Sekal 13
13
Sosawe wida:mina gi
1Ya:ma kadepala wi daodo pisa ka:elamalelo Da:ibidipe lumata: Yelusalem baigana lumata:dima, obaimunu sosawe gita: tatali gita: wida:mina gima.
2Ya:ma kadepala, na: wa gobala ididalimunu gagi wama sawada:munamalowa, a:pite luma obai pa:pa gwama iwaledelamadili, LOD Kamalinapate lalelo. Na: wala gilala lada:nata: tatali gi limota: wa gobala wama galada:minamalowa. 3Etate wala gilala ladolamalelona, oba mata tiliyana agita: wawata:, oba dima a:nege lalamadili, a: pa:pa eolamalelo, gi ase a: LODope gagile sewata gilala ladoloyana. Obate wala gilala ladolamalelona tepala, obape wawata: agita:te oba gilile kuluminamadili.
4Ya:ma kadepala wala gilala lada:na dala waelabeyagai obaite inigwile tidiliyana gima pisala edelamadili. Obaite wala gilala lada:na lumate kakaminete diliyana konale lutitiliyana kaliko pa:pa kakaminiyana, luma gasuda:mina gima a:na:pi obai pa: wala gilala lada:na dala. 5Obate a:nege lalamalelo, na: pa: wala gilala lada:napa. Na: enoba egada tilanapa dalagi, na:pe apela kanika: tepale asemite enoba oko gobale elelowa. 6Etate oba anate tilamalelona, a:dowali obe tepana apapaya a:ta:piya, oba ameta a:nege lalamalelo, na:dowali sopodalimunu genamala lumate na: apapaya na:miyana.
Sip tida:napimunu gi babamina gi
7Giwa:la gili, a: sale, na:dowali sip tida:napa lapola gima,
na: auwanapa dalagi lapola gima,
LOD Kamalinapate lalelo.
Da: sip tida:napa lapowamela,
sipite wama kaokosa:mida:madili,
a:pite na: na:dowali maile kokowabina dapolamalowa.
8Wa kabigibega gobala, LODote lalelo,
saki papala lumate dapolale dapolamadili,
ameta salikiliwanapa wa pala gobala lumate edelamadili.
9Ya:ma salikiliwanapa pala gobana luma na: ila gobama alete pa:lamalowa,
lumate siliba ololetedilina gi a:na:pi tatali binida:mada:le na: obai oloda:malowa,
a:pite golod a:na:pi na: obai teteda:te tilamalowa.
Obai na:dowali gagima mamamidiwila
na: obai dima gilala ladolamalowa,
na: a:nege lalamalowa, obai enobai na:dowali luma,
a:pite obai a:nege lalamadili, LOD enoba sa:dowali God.
Iliyochaguliwa sasa
Sekal 13: GBOTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.
Sekal 13
13
Sosawe wida:mina gi
1Ya:ma kadepala wi daodo pisa ka:elamalelo Da:ibidipe lumata: Yelusalem baigana lumata:dima, obaimunu sosawe gita: tatali gita: wida:mina gima.
2Ya:ma kadepala, na: wa gobala ididalimunu gagi wama sawada:munamalowa, a:pite luma obai pa:pa gwama iwaledelamadili, LOD Kamalinapate lalelo. Na: wala gilala lada:nata: tatali gi limota: wa gobala wama galada:minamalowa. 3Etate wala gilala ladolamalelona, oba mata tiliyana agita: wawata:, oba dima a:nege lalamadili, a: pa:pa eolamalelo, gi ase a: LODope gagile sewata gilala ladoloyana. Obate wala gilala ladolamalelona tepala, obape wawata: agita:te oba gilile kuluminamadili.
4Ya:ma kadepala wala gilala lada:na dala waelabeyagai obaite inigwile tidiliyana gima pisala edelamadili. Obaite wala gilala lada:na lumate kakaminete diliyana konale lutitiliyana kaliko pa:pa kakaminiyana, luma gasuda:mina gima a:na:pi obai pa: wala gilala lada:na dala. 5Obate a:nege lalamalelo, na: pa: wala gilala lada:napa. Na: enoba egada tilanapa dalagi, na:pe apela kanika: tepale asemite enoba oko gobale elelowa. 6Etate oba anate tilamalelona, a:dowali obe tepana apapaya a:ta:piya, oba ameta a:nege lalamalelo, na:dowali sopodalimunu genamala lumate na: apapaya na:miyana.
Sip tida:napimunu gi babamina gi
7Giwa:la gili, a: sale, na:dowali sip tida:napa lapola gima,
na: auwanapa dalagi lapola gima,
LOD Kamalinapate lalelo.
Da: sip tida:napa lapowamela,
sipite wama kaokosa:mida:madili,
a:pite na: na:dowali maile kokowabina dapolamalowa.
8Wa kabigibega gobala, LODote lalelo,
saki papala lumate dapolale dapolamadili,
ameta salikiliwanapa wa pala gobala lumate edelamadili.
9Ya:ma salikiliwanapa pala gobana luma na: ila gobama alete pa:lamalowa,
lumate siliba ololetedilina gi a:na:pi tatali binida:mada:le na: obai oloda:malowa,
a:pite golod a:na:pi na: obai teteda:te tilamalowa.
Obai na:dowali gagima mamamidiwila
na: obai dima gilala ladolamalowa,
na: a:nege lalamalowa, obai enobai na:dowali luma,
a:pite obai a:nege lalamadili, LOD enoba sa:dowali God.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.