Sekal 11
11
1Lebanon a:dowali ogosa gagamu,
ilate a:dowali #11:1 Seda enoba kalekalenapa a:pite gigsanapa i gagi.seda i oloda:malale.
2Wata i, a: adimado, gi ase seda i a dilawena,
sa:sa:lena i sosawe bapi eda:wana.
Basana wana kakaleda:na i da: sabedela,
sa:lenapa da:niyana i a lumate lapoliyana.
3Sip tida:na dalimunu adimada: enamada:la,
obaimunu sa:lenapa tiladanapa wa a sosawe ediyana.
Layonote mamidilina siya da: enamada:la,
Yoden wanapa da:niya a sosawe bapi eyana.
Sip tida:na dala saki
4Ma:ma enoba LOD na:dowali Godote lalelona gilala, dapolamalale wama na:sa:da:miwina sip tiladanapa wama auda:minemela a:mala tila sa:lele nanadele apeda:madili. 5Sip dapola gima wisale aleletedilina luma wisa pa:pa dapilamila, obai a: wama saoda:tedili. Sip kipale gosama ewadeletedilina dala a:nege latedili, LOD ewamena, na: kipale gosa waelabega a alolowamena. Sip tida:na dala sip pa:pa mamanada:minini. 6LODote lalelo, na: amapula ma:ma wana luma pa:pa mamanada:munamalowa. Na: obai waelabeyagai obai ebatala edelina lumata: gwama obaimunu kanabata: dima dapulamalowa. Obaite wa a:ile etominamadili, a:pite obaimunu kamali gobala na: obai pa:pa wama alete saolamalowa.
7Enobala na: lumate dapolamada:le wama aliwina sip wama alete welewamena, enoba mene gobala edelina sip. A:pite na: gabi saki aleda:te obaimunu gagi domonoyamana, etape gagi Nagala gi, a:pite etape gagi Menagimina gi, a:pite na: sip tiladanapa wama alete welewamena. 8A:pite menagi samosola na: sip tida:na salikiliwa wama auda:miyamana.
Sip gagasilate na: ilapala edeliyana, enobala na: obaimunu gima ilapala ete a:negelayamana, 9na: pa:pa gwama da:pe sip tida:napa elamalowa. Da: kaokola iwiminamadelewamena sa:lebega da: kaokolamadelewa, lumate da: sosaweda:minamadilina awapa obai da: sosaweda:minamadili. A:pite mene gite pa:pa atida:malelona menagigida:te eda:dele obaiya obaimunu sesepo naenamadili.
10A:pite na: na:dowali gabi Nagala gagidanapa egete ka:mite, ne bata ete waelabega lumada miyamana gi ka:miyamana. 11Enoba kadepala na: gi ka:miyamana, a:pite alikikimina gobala edelina sip na: tina:dele ya:ma gite enoba LOD dile pa:lelona gi itawa ediyana.
12 #
Ma:t 27:9,10 #
Ma:t 26:15
Na: obai dima a:nege layamana, da: gi awapage lalamadelewamena, da:na: dima wisa ma:la, pa: awapage lalalmadelewamena, dololo. Enobala obai 30 siliba kipale gosana: dima wisa ediyana.
13A:pite LODna: dima a:negelayana, kabuwa a:na:da:mida:napa dalagidima ya:mai kipale gosa ba:ba:mi, enoba obaitena: dima wisa ediwina sa:lenapa wisa lopala. Enobala na: 30 siliba kipale gosa alete wete LODope genama gobama kabuwa a:na:da:mida:napa dima ba:ba:miyana.
14A:pite na: na:dowali eta gabi Menagimina gagidanapa ka:miyamana, enoba gile na: Yudata: Islaelata: obaimunu menagimina gi ka:miyamana.
15A:pite LODotena: dima a:negelayana, daledalenapa sip tida:napape dalagipe oko lopala gwama alo. 16Gi ase na: sip tida:napa dalagi pakaminamalowa obate wama kakoliwina luma pa:pa iwalodolamalelo, gwama kokowabina luma oba pa:pa uluwadolamalelo, gwama apapayadana luma oba pa:pa sa:leda:minamalelo, gwama baya iyawate dapololona luma baya pa:pa dapulamalelo, ameta oba sa:sa:lena sip sepo nanada:le, obaimunu a:i kakaliwi wama ba:ba:minamalelo.
17Uwapanapa sii tida:napa alikikimina egelamalelo,
sip gagasila obate wama na:sa:munotelelo.
Giwa:la gili waisote obape mimiti ya:denapa maita: taota: ta:ta:mina awapa.
Obape maite kaola awapa,
obape mimiti ya:denapa taote kaolale kaola awapa.
Iliyochaguliwa sasa
Sekal 11: GBOTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.
Sekal 11
11
1Lebanon a:dowali ogosa gagamu,
ilate a:dowali #11:1 Seda enoba kalekalenapa a:pite gigsanapa i gagi.seda i oloda:malale.
2Wata i, a: adimado, gi ase seda i a dilawena,
sa:sa:lena i sosawe bapi eda:wana.
Basana wana kakaleda:na i da: sabedela,
sa:lenapa da:niyana i a lumate lapoliyana.
3Sip tida:na dalimunu adimada: enamada:la,
obaimunu sa:lenapa tiladanapa wa a sosawe ediyana.
Layonote mamidilina siya da: enamada:la,
Yoden wanapa da:niya a sosawe bapi eyana.
Sip tida:na dala saki
4Ma:ma enoba LOD na:dowali Godote lalelona gilala, dapolamalale wama na:sa:da:miwina sip tiladanapa wama auda:minemela a:mala tila sa:lele nanadele apeda:madili. 5Sip dapola gima wisale aleletedilina luma wisa pa:pa dapilamila, obai a: wama saoda:tedili. Sip kipale gosama ewadeletedilina dala a:nege latedili, LOD ewamena, na: kipale gosa waelabega a alolowamena. Sip tida:na dala sip pa:pa mamanada:minini. 6LODote lalelo, na: amapula ma:ma wana luma pa:pa mamanada:munamalowa. Na: obai waelabeyagai obai ebatala edelina lumata: gwama obaimunu kanabata: dima dapulamalowa. Obaite wa a:ile etominamadili, a:pite obaimunu kamali gobala na: obai pa:pa wama alete saolamalowa.
7Enobala na: lumate dapolamada:le wama aliwina sip wama alete welewamena, enoba mene gobala edelina sip. A:pite na: gabi saki aleda:te obaimunu gagi domonoyamana, etape gagi Nagala gi, a:pite etape gagi Menagimina gi, a:pite na: sip tiladanapa wama alete welewamena. 8A:pite menagi samosola na: sip tida:na salikiliwa wama auda:miyamana.
Sip gagasilate na: ilapala edeliyana, enobala na: obaimunu gima ilapala ete a:negelayamana, 9na: pa:pa gwama da:pe sip tida:napa elamalowa. Da: kaokola iwiminamadelewamena sa:lebega da: kaokolamadelewa, lumate da: sosaweda:minamadilina awapa obai da: sosaweda:minamadili. A:pite mene gite pa:pa atida:malelona menagigida:te eda:dele obaiya obaimunu sesepo naenamadili.
10A:pite na: na:dowali gabi Nagala gagidanapa egete ka:mite, ne bata ete waelabega lumada miyamana gi ka:miyamana. 11Enoba kadepala na: gi ka:miyamana, a:pite alikikimina gobala edelina sip na: tina:dele ya:ma gite enoba LOD dile pa:lelona gi itawa ediyana.
12 #
Ma:t 27:9,10 #
Ma:t 26:15
Na: obai dima a:nege layamana, da: gi awapage lalamadelewamena, da:na: dima wisa ma:la, pa: awapage lalalmadelewamena, dololo. Enobala obai 30 siliba kipale gosana: dima wisa ediyana.
13A:pite LODna: dima a:negelayana, kabuwa a:na:da:mida:napa dalagidima ya:mai kipale gosa ba:ba:mi, enoba obaitena: dima wisa ediwina sa:lenapa wisa lopala. Enobala na: 30 siliba kipale gosa alete wete LODope genama gobama kabuwa a:na:da:mida:napa dima ba:ba:miyana.
14A:pite na: na:dowali eta gabi Menagimina gagidanapa ka:miyamana, enoba gile na: Yudata: Islaelata: obaimunu menagimina gi ka:miyamana.
15A:pite LODotena: dima a:negelayana, daledalenapa sip tida:napape dalagipe oko lopala gwama alo. 16Gi ase na: sip tida:napa dalagi pakaminamalowa obate wama kakoliwina luma pa:pa iwalodolamalelo, gwama kokowabina luma oba pa:pa uluwadolamalelo, gwama apapayadana luma oba pa:pa sa:leda:minamalelo, gwama baya iyawate dapololona luma baya pa:pa dapulamalelo, ameta oba sa:sa:lena sip sepo nanada:le, obaimunu a:i kakaliwi wama ba:ba:minamalelo.
17Uwapanapa sii tida:napa alikikimina egelamalelo,
sip gagasila obate wama na:sa:munotelelo.
Giwa:la gili waisote obape mimiti ya:denapa maita: taota: ta:ta:mina awapa.
Obape maite kaola awapa,
obape mimiti ya:denapa taote kaolale kaola awapa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.