Sepen 1
1
1Ma:ma enoba LODote Sepenaya dima gwalemonoyana gilala, enoba Kusipe mata, Kusi enoba Gedalayape mata. Gedalaya enoba Amalayape mata, Amalaya enoba Esekayape mata, Amonope mata Yosayate Yuda wala kanaba elaleyala, ma:ma gilala Sepenaya dima pa:yana.
Wate galabe gobama saolamalelona gilala lope kekemiyana gilala
2Na: a:ibaigala lopala waelabega
wama gagamunamalowa,
LODote lalelo.
3Na: lumata: waita: daligile wama lapedolamalowa,
na: sidina puwida: wama lapedolamalowa,
a:pite wasewa gobana mewa wama gagamunamalowa.
Na: luma danamela sosawe gi a:na:da:minina luma dapote binida:minamadili,
na: ma:ma a:ibaigala edilina luma dapolamalowa,
LODote lalelo.
Yuda wama ladoloyana gilala
4Na: Yuda wama na:dowali mai gigiminamalowa,
a:pite Yelusalem wala edilina luma waelabega dima.
Ma:ma wala, na: ba:ilipe na:sa:da:minamadilina gi sosaweda:minamalowa,
enoba pa: giladeletana sosawena guwali dalimunu gagi na: saowada:munamela lumate pa:pa gwama iwaledelamadili.
5Puwite luma genama sidila baoda:te balelaminetedilina,
obaite kadepa sidina ibinata: kadepata: samosota: balelada:minetedili, na: obai dapolamalowa.
A:pite puwite lumate baoda:te LODope gagile gilala ladeletedilina
a:pite Molekepe gagile gwama gilala ladeletedilina na: obai dapolamalowa.
6Gwama puwite LOD baiga lapote na:da:dele,
LOD pa:pa uwaleletedilina lumata: oba pa:pa gwalama:nina lumata:, na: obai sosaweda:minamalowa.
7Sidinapa LODope sososko palala nugunale edela,
gi ase LODope kadepa a auwapula elelo.
LOD a sa:lewena obape luma dapoda:na nagala lopala a:na:pi dapola gima,
obate iwida:miyana luma a wida:mida:na eda:wana.
8 LODope kadepala nagala lopala apilamadilina tepala,
na: kanabape opisol dalata:
a:pite kanabape matata: sosawe gi wisa dapulamalowa,
gwama opa:yana wana lumumunu
kakana lopala kakamina midilina luma iya:ta:.
9Ya:ma kadepala na: ogosa tepana sima,
litata emodilina luma sosaweda:minamalowa,
a:pite obaimunu ididali balelada:mina gegenama
gasumitada: gita: luma dapola kamali gita:le tatawaminina luma dapolamalowa.
10 LODote lalelo, ya:ma kadepala,
Mewa ogosa tepama adimada: siya enamada:madili,
kabiginapa baiga gobanapa sakinapa palale obaite obaimunu mi dapoladele adimadelamadili,
a:pite sakale lopalate nisiselamadilina siyate saoda:madili.
11Sabedela, da: lopala ewada: wala edelewamena luma,
da:dowali lopala ewadilina luma na: dapote binida:minamalowa,
silibale lopala menepe awapamina alilitedilina luma sosawe bapi eda:madili.
12A:ma tepala na: waiki egete Yelusalem baigala luma uluwadolamalowa,
a:pite sosawe a:na:da:mina gi kakamalina luma wisa dapulamalowa,
obaite iwaleleli, LOD eta gi pa:pa a:na:minamalelo,
enoba sa:lenapa gi o sosawenapa gi.
13Obaimunu lopala lumate ilile alelamadili,
obaimunu gegenama lumate titida:minamadili.
Obai gegenama a:na:da:minamadili,
ameta gegenama gobala pa:pa edelamadili,
obai tokobe adami tolamadili,
ameta waen pa:pa nidelamadili.
LODope kabiginapa kadepa gi
14 LODope kabiginapa kadepa a auwapula elelo,
patila pa:la elelo.
Enamada:la. LODope kadepanapa gwanasaweda: gi sokamabega,
kakamalina giwa:lana dalate mamamidelamadili.
15A:ma kadepa ga:o kadepa elamalelo,
alikikiminata: gwanasawedata: kadepa elamalelo,
mene gita: a:pite lumate obai sosaweda:minamadilina kadepa elalamalelo,
wa itite lulila binilamalelo,
itida:na itite wa itiminamadili a:pite wa iti kanabi elamalelo,
16tutuli siyate giladelamadili a:pite lumate giwa:la mamamida:te siya pakakaminamadili
enoba tadana baigama
a:pite ebatana ga:gemida:na kabigida:na gegenama gagasida:ta:.
17A:pite na: lumadima alikikimina egete pa:lamalowa
a:pite obai tao kaokoda:na a:na:pi wamidelamadili,
gi ase obai LODdima sosawe gi a a:na:da:miniyana.
Obaimunu dede pulu a:na:pi wama sasaminamadili
a:pite obaimunu obebete gwa a:na:pi a:ile dowatate ipowadelamadili.
18Obaimunu silibata: gaolodota:,
obaimunu galabe pawada:mina gima pa:pa awapa eda:madili
a:ma LODope ga:o kadepala.
Obape nugu ilate ololamalelona kadepala
wa kabigbega enoba ilate ololamalelo,
oba sela a:yata milamalelo
a:ibaigala edelina luma waelabega dima.
Iliyochaguliwa sasa
Sepen 1: GBOTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.
Sepen 1
1
1Ma:ma enoba LODote Sepenaya dima gwalemonoyana gilala, enoba Kusipe mata, Kusi enoba Gedalayape mata. Gedalaya enoba Amalayape mata, Amalaya enoba Esekayape mata, Amonope mata Yosayate Yuda wala kanaba elaleyala, ma:ma gilala Sepenaya dima pa:yana.
Wate galabe gobama saolamalelona gilala lope kekemiyana gilala
2Na: a:ibaigala lopala waelabega
wama gagamunamalowa,
LODote lalelo.
3Na: lumata: waita: daligile wama lapedolamalowa,
na: sidina puwida: wama lapedolamalowa,
a:pite wasewa gobana mewa wama gagamunamalowa.
Na: luma danamela sosawe gi a:na:da:minina luma dapote binida:minamadili,
na: ma:ma a:ibaigala edilina luma dapolamalowa,
LODote lalelo.
Yuda wama ladoloyana gilala
4Na: Yuda wama na:dowali mai gigiminamalowa,
a:pite Yelusalem wala edilina luma waelabega dima.
Ma:ma wala, na: ba:ilipe na:sa:da:minamadilina gi sosaweda:minamalowa,
enoba pa: giladeletana sosawena guwali dalimunu gagi na: saowada:munamela lumate pa:pa gwama iwaledelamadili.
5Puwite luma genama sidila baoda:te balelaminetedilina,
obaite kadepa sidina ibinata: kadepata: samosota: balelada:minetedili, na: obai dapolamalowa.
A:pite puwite lumate baoda:te LODope gagile gilala ladeletedilina
a:pite Molekepe gagile gwama gilala ladeletedilina na: obai dapolamalowa.
6Gwama puwite LOD baiga lapote na:da:dele,
LOD pa:pa uwaleletedilina lumata: oba pa:pa gwalama:nina lumata:, na: obai sosaweda:minamalowa.
7Sidinapa LODope sososko palala nugunale edela,
gi ase LODope kadepa a auwapula elelo.
LOD a sa:lewena obape luma dapoda:na nagala lopala a:na:pi dapola gima,
obate iwida:miyana luma a wida:mida:na eda:wana.
8 LODope kadepala nagala lopala apilamadilina tepala,
na: kanabape opisol dalata:
a:pite kanabape matata: sosawe gi wisa dapulamalowa,
gwama opa:yana wana lumumunu
kakana lopala kakamina midilina luma iya:ta:.
9Ya:ma kadepala na: ogosa tepana sima,
litata emodilina luma sosaweda:minamalowa,
a:pite obaimunu ididali balelada:mina gegenama
gasumitada: gita: luma dapola kamali gita:le tatawaminina luma dapolamalowa.
10 LODote lalelo, ya:ma kadepala,
Mewa ogosa tepama adimada: siya enamada:madili,
kabiginapa baiga gobanapa sakinapa palale obaite obaimunu mi dapoladele adimadelamadili,
a:pite sakale lopalate nisiselamadilina siyate saoda:madili.
11Sabedela, da: lopala ewada: wala edelewamena luma,
da:dowali lopala ewadilina luma na: dapote binida:minamalowa,
silibale lopala menepe awapamina alilitedilina luma sosawe bapi eda:madili.
12A:ma tepala na: waiki egete Yelusalem baigala luma uluwadolamalowa,
a:pite sosawe a:na:da:mina gi kakamalina luma wisa dapulamalowa,
obaite iwaleleli, LOD eta gi pa:pa a:na:minamalelo,
enoba sa:lenapa gi o sosawenapa gi.
13Obaimunu lopala lumate ilile alelamadili,
obaimunu gegenama lumate titida:minamadili.
Obai gegenama a:na:da:minamadili,
ameta gegenama gobala pa:pa edelamadili,
obai tokobe adami tolamadili,
ameta waen pa:pa nidelamadili.
LODope kabiginapa kadepa gi
14 LODope kabiginapa kadepa a auwapula elelo,
patila pa:la elelo.
Enamada:la. LODope kadepanapa gwanasaweda: gi sokamabega,
kakamalina giwa:lana dalate mamamidelamadili.
15A:ma kadepa ga:o kadepa elamalelo,
alikikiminata: gwanasawedata: kadepa elamalelo,
mene gita: a:pite lumate obai sosaweda:minamadilina kadepa elalamalelo,
wa itite lulila binilamalelo,
itida:na itite wa itiminamadili a:pite wa iti kanabi elamalelo,
16tutuli siyate giladelamadili a:pite lumate giwa:la mamamida:te siya pakakaminamadili
enoba tadana baigama
a:pite ebatana ga:gemida:na kabigida:na gegenama gagasida:ta:.
17A:pite na: lumadima alikikimina egete pa:lamalowa
a:pite obai tao kaokoda:na a:na:pi wamidelamadili,
gi ase obai LODdima sosawe gi a a:na:da:miniyana.
Obaimunu dede pulu a:na:pi wama sasaminamadili
a:pite obaimunu obebete gwa a:na:pi a:ile dowatate ipowadelamadili.
18Obaimunu silibata: gaolodota:,
obaimunu galabe pawada:mina gima pa:pa awapa eda:madili
a:ma LODope ga:o kadepala.
Obape nugu ilate ololamalelona kadepala
wa kabigbega enoba ilate ololamalelo,
oba sela a:yata milamalelo
a:ibaigala edelina luma waelabega dima.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.