Yokana 6
6
Yesu aliisa babaandu bikana biraano
(Matayo 14.13-21; Mako 6.30-44; Luka 9.10-17)
1Lwanyuma lw'ebyo, Yesu waambukha waatsya injelekha we nyaantsa Galilaaya, isi balaanga bari Tiberiya. 2Babaandu bakali baamuloondakho, khulwekhuuba abe baaboone bye kamakaanga bye khuuwonisa balwaale, byeesi Yesu aakhola. 3Yesu waniina khu lukiingi wekhala iyo ni baleekelwa beewe. 4Ne Kamayiiya ke Bayudaaya ke Khuubirakho abe kali aambi khukhwoola.
5Yesu n'enyusa tsimoni waabona babaandu bakali nga beetsa is'ali. Kila areeba Filipo ari, “Kane khukule waheena biilyo bibinyala byaliisa babaandu bano boosi?” 6Aaloma aryo khuukhakilisa Filipo, khulwekhuuba abe niye umweene waamanyile sheesi atsya khukhola.
7Filipo wamwiilamo ari, “Khuunyalisa buli mutweela khuulyakho khakhaandu khakhaba khakyeekhe khari, kane shiyile tsidinari tsitsoola nga bitoondo bibili nio biilyo bimale.”
8Mutweela khu baleekelwa ba Yesu, ulaangibwa Andereya, nga niye wandaaye uwa Simoni Petero, waaloma ari, 9“Iliwo ano umusoleeli mutweela uli ni kimikaati kye ŋaano kiraano, ni tsinyeeni tsibili. Ne khu baandu bano boosi, bino kane bikhole shiina?”
10Yesu waaloma ari, “Ni mulomele babaandu bekhale aasi.” Khulwekhuuba abawo bunyaasi bukali mu shisiintsa isho. Babekhala aasi abe boolesa nga basaani bikana biraano. 11Lwanyuma Yesu wabukula kimikaati ikyo, wakiloombela tsikhabi. Nga waamalile, wakikabila babaaba bekhaale aasi. Wakhola shitweela ni tsinyeeni khukhwoolisa boosi baalya bekura nga ni bakana.
12Ne boosi ni baamala khuulya bekura, Yesu waalomela baleekelwa beewe ari, “Ni mubuusanise buubuya buburamiilekho, nio alekhe khubawo shishiindu shoosi shishonekha ta.” 13Baryo baabuusanisa buubuya, betsusa bibiipo liikhumi na bibili.
14Babaandu babaabawo ni baabona khaabonelo khe kamakaanga khano kheesi Yesu aakhola baaloma bari, “Ilala, oyuno niye umuŋoosi isi abe khuliindiilila khukhwiitsa mu shiibala.” 15Ne Yesu n'ashimanya ari baneetsa bamuwaambe ni kamaani bamwikyese umuyiinga, waabarurakho wilooselayo luundi yenyene, waatsya mu ngoongo.
Yesu akyeendela khu meetsi
(Matayo 14.22-33; Mako 6.45-52)
16Imbuka ni yoola iye angoloobe, baleekelwa beewe beekha, baatsya khu nyaantsa. 17Baniina mu likhoŋolo, baatsya bambukha i Kaperunaumu. Antsye abe bwilabuule, ne Yesu abe ashiili khukhwoola isi bali ta. 18Abweene awo abe inyaantsa yananikhile khukululukha, khulwekhuuba abe imbewo ilikho iwuutsa ingali.
19Ne ni baaba nga batsiile ni likhoŋolo khumala tsi kilomita nga tsitaru namwe tsine, babona Yesu nga akyeendela khu meetsi nga etsa aambi ni likhoŋolo. Buuri bwabawaamba. 20Ne Yesu waabaloma ari, “Mukharya ta. Ise niye uwiitsa.” 21Bakana bari engile mu likhoŋolo, ne lubaluba lyoola shanjelekha khu lwoomu abe isi balikho batsya.
Babaandu baweentsa Yesu
22Ne ni bwasha kumutikhinyi, babaandu babaaba isi likhoŋolo lyaama nio lyambukhe shanjelekha, bashebulila bari abawo likhoŋolo litweela lyonyene. Naluundi bashebulila bari Yesu s'atsiilamo atweela ni baleekelwa beewe ta, akhali nibo baatsya bonyene. 23Akhali ndi abawo kamakhoŋolo kakaandi kakaama i Tiberiya, keetsa khu ndulo khwe nyaantsa, aambi ni mu shifwo mweesi baaliila kimikaati, kyeesi abe Umukasya amalile khuloombela ikhabi. 24Nashiryo ni baabona bari Yesu s'aliyo ta, akhaba baleekelwa beewe, babaandu baniina mu makhoŋolo baatsya i Kaperunaumu, nga baweentsa Yesu.
Yesu niye biilyo bye buulamu
25Ne babaandu ni banyoola Yesu shanjelekha we inyaantsa, bamureeba bari, “Umuleekeli, woolile ino liina?”
26Yesu waabilamo ari, “Ilala, ise imbaboolela ndi, simulikho mumeentsa khulwekhuuba mwabona bye kamakaanga ta. Ne akhali ndi khulwekhuuba mwalya kimikaati mwekura. 27Mukhamalila kamaani khu biilyo bibibola ta, ne akhali ndi ni mumalile kamaani khu biilyo bibikhawawo bye buulamu bubukhawawo ta. Ibyo nibyo byeesi kane Umwaana w'Omuundu abawe. Khulwekhuuba umweene uyo wamala khufukiilisibwa ni Wele Paapa.”
28Nio baamureeba bari, “Kane khukhole khuryeena, nio khube nga khwoolelesile isho sheesi Wele akana khukhole?”
29Yesu wabeelamo ari, “Sheesi Wele akana mukhole, nikhwo khufukiilila muuyo isi amala khurumana.”
30Kila bamureeba bari, “Khabonelo shiina kheesi kane ukhole khubone, nio khukhufukiililemo? Unakhola khabonelo khe kamakaanga shiina? 31#Luky 16.4,15; Zab 78.24Bakuuka beefwe nga bali mu mubiimbi, baalya maanu, nga ni sharonebwa mu byaronebwa bikhosefu shiri, ‘Aabawa biilyo khukhwaama mwikulu ari balye.’ ”
32Yesu wabeelamo ari, “Ilala, ilala, imbaboolela ndi s'ali Musa niye uwabawa biilyo khukhwaama mwikulu ta, akhali ndi Paapa wase niye uwabawa biilyo bya ŋali bibyaama mwikulu. 33Khulwekhuuba biilyo byeesi Wele abawa nibyo ibyo bibiikha aasi khukhwaama mwikulu, naluundi byareera buulamu mu shiibala.”
34Nabo baamwiilamo bari, “Umukasya, n'ukhuwaatsake ifwe biilyo ibyo busheele.”
35Yesu waabaloma ari, “Ise nibyo biilyo bye buulamu. Uyo yeesi uwiitsa isi ise ndi, intsala s'ili mulya ta. Naluundi uyo ufukiilila mus'iise, bulesa sibulimulya ta. 36Nga ise n'imbaboleele inywe, akhaba nga mwamboone, ne shitweela busa simukana khufukiilila mus'iise ta. 37Buli uyo yeesi isi Paapa amba kane etse is'indi. Ne uyo yeesi uwiitsa is'indi, nase imwakaanila. 38Khulwekhuuba ise sineekha khukhwaama mwikulu khukhola byeesi samweene ingana ta, ne akhali khukhola by'oyo uwanduma, byeesi akana. 39Uwanduma sheesi akana nisho shino: ari ikhakosaasakho na mutweela kh'ubo beesi amba ta. Ne akhali ari imbalamuse boosi khu shifukhu shimaliilisi. 40Khulwekhuuba shino nisho sheesi Paapa wase akana, ari buli muundu yeesi ubona Umwaana naluundi wamufukiilila, ari abe ni bulamu bubukhawawo ta. Ni nase indimulamusa khu shifukhu shimaliilisi.”
41Shino shaakila Bayudaaya beŋuluŋuunya, bari lwekhuuba abe Yesu walomile ari, “Ise niye biilyo bibyaama mwikulu byeetsa aasi.” 42Kila baloma bari, “Uyuno s'ali Yesu, umwaana uwa Yusufu? Sikhwaamanya paapa weewe ni maayi weewe? Ari anyala aryeena waaloma ari ekha aasi khukhwaama mwikulu?”
43Yesu waabeelamo ari, “Mukheŋuluŋuunya mwenyene na mwenyene ta. 44Mbaawo umuundu unyala khukhwiitsa is'indi ta, khurusakho nga paapa uwanduma wamureerire is'indi. Ni nase indilamusa umuundu uyo khu shifukhu shimaliilisi. 45#Isay 54.13Baŋoosi baarona bari, ‘Wele alibaleekela boosi.’ Buli muundu yeesi urekeeresa, naluundi weyika khukhwaama khu paapa, etsa is'indi. 46Ne s'ili bari iliwo uwabonakho khu Paapa ta, khurusakho uyo uwama isi Wele, uyo niye waabonakho Paapa. 47Ilala, imbaboolela ndi uyo ufukiilila, ali ni bulamu bubukhawawo ta. 48Ise indi biilyo bibireera buulamu. 49Akhaba nga baakuuka beenywe nga bali mu mubiimbi baalya maanu, ne bakyelawo baafwa. 50Ne bino nibyo biilyo bibiikha aasi khukhwaama mwikulu, nio buli muundu yeesi ubilyakho alekhe khufwa ta. 51Ise indi biilyo bibireera buulamu, bibyeekha aasi khukhwaama mwikulu. Umuundu yeesi ni kane alye khu biilyo bino, kane abe umulamu biilo ni biilo. Naluundi biilyo byeesi kane imbe shiibala nio akile shibe ni bulamu, nikwo kumubili kwase.”
52Ni abweene awo abalukhawo khukhaandisana akari e Bayudaaya boonyene na boonyene nga baloma bari, “Umusaani uyu anyala aryeena khukhuwa ifwe kumubili kweewe ari khulye?”
53Yesu waabaloma ari, “Ilala, ilala, imbaboolela ndi ni mulekha khuulya kumubili kw'Omwaana w'Omuundu, mwalekha ni khuunywa kamafuki keewe, singene mube ni bulamu mus'iinywe ta. 54Uyo yeesi ulya kumubili kwase, wanywa ni kamafuki kaase, aliba ni bulamu bubukhawawo ta, ni nase indimwinyusa ekyele umulamu khu shifukhu shimaliilisi. 55Khulwekhuuba kumubili kwase kuli biilyo bya ŋali, ni kamafuki kaase niko she khuunywa sha ŋali. 56Umuundu ulya kumubili kwase, wanywa ni kamafuki kaase, aba amenya mus'iise, ni nase imba imenya mu niye. 57Nga ise n'indi umulamu khulwekhuuba Paapa uwanduma ali umulamu, aryo naye umuundu ulya kumubili kwase aliba umulamu khu lwase. 58Nashiryo bino nibyo biilyo bibyeekha aasi khukhwaama mwikulu. Sibili nga byeesi baakuuka beenywe baalya ta. Khulwekhuuba bakyelawo baafwa. Ne uyo ulya khu biilyo bino, aliiba umulamu biilo ni biilo.”
59Bino Yesu abilomela i Kaperunaumu, nga ali mu ntsu iye khukhwisaayilamo aleekela.
Bilomo bye buulamu bubuukhawawo ta
60Bakali khu baleekelwa beewe ni baawulila bino, kila baloma bari, “Khuuleekela khuno khuli khwe saambo imaangafu naabi. Naanu unyala khuurekeeresa bino?”
61Ne akhaba nga mbaawo uwaboolela Yesu ta, ne umweene waamanya busa ari baleekelwa beewe balikho beŋuluŋuunya khu shiindu shino. Kila abalomela ari, “Shisheene isho shonyene shaabamalilemo kamaani? 62Ne siinga mubona Umwaana w'Omuundu nga aniina atsya isi aaba makiboole? 63Umwoyo uwa Wele niye ukaba buulamu; khulwekhuuba kamaani ke kumubili kw'omuundu mbaawo sheesi kakhola ta. Bino byeesi imbaboolela bireera Umwoyo uwa Wele, naluundi bireera buulamu. 64Ne iliwo batweela khus'inywe babaakhafukiilila ta.” Khulwekhuuba Yesu aamanyilawo khukhwaama makiboole abo babaakhafukiilila ta, akhaba ni n'oyo abe wutsya khumulyamo luwomelo.
65Yesu waabalomela ari, “Shishikilile kila imbaboolela ndi, mbaawo umuundu na mutweela unyala khukhwiitsa is'indi ta, khurusakho nga Paapa wamunyalisiile khushikhola.”
66Khulwe shisheene isho, khukhwaama abweene awo, bakali khu baleekelwa beewe bamururakho, balekha khukyendatsaka ni naye luundi ta. 67Lwanyuma Yesu wareeba liikhumi na babili ari, “Ne inywe? Ni nanywe mukana khuutsya?”
68 #
Mat 16.16; Mako 8.29; Luka 9.20 Simoni Petero wamukobolamo ari, “Umukasya, ne ndi khuba khuutsya isi naanu? Bona iwe uli ni bilomo bibireera buulamu bubukhawawo ta. 69Naluundi ifwe khwafukiilile nga khumanya khuri iwe Umukhosefu uwama isi Wele.”
70Yesu welamo ari, “S'ali ise samweene niye uwabarobola inywe liikhumi na babili? Ne mutweela khus'inywe ali Sitaani.” 71Yesu aba akanikha khu Yuda, umwaana wa Simoni Isikalyoti. Khulwekhuuba akhaba nga aba mutweela khu liikhumi na babili, abe niye wutsya khulya mu Yesu luwomelo.
Iliyochaguliwa sasa
Yokana 6: LPE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Lumasaaba © Bible Society of Uganda, 2016.
Yokana 6
6
Yesu aliisa babaandu bikana biraano
(Matayo 14.13-21; Mako 6.30-44; Luka 9.10-17)
1Lwanyuma lw'ebyo, Yesu waambukha waatsya injelekha we nyaantsa Galilaaya, isi balaanga bari Tiberiya. 2Babaandu bakali baamuloondakho, khulwekhuuba abe baaboone bye kamakaanga bye khuuwonisa balwaale, byeesi Yesu aakhola. 3Yesu waniina khu lukiingi wekhala iyo ni baleekelwa beewe. 4Ne Kamayiiya ke Bayudaaya ke Khuubirakho abe kali aambi khukhwoola.
5Yesu n'enyusa tsimoni waabona babaandu bakali nga beetsa is'ali. Kila areeba Filipo ari, “Kane khukule waheena biilyo bibinyala byaliisa babaandu bano boosi?” 6Aaloma aryo khuukhakilisa Filipo, khulwekhuuba abe niye umweene waamanyile sheesi atsya khukhola.
7Filipo wamwiilamo ari, “Khuunyalisa buli mutweela khuulyakho khakhaandu khakhaba khakyeekhe khari, kane shiyile tsidinari tsitsoola nga bitoondo bibili nio biilyo bimale.”
8Mutweela khu baleekelwa ba Yesu, ulaangibwa Andereya, nga niye wandaaye uwa Simoni Petero, waaloma ari, 9“Iliwo ano umusoleeli mutweela uli ni kimikaati kye ŋaano kiraano, ni tsinyeeni tsibili. Ne khu baandu bano boosi, bino kane bikhole shiina?”
10Yesu waaloma ari, “Ni mulomele babaandu bekhale aasi.” Khulwekhuuba abawo bunyaasi bukali mu shisiintsa isho. Babekhala aasi abe boolesa nga basaani bikana biraano. 11Lwanyuma Yesu wabukula kimikaati ikyo, wakiloombela tsikhabi. Nga waamalile, wakikabila babaaba bekhaale aasi. Wakhola shitweela ni tsinyeeni khukhwoolisa boosi baalya bekura nga ni bakana.
12Ne boosi ni baamala khuulya bekura, Yesu waalomela baleekelwa beewe ari, “Ni mubuusanise buubuya buburamiilekho, nio alekhe khubawo shishiindu shoosi shishonekha ta.” 13Baryo baabuusanisa buubuya, betsusa bibiipo liikhumi na bibili.
14Babaandu babaabawo ni baabona khaabonelo khe kamakaanga khano kheesi Yesu aakhola baaloma bari, “Ilala, oyuno niye umuŋoosi isi abe khuliindiilila khukhwiitsa mu shiibala.” 15Ne Yesu n'ashimanya ari baneetsa bamuwaambe ni kamaani bamwikyese umuyiinga, waabarurakho wilooselayo luundi yenyene, waatsya mu ngoongo.
Yesu akyeendela khu meetsi
(Matayo 14.22-33; Mako 6.45-52)
16Imbuka ni yoola iye angoloobe, baleekelwa beewe beekha, baatsya khu nyaantsa. 17Baniina mu likhoŋolo, baatsya bambukha i Kaperunaumu. Antsye abe bwilabuule, ne Yesu abe ashiili khukhwoola isi bali ta. 18Abweene awo abe inyaantsa yananikhile khukululukha, khulwekhuuba abe imbewo ilikho iwuutsa ingali.
19Ne ni baaba nga batsiile ni likhoŋolo khumala tsi kilomita nga tsitaru namwe tsine, babona Yesu nga akyeendela khu meetsi nga etsa aambi ni likhoŋolo. Buuri bwabawaamba. 20Ne Yesu waabaloma ari, “Mukharya ta. Ise niye uwiitsa.” 21Bakana bari engile mu likhoŋolo, ne lubaluba lyoola shanjelekha khu lwoomu abe isi balikho batsya.
Babaandu baweentsa Yesu
22Ne ni bwasha kumutikhinyi, babaandu babaaba isi likhoŋolo lyaama nio lyambukhe shanjelekha, bashebulila bari abawo likhoŋolo litweela lyonyene. Naluundi bashebulila bari Yesu s'atsiilamo atweela ni baleekelwa beewe ta, akhali nibo baatsya bonyene. 23Akhali ndi abawo kamakhoŋolo kakaandi kakaama i Tiberiya, keetsa khu ndulo khwe nyaantsa, aambi ni mu shifwo mweesi baaliila kimikaati, kyeesi abe Umukasya amalile khuloombela ikhabi. 24Nashiryo ni baabona bari Yesu s'aliyo ta, akhaba baleekelwa beewe, babaandu baniina mu makhoŋolo baatsya i Kaperunaumu, nga baweentsa Yesu.
Yesu niye biilyo bye buulamu
25Ne babaandu ni banyoola Yesu shanjelekha we inyaantsa, bamureeba bari, “Umuleekeli, woolile ino liina?”
26Yesu waabilamo ari, “Ilala, ise imbaboolela ndi, simulikho mumeentsa khulwekhuuba mwabona bye kamakaanga ta. Ne akhali ndi khulwekhuuba mwalya kimikaati mwekura. 27Mukhamalila kamaani khu biilyo bibibola ta, ne akhali ndi ni mumalile kamaani khu biilyo bibikhawawo bye buulamu bubukhawawo ta. Ibyo nibyo byeesi kane Umwaana w'Omuundu abawe. Khulwekhuuba umweene uyo wamala khufukiilisibwa ni Wele Paapa.”
28Nio baamureeba bari, “Kane khukhole khuryeena, nio khube nga khwoolelesile isho sheesi Wele akana khukhole?”
29Yesu wabeelamo ari, “Sheesi Wele akana mukhole, nikhwo khufukiilila muuyo isi amala khurumana.”
30Kila bamureeba bari, “Khabonelo shiina kheesi kane ukhole khubone, nio khukhufukiililemo? Unakhola khabonelo khe kamakaanga shiina? 31#Luky 16.4,15; Zab 78.24Bakuuka beefwe nga bali mu mubiimbi, baalya maanu, nga ni sharonebwa mu byaronebwa bikhosefu shiri, ‘Aabawa biilyo khukhwaama mwikulu ari balye.’ ”
32Yesu wabeelamo ari, “Ilala, ilala, imbaboolela ndi s'ali Musa niye uwabawa biilyo khukhwaama mwikulu ta, akhali ndi Paapa wase niye uwabawa biilyo bya ŋali bibyaama mwikulu. 33Khulwekhuuba biilyo byeesi Wele abawa nibyo ibyo bibiikha aasi khukhwaama mwikulu, naluundi byareera buulamu mu shiibala.”
34Nabo baamwiilamo bari, “Umukasya, n'ukhuwaatsake ifwe biilyo ibyo busheele.”
35Yesu waabaloma ari, “Ise nibyo biilyo bye buulamu. Uyo yeesi uwiitsa isi ise ndi, intsala s'ili mulya ta. Naluundi uyo ufukiilila mus'iise, bulesa sibulimulya ta. 36Nga ise n'imbaboleele inywe, akhaba nga mwamboone, ne shitweela busa simukana khufukiilila mus'iise ta. 37Buli uyo yeesi isi Paapa amba kane etse is'indi. Ne uyo yeesi uwiitsa is'indi, nase imwakaanila. 38Khulwekhuuba ise sineekha khukhwaama mwikulu khukhola byeesi samweene ingana ta, ne akhali khukhola by'oyo uwanduma, byeesi akana. 39Uwanduma sheesi akana nisho shino: ari ikhakosaasakho na mutweela kh'ubo beesi amba ta. Ne akhali ari imbalamuse boosi khu shifukhu shimaliilisi. 40Khulwekhuuba shino nisho sheesi Paapa wase akana, ari buli muundu yeesi ubona Umwaana naluundi wamufukiilila, ari abe ni bulamu bubukhawawo ta. Ni nase indimulamusa khu shifukhu shimaliilisi.”
41Shino shaakila Bayudaaya beŋuluŋuunya, bari lwekhuuba abe Yesu walomile ari, “Ise niye biilyo bibyaama mwikulu byeetsa aasi.” 42Kila baloma bari, “Uyuno s'ali Yesu, umwaana uwa Yusufu? Sikhwaamanya paapa weewe ni maayi weewe? Ari anyala aryeena waaloma ari ekha aasi khukhwaama mwikulu?”
43Yesu waabeelamo ari, “Mukheŋuluŋuunya mwenyene na mwenyene ta. 44Mbaawo umuundu unyala khukhwiitsa is'indi ta, khurusakho nga paapa uwanduma wamureerire is'indi. Ni nase indilamusa umuundu uyo khu shifukhu shimaliilisi. 45#Isay 54.13Baŋoosi baarona bari, ‘Wele alibaleekela boosi.’ Buli muundu yeesi urekeeresa, naluundi weyika khukhwaama khu paapa, etsa is'indi. 46Ne s'ili bari iliwo uwabonakho khu Paapa ta, khurusakho uyo uwama isi Wele, uyo niye waabonakho Paapa. 47Ilala, imbaboolela ndi uyo ufukiilila, ali ni bulamu bubukhawawo ta. 48Ise indi biilyo bibireera buulamu. 49Akhaba nga baakuuka beenywe nga bali mu mubiimbi baalya maanu, ne bakyelawo baafwa. 50Ne bino nibyo biilyo bibiikha aasi khukhwaama mwikulu, nio buli muundu yeesi ubilyakho alekhe khufwa ta. 51Ise indi biilyo bibireera buulamu, bibyeekha aasi khukhwaama mwikulu. Umuundu yeesi ni kane alye khu biilyo bino, kane abe umulamu biilo ni biilo. Naluundi biilyo byeesi kane imbe shiibala nio akile shibe ni bulamu, nikwo kumubili kwase.”
52Ni abweene awo abalukhawo khukhaandisana akari e Bayudaaya boonyene na boonyene nga baloma bari, “Umusaani uyu anyala aryeena khukhuwa ifwe kumubili kweewe ari khulye?”
53Yesu waabaloma ari, “Ilala, ilala, imbaboolela ndi ni mulekha khuulya kumubili kw'Omwaana w'Omuundu, mwalekha ni khuunywa kamafuki keewe, singene mube ni bulamu mus'iinywe ta. 54Uyo yeesi ulya kumubili kwase, wanywa ni kamafuki kaase, aliba ni bulamu bubukhawawo ta, ni nase indimwinyusa ekyele umulamu khu shifukhu shimaliilisi. 55Khulwekhuuba kumubili kwase kuli biilyo bya ŋali, ni kamafuki kaase niko she khuunywa sha ŋali. 56Umuundu ulya kumubili kwase, wanywa ni kamafuki kaase, aba amenya mus'iise, ni nase imba imenya mu niye. 57Nga ise n'indi umulamu khulwekhuuba Paapa uwanduma ali umulamu, aryo naye umuundu ulya kumubili kwase aliba umulamu khu lwase. 58Nashiryo bino nibyo biilyo bibyeekha aasi khukhwaama mwikulu. Sibili nga byeesi baakuuka beenywe baalya ta. Khulwekhuuba bakyelawo baafwa. Ne uyo ulya khu biilyo bino, aliiba umulamu biilo ni biilo.”
59Bino Yesu abilomela i Kaperunaumu, nga ali mu ntsu iye khukhwisaayilamo aleekela.
Bilomo bye buulamu bubuukhawawo ta
60Bakali khu baleekelwa beewe ni baawulila bino, kila baloma bari, “Khuuleekela khuno khuli khwe saambo imaangafu naabi. Naanu unyala khuurekeeresa bino?”
61Ne akhaba nga mbaawo uwaboolela Yesu ta, ne umweene waamanya busa ari baleekelwa beewe balikho beŋuluŋuunya khu shiindu shino. Kila abalomela ari, “Shisheene isho shonyene shaabamalilemo kamaani? 62Ne siinga mubona Umwaana w'Omuundu nga aniina atsya isi aaba makiboole? 63Umwoyo uwa Wele niye ukaba buulamu; khulwekhuuba kamaani ke kumubili kw'omuundu mbaawo sheesi kakhola ta. Bino byeesi imbaboolela bireera Umwoyo uwa Wele, naluundi bireera buulamu. 64Ne iliwo batweela khus'inywe babaakhafukiilila ta.” Khulwekhuuba Yesu aamanyilawo khukhwaama makiboole abo babaakhafukiilila ta, akhaba ni n'oyo abe wutsya khumulyamo luwomelo.
65Yesu waabalomela ari, “Shishikilile kila imbaboolela ndi, mbaawo umuundu na mutweela unyala khukhwiitsa is'indi ta, khurusakho nga Paapa wamunyalisiile khushikhola.”
66Khulwe shisheene isho, khukhwaama abweene awo, bakali khu baleekelwa beewe bamururakho, balekha khukyendatsaka ni naye luundi ta. 67Lwanyuma Yesu wareeba liikhumi na babili ari, “Ne inywe? Ni nanywe mukana khuutsya?”
68 #
Mat 16.16; Mako 8.29; Luka 9.20 Simoni Petero wamukobolamo ari, “Umukasya, ne ndi khuba khuutsya isi naanu? Bona iwe uli ni bilomo bibireera buulamu bubukhawawo ta. 69Naluundi ifwe khwafukiilile nga khumanya khuri iwe Umukhosefu uwama isi Wele.”
70Yesu welamo ari, “S'ali ise samweene niye uwabarobola inywe liikhumi na babili? Ne mutweela khus'inywe ali Sitaani.” 71Yesu aba akanikha khu Yuda, umwaana wa Simoni Isikalyoti. Khulwekhuuba akhaba nga aba mutweela khu liikhumi na babili, abe niye wutsya khulya mu Yesu luwomelo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Lumasaaba © Bible Society of Uganda, 2016.