Jn 1
1
Lögi Nënnì
1Kì ri cɑ̈gø cøn, Lögø ɑ́bëëd e nud, o Lögø ɑ́ying-ɑ yï Jwøk, o Lögø ɑ́bëëd ɑ́ Jwøk. 2Lögø ɑ́ying-ɑ yï Jwøk kì ri cɑ̈gø cøn. 3Jɑmmì bënn ɑ́gwøg-ɑ ri Lögø, bong gïjø ɑ́kyel kì ri gïg-ɑ ɑ́cwɑ̈j me nuti gwøgø kì ree. 4Lögø ɑ ree ɑ́kɑ̈ɑ̈l yi nënnì, o nënnɑni ɑ́bëëd ɑ́ cɑr kipe dhɑnhø bëne. 5Cɑrɑni ceg-ɑ meny kì yij muudhø, de nuti pɑ̈nyø nɑ̈gø yi muudhø.
6 #
Mt 3.1; Mk 1.4; Lk 3.1-2 Jwøk, jɑlwööne ɑ́öre, jɑlɑni cwøl ɑ́ Jøn. 7Jɑlɑni ɑ́bï-ɑ be köbbi ji kwøbbi cɑrɑni, o ji yïëy gen bënn. 8En kiree nuti bëëdø ɑ́ cɑr, ɑ́bï-ɑ be thyeri kwøbbi cɑr. 9Cɑrɑni, bene cɑr-ɑ dyër, eni cɑr-ɑ bï kömi piny, kɑ dhɑnhø bëne menye.
10Lögø ɑ́ying-ɑ kömi piny, de nuti ngijø yi kömi piny, ngö ɑ́ en ɑ ree ɑ́cwɑ̈ɑ̈j piny bëne. 11Ábï-ɑ pödhe, de ɑ́bɑny yi jie. 12De tyëng-ɑ ɑ́kwɑnyii, ɑ bɑ tyëng-ɑ ɑ́yïëyii, gï ɑ́thödhe ki dyër me göög gen ki nyigi Jwøk. 13Tyëngɑni nuti nywølø kɑ yuu-ɑ nyi nywøøl ji yi wëëg geki mëëg, Jwøk kiree ɑ ɑ́ceg bëëdø ɑ́ wïyi gen.
14Lögø ree ɑ́løge dhɑnhø, kɑ obëëdø kì kellee, e pɑ̈ngø yi dhwɑ̈ng geki dyër. Mɑ̈re ɑ́lidh yi wøn, eni mɑ̈ɑ̈r wɑ̈d Wïy, ɑ bɑ wɑ̈dkyel.
15Pere ɑ́kwøb yi Jøn, kɑ óryeerø kinni, “Bene ngɑn-ɑ ɑ́kømmɑ èn, keny-ɑ ɑ́kööbɑ kinni, ‘Óbï-ɑ bɑngɑ, de pëddi döng kibølɑ, mɑ́ e ɑ́bëëd e nud, yɑ nuti nywølø.’ ”
16Wɑ ɑ́thödhe kì ri dhwɑ̈ng-ɑ pɑ̈ng kì yïe, kɑ wɑ nyi cige thödhø. 17Cigg ɑ́muuj ɑ ri Mosɑ̀ yi Jwøk, de dhwɑ̈ng geki dyër ɑ́kɑ̈ɑ̈l-ɑ ri Yëso Mesiy. 18Bong dhɑnhø mɑ ɑ́pɑ̈nyi Jwøk ki lidhø, de Wɑ̈d Jwøk, ɑ bɑ wɑ̈dkyel, ɑ ying buti Jwøk, bɑ en ɑ ɑ́nyodh Jwøk.
Wöön-ɑ Ákɑ̈lli yi Jøn Jɑljwɑ̈g
(Mt 3.1-12; Mk 1.1-8; Lk 3.1-18)
19Kɑ jɑggi Yeud kì Yerusɑlem öd-ɑ yï Jøn ki ókwër kí Kwɑrri Leebì møg pyëjii kinni, “Yï bɑ men?”
20Jøn nuti bɑ̈nyø ki löggø, de ɑ́kyëëd kinni, “Yɑ pɑth ki Mesiy.”
21 #
Jølø 18.15, 18; Mɑl 4.5 Kɑ gø pyëj gen kinni, “De yï ceg bëëdø yïn ɑ́ men? Yï bɑ Eliyɑ̀?”
Kɑ okyëdø kinni, “Yɑ pɑth ki en.”
Apëjji gen kinni, “Yï bɑ Jɑltöng?”
Kɑ ólöggø kinni, “Yɑ pɑth.”
22Akööb gen kinni, “Adɑ́ köbbí wøn, yï bɑ men? Köbbí wøn, o møgɑni döggi wøn tyëng-ɑ ɑ́ör wøn. Á ngø ɑ kwøb yi yïn kì rií?”
23 #
Icɑ 40.3 (LXX) Jøn ɑ́löggi e kwøb-ɑ møg-ɑ ɑ́töng yi Icɑyɑ̀ kinni,
“Yɑ bɑ cwɑggi ngɑn cwöddi kì pɑ̈l kinni,
Gwøgu yuu-ɑ cyɑ̈dhi yi Wë ɑ́ óbödh.’ ”
24-25Apyëjii yi gen kinni, “De yïde ɑ jwɑ̈ɑ̈g ji, keløg yï pɑth ki Mesiy, wɑlɑ̀ Eliyɑ̀ wɑlɑ̀ jɑltöng?”
26Alöggi Jøn kinni, “Ji jwɑ̈ɑ̈g yi yɑn kɑ pï, de dɑ dhɑnhø me cungi kì kelli wun, me ree kwïj yi wun. 27En ɑ óbï kì bɑngɑ, o yɑ pɑ døøj ki pɑ̈di wɑrre kì tyelle.”
28Møgɑni bënn ɑ́cwöb-ɑ Betɑnì, kì kömi Nɑm Urdun, kì tung-ɑ wɑɑng cyɑ̈ɑ̈ng mwøl, kun-ɑ ɑ́bëëd Jøn e jwɑ̈ɑ̈g-ɑ ji.
Órömi Jwøk
29Kɑ Yëso lidh yi Jøn dhuki, e bï-ɑ yïe. Kɑ Jøn okööbø kinni, “Bene Órömi Jwøk èn, en ɑ ókɑ̈l orøøg piny bëne! 30Men bene ngɑn-ɑ ɑ́kømmi yi yɑn, keny-ɑ ɑ́kööbɑ kinni, ‘Jɑl-ɑ óbï kì bɑngɑ, pëddi döng kibølɑ, mɑ́ e ɑ́bëëd e nud, yɑ nuti nywølø.’ 31Ábëëd e kwïj yi yɑn mɑ løge’ men, de yɑ ɑ́bï yɑ jwɑ̈ɑ̈g-ɑ ji ki pï, kipe kinni, o ngɑnɑni yod yi tyëng Isrɑil.”
32Kɑ Jøn møg-ɑ kømme tönge kinni, “Wëy ɑ́lidhɑ, e bï-ɑ piny ni ɑkur, kɑ pëgg-ɑ köme. 33Ábëëd e kwïj yi yɑn, de ngɑn-ɑ ɑ́ör yɑn be jwɑ̈ɑ̈gi ji ki pï, bɑ en ɑ ɑ́köbbi yɑn kinni, ‘Jɑl-ɑ ólidh yi yïn, e Wëy bï-ɑ köme, bene jɑlɑni. Bene en ɑ ójwɑ̈ɑ̈g ji ki Wëykwërø.’ 34Møgɑni ɑ́rum ki lidhø yi yɑn, o yɑ ceg-ɑ wun ki köbbø cyee kinni, en ɑ bɑ Wɑ̈d Jwøk.”
Jøg-ɑ Ákwöngi ki Løg Bɑng Yëso
35Kì bɑng dhuki e Jøn ócungø geki ɑ́ryew kì kelli jøbɑnge, 36kɑ Yëso lidhe, e kɑ̈l-ɑ buti gen, ɑkööbe kinni, “Órömi Jwøk ɑnɑn!”
37Kɑ møgɑni lïngi yi jøgɑni ryeet, ɑløg gen bɑng Yëso. 38Kɑ Yëso ree luge, kɑ gï lidhe, ge lug-ɑ́ɑ̀ bɑnge, ɑpyëje gïn kinni, “Wu yɑb-ɑ ngø?”
Kɑ ge ólöggø kinni, “Rɑbì, yï bëëd ɑ keny?” (Rɑbì wɑng-ɑ “Jɑlpwönyø.”)
39Kɑ ólöggø kinni, “Bïu, kɑ wu lïdhi wun.” (Piny ɑ́bëëd ɑ́ sɑɑ̀ ɑ́ngwen kì böörø.) Codhe ɑkedh gen, kɑ keny-ɑ bëëd yi en lidh yi gen. Kɑ wøw óyuudhø ge nudd ge ying-ɑ keny-ɑ bëëde.
40Dhɑnhø ɑ́kyel kì kelli ji ɑ́ryew-ɑ ɑ́lïngi kwøbbi Jøn, kɑ løg-ɑ bɑng Yëso, bɑ Andrø ómï Sɑymøn Pïtør. 41Keny-ɑ ɑ́yode Sɑymøn ómen, ɑköbbe gøn kinni, “Mesiy ɑ́yod yi wøn.” 42Akɑ̈ɑ̈le gøn yï Yëso.
Kɑ Yëso nenn-ɑ yïe, ɑkööbe kinni, “Nyingí bɑ Sɑymøn wɑ̈d Jøn, de yï ócwøl yi yɑn yïn ɑ́ Sɑpɑ̀.” (Sɑpɑ̀ wɑng-ɑ Kït)
Cwøli Pïlïp geki Nɑthɑnɑil yi Yëso
43Dhuki e Yëso køm-ɑ kedhi Gɑlelì, ɑyode Pïlïp, kɑ gø köbbe kinni, “Bïí bɑngɑ.” 44Pïlïp ɑ́bëëd ɑ Betsɑidɑ̀, kɑɑl-ɑ́ yije ɑ́kɑ̈ɑ̈l yi Andrø geki Pïtør. 45Ayood Nɑthɑnɑil yi Pïlïp, kɑ gø köbbe kinni, “Ngɑn-ɑ́ pere ɑ́gwed yi Mosɑ̀ kì yethi Cigg, kɑ pere gwed yi jøtöng kì yethi wɑ̈jji gen, ɑ́yod yi wøn. Bɑ Yëso wɑ̈d Yosep kì Nɑdhɑreth.”
46Akööb Nɑthɑnɑil kinni, “Dɑ gïndøj me cuggi kɑ̈ɑ̈l Nɑdhɑreth?”
Aköbbii yi Pïlïp kinni, “Bïí, o yï lïdhí.”
47Keny-ɑ ɑ́liidh Nɑthɑnɑil yi Yëso, e bï-ɑ yïe, ɑkööbe kinni, “Lidhu jɑɑl, bɑ wɑ̈d dyëël Isrɑil kidyër, bong gïn gwɑ̈ɑ̈d kì ree.”
48Apyëjii yi Nɑthɑnɑil kinni, “Yɑ ngɑ̈nyi yi yïn ɑ kun?”
Aløøg møge yi Yëso kinni, “Yï ɑ́lidh yi yɑn keny-ɑ ɑ́bëëd kì thɑ ólɑm, yï nuti cwølø yi Pïlïp.”
49Aköbbii yi Nɑthɑnɑil kinni, “Rɑbì, yï bɑ Wɑ̈d Jwøk, o yï bɑ rɑ̈ɑ̈dh Isrɑil!”
50Akööb Yëso kinni, “Yï yïëy kɑ per kɑ ɑ́köbbɑ yïn kinni, ‘Yï ɑ́lidh yi yɑn yï obëëdø kì thɑ ólɑm?’ Yï ólïdhi ki gïg mø døngø kibøli møgɑni,” 51#Cɑ̈gø 28.12 Aköbbe gïn kinni, “Yɑ köbb-ɑ wun kidyër kinni, mɑl ólidh yi wun ɑ́ ɑyieb, kɑ wëywöddi Jwøk lidh yi wun, ge nyi kedh-ɑ mɑl kɑ ge nyi dwöög-ɑ piny kömi Nyɑɑr Dhɑnhø.”
Iliyochaguliwa sasa
Jn 1: shkDCB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Shilluk DC Bible © Bible Society in South Sudan, 2011.
Jn 1
1
Lögi Nënnì
1Kì ri cɑ̈gø cøn, Lögø ɑ́bëëd e nud, o Lögø ɑ́ying-ɑ yï Jwøk, o Lögø ɑ́bëëd ɑ́ Jwøk. 2Lögø ɑ́ying-ɑ yï Jwøk kì ri cɑ̈gø cøn. 3Jɑmmì bënn ɑ́gwøg-ɑ ri Lögø, bong gïjø ɑ́kyel kì ri gïg-ɑ ɑ́cwɑ̈j me nuti gwøgø kì ree. 4Lögø ɑ ree ɑ́kɑ̈ɑ̈l yi nënnì, o nënnɑni ɑ́bëëd ɑ́ cɑr kipe dhɑnhø bëne. 5Cɑrɑni ceg-ɑ meny kì yij muudhø, de nuti pɑ̈nyø nɑ̈gø yi muudhø.
6 #
Mt 3.1; Mk 1.4; Lk 3.1-2 Jwøk, jɑlwööne ɑ́öre, jɑlɑni cwøl ɑ́ Jøn. 7Jɑlɑni ɑ́bï-ɑ be köbbi ji kwøbbi cɑrɑni, o ji yïëy gen bënn. 8En kiree nuti bëëdø ɑ́ cɑr, ɑ́bï-ɑ be thyeri kwøbbi cɑr. 9Cɑrɑni, bene cɑr-ɑ dyër, eni cɑr-ɑ bï kömi piny, kɑ dhɑnhø bëne menye.
10Lögø ɑ́ying-ɑ kömi piny, de nuti ngijø yi kömi piny, ngö ɑ́ en ɑ ree ɑ́cwɑ̈ɑ̈j piny bëne. 11Ábï-ɑ pödhe, de ɑ́bɑny yi jie. 12De tyëng-ɑ ɑ́kwɑnyii, ɑ bɑ tyëng-ɑ ɑ́yïëyii, gï ɑ́thödhe ki dyër me göög gen ki nyigi Jwøk. 13Tyëngɑni nuti nywølø kɑ yuu-ɑ nyi nywøøl ji yi wëëg geki mëëg, Jwøk kiree ɑ ɑ́ceg bëëdø ɑ́ wïyi gen.
14Lögø ree ɑ́løge dhɑnhø, kɑ obëëdø kì kellee, e pɑ̈ngø yi dhwɑ̈ng geki dyër. Mɑ̈re ɑ́lidh yi wøn, eni mɑ̈ɑ̈r wɑ̈d Wïy, ɑ bɑ wɑ̈dkyel.
15Pere ɑ́kwøb yi Jøn, kɑ óryeerø kinni, “Bene ngɑn-ɑ ɑ́kømmɑ èn, keny-ɑ ɑ́kööbɑ kinni, ‘Óbï-ɑ bɑngɑ, de pëddi döng kibølɑ, mɑ́ e ɑ́bëëd e nud, yɑ nuti nywølø.’ ”
16Wɑ ɑ́thödhe kì ri dhwɑ̈ng-ɑ pɑ̈ng kì yïe, kɑ wɑ nyi cige thödhø. 17Cigg ɑ́muuj ɑ ri Mosɑ̀ yi Jwøk, de dhwɑ̈ng geki dyër ɑ́kɑ̈ɑ̈l-ɑ ri Yëso Mesiy. 18Bong dhɑnhø mɑ ɑ́pɑ̈nyi Jwøk ki lidhø, de Wɑ̈d Jwøk, ɑ bɑ wɑ̈dkyel, ɑ ying buti Jwøk, bɑ en ɑ ɑ́nyodh Jwøk.
Wöön-ɑ Ákɑ̈lli yi Jøn Jɑljwɑ̈g
(Mt 3.1-12; Mk 1.1-8; Lk 3.1-18)
19Kɑ jɑggi Yeud kì Yerusɑlem öd-ɑ yï Jøn ki ókwër kí Kwɑrri Leebì møg pyëjii kinni, “Yï bɑ men?”
20Jøn nuti bɑ̈nyø ki löggø, de ɑ́kyëëd kinni, “Yɑ pɑth ki Mesiy.”
21 #
Jølø 18.15, 18; Mɑl 4.5 Kɑ gø pyëj gen kinni, “De yï ceg bëëdø yïn ɑ́ men? Yï bɑ Eliyɑ̀?”
Kɑ okyëdø kinni, “Yɑ pɑth ki en.”
Apëjji gen kinni, “Yï bɑ Jɑltöng?”
Kɑ ólöggø kinni, “Yɑ pɑth.”
22Akööb gen kinni, “Adɑ́ köbbí wøn, yï bɑ men? Köbbí wøn, o møgɑni döggi wøn tyëng-ɑ ɑ́ör wøn. Á ngø ɑ kwøb yi yïn kì rií?”
23 #
Icɑ 40.3 (LXX) Jøn ɑ́löggi e kwøb-ɑ møg-ɑ ɑ́töng yi Icɑyɑ̀ kinni,
“Yɑ bɑ cwɑggi ngɑn cwöddi kì pɑ̈l kinni,
Gwøgu yuu-ɑ cyɑ̈dhi yi Wë ɑ́ óbödh.’ ”
24-25Apyëjii yi gen kinni, “De yïde ɑ jwɑ̈ɑ̈g ji, keløg yï pɑth ki Mesiy, wɑlɑ̀ Eliyɑ̀ wɑlɑ̀ jɑltöng?”
26Alöggi Jøn kinni, “Ji jwɑ̈ɑ̈g yi yɑn kɑ pï, de dɑ dhɑnhø me cungi kì kelli wun, me ree kwïj yi wun. 27En ɑ óbï kì bɑngɑ, o yɑ pɑ døøj ki pɑ̈di wɑrre kì tyelle.”
28Møgɑni bënn ɑ́cwöb-ɑ Betɑnì, kì kömi Nɑm Urdun, kì tung-ɑ wɑɑng cyɑ̈ɑ̈ng mwøl, kun-ɑ ɑ́bëëd Jøn e jwɑ̈ɑ̈g-ɑ ji.
Órömi Jwøk
29Kɑ Yëso lidh yi Jøn dhuki, e bï-ɑ yïe. Kɑ Jøn okööbø kinni, “Bene Órömi Jwøk èn, en ɑ ókɑ̈l orøøg piny bëne! 30Men bene ngɑn-ɑ ɑ́kømmi yi yɑn, keny-ɑ ɑ́kööbɑ kinni, ‘Jɑl-ɑ óbï kì bɑngɑ, pëddi döng kibølɑ, mɑ́ e ɑ́bëëd e nud, yɑ nuti nywølø.’ 31Ábëëd e kwïj yi yɑn mɑ løge’ men, de yɑ ɑ́bï yɑ jwɑ̈ɑ̈g-ɑ ji ki pï, kipe kinni, o ngɑnɑni yod yi tyëng Isrɑil.”
32Kɑ Jøn møg-ɑ kømme tönge kinni, “Wëy ɑ́lidhɑ, e bï-ɑ piny ni ɑkur, kɑ pëgg-ɑ köme. 33Ábëëd e kwïj yi yɑn, de ngɑn-ɑ ɑ́ör yɑn be jwɑ̈ɑ̈gi ji ki pï, bɑ en ɑ ɑ́köbbi yɑn kinni, ‘Jɑl-ɑ ólidh yi yïn, e Wëy bï-ɑ köme, bene jɑlɑni. Bene en ɑ ójwɑ̈ɑ̈g ji ki Wëykwërø.’ 34Møgɑni ɑ́rum ki lidhø yi yɑn, o yɑ ceg-ɑ wun ki köbbø cyee kinni, en ɑ bɑ Wɑ̈d Jwøk.”
Jøg-ɑ Ákwöngi ki Løg Bɑng Yëso
35Kì bɑng dhuki e Jøn ócungø geki ɑ́ryew kì kelli jøbɑnge, 36kɑ Yëso lidhe, e kɑ̈l-ɑ buti gen, ɑkööbe kinni, “Órömi Jwøk ɑnɑn!”
37Kɑ møgɑni lïngi yi jøgɑni ryeet, ɑløg gen bɑng Yëso. 38Kɑ Yëso ree luge, kɑ gï lidhe, ge lug-ɑ́ɑ̀ bɑnge, ɑpyëje gïn kinni, “Wu yɑb-ɑ ngø?”
Kɑ ge ólöggø kinni, “Rɑbì, yï bëëd ɑ keny?” (Rɑbì wɑng-ɑ “Jɑlpwönyø.”)
39Kɑ ólöggø kinni, “Bïu, kɑ wu lïdhi wun.” (Piny ɑ́bëëd ɑ́ sɑɑ̀ ɑ́ngwen kì böörø.) Codhe ɑkedh gen, kɑ keny-ɑ bëëd yi en lidh yi gen. Kɑ wøw óyuudhø ge nudd ge ying-ɑ keny-ɑ bëëde.
40Dhɑnhø ɑ́kyel kì kelli ji ɑ́ryew-ɑ ɑ́lïngi kwøbbi Jøn, kɑ løg-ɑ bɑng Yëso, bɑ Andrø ómï Sɑymøn Pïtør. 41Keny-ɑ ɑ́yode Sɑymøn ómen, ɑköbbe gøn kinni, “Mesiy ɑ́yod yi wøn.” 42Akɑ̈ɑ̈le gøn yï Yëso.
Kɑ Yëso nenn-ɑ yïe, ɑkööbe kinni, “Nyingí bɑ Sɑymøn wɑ̈d Jøn, de yï ócwøl yi yɑn yïn ɑ́ Sɑpɑ̀.” (Sɑpɑ̀ wɑng-ɑ Kït)
Cwøli Pïlïp geki Nɑthɑnɑil yi Yëso
43Dhuki e Yëso køm-ɑ kedhi Gɑlelì, ɑyode Pïlïp, kɑ gø köbbe kinni, “Bïí bɑngɑ.” 44Pïlïp ɑ́bëëd ɑ Betsɑidɑ̀, kɑɑl-ɑ́ yije ɑ́kɑ̈ɑ̈l yi Andrø geki Pïtør. 45Ayood Nɑthɑnɑil yi Pïlïp, kɑ gø köbbe kinni, “Ngɑn-ɑ́ pere ɑ́gwed yi Mosɑ̀ kì yethi Cigg, kɑ pere gwed yi jøtöng kì yethi wɑ̈jji gen, ɑ́yod yi wøn. Bɑ Yëso wɑ̈d Yosep kì Nɑdhɑreth.”
46Akööb Nɑthɑnɑil kinni, “Dɑ gïndøj me cuggi kɑ̈ɑ̈l Nɑdhɑreth?”
Aköbbii yi Pïlïp kinni, “Bïí, o yï lïdhí.”
47Keny-ɑ ɑ́liidh Nɑthɑnɑil yi Yëso, e bï-ɑ yïe, ɑkööbe kinni, “Lidhu jɑɑl, bɑ wɑ̈d dyëël Isrɑil kidyër, bong gïn gwɑ̈ɑ̈d kì ree.”
48Apyëjii yi Nɑthɑnɑil kinni, “Yɑ ngɑ̈nyi yi yïn ɑ kun?”
Aløøg møge yi Yëso kinni, “Yï ɑ́lidh yi yɑn keny-ɑ ɑ́bëëd kì thɑ ólɑm, yï nuti cwølø yi Pïlïp.”
49Aköbbii yi Nɑthɑnɑil kinni, “Rɑbì, yï bɑ Wɑ̈d Jwøk, o yï bɑ rɑ̈ɑ̈dh Isrɑil!”
50Akööb Yëso kinni, “Yï yïëy kɑ per kɑ ɑ́köbbɑ yïn kinni, ‘Yï ɑ́lidh yi yɑn yï obëëdø kì thɑ ólɑm?’ Yï ólïdhi ki gïg mø døngø kibøli møgɑni,” 51#Cɑ̈gø 28.12 Aköbbe gïn kinni, “Yɑ köbb-ɑ wun kidyër kinni, mɑl ólidh yi wun ɑ́ ɑyieb, kɑ wëywöddi Jwøk lidh yi wun, ge nyi kedh-ɑ mɑl kɑ ge nyi dwöög-ɑ piny kömi Nyɑɑr Dhɑnhø.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Shilluk DC Bible © Bible Society in South Sudan, 2011.