Osey 5
5
Islael lumumunu gi bamina gite pa:loyana gi
1Da: guwali dala, ma:ma gilala enamada:la
Da: Islaelana luma sa:lele enamada:la
Enamada:la, da: kanabape genamana,
Ma:ma gi bamina gi da: gima pa:lelo.
Da: Misipa wala ya:wi a:na:pi edeleyamana,
da:pe tiyate Tabo wa egetata weleyana.
2Gaganabina asakada:mida:na lumate luma dapola gi gobama sa:eda:te na:dili,
a:pite na: obai waelabega wisa dapulamalowa.
3Na: Ipala:imipe gi waelabega itawa bapi,
Islael na:dile pa:pa a:wate elelo
Ipala:im, a: a a:ya a: ewada: gima esa:wena
Islael a: a sosawe bapi ewena.
4Obaimunu gite obai awapa gi pa:pa datalo,
obaite obaimunu Gododima gwama pa:da:mada:le.
Obaiya obai ewada: gi a:meta obaimunu alipo gobala dololo.
Obai LOD gi pa: itawada:.
5Islaelpe na: awagana: gite obai asakada:mina gima gibaba elelelo.
Islael a:ta: gwama Ipala:imita: da: da:pe sosawe gobala a:i gagaminenewa,
Yuda iya:ta: obaida a:i gagamineno.
6Obaite obaimunu bulumakaota: sipita:da na:nili,
LOD uwalelamada:le,
obai oba pa:pa tilamadili,
gi ase oba obaidile a a:wayana.
7Obai LODdima pa:pa gima kamidili,
obaite ili sege mata aminini.
Amapulale obaimunu samoso kanika: balelamina
gite obaita: obaimunu wata: dapolamalelo.
8Gibiya wala tutuli iwila,
Lama wala i umina dapola.
Bet Aben wala giwa:la gilalale ga:gemadela
Beniyamin a: lopa ete we.
9Ipala:im wa titimiwila a:napa wa elamalelo,
enoba obate a:na:da:munoyana gi wisate saodelamadilina kadepala.
Islael udagaudaga gobala,
Na: saoda:ma pa:dilina gi ladolowa.
10Yuda wana gaganabina dala enobai wa
a:yatada:la dowatilina ba:kele wama gagalada:mida:na luma a:na:pi edeli.
Na: na:dowali ga:o gi obai dima saminamalowa,
wite lapoda:te pa:lamalelona gi a:na:pi.
11Ipala:im a a:ima etomiyana.
Obate gi baminano,
gi ase obate ididali lopala gwaladama gima bata gi aliloyana.
12Na: nupi a:na:pi elelowa Ipala:im dima,
Na: Yuda luma dapolamalowa ilate ipe obema dilelona gi a:na:pi.
13Ipala:imite obape gite tila gi tiliyana tepala,
a:pite Yudate obape palewa tiliyana tepala,
Ipala:im amale asemite Asiliya dima esa:yana,
a:pite kabiginapa kanabadima amowa gima esa:yana.
Ameta oba a: sa:lemina gima nabidi pa:pa tilamalelo,
gwama a:pe palewa pa:pa aula:minamalelo.
14Na: Ipala:imi dima layon a:na:pi elamalowa
Yuda lumadima kabiginapa layon a:na:pi elamalowa.
Na: obai tatalada:munote a:pite wama welamalowa,
Na: obai wama a:ipatite welamalowa, eta lumagi bini obai a:gegeda: gima.
15Na: amale na:dowali wama gwama welamalowa,
amale obai obaimunu sosawe gima gibaba eda:madili.
Amale obai na:pe imimi uwalelamadili,
obaimunu ededa:mida: gobala obaite na: gamobegale uwalenenamadili.
Iliyochaguliwa sasa
Osey 5: GBOTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.
Osey 5
5
Islael lumumunu gi bamina gite pa:loyana gi
1Da: guwali dala, ma:ma gilala enamada:la
Da: Islaelana luma sa:lele enamada:la
Enamada:la, da: kanabape genamana,
Ma:ma gi bamina gi da: gima pa:lelo.
Da: Misipa wala ya:wi a:na:pi edeleyamana,
da:pe tiyate Tabo wa egetata weleyana.
2Gaganabina asakada:mida:na lumate luma dapola gi gobama sa:eda:te na:dili,
a:pite na: obai waelabega wisa dapulamalowa.
3Na: Ipala:imipe gi waelabega itawa bapi,
Islael na:dile pa:pa a:wate elelo
Ipala:im, a: a a:ya a: ewada: gima esa:wena
Islael a: a sosawe bapi ewena.
4Obaimunu gite obai awapa gi pa:pa datalo,
obaite obaimunu Gododima gwama pa:da:mada:le.
Obaiya obai ewada: gi a:meta obaimunu alipo gobala dololo.
Obai LOD gi pa: itawada:.
5Islaelpe na: awagana: gite obai asakada:mina gima gibaba elelelo.
Islael a:ta: gwama Ipala:imita: da: da:pe sosawe gobala a:i gagaminenewa,
Yuda iya:ta: obaida a:i gagamineno.
6Obaite obaimunu bulumakaota: sipita:da na:nili,
LOD uwalelamada:le,
obai oba pa:pa tilamadili,
gi ase oba obaidile a a:wayana.
7Obai LODdima pa:pa gima kamidili,
obaite ili sege mata aminini.
Amapulale obaimunu samoso kanika: balelamina
gite obaita: obaimunu wata: dapolamalelo.
8Gibiya wala tutuli iwila,
Lama wala i umina dapola.
Bet Aben wala giwa:la gilalale ga:gemadela
Beniyamin a: lopa ete we.
9Ipala:im wa titimiwila a:napa wa elamalelo,
enoba obate a:na:da:munoyana gi wisate saodelamadilina kadepala.
Islael udagaudaga gobala,
Na: saoda:ma pa:dilina gi ladolowa.
10Yuda wana gaganabina dala enobai wa
a:yatada:la dowatilina ba:kele wama gagalada:mida:na luma a:na:pi edeli.
Na: na:dowali ga:o gi obai dima saminamalowa,
wite lapoda:te pa:lamalelona gi a:na:pi.
11Ipala:im a a:ima etomiyana.
Obate gi baminano,
gi ase obate ididali lopala gwaladama gima bata gi aliloyana.
12Na: nupi a:na:pi elelowa Ipala:im dima,
Na: Yuda luma dapolamalowa ilate ipe obema dilelona gi a:na:pi.
13Ipala:imite obape gite tila gi tiliyana tepala,
a:pite Yudate obape palewa tiliyana tepala,
Ipala:im amale asemite Asiliya dima esa:yana,
a:pite kabiginapa kanabadima amowa gima esa:yana.
Ameta oba a: sa:lemina gima nabidi pa:pa tilamalelo,
gwama a:pe palewa pa:pa aula:minamalelo.
14Na: Ipala:imi dima layon a:na:pi elamalowa
Yuda lumadima kabiginapa layon a:na:pi elamalowa.
Na: obai tatalada:munote a:pite wama welamalowa,
Na: obai wama a:ipatite welamalowa, eta lumagi bini obai a:gegeda: gima.
15Na: amale na:dowali wama gwama welamalowa,
amale obai obaimunu sosawe gima gibaba eda:madili.
Amale obai na:pe imimi uwalelamadili,
obaimunu ededa:mida: gobala obaite na: gamobegale uwalenenamadili.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.