Yokana 3
3
Inganikha iya Yesu ni Nikodemusi
1Aabawo umuraangilisi mutweela, nga bamulaanga bari Nikodemusi, nga ali mu lituuli lye Bafarisaayo naluundi umuraangilisi mu Bayudaaya. 2Shiilo shitweela weetsa isi Yesu, waamuloma ari, “Umuleekeli, khwaamanya khuri iwe umuleekeli uwarumaniwa ni Wele. Khulwekhuuba mbaawo umuundu unyala khuukhola bye kamakaanga byeesi iwe ukhola bino ta, khuurusakho nga Wele ali ni naye.”
3Yesu wamwiilamo ari, “Ilala, ilala, ikhuloma ndi umuundu n'akhasaalibwa kumuluundi kwe khaabili ta, s'anyala khubona Buyiinga bwa Wele ta.”
4Nikodemusi waamureeba ari, “Umuundu umukhulu anyala aryeena khusaalikha luundi? Anyala khukhwiilayo munda ya maayi weewe nio wasaalikha kumuluundi kwe khabili?”
5Yesu waamwiilamo ari, “Ilala ikhuboolela muŋali ndi, akhali nga umuundu wasaalikhile khuubirira mu meetsi n'Umwoyo, s'anyala wenjila mu Buyiinga bwa Wele ta. 6Shishisaalikha khukhwaama mu mibili kye babaandu, shiba shili ni kumubili nga umuundu, ne shishisaalikha khuubirira mu Mwoyo, shiba nga imbewo. 7Shikhakhwiyaangisa ta nga ise n'ikhulomeele iwe ndi, ‘Buli mutweela akhiile khuusaalikha bushaakha.’ 8Imbewo iwuutsa nga itsya buli oosi isi ikanile. Akhaba nga uwulila likono lyayo, ne s'umanya isi ilikho yaama, namwe isi ilikho itsya ta. Nasho shili shitweela busa ni n'oyo yeesi usaalikha nga abirira mu Mwoyo.”
9Nikodemusi waareeba ari, “Isho shinyalikha shiryeena?”
10Yesu waamukobolamo ari, “Ilala, iwe uli umuleekeli mu Isiraeli, ne s'umanya bibiindu bino ta? 11Ikhuwandalasila ilala ndi, ifwe khukanikha khu biindu byeesi khumanyile. Naluundi khuboola khu byeesi khwabona. Ne mbaawo namutweela khusiinywe ufukiilila buurume bweefwe ta. 12Ne isi mushilobela khufukiilila nga nakanikhile isi muli khu bye mu shiibala, munyala muryeena mwafukiilila ni kane imbaboolele khu biindu bye mwikulu? 13Mbaawo uwaniinakho mwikulu ta, khurusakho uyo uweekha khukhwaama mwikulu, nga niye Umwaana w'Omuundu.
14 #
Bala 21.9
“Nga Musa mu mubiimbi n'asuunga angaaki indemu isi babuumba busa, ni musaambo niyo ndweela Umwaana w'Omuundu naye alisuungibwa angaaki. 15Nio buli mutweela yeesi umufukiililamo abe ni bulamu bubukhawawo ta.
16“Ne lwekhuuba Wele akana naabi shiibala, kila awaanayo umwaana weewe natweela yenyene, ari nio buli muundu yeesi umufukiililamo alekhe khuhela ta, ne abe ni bulamu bubukhawawo ta. 17Lwekhuuba Wele s'arumana Umwaana weewe mu shiibala khukhalila shiibala kumusaango ta, ne akhali ndi arumana Umwaana weewe ari awonese shiibala. 18Uyo yeesi ufukiilila mu Mwaana mbaawo ulimukhalila kumusaango ta; ne uyo yeesi ukhafukiilila mu Mwaana ta, baamala khaale khumukhalila kumusaango. Lwekhuuba siwafukiilila mu lisiina ly'Omwaana wa Wele ta.
19“Shishaamilakho kumusaango shili shiri: ikhaba nga buwaanga bwayitsa mu shiibala, babaandu baayokesanisa bari bakana shishiilima khuuminyisa buwaanga. Khulwekhuuba bikholwa byaabwe bili bye bubwoonaki. 20Abo boosi babaakhola bye bubwoonaki sibakana buwaanga ta, naluundi babiiyila buwaanga, khulwekhuuba sibakana bye bubwoonaki byaabwe byamanyikhana ta. 21Ne uyo ukhola bya ŋali, eetsa isi buwaanga, nio byeesi akhola bibonekhele ilala biri byeesi akhola bili ibyo byeesi Wele akana.”
Yesu ni Yokana Umubatisa
22Lwanyuma lwe'byo, Yesu waatsya ni baleekelwa beewe mu shisiintsa she Yuda. Waamenya ibweene iyo, nga abatisa. 23Ne Yokana naye yaba ali i Ayenoni, shishiili aambi ni Salimu, nga abatisa, khulwekhuuba shiifwo isho shabamo kameetsi kamakali. Babaandu bakali baamutsyayo, waababatisa. 24#Mat 14.3; Mako 6.17; Luka 3.19,20Abweene awo abe bashiili khuwaamba Yokana khumura mu mapuusu ta.
25Nga bali awo, khukhaandisana khwabalukhwawo, nga batweela khu baleekelwa ba Yokana bakhaandisana n'Umuyudaaya. Abe balikho bakhaandisana khu bye khukhwipyeluusa. 26Kila batsya isi Yokana bamuloma bari, “Umuleekeli, umuundu uwatsana isi waba ni naye shanjelekha sha Yorudaani, uyo isi wakanikhakho, naye ana ari alikho abatisa. Naluundi babaandu boosi balikho batsya isi niye.”
27Yokana wabeelamo ari, “Mbaawo umuundu yeesi unyala khuuba ni shishiindu ta, akhali nga bashimuweele khukhwaama mwikulu. 28#Yok 1.20Inywe mwabeene muli bajulisi baase, nga ni naloma ndi, ise s'indi niye Kristo ta. Ise narumanibwa khumwinyoowa ibweeni weewe. 29Umusaani ukhweele, aba niye umweene uw'omweha. Ne umusaale w'oyo ukhweele ekhoya naabi, n'ema ambi warekeeresa likono lyooyo ukhweele. Nashiryo ari kumwikhoyo kwase kuli kumwitsufu. 30Niye aakha khukhwiloosela, ne ise naakha khukhwikhilila.”
Uyo uwaama Mwikulu
31Uyo uwaama mwikulu aba ali angaaki a buli shiindu; ne uyo uwaama mu shiibala aba uwe mu shiibala, naluundi akanikha khu bye mu shiibala. Ne uyo uwama mwikulu aba ali angaaki a buli shiindu. 32Niye akanikha khu byeesi aabona naluundi byeesi aawulila, ne she khukhwiyaangisa, mbaawo ufukiilisa byeesi aloma ta. 33Ne uyo ufukiilisa khuuboola khweewe, aba awandalasa ari Wele ali uwa ŋali. 34Khulwekhuuba uyo isi Wele arumana, akanikha bilomo bya Wele, ni Wele aamuwa Umwoyo weewe mu bwitsufu. 35#Mat 11.27; Luka 10.22Paapa akana umwaana weewe, naluundi waamuwaambisa bibiindu byoosi. 36Uyo ufukiilila mu mwaana ali ni buulamu bubukhawawo ta. Ne uyo ukharekeeresa byeesi Umwaana aloma ta, s'alifuna buulamu ta. Khuurusakho ndi, alirama mu shitaambiso shishaama isi Wele.
Iliyochaguliwa sasa
Yokana 3: LPE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Lumasaaba © Bible Society of Uganda, 2016.
Yokana 3
3
Inganikha iya Yesu ni Nikodemusi
1Aabawo umuraangilisi mutweela, nga bamulaanga bari Nikodemusi, nga ali mu lituuli lye Bafarisaayo naluundi umuraangilisi mu Bayudaaya. 2Shiilo shitweela weetsa isi Yesu, waamuloma ari, “Umuleekeli, khwaamanya khuri iwe umuleekeli uwarumaniwa ni Wele. Khulwekhuuba mbaawo umuundu unyala khuukhola bye kamakaanga byeesi iwe ukhola bino ta, khuurusakho nga Wele ali ni naye.”
3Yesu wamwiilamo ari, “Ilala, ilala, ikhuloma ndi umuundu n'akhasaalibwa kumuluundi kwe khaabili ta, s'anyala khubona Buyiinga bwa Wele ta.”
4Nikodemusi waamureeba ari, “Umuundu umukhulu anyala aryeena khusaalikha luundi? Anyala khukhwiilayo munda ya maayi weewe nio wasaalikha kumuluundi kwe khabili?”
5Yesu waamwiilamo ari, “Ilala ikhuboolela muŋali ndi, akhali nga umuundu wasaalikhile khuubirira mu meetsi n'Umwoyo, s'anyala wenjila mu Buyiinga bwa Wele ta. 6Shishisaalikha khukhwaama mu mibili kye babaandu, shiba shili ni kumubili nga umuundu, ne shishisaalikha khuubirira mu Mwoyo, shiba nga imbewo. 7Shikhakhwiyaangisa ta nga ise n'ikhulomeele iwe ndi, ‘Buli mutweela akhiile khuusaalikha bushaakha.’ 8Imbewo iwuutsa nga itsya buli oosi isi ikanile. Akhaba nga uwulila likono lyayo, ne s'umanya isi ilikho yaama, namwe isi ilikho itsya ta. Nasho shili shitweela busa ni n'oyo yeesi usaalikha nga abirira mu Mwoyo.”
9Nikodemusi waareeba ari, “Isho shinyalikha shiryeena?”
10Yesu waamukobolamo ari, “Ilala, iwe uli umuleekeli mu Isiraeli, ne s'umanya bibiindu bino ta? 11Ikhuwandalasila ilala ndi, ifwe khukanikha khu biindu byeesi khumanyile. Naluundi khuboola khu byeesi khwabona. Ne mbaawo namutweela khusiinywe ufukiilila buurume bweefwe ta. 12Ne isi mushilobela khufukiilila nga nakanikhile isi muli khu bye mu shiibala, munyala muryeena mwafukiilila ni kane imbaboolele khu biindu bye mwikulu? 13Mbaawo uwaniinakho mwikulu ta, khurusakho uyo uweekha khukhwaama mwikulu, nga niye Umwaana w'Omuundu.
14 #
Bala 21.9
“Nga Musa mu mubiimbi n'asuunga angaaki indemu isi babuumba busa, ni musaambo niyo ndweela Umwaana w'Omuundu naye alisuungibwa angaaki. 15Nio buli mutweela yeesi umufukiililamo abe ni bulamu bubukhawawo ta.
16“Ne lwekhuuba Wele akana naabi shiibala, kila awaanayo umwaana weewe natweela yenyene, ari nio buli muundu yeesi umufukiililamo alekhe khuhela ta, ne abe ni bulamu bubukhawawo ta. 17Lwekhuuba Wele s'arumana Umwaana weewe mu shiibala khukhalila shiibala kumusaango ta, ne akhali ndi arumana Umwaana weewe ari awonese shiibala. 18Uyo yeesi ufukiilila mu Mwaana mbaawo ulimukhalila kumusaango ta; ne uyo yeesi ukhafukiilila mu Mwaana ta, baamala khaale khumukhalila kumusaango. Lwekhuuba siwafukiilila mu lisiina ly'Omwaana wa Wele ta.
19“Shishaamilakho kumusaango shili shiri: ikhaba nga buwaanga bwayitsa mu shiibala, babaandu baayokesanisa bari bakana shishiilima khuuminyisa buwaanga. Khulwekhuuba bikholwa byaabwe bili bye bubwoonaki. 20Abo boosi babaakhola bye bubwoonaki sibakana buwaanga ta, naluundi babiiyila buwaanga, khulwekhuuba sibakana bye bubwoonaki byaabwe byamanyikhana ta. 21Ne uyo ukhola bya ŋali, eetsa isi buwaanga, nio byeesi akhola bibonekhele ilala biri byeesi akhola bili ibyo byeesi Wele akana.”
Yesu ni Yokana Umubatisa
22Lwanyuma lwe'byo, Yesu waatsya ni baleekelwa beewe mu shisiintsa she Yuda. Waamenya ibweene iyo, nga abatisa. 23Ne Yokana naye yaba ali i Ayenoni, shishiili aambi ni Salimu, nga abatisa, khulwekhuuba shiifwo isho shabamo kameetsi kamakali. Babaandu bakali baamutsyayo, waababatisa. 24#Mat 14.3; Mako 6.17; Luka 3.19,20Abweene awo abe bashiili khuwaamba Yokana khumura mu mapuusu ta.
25Nga bali awo, khukhaandisana khwabalukhwawo, nga batweela khu baleekelwa ba Yokana bakhaandisana n'Umuyudaaya. Abe balikho bakhaandisana khu bye khukhwipyeluusa. 26Kila batsya isi Yokana bamuloma bari, “Umuleekeli, umuundu uwatsana isi waba ni naye shanjelekha sha Yorudaani, uyo isi wakanikhakho, naye ana ari alikho abatisa. Naluundi babaandu boosi balikho batsya isi niye.”
27Yokana wabeelamo ari, “Mbaawo umuundu yeesi unyala khuuba ni shishiindu ta, akhali nga bashimuweele khukhwaama mwikulu. 28#Yok 1.20Inywe mwabeene muli bajulisi baase, nga ni naloma ndi, ise s'indi niye Kristo ta. Ise narumanibwa khumwinyoowa ibweeni weewe. 29Umusaani ukhweele, aba niye umweene uw'omweha. Ne umusaale w'oyo ukhweele ekhoya naabi, n'ema ambi warekeeresa likono lyooyo ukhweele. Nashiryo ari kumwikhoyo kwase kuli kumwitsufu. 30Niye aakha khukhwiloosela, ne ise naakha khukhwikhilila.”
Uyo uwaama Mwikulu
31Uyo uwaama mwikulu aba ali angaaki a buli shiindu; ne uyo uwaama mu shiibala aba uwe mu shiibala, naluundi akanikha khu bye mu shiibala. Ne uyo uwama mwikulu aba ali angaaki a buli shiindu. 32Niye akanikha khu byeesi aabona naluundi byeesi aawulila, ne she khukhwiyaangisa, mbaawo ufukiilisa byeesi aloma ta. 33Ne uyo ufukiilisa khuuboola khweewe, aba awandalasa ari Wele ali uwa ŋali. 34Khulwekhuuba uyo isi Wele arumana, akanikha bilomo bya Wele, ni Wele aamuwa Umwoyo weewe mu bwitsufu. 35#Mat 11.27; Luka 10.22Paapa akana umwaana weewe, naluundi waamuwaambisa bibiindu byoosi. 36Uyo ufukiilila mu mwaana ali ni buulamu bubukhawawo ta. Ne uyo ukharekeeresa byeesi Umwaana aloma ta, s'alifuna buulamu ta. Khuurusakho ndi, alirama mu shitaambiso shishaama isi Wele.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Lumasaaba © Bible Society of Uganda, 2016.