Genesis 24
24
Piyasumpa ni Abraham i sarig-sarigan ya pasar it asawaen ni Isaac
1Gurang nang gurang nga matuud si Abraham. Muꞌsang pangaꞌgenan ya, talagang pagꞌildawan kanya nga pirmi it AMPUꞌANG DIYUS. 2Kaꞌsa, inaat yay sasari-sarigan yat kaꞌlay nga sarig-sarigan ya, nga iti i manigpamaalaꞌ it pamalay-balay baw muꞌsang kusas ya. Maat ya, uyun kat kanira nga kaꞌugaliꞌan, “Ipasirib muy pala-palad it alima mu sinit sirib it paꞌa ku ngayni, ka may ipasumpa ku it imu. 3Ireg ku nga sumumpa ka, nga pagdedngegen it AMPUꞌANG DIYUS, kanya nga magbebegbeg it banwa may langit. Isumpa mu nga ega situt Canaan ngaytung pagtataꞌidan ta kayti i piliꞌan mut asawaen it anak ku nga si Isaac. 4In daꞌga, paꞌaduꞌun ka it banwa nga siyakitan ku, duꞌut mga kaduguꞌan ku, ka duꞌun i piliꞌan mut asawaen it anak ku.”
5Katubag i sarig-sarigan ya ngayti, “Ta in beteꞌ mapiliꞌ ku nga babay, magꞌireg kanyat asawaen, temed ega magꞌireg mayaꞌ situ. Magꞌuꞌunu yan? Unu, mapakay nga si Isaac nay paꞌaduꞌun?”
6“Aaꞌ, ega!” maat ni Abraham. “Ega mapakay akut papaꞌaduꞌunun mu si Isaac! 7Ka yay matuud, nalꞌidan ku na i rugar ni Amaꞌ baw tiyananan ku nay mga kasulsugan ku, ka piyapaꞌasitu aku na ngaytut AMPUꞌANG DIYUS nga duꞌut langit nga magbebegbeg it muꞌsa. Ta kanya ngaytu i simnanggup it aken it may sumpa, nga ibgay yat aken baw mga anak-inapuꞌ ku i itung banwa. Tumaꞌeg yan kanyat anghil ya nga yay manguꞌna it panaw mu. Kanya i tumabang it imu isaꞌun may maparagan mu nga maꞌasawa it anak ku. 8Temed gasiꞌ in talagang ega magꞌireg i babay it mayaꞌ situ, sikayan liꞌwan ka na situt piyasumpaan ku ngaytut imu. Temed talagang ayaw, ega papaꞌaduꞌunun muy anak ku.” 9Aypaꞌ ipiyasirib nat sarig-sarigan ngayti i alima ya duꞌut sirib it paꞌa ni Abraham ngayting agalen ya, ka yay keseg it sumpa nira. Simnumpa na kanya it iting bagay.
10Pagkatiwas kayti, ipiyaꞌalistu nat sarig-sarigan ngayti i sang pulung kakamelyowan, nga kamelyo nagat agalen ya ngayting si Abraham. Yanayti i piyapirisiꞌnan nirat muꞌsang iꞌabut nira duꞌut abutun nira ngayti. Iyan ayus nay muꞌsa, napanaw na sira, naꞌaduꞌun nat banwa nga Mesopotamia, duꞌut lansangan it Haran nga pagtataꞌidan it ariꞌ ni Abraham nga si Nacor.
In unuy biyaraꞌan it panaw it sarig-sarigan ngayti ni Abraham
11Pagꞌabut it sarig-sarigan ngayti duꞌun it Haran, piyalingkuꞌud ya nay mga kamelyo duꞌut tepad it tabud nga duꞌut liꞌwan it lansangan. Magkaꞌrutan ya nga kada apun, in ababaꞌ nay aldaw magsigꞌabut nay mga babay nga magpanaꞌgeb.
12Egay beken, nanalangin nay sarig-sarigan ngayti. Maat i panalangin ya, “AMPUꞌANG DIYUS it agalen ku nga si Abraham, tabangen mu aku it panaw ku ngayni. Ildawan mu naga i agalen ku nga si Abraham. 13Kayti wayni aku magtitindeg sinit tepad it saꞌgeben ngayni, magꞌelat it manaꞌgeb nga mga babay nga taga sinit ining lansangan. 14Ta kayti Agalen ku, yay napikir ku nga buwaten ku, mangut aku it paꞌimnun aku. Ta sana, ipabetang-betang mu nga basta babay ngayang ipiyasiguru mu nga maꞌasawa it manigsirbi mu nga si Isaac, tumubag kanyat aken, nga magꞌaat, ‘Ta iya, minum ka na, baw paꞌimnun ku gasiꞌ i mga kamelyo mu ngayan.’#24:14 Nakman baw ginawaan lamang nga babay i tumubag it atkaytu, sabap talagang dakulaꞌ nga banar nga danum i magkaꞌinum it kamelyo. Sikayan makilalaan kuy ipiyasiguru mu nga maꞌasawa ni Isaac, baw matantuwan ku nga inildawan mu siꞌ i agalen ku.”
15Ta, ega paꞌ natupus i panalangin ya ngayti, may miyabut na nga magpanaꞌgeb, umbay paꞌ nga babay nga pagpangaranat ki Rebeca. Anak kanya na Betuel, nga si Betuel ngayti, anak na Nacor duwa ni Milca. Si Nacor ngayti, ariꞌ ni Abraham. 16Talagang daragang babay si Rebeca ngayti, nanginubusan nay pandakulaꞌ baw ega paꞌ nakalabay it lalaki. Limnampud kanya duꞌut tumbud ngayti ka simnaꞌgeb na. Pagkapnuꞌ it sasaꞌgeban ya, naningdal na.
17Atnang pangese-keseg it sarig-sarigan ngaytit minlep. Magkatpad, maat ya, “In mapakay, paꞌimnun mu aku.”
18Ibiyelkas nga lagi it babay ngayti i pagtitibengen ya ngayting guriꞌ nga sasaꞌgeban. “Agalen ku,” maat ya, “iya, minum ka na.” Tiyuꞌwangan ya pay sarig-sarigan ngayti.
19Iyan nakaꞌinum na, maat siꞌ it babay ngayti, “Paꞌimnun ku gasiꞌ i mga kamelyo mu ngayan.” 20Egay beken, itinggis ya na duꞌut iꞌimnan it ramu-ramu i betang it sasaꞌgeban ya ngayti. Sigi-sigi nang akut ya seked it napaꞌinum ya nga muꞌsa i kamelyo ngayti. 21Ega magriꞌe-riꞌeng i sarig-sarigan ngayti. Pagpapaꞌyunan ya lamang, nga kat nake-nakem ya, barang iti na ngayting babay i tubag it AMPUꞌANG DIYUS it panalangin ya.
22Iyan nakaꞌimun nang muꞌsa i kamelyo ngayti, inukad it sarig-sarigan ngayti duꞌut pirisiꞌen ya, kuwaten ya, sang batu i aritis it urung baw duwa i lansung, ka ibgay ya it babay ngayti. Purus pirmirang bulawan i binwat nga mga iti ngayti. 23Bawnga miningkut kanya. Maat ya, “Kasiyu ka baytung anak? Unu, mapakay nga makaꞌigaꞌ kami duꞌut imyu it itung delem?”
24Maat i tubag it babay ngayti, “Anak aku baytu ni Betuel, nanganak it amaꞌ ku ngaytu, si Nacor baw si Milca. 25Malayaw bay balay namen baw may makaꞌen mi naga bayan duꞌun, pati mga ramu-ramu mi ngayan.”
26Pagkagneg it sarig-sarigan ngayti, nanluud kanya ka nagbantug it Ampuꞌang Diyus. 27Maat i inampang ya, “Talagang mabantug i AMPUꞌANG DIYUS ni Abraham nga agalen ku! Pagꞌildawan ya nga matuud i agalen ku ngayti, baw talagang ega paglilipatan ya i mga isiyanggup ya. Inibaan ya akung banar it naꞌasini isaꞌun iyan palan i abutan ku, balay nagat mga kaduguꞌan it agalen ku ngayti.”
Yapaꞌ mangaꞌen ka natuturan it sarig-sarigan i panaw nira
28Magpapalagyu si Rebeca nga miyuliꞌ duꞌut balay nira. Itiyuturan ya duꞌut inaꞌ ya i pasar it taw ngayti duꞌut saꞌgeben. 29Si Rebeca ngayti, may akaꞌ ya nga lalaki, si Laban i ngaran. Ta si Laban ngayti, 30magpapalagyuy naꞌaduꞌun it saꞌgeben ngayti, pagkagneg yat tuturan it ariꞌ ya ngayti baw pagkalteg yat aritis duꞌut urung ni Rebeca baw mga lansung ngayting paglalansungun ya na. Abutan ya duꞌut saꞌgeben, duꞌun nay taw ngayting pagsugiden ni Rebeca baw mga kamelyo gasiꞌ ngayti. 31Pagꞌabut ni Laban, maat ya, “Lumangbus ka na duꞌut amen, ikaw nga pagꞌildawan it AMPUꞌANG DIYUS. Unuka maat paradak it may balay nga mapaꞌabutan? Naꞌayus ku nay igaꞌan mi baw paꞌigaꞌan mit mga kamelyo mi ngayan.”
32Pagkagneg it sarig-sarigan ngayti, limnangbus na sira duꞌut balay. Pagꞌabut nira, iniriꞌan na ni Laban it mga pirisiꞌen i mga kamelyo ngayti. Piyanguꞌbadan ya na baw piyamagpakaꞌen. Pagkasled nira, binggayan ya gasit danum nga iꞌugas it aꞌay i sarig-sarigan ngayti baw mga kaꞌibaan ya. 33Tiyarakanan na sira, temed maat i sarig-sarigan ngayti, “Daꞌkami daꞌan bayan kumaꞌen. Tuturanen ku daꞌan i enged namen. Mabwa-mabway manay ikaꞌen.”
“Ikaw bayan,” maat ni Laban, “magtuturan ka na.”
34Aypaꞌ egay beken, nagtuturan nay sarig-sarigan ngayti. Maat ya, “Aku ngaytu, sarig-sarigan akuytung manigsirbi ni Abraham. 35Talagang dakulay ildaw it AMPUꞌANG DIYUS it agalen ku ngayti. Esa kanyang mabantug nga taw. Dakel nga dakel i mga tupa ya, kambing baw mga bakaꞌ. Inildawan kanya nga magmapiraken, baw magmabulawanen, maꞌuripenen kanya it babay, lalaki, makamelyuun baw makabayuꞌun. 36Kamatuudan it dakulay ildaw it AMPUꞌANG DIYUS it kanya, binggayan ya kanya it esang anak nga lalaki duꞌut asawa ya nga si Sara, lamang gurang na sirang duwa. Iti na, anak nira ngayti, i sumubli it muꞌsang kamanggadan ya. 37Binwat it agalen ku ngayti, piyasumpa ya aku nga ega duꞌut pagtataꞌidan ya nang banwa nga Canaan i piliꞌan kut asawaen it anak ya ngayti. 38‘In daꞌga,’ maat yat aken, ‘paꞌaduꞌun kat banwa ngaytit mga kaduguꞌan ku nga kaꞌanak-anakan naga ni Amaꞌ. Ka duꞌun nagay tulusan mut asawaen it anak ku ngaytu.’
39Ta inineꞌteꞌ ku yan kanya, nga maat ku, ‘Ta in beteꞌ ega mireg it mayaꞌ situ i babay nga mapiliꞌ ku, magꞌuꞌunu yan?’
40Yagay tubag yat aken, maat ya, ‘Talagang pagsisiguruun ku nga AMPUꞌANG DIYUS nga pagsirbiyan kung pirmi, pabayaꞌan ya ikaw it anghil ya isaꞌun magmagayen i panaw mu ngaytu. Aypaꞌ may maparagan mu naga nga asawaen it anak ku nga duꞌut kaduguꞌan ku nga kaꞌanakan naga ni Amaꞌ.’ Itu naytu i taꞌeg yat aken nga piyanaw ku ngaytu situ. 41Inaat ya pat aken nga, ‘In sunudun mu i inaat ku ngaytut imu, nga paꞌaduꞌun ka it mga kaduguꞌan ku, temed daꞌgaen nira, ta liꞌwan ka na kat siyumpaan mu situt aken.’
42Ta kagayna, pagꞌabut namen duꞌut saꞌgeben ngayti, nanalangin aku duꞌut AMPUꞌANG DIYUS. Maat i panalangin ku, ‘AMPUꞌANG DIYUS it agalen ku nga si Abraham, ildawan mu aku isaꞌun may baraꞌan it panaw ku ngayni. 43Kayti, wayni aku magtitindeg sinit tepad it saꞌgeben ngayni. Ta yay napikir ku nga buwaten ku, in may manaꞌgeb sini nga umbay paꞌ nga babay, mangut aku it paꞌimnun aku. 44Ta, sana ipabetang-betang mu nga basta babay ngayan nga ipiyasiguru mu nga maꞌasawa it anak it agalen ku, tumubag kanyat aken nga magꞌaat, “Iya, minum ka na, baw paꞌimnun ku gasiꞌ i mga kamelyo mu.” Sikayan makilalaan kuy ipiyasiguru mu nga maꞌasawa it anak it agalen ku.’
45Ta, ega paꞌ natupus kuy panalangin ku ngayti, miyabut na si Rebeca ngaytu, dayun-dayun kanya nga limnampud ka simnaꞌgeb na. Duꞌun aku kimnuꞌinum, inlep ku kanya nga maat ku, ‘Paꞌimnun aku.’
46Ta ibiyelkas ya nga lagi i sasaꞌgeban ya bawnga tiyuꞌwangan ya aku. Ega lamang akuy piyaꞌinum ya, pati mga kamelyo ku, piyaꞌinum ya gasing muꞌsa.
47Iningkut ku kanya in kasiyu kanyang anak. Tubag yat aken, maat ya, ‘Anak aku ni Betuel, nga kanyay anak ni Nacor baw si Milca.’ Ta, binggayan ku kanyat aritis it urung baw mga lansung. 48Bawnga nanluud aku ka biyantug kuy AMPUꞌANG DIYUS it agalen ku ngayti nga si Abraham, ka biyayaꞌ ya aku seked situt balay mi ngaytu, nga palan balay it mga kaduguꞌan it agalen ku. Kayti, sikaytu ku naparagan i babay nga asawaen it anak ya ngayti. 49Aypaꞌ kayti, nagnegan mi nay enged ku. Sana irapar mi it aken in magkapakay kamu it kaꞌirgan ngaytit agalen ku, nga paggalang mit kanya. Takaꞌ in daꞌkamu pakay duꞌun, iꞌaat mi gasiꞌ. Ega itaguꞌ mi it aken, isaꞌun mapikir ku i panaw ku ngaytu.”
50Makatubag si Laban ngayti nga akaꞌ ni Rebeca baw si Betuel nga amaꞌ ya, maat nira, “Muꞌsa ngaytu, pabetang-betang tu it AMPUꞌANG DIYUS, aypaꞌ daꞌkami makadaꞌga it enged mu ngaytu. 51Daꞌga wayan si Rebeca. Pabayaꞌen mu lamang in muliꞌ ka isaꞌun maꞌasawa it anak it agalen mu ngayti, ka yay ipiyatantu it AMPUꞌANG DIYUS it aten nga kaꞌirgan ya.”
52Pagkagneg it sarig-sarigan ngayti ni Abraham, nanluud siꞌ kanyang magtetꞌem i rupa, ka nagpasalamat duꞌun it AMPUꞌANG DIYUS. 53Bawnga may inukad ya na nga mga pakayan baw mga beken nga rurug it bilug nga bulawan baw pirak i binwat, nga ibinggay yat ki Rebeca. Binggayan ya gasiꞌ si Laban it kanya baw inaꞌ nira ngayti, purus marerga nga bagay i muꞌsa ngayti. 54Bawnga kimnaꞌen i sarig-sarigan ngayti, pati mga kaꞌibaan ya. Pagkakaꞌen, namagꞌigaꞌ na.
Piyapanaw nira si Rebeca
Pagꞌeyag namꞌun na i sarig-sarigan ngayti ka muliꞌ na sira.
55Temed ega paꞌ ipagpalugut sira it inaꞌ ni Rebeca baw si Laban. Ireg nira paꞌatrasu daꞌan it sang lingguꞌ u in daꞌga kapuluꞌ bawnga mapanaw sirat muliꞌ.
56Temed maat it sarig-sarigan ngayti, “Asi-asi pat imyu, kayti nga inildawan it AMPUꞌANG DIYUS i panaw ku ngaytu, aypaꞌ ireg ku na nga muliꞌ duꞌut agalen ku. Ipalugut mi na kami.”
57“Ta in atkayan, ingkutun tami daꞌan si Rebeca in unuy kat nakem ya.” 58Egay beken, iningkut nira si Rebeca. “Ta unu,” maat nira, “mapakay mu nga kayti ngaytu nga lagi i ipanaw mu nga mayaꞌ it mga taw ngaytut muliꞌ duꞌut kanira?”
“Aaꞌ, eeꞌ,” maat ni Rebeca, “ireg ku na. Mayaꞌ aku na bayan.”
59Iyan atnakayti, piyalugtan na nirat mapanaw. Babay nga manigꞌasikasu it ki Rebeca, miyayaꞌ nagat kanya. Miyayaꞌ na sira it mga taawan ngayti ni Abraham. 60Parabir piyapanaw nira si Rebeca, piyabalunan nira nagat paꞌildaw nga ampang, nga magꞌaat, “Rebeca, nga kaduguꞌ namen, sana limiꞌwan ka nga inaꞌ it liyaksaꞌ-laksang taw, baw sana daꞌgen niray muꞌsang mga kalaban nira!”
61Iyan nadawa-dawaꞌ nay muꞌsa, si Rebeca baw mga uripen ya nga babay nga kaꞌibaan ya, namagsakay na duꞌut mga kamelyo. Miyayaꞌ na sira it mga tiyaꞌeg ngayti ni Abraham.
62Kat iting timpu duꞌun si Isaac it Negeb, ka baꞌgu nga nakaꞌuliꞌ garing duꞌun it Beer-lahai-roi. 63May esang apu-apun nga naꞌaduꞌun si Isaac it uma ka manalangin, nalawag ya nga may magꞌaꞌabut nga mga kamelyo. 64Pagkalawag ni Rebeca it ki Isaac, limnampud nga lagi kanya duꞌut pagsasakayan ya ngayting kamelyo. 65Minlep kanya duꞌut sarig-sarigan ngayti ka miningkut. Maat ya, “Siyu bay iyang lalaki, magꞌelep ngayan situt aten?”
“Aaꞌ,” maat i sarig-sarigan ngayti, “anak bayan it agalen ku.” Pagkagneg ni Rebeca, piyayumyuman yat rambay i rupa ya, ka yay adat nira.
66Pagdaru-darugpaꞌen nira, itiyuturan nat sarig-sarigan ngayti duꞌut ki Isaac i muꞌsa. 67Tiyanggap nga lagi ni Isaac nga asawa ya si Rebeca ngayti. Piyabayaꞌ ya na duꞌut balay it inaꞌ ya ngayti nga susubliyen ya. Maꞌal yang maꞌal si Rebeca ngayti. Nakaꞌbanga-bangay it kanya it kasmek yat inaꞌ ya ngayti nga miyatay.
Naꞌbut nay ki Abraham nga kapaladan
[Mga 1792 B.C.]
Iliyochaguliwa sasa
Genesis 24: TBWONT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 1992, Wycliffe Bible Translators, Inc. All rights reserved.
Genesis 24
24
Piyasumpa ni Abraham i sarig-sarigan ya pasar it asawaen ni Isaac
1Gurang nang gurang nga matuud si Abraham. Muꞌsang pangaꞌgenan ya, talagang pagꞌildawan kanya nga pirmi it AMPUꞌANG DIYUS. 2Kaꞌsa, inaat yay sasari-sarigan yat kaꞌlay nga sarig-sarigan ya, nga iti i manigpamaalaꞌ it pamalay-balay baw muꞌsang kusas ya. Maat ya, uyun kat kanira nga kaꞌugaliꞌan, “Ipasirib muy pala-palad it alima mu sinit sirib it paꞌa ku ngayni, ka may ipasumpa ku it imu. 3Ireg ku nga sumumpa ka, nga pagdedngegen it AMPUꞌANG DIYUS, kanya nga magbebegbeg it banwa may langit. Isumpa mu nga ega situt Canaan ngaytung pagtataꞌidan ta kayti i piliꞌan mut asawaen it anak ku nga si Isaac. 4In daꞌga, paꞌaduꞌun ka it banwa nga siyakitan ku, duꞌut mga kaduguꞌan ku, ka duꞌun i piliꞌan mut asawaen it anak ku.”
5Katubag i sarig-sarigan ya ngayti, “Ta in beteꞌ mapiliꞌ ku nga babay, magꞌireg kanyat asawaen, temed ega magꞌireg mayaꞌ situ. Magꞌuꞌunu yan? Unu, mapakay nga si Isaac nay paꞌaduꞌun?”
6“Aaꞌ, ega!” maat ni Abraham. “Ega mapakay akut papaꞌaduꞌunun mu si Isaac! 7Ka yay matuud, nalꞌidan ku na i rugar ni Amaꞌ baw tiyananan ku nay mga kasulsugan ku, ka piyapaꞌasitu aku na ngaytut AMPUꞌANG DIYUS nga duꞌut langit nga magbebegbeg it muꞌsa. Ta kanya ngaytu i simnanggup it aken it may sumpa, nga ibgay yat aken baw mga anak-inapuꞌ ku i itung banwa. Tumaꞌeg yan kanyat anghil ya nga yay manguꞌna it panaw mu. Kanya i tumabang it imu isaꞌun may maparagan mu nga maꞌasawa it anak ku. 8Temed gasiꞌ in talagang ega magꞌireg i babay it mayaꞌ situ, sikayan liꞌwan ka na situt piyasumpaan ku ngaytut imu. Temed talagang ayaw, ega papaꞌaduꞌunun muy anak ku.” 9Aypaꞌ ipiyasirib nat sarig-sarigan ngayti i alima ya duꞌut sirib it paꞌa ni Abraham ngayting agalen ya, ka yay keseg it sumpa nira. Simnumpa na kanya it iting bagay.
10Pagkatiwas kayti, ipiyaꞌalistu nat sarig-sarigan ngayti i sang pulung kakamelyowan, nga kamelyo nagat agalen ya ngayting si Abraham. Yanayti i piyapirisiꞌnan nirat muꞌsang iꞌabut nira duꞌut abutun nira ngayti. Iyan ayus nay muꞌsa, napanaw na sira, naꞌaduꞌun nat banwa nga Mesopotamia, duꞌut lansangan it Haran nga pagtataꞌidan it ariꞌ ni Abraham nga si Nacor.
In unuy biyaraꞌan it panaw it sarig-sarigan ngayti ni Abraham
11Pagꞌabut it sarig-sarigan ngayti duꞌun it Haran, piyalingkuꞌud ya nay mga kamelyo duꞌut tepad it tabud nga duꞌut liꞌwan it lansangan. Magkaꞌrutan ya nga kada apun, in ababaꞌ nay aldaw magsigꞌabut nay mga babay nga magpanaꞌgeb.
12Egay beken, nanalangin nay sarig-sarigan ngayti. Maat i panalangin ya, “AMPUꞌANG DIYUS it agalen ku nga si Abraham, tabangen mu aku it panaw ku ngayni. Ildawan mu naga i agalen ku nga si Abraham. 13Kayti wayni aku magtitindeg sinit tepad it saꞌgeben ngayni, magꞌelat it manaꞌgeb nga mga babay nga taga sinit ining lansangan. 14Ta kayti Agalen ku, yay napikir ku nga buwaten ku, mangut aku it paꞌimnun aku. Ta sana, ipabetang-betang mu nga basta babay ngayang ipiyasiguru mu nga maꞌasawa it manigsirbi mu nga si Isaac, tumubag kanyat aken, nga magꞌaat, ‘Ta iya, minum ka na, baw paꞌimnun ku gasiꞌ i mga kamelyo mu ngayan.’#24:14 Nakman baw ginawaan lamang nga babay i tumubag it atkaytu, sabap talagang dakulaꞌ nga banar nga danum i magkaꞌinum it kamelyo. Sikayan makilalaan kuy ipiyasiguru mu nga maꞌasawa ni Isaac, baw matantuwan ku nga inildawan mu siꞌ i agalen ku.”
15Ta, ega paꞌ natupus i panalangin ya ngayti, may miyabut na nga magpanaꞌgeb, umbay paꞌ nga babay nga pagpangaranat ki Rebeca. Anak kanya na Betuel, nga si Betuel ngayti, anak na Nacor duwa ni Milca. Si Nacor ngayti, ariꞌ ni Abraham. 16Talagang daragang babay si Rebeca ngayti, nanginubusan nay pandakulaꞌ baw ega paꞌ nakalabay it lalaki. Limnampud kanya duꞌut tumbud ngayti ka simnaꞌgeb na. Pagkapnuꞌ it sasaꞌgeban ya, naningdal na.
17Atnang pangese-keseg it sarig-sarigan ngaytit minlep. Magkatpad, maat ya, “In mapakay, paꞌimnun mu aku.”
18Ibiyelkas nga lagi it babay ngayti i pagtitibengen ya ngayting guriꞌ nga sasaꞌgeban. “Agalen ku,” maat ya, “iya, minum ka na.” Tiyuꞌwangan ya pay sarig-sarigan ngayti.
19Iyan nakaꞌinum na, maat siꞌ it babay ngayti, “Paꞌimnun ku gasiꞌ i mga kamelyo mu ngayan.” 20Egay beken, itinggis ya na duꞌut iꞌimnan it ramu-ramu i betang it sasaꞌgeban ya ngayti. Sigi-sigi nang akut ya seked it napaꞌinum ya nga muꞌsa i kamelyo ngayti. 21Ega magriꞌe-riꞌeng i sarig-sarigan ngayti. Pagpapaꞌyunan ya lamang, nga kat nake-nakem ya, barang iti na ngayting babay i tubag it AMPUꞌANG DIYUS it panalangin ya.
22Iyan nakaꞌimun nang muꞌsa i kamelyo ngayti, inukad it sarig-sarigan ngayti duꞌut pirisiꞌen ya, kuwaten ya, sang batu i aritis it urung baw duwa i lansung, ka ibgay ya it babay ngayti. Purus pirmirang bulawan i binwat nga mga iti ngayti. 23Bawnga miningkut kanya. Maat ya, “Kasiyu ka baytung anak? Unu, mapakay nga makaꞌigaꞌ kami duꞌut imyu it itung delem?”
24Maat i tubag it babay ngayti, “Anak aku baytu ni Betuel, nanganak it amaꞌ ku ngaytu, si Nacor baw si Milca. 25Malayaw bay balay namen baw may makaꞌen mi naga bayan duꞌun, pati mga ramu-ramu mi ngayan.”
26Pagkagneg it sarig-sarigan ngayti, nanluud kanya ka nagbantug it Ampuꞌang Diyus. 27Maat i inampang ya, “Talagang mabantug i AMPUꞌANG DIYUS ni Abraham nga agalen ku! Pagꞌildawan ya nga matuud i agalen ku ngayti, baw talagang ega paglilipatan ya i mga isiyanggup ya. Inibaan ya akung banar it naꞌasini isaꞌun iyan palan i abutan ku, balay nagat mga kaduguꞌan it agalen ku ngayti.”
Yapaꞌ mangaꞌen ka natuturan it sarig-sarigan i panaw nira
28Magpapalagyu si Rebeca nga miyuliꞌ duꞌut balay nira. Itiyuturan ya duꞌut inaꞌ ya i pasar it taw ngayti duꞌut saꞌgeben. 29Si Rebeca ngayti, may akaꞌ ya nga lalaki, si Laban i ngaran. Ta si Laban ngayti, 30magpapalagyuy naꞌaduꞌun it saꞌgeben ngayti, pagkagneg yat tuturan it ariꞌ ya ngayti baw pagkalteg yat aritis duꞌut urung ni Rebeca baw mga lansung ngayting paglalansungun ya na. Abutan ya duꞌut saꞌgeben, duꞌun nay taw ngayting pagsugiden ni Rebeca baw mga kamelyo gasiꞌ ngayti. 31Pagꞌabut ni Laban, maat ya, “Lumangbus ka na duꞌut amen, ikaw nga pagꞌildawan it AMPUꞌANG DIYUS. Unuka maat paradak it may balay nga mapaꞌabutan? Naꞌayus ku nay igaꞌan mi baw paꞌigaꞌan mit mga kamelyo mi ngayan.”
32Pagkagneg it sarig-sarigan ngayti, limnangbus na sira duꞌut balay. Pagꞌabut nira, iniriꞌan na ni Laban it mga pirisiꞌen i mga kamelyo ngayti. Piyanguꞌbadan ya na baw piyamagpakaꞌen. Pagkasled nira, binggayan ya gasit danum nga iꞌugas it aꞌay i sarig-sarigan ngayti baw mga kaꞌibaan ya. 33Tiyarakanan na sira, temed maat i sarig-sarigan ngayti, “Daꞌkami daꞌan bayan kumaꞌen. Tuturanen ku daꞌan i enged namen. Mabwa-mabway manay ikaꞌen.”
“Ikaw bayan,” maat ni Laban, “magtuturan ka na.”
34Aypaꞌ egay beken, nagtuturan nay sarig-sarigan ngayti. Maat ya, “Aku ngaytu, sarig-sarigan akuytung manigsirbi ni Abraham. 35Talagang dakulay ildaw it AMPUꞌANG DIYUS it agalen ku ngayti. Esa kanyang mabantug nga taw. Dakel nga dakel i mga tupa ya, kambing baw mga bakaꞌ. Inildawan kanya nga magmapiraken, baw magmabulawanen, maꞌuripenen kanya it babay, lalaki, makamelyuun baw makabayuꞌun. 36Kamatuudan it dakulay ildaw it AMPUꞌANG DIYUS it kanya, binggayan ya kanya it esang anak nga lalaki duꞌut asawa ya nga si Sara, lamang gurang na sirang duwa. Iti na, anak nira ngayti, i sumubli it muꞌsang kamanggadan ya. 37Binwat it agalen ku ngayti, piyasumpa ya aku nga ega duꞌut pagtataꞌidan ya nang banwa nga Canaan i piliꞌan kut asawaen it anak ya ngayti. 38‘In daꞌga,’ maat yat aken, ‘paꞌaduꞌun kat banwa ngaytit mga kaduguꞌan ku nga kaꞌanak-anakan naga ni Amaꞌ. Ka duꞌun nagay tulusan mut asawaen it anak ku ngaytu.’
39Ta inineꞌteꞌ ku yan kanya, nga maat ku, ‘Ta in beteꞌ ega mireg it mayaꞌ situ i babay nga mapiliꞌ ku, magꞌuꞌunu yan?’
40Yagay tubag yat aken, maat ya, ‘Talagang pagsisiguruun ku nga AMPUꞌANG DIYUS nga pagsirbiyan kung pirmi, pabayaꞌan ya ikaw it anghil ya isaꞌun magmagayen i panaw mu ngaytu. Aypaꞌ may maparagan mu naga nga asawaen it anak ku nga duꞌut kaduguꞌan ku nga kaꞌanakan naga ni Amaꞌ.’ Itu naytu i taꞌeg yat aken nga piyanaw ku ngaytu situ. 41Inaat ya pat aken nga, ‘In sunudun mu i inaat ku ngaytut imu, nga paꞌaduꞌun ka it mga kaduguꞌan ku, temed daꞌgaen nira, ta liꞌwan ka na kat siyumpaan mu situt aken.’
42Ta kagayna, pagꞌabut namen duꞌut saꞌgeben ngayti, nanalangin aku duꞌut AMPUꞌANG DIYUS. Maat i panalangin ku, ‘AMPUꞌANG DIYUS it agalen ku nga si Abraham, ildawan mu aku isaꞌun may baraꞌan it panaw ku ngayni. 43Kayti, wayni aku magtitindeg sinit tepad it saꞌgeben ngayni. Ta yay napikir ku nga buwaten ku, in may manaꞌgeb sini nga umbay paꞌ nga babay, mangut aku it paꞌimnun aku. 44Ta, sana ipabetang-betang mu nga basta babay ngayan nga ipiyasiguru mu nga maꞌasawa it anak it agalen ku, tumubag kanyat aken nga magꞌaat, “Iya, minum ka na, baw paꞌimnun ku gasiꞌ i mga kamelyo mu.” Sikayan makilalaan kuy ipiyasiguru mu nga maꞌasawa it anak it agalen ku.’
45Ta, ega paꞌ natupus kuy panalangin ku ngayti, miyabut na si Rebeca ngaytu, dayun-dayun kanya nga limnampud ka simnaꞌgeb na. Duꞌun aku kimnuꞌinum, inlep ku kanya nga maat ku, ‘Paꞌimnun aku.’
46Ta ibiyelkas ya nga lagi i sasaꞌgeban ya bawnga tiyuꞌwangan ya aku. Ega lamang akuy piyaꞌinum ya, pati mga kamelyo ku, piyaꞌinum ya gasing muꞌsa.
47Iningkut ku kanya in kasiyu kanyang anak. Tubag yat aken, maat ya, ‘Anak aku ni Betuel, nga kanyay anak ni Nacor baw si Milca.’ Ta, binggayan ku kanyat aritis it urung baw mga lansung. 48Bawnga nanluud aku ka biyantug kuy AMPUꞌANG DIYUS it agalen ku ngayti nga si Abraham, ka biyayaꞌ ya aku seked situt balay mi ngaytu, nga palan balay it mga kaduguꞌan it agalen ku. Kayti, sikaytu ku naparagan i babay nga asawaen it anak ya ngayti. 49Aypaꞌ kayti, nagnegan mi nay enged ku. Sana irapar mi it aken in magkapakay kamu it kaꞌirgan ngaytit agalen ku, nga paggalang mit kanya. Takaꞌ in daꞌkamu pakay duꞌun, iꞌaat mi gasiꞌ. Ega itaguꞌ mi it aken, isaꞌun mapikir ku i panaw ku ngaytu.”
50Makatubag si Laban ngayti nga akaꞌ ni Rebeca baw si Betuel nga amaꞌ ya, maat nira, “Muꞌsa ngaytu, pabetang-betang tu it AMPUꞌANG DIYUS, aypaꞌ daꞌkami makadaꞌga it enged mu ngaytu. 51Daꞌga wayan si Rebeca. Pabayaꞌen mu lamang in muliꞌ ka isaꞌun maꞌasawa it anak it agalen mu ngayti, ka yay ipiyatantu it AMPUꞌANG DIYUS it aten nga kaꞌirgan ya.”
52Pagkagneg it sarig-sarigan ngayti ni Abraham, nanluud siꞌ kanyang magtetꞌem i rupa, ka nagpasalamat duꞌun it AMPUꞌANG DIYUS. 53Bawnga may inukad ya na nga mga pakayan baw mga beken nga rurug it bilug nga bulawan baw pirak i binwat, nga ibinggay yat ki Rebeca. Binggayan ya gasiꞌ si Laban it kanya baw inaꞌ nira ngayti, purus marerga nga bagay i muꞌsa ngayti. 54Bawnga kimnaꞌen i sarig-sarigan ngayti, pati mga kaꞌibaan ya. Pagkakaꞌen, namagꞌigaꞌ na.
Piyapanaw nira si Rebeca
Pagꞌeyag namꞌun na i sarig-sarigan ngayti ka muliꞌ na sira.
55Temed ega paꞌ ipagpalugut sira it inaꞌ ni Rebeca baw si Laban. Ireg nira paꞌatrasu daꞌan it sang lingguꞌ u in daꞌga kapuluꞌ bawnga mapanaw sirat muliꞌ.
56Temed maat it sarig-sarigan ngayti, “Asi-asi pat imyu, kayti nga inildawan it AMPUꞌANG DIYUS i panaw ku ngaytu, aypaꞌ ireg ku na nga muliꞌ duꞌut agalen ku. Ipalugut mi na kami.”
57“Ta in atkayan, ingkutun tami daꞌan si Rebeca in unuy kat nakem ya.” 58Egay beken, iningkut nira si Rebeca. “Ta unu,” maat nira, “mapakay mu nga kayti ngaytu nga lagi i ipanaw mu nga mayaꞌ it mga taw ngaytut muliꞌ duꞌut kanira?”
“Aaꞌ, eeꞌ,” maat ni Rebeca, “ireg ku na. Mayaꞌ aku na bayan.”
59Iyan atnakayti, piyalugtan na nirat mapanaw. Babay nga manigꞌasikasu it ki Rebeca, miyayaꞌ nagat kanya. Miyayaꞌ na sira it mga taawan ngayti ni Abraham. 60Parabir piyapanaw nira si Rebeca, piyabalunan nira nagat paꞌildaw nga ampang, nga magꞌaat, “Rebeca, nga kaduguꞌ namen, sana limiꞌwan ka nga inaꞌ it liyaksaꞌ-laksang taw, baw sana daꞌgen niray muꞌsang mga kalaban nira!”
61Iyan nadawa-dawaꞌ nay muꞌsa, si Rebeca baw mga uripen ya nga babay nga kaꞌibaan ya, namagsakay na duꞌut mga kamelyo. Miyayaꞌ na sira it mga tiyaꞌeg ngayti ni Abraham.
62Kat iting timpu duꞌun si Isaac it Negeb, ka baꞌgu nga nakaꞌuliꞌ garing duꞌun it Beer-lahai-roi. 63May esang apu-apun nga naꞌaduꞌun si Isaac it uma ka manalangin, nalawag ya nga may magꞌaꞌabut nga mga kamelyo. 64Pagkalawag ni Rebeca it ki Isaac, limnampud nga lagi kanya duꞌut pagsasakayan ya ngayting kamelyo. 65Minlep kanya duꞌut sarig-sarigan ngayti ka miningkut. Maat ya, “Siyu bay iyang lalaki, magꞌelep ngayan situt aten?”
“Aaꞌ,” maat i sarig-sarigan ngayti, “anak bayan it agalen ku.” Pagkagneg ni Rebeca, piyayumyuman yat rambay i rupa ya, ka yay adat nira.
66Pagdaru-darugpaꞌen nira, itiyuturan nat sarig-sarigan ngayti duꞌut ki Isaac i muꞌsa. 67Tiyanggap nga lagi ni Isaac nga asawa ya si Rebeca ngayti. Piyabayaꞌ ya na duꞌut balay it inaꞌ ya ngayti nga susubliyen ya. Maꞌal yang maꞌal si Rebeca ngayti. Nakaꞌbanga-bangay it kanya it kasmek yat inaꞌ ya ngayti nga miyatay.
Naꞌbut nay ki Abraham nga kapaladan
[Mga 1792 B.C.]
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 1992, Wycliffe Bible Translators, Inc. All rights reserved.