Yowel 1
1
1Ma:ma enoba LODope gilalate Petuwelepe mata Yoweledima pa:yana.
Miwalite wa kabigibega egeyana gi
2Wawa dala, da: ma:ma gilala enamada:la,
wa gobala edelewamena luma da: gi enamada:la.
De lope edeleyamana tepala ma:na:pinapa gi saoyanata
o da:dowali iniwali kakabeyate edeliyana tepala ma:na:pinapa gi saoyanata.
3Ma:ma gi da: da:dowali sege danala,
a:pite da:dowali segete obaimunu segedima ladelamadili,
a:pite obaite gwama obaimunu segedima ladelamadili.
4Miwalite na:sa:da:miyana lopala
tagada:te naniyana,
tagada:te na:sa:da:miyana lopala
sa:sa: kokowabite naniyana,
a:pite sa:sa: kokowabite na:sa:da:miyana lopala
eta:mi sa:sa:te naniyana.
5Sika nida:na luma, da: dowatelewamena sabale saleda:te sabedela.
Waen nideletana luma waelabega da: adimadela,
da: waen kanika: gima sabedela,
gi ase lumate waen kabuwa magatale sela wama alidamiwina.
6 #
Eka 9:8
Eta a:i baigana giwa:lana na:pe wa a egiwina,
obai kakamalibeyagai, a:pite luma ananasanana bega,
ya:mai lumumunu poso enoba layono poso a:na:pi,
a:pite susa:gi layonope kalita a:na:pi.
7Obai na:dowali tokobe adama a kakapada:miwina,
na:dowali kipa adami i a sosaweda:miwina.
I kaka obai a kwakwaminete
wama ba:ba:mite
i tata abibilobapi ediwila a: na:sa:da:miwina.
8A: esesawalida:na kakana lopala kakamite sabelalona aminagi a:na:pi eyo,
gima lada: dalagi kaowela gwanasaweda: elelo.
9Kon nagala lopalata: adami nagala lopalata:
obai LODope genamama pa:pa alete pa:da:tedili.
Guwali dala LOD odima gisaola edelina obai sabedili.
10Egada goba wa a sosawe bapi eda:wana,
a:i a kakaleda:wana,
kon iyapo a sosawe eda:wana,
waen kanika:da: a apada:wana,
owel a apada:wana.
11Egada apeyana dala da: madakaela edela,
tokobe adami apeyana dala da: sabedela,
witita: balita: gima gwanasaweda: edela,
gi ase egada gobana nana ulama a sosawe bapi ediwina.
12Tokobe adami i a sesediwina
kipa adami i a ila ediwina,
sipolo adami ita: a:pol adami ita:,
waelabega egadana i a ila ediwina.
Gibapi, lumumunu sa:kela gi
a wama kaowena.
Lumate gi iwalela opa:ya eda:mada:le obai awada:miyana gi
13Guwali dala, da: esesawalida:na kakana lopala kakamite sabedela,
awana nagala lopala apiletedilina ba:kele genama okona dala da: gwanasaweda: edela.
Pa:da:la, ama isala esesawalida:na kakana lopala kakamite tenedela,
na:dowali Godope sosoko palala gisaola edelewamena dala,
ase kon nagala lopalata: adami wi nagala lopalata:
da:dowali Godope genamama alete pa:da: gi a ekediyana.
14Awanale baya awana gi luma danala,
luma Godope awana sabama gaogoda:mina.
Wawana dalata:,
wa gobala edelina luma waelabega iya:ta: danala.
LOD da:dowali Godope genamama awada:mina,
a:pite LOD dima adimada: pakamina.
15 #
Ais 13:6
Ya:ma kadepa malemabega.
Gi ase LODope kadepa a auwapula elelo,
enoba kadepala galabete Kamalinapadila pa:lamalelo.
16Ma:ma gi sa:pe sosoko palala dololo
baya kanika:wa a ta:ewena sa:pe Godope genama gobala,
a:pite sa:kela gita: balela gita: pa:pa dololo.
17Kon tao a sesediwina,
a:i gobala.
Kon alila gegenama a sosawe ediwina,
kon i a ka:ekelete a:ile dowatilila
kon ulama a sesediwina.
18Ka:o a:na:pi adimada:le ededamidili.
Obai gagasida:le daledalele wamidili,
gi ase sa:sa:lena tila a sesediwina,
sip gagasila iya:ta: obai alikikimina enamadili.
19Na: a: dima adimada:lowa, O LOD,
gi ase wa gobana tila sa:sa:lena a ilate oloda:wenana,
a:pite wa gobana i waelabega a ila babalelate oloda:wena.
20Wa gobana wa wai iya:ta: a: dima adimadili,
wa gobana kebane waelabeyagai wi a apada:wana
a:pite ilate a:napa wa gobana sa:sa:lena tila a oloda:wena.
Iliyochaguliwa sasa
Yowel 1: GBOTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.
Yowel 1
1
1Ma:ma enoba LODope gilalate Petuwelepe mata Yoweledima pa:yana.
Miwalite wa kabigibega egeyana gi
2Wawa dala, da: ma:ma gilala enamada:la,
wa gobala edelewamena luma da: gi enamada:la.
De lope edeleyamana tepala ma:na:pinapa gi saoyanata
o da:dowali iniwali kakabeyate edeliyana tepala ma:na:pinapa gi saoyanata.
3Ma:ma gi da: da:dowali sege danala,
a:pite da:dowali segete obaimunu segedima ladelamadili,
a:pite obaite gwama obaimunu segedima ladelamadili.
4Miwalite na:sa:da:miyana lopala
tagada:te naniyana,
tagada:te na:sa:da:miyana lopala
sa:sa: kokowabite naniyana,
a:pite sa:sa: kokowabite na:sa:da:miyana lopala
eta:mi sa:sa:te naniyana.
5Sika nida:na luma, da: dowatelewamena sabale saleda:te sabedela.
Waen nideletana luma waelabega da: adimadela,
da: waen kanika: gima sabedela,
gi ase lumate waen kabuwa magatale sela wama alidamiwina.
6 #
Eka 9:8
Eta a:i baigana giwa:lana na:pe wa a egiwina,
obai kakamalibeyagai, a:pite luma ananasanana bega,
ya:mai lumumunu poso enoba layono poso a:na:pi,
a:pite susa:gi layonope kalita a:na:pi.
7Obai na:dowali tokobe adama a kakapada:miwina,
na:dowali kipa adami i a sosaweda:miwina.
I kaka obai a kwakwaminete
wama ba:ba:mite
i tata abibilobapi ediwila a: na:sa:da:miwina.
8A: esesawalida:na kakana lopala kakamite sabelalona aminagi a:na:pi eyo,
gima lada: dalagi kaowela gwanasaweda: elelo.
9Kon nagala lopalata: adami nagala lopalata:
obai LODope genamama pa:pa alete pa:da:tedili.
Guwali dala LOD odima gisaola edelina obai sabedili.
10Egada goba wa a sosawe bapi eda:wana,
a:i a kakaleda:wana,
kon iyapo a sosawe eda:wana,
waen kanika:da: a apada:wana,
owel a apada:wana.
11Egada apeyana dala da: madakaela edela,
tokobe adami apeyana dala da: sabedela,
witita: balita: gima gwanasaweda: edela,
gi ase egada gobana nana ulama a sosawe bapi ediwina.
12Tokobe adami i a sesediwina
kipa adami i a ila ediwina,
sipolo adami ita: a:pol adami ita:,
waelabega egadana i a ila ediwina.
Gibapi, lumumunu sa:kela gi
a wama kaowena.
Lumate gi iwalela opa:ya eda:mada:le obai awada:miyana gi
13Guwali dala, da: esesawalida:na kakana lopala kakamite sabedela,
awana nagala lopala apiletedilina ba:kele genama okona dala da: gwanasaweda: edela.
Pa:da:la, ama isala esesawalida:na kakana lopala kakamite tenedela,
na:dowali Godope sosoko palala gisaola edelewamena dala,
ase kon nagala lopalata: adami wi nagala lopalata:
da:dowali Godope genamama alete pa:da: gi a ekediyana.
14Awanale baya awana gi luma danala,
luma Godope awana sabama gaogoda:mina.
Wawana dalata:,
wa gobala edelina luma waelabega iya:ta: danala.
LOD da:dowali Godope genamama awada:mina,
a:pite LOD dima adimada: pakamina.
15 #
Ais 13:6
Ya:ma kadepa malemabega.
Gi ase LODope kadepa a auwapula elelo,
enoba kadepala galabete Kamalinapadila pa:lamalelo.
16Ma:ma gi sa:pe sosoko palala dololo
baya kanika:wa a ta:ewena sa:pe Godope genama gobala,
a:pite sa:kela gita: balela gita: pa:pa dololo.
17Kon tao a sesediwina,
a:i gobala.
Kon alila gegenama a sosawe ediwina,
kon i a ka:ekelete a:ile dowatilila
kon ulama a sesediwina.
18Ka:o a:na:pi adimada:le ededamidili.
Obai gagasida:le daledalele wamidili,
gi ase sa:sa:lena tila a sesediwina,
sip gagasila iya:ta: obai alikikimina enamadili.
19Na: a: dima adimada:lowa, O LOD,
gi ase wa gobana tila sa:sa:lena a ilate oloda:wenana,
a:pite wa gobana i waelabega a ila babalelate oloda:wena.
20Wa gobana wa wai iya:ta: a: dima adimadili,
wa gobana kebane waelabeyagai wi a apada:wana
a:pite ilate a:napa wa gobana sa:sa:lena tila a oloda:wena.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.