Maombolezo Utangulizi

Utangulizi

Jina la kitabu hiki ni “Ekah” kwa Kiebrania, maana yake “Jinsi gani”. Maombolezo ni wimbo wa maziko wa kuomboleza Yerusalemu na kuharibiwa kwa Hekalu. Nchi iliachwa bila mfalme, na watu walikuwa wamepelekwa utumwani. Mwenyezi Mungu alikuwa amewaonya kuwa wangeenda utumwani wakimwacha.

Yeremia aliandika maombolezo haya kuonesha huzuni yake kubwa na kuumia moyoni kwa sababu ya uharibifu wa kutisha wa Yerusalemu. Maafa haya yalihusisha anguko la kuaibisha la utawala wa ukoo wa Daudi, kuangamizwa kabisa kwa kuta za mji, Hekalu, jumba la mfalme, na mji wote. Mwishowe walipelekwa uhamishoni Babeli.

Mwandishi

Mapokeo na maandishi ya Kiyahudi na ya Kikristo husema ni Yeremia.

Kusudi

Kuwafundisha watu kwamba kutomtii Mwenyezi Mungu huleta maangamizi.

Mahali

Yerusalemu.

Tarehe

Mnamo 586–585 K.K.

Wahusika Wakuu

Yeremia, na watu wa Yerusalemu.

Wazo Kuu

Kutafakari mateso na matumaini kwa Mwenyezi Mungu.

Mambo Muhimu

Yeremia auomboleza mji wa Yerusalemu, Mwenyezi Mungu kugadhibishwa na dhambi, na hali ya kuwa na tumaini katika mateso.

Yaliyomo

Kuangamizwa kabisa kwa Yerusalemu (1:1-22)

Hasira ya Mwenyezi Mungu, na kutafuta faraja (2:1-22)

Kutafakari mateso, na kuweka matumaini kwa Mwenyezi Mungu (3:1-66)

Utukufu wa awali wa Yerusalemu, na hali ya sasa ya ukiwa (4:1-22)

Kumwomba Mwenyezi Mungu aoneshe huruma (5:1-22).

Iliyochaguliwa sasa

Maombolezo Utangulizi: NENO

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Neno: Maandiko Matakatifu™ NMM™

Imetumiwa kwa ruhusa.

Haki zote zimehifadhiwa duniani kote.

Kiswahili Contemporary Scriptures™

Jifunze Mengi Kuhusu Neno: Maandiko Matakatifu 2024