pojniam tias,
“Adas thiab Xilas, neb ciali mloog kuv hais:
Kuv tua ib tug tub hluas tuag lawm vim nws ntaus kuv.
24Yog leejtwg tua Ka-ees es nws twb raug txim xya npaug,
yog leejtwg tua kuv, tus ntawd yuav raug txim xyacaum-xya npaug.”
Xej Thiab Enauj
25Adas rov nrog nws tus pojniam pw, ces Evas thiaj rov yug tau ib tug tub hu ua Xej.#4:25: Xej: Lub npe no hais muaj ntsis thooj li lolus Henplais uas hais tias “tau muab pub.” Evas hais tias, “Vajtswv pub kuv muaj dua ib tug tub los sawv Anpees chaw, tus uas Ka-ees muab tua lawm.” 26Xej muaj ib tug tub, thiab nws muab tis npe hu ua Enauj. Txij thaum ntawd los tibneeg txawm pib tuav tus TSWV lub npe uas dawbhuv thaum lawv pehawm Nws.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2022 United Bible Societies. All rights reserved.