Genèse 11
11
Babeel difɔkɔku bɔti
1Dooooyee, kitiŋ kɔkɔ pu nib sooŋyi nìn sá ibaanti ní anyɔɔbun nìn sá abaanti ní bi sòoǹ. 2Ní bi dāa yíkì ki túĺ ŋwìiń nyalaŋki pú, ki tin bàn̄ ki ká kitiŋ kin bi yíì Siinaaree laaba tèen̄ ní bi gbíntì niin ki kāl̀. 3Niin ní bi bí ní ki lī tɔb yii: «Ti-yab, ní càmaan tí gíí brikisib kí wúb́!» Míǹ ní brikisib nìn kpántì-bi ataŋkpee, ní aŋɔ kpántì ntancookikaam. 4Bi nìn gíti lī yii: «Ní càmaan tí náań kitiŋ, kí mā kudifɔkɔu kubɔ. Tí ŋámaan míǹ kí nyā diyindi kí taa yàl̄ ti-ba ti-ba kitiŋ kɔkɔ pu.»
5Ní ti-Dindaan sīntìń kí kpèè kitiŋ nì kudifɔkɔu kun binib bí ki māāyee. 6Ní ki bí yii: «Kpèèmaan! Binib nee sá unibaanti ní ki sòoǹ isoombaanti. Bi nín kíĺ ditundi din nee, tiba kpá kí lìkin̄-bi bí gbèen̄ tin bi bóob́ yii bi làá ŋée. 7An puee tí cù kí ŋmàlim̀ bi-sooŋyi fìkil fikil ń kɔ́, bí taa ti nín̄ gbìl̀ tɔb liŋfii.» 8Míǹ ní ti-Dindaan ŋá ní ki yāaǹ-bi, ní bi yàl̄ ki gbí kitiŋ kɔkɔ pu, ní bi-tiŋki gbanti náantam gbíntì. 9An pu ní bi pú kitiŋ gbanti diyindi yii Babeel, kun puee niin ní ti-Dindaan kpántì binib sooŋyi bí taa ti nín̄ gbìliǹ tɔb, ní ki yāaǹ binib bi yàl̄ ki gbí kitiŋ kɔkɔ pu.
Seem naantiibi bɔti
10Seem naantiibi bɔti sɔ̀. Nnyiŋgbeen jítì abin ali boonee, ní Seem màl̄ Aripakisaadi. Ŋyunti gbantee, u nìn cáá abin dilaataal. 11Aripakisaadi màaltam boonee, Seem gíti ŋá abin alaataa aŋmoo ní. U nìn gíti màl̄ mbininjabiyaamu nì nnimpubiyaamu ki kútì.
12Aripakisaadi nìn cáá abin mmuŋku nì saalaa nì aŋmoo ní ki màl̄ Seera. 13Seera màaltam boonee, Aripakisaadi gíti ŋá abin alaataa anaa nì abin ata ní. U nìn gíti màl̄ mbininjabiyaamu nì nnimpubiyaamu ki kútì.
14Seera nìn cáá abin mmuŋku nì saalaa ní ki màl̄ Eebeer. 15Eebeer màaltam boonee, Seera gíti ŋá abin alaataa anaa nì abin ata ní. U nìn gíti màl̄ mbininjabiyaamu nì nnimpubiyaamu ki kútì.
16Eebeer nìn cáá abin mmuŋku nì saalaa nì anaa ní ki màl̄ Peeleegi. 17Peeleegi màaltam boonee, Eebeer gíti ŋá abin alaataa anaa nì abin mmuŋku nì saalaa ní. U nìn gíti màl̄ mbininjabiyaamu nì nnimpubiyaamu ki kútì.
18Peeleegi nìn cáá abin mmuŋku nì saalaa ní ki màl̄ Reewu. 19Reewu màaltam boonee, Peeleegi gíti ŋá abin alaataa ali nì abin awa ní. U nìn gíti màl̄ mbininjabiyaamu nì nnimpubiyaamu ki kútì.
20Reewu nìn cáá abin mmuŋku nì saalaa nì ali ní ki màl̄ Seerugi. 21Seerugi màaltam boonee, Reewu gíti ŋá abin alaataa ali nì abin aluli ní. U nìn gíti màl̄ mbininjabiyaamu nì nnimpubiyaamu ki kútì.
22Seerugi nìn cáá abin mmuŋku nì saalaa ní ki màl̄ Naakɔɔr. 23Naakɔɔr màaltam boonee, Seerugi gíti ŋá abin alaataa ali ní. U nìn gíti màl̄ mbininjabiyaamu nì nnimpubiyaamu ki kútì.
24Naakɔɔr nìn cáá abin mmuŋku nì awa ní ki màl̄ Teeraki. 25Teeraki màaltam boonee, Naakɔɔr gíti ŋá abin dilaataal nì diba kpá mmuŋku ní. U nìn gíti màl̄ mbininjabiyaamu nì nnimpubiyaamu ki kútì.
26Teeraki nìn cáá abin imuŋku ita nì saalaa ní ki màl̄ Abram nì Naakɔɔr nì Aran.
27Teeraki biyaamu bɔti sɔ̀. Teeraki màl̄ Abram nì Naakɔɔr nì Aran, ní Aran màl̄ Looti. 28Aran baa Teeraki dáá kā ní Aran kpíì Uur, Kaaldee tiŋki kin poon bi màl̄-uee. 29Ní Abram nì Naakɔɔr cáá binimpoobi. Abram nimpuu ní bi yíì Saarayi, ní Naakɔɔr nimpuu sá Aran bisal Miilka. Aran biyaamu di sá Miilka nì Yisika. 30Saarayi úǹ nìn sá uŋmaŋŋmanti ní, waa nìn cáá kibiki.
31Ní Teeraki yōoǹ u-jipɔɔn Abram nì u-naantiiu Looti, Aran jipɔɔn nì u-coopu Saarayi, Abram nimpuu. Bi-kɔkɔ yíkì Uur, Kaaldee tiŋkin ki nín cá Kanaan tiŋkin. Bi bàn̄ Kaaran tiŋkinee ní ki gbíntì niin. 32Teeraki ŋá abin alaataa ali nì abin aŋmoo ní ki kpíì Kaaran tiŋkin.
Iliyochaguliwa sasa
Genèse 11: BASSARDC
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
BIBLE EN N'TCHAM (Bassar) © Alliance Biblique du Togo, 2013.
Genèse 11
11
Babeel difɔkɔku bɔti
1Dooooyee, kitiŋ kɔkɔ pu nib sooŋyi nìn sá ibaanti ní anyɔɔbun nìn sá abaanti ní bi sòoǹ. 2Ní bi dāa yíkì ki túĺ ŋwìiń nyalaŋki pú, ki tin bàn̄ ki ká kitiŋ kin bi yíì Siinaaree laaba tèen̄ ní bi gbíntì niin ki kāl̀. 3Niin ní bi bí ní ki lī tɔb yii: «Ti-yab, ní càmaan tí gíí brikisib kí wúb́!» Míǹ ní brikisib nìn kpántì-bi ataŋkpee, ní aŋɔ kpántì ntancookikaam. 4Bi nìn gíti lī yii: «Ní càmaan tí náań kitiŋ, kí mā kudifɔkɔu kubɔ. Tí ŋámaan míǹ kí nyā diyindi kí taa yàl̄ ti-ba ti-ba kitiŋ kɔkɔ pu.»
5Ní ti-Dindaan sīntìń kí kpèè kitiŋ nì kudifɔkɔu kun binib bí ki māāyee. 6Ní ki bí yii: «Kpèèmaan! Binib nee sá unibaanti ní ki sòoǹ isoombaanti. Bi nín kíĺ ditundi din nee, tiba kpá kí lìkin̄-bi bí gbèen̄ tin bi bóob́ yii bi làá ŋée. 7An puee tí cù kí ŋmàlim̀ bi-sooŋyi fìkil fikil ń kɔ́, bí taa ti nín̄ gbìl̀ tɔb liŋfii.» 8Míǹ ní ti-Dindaan ŋá ní ki yāaǹ-bi, ní bi yàl̄ ki gbí kitiŋ kɔkɔ pu, ní bi-tiŋki gbanti náantam gbíntì. 9An pu ní bi pú kitiŋ gbanti diyindi yii Babeel, kun puee niin ní ti-Dindaan kpántì binib sooŋyi bí taa ti nín̄ gbìliǹ tɔb, ní ki yāaǹ binib bi yàl̄ ki gbí kitiŋ kɔkɔ pu.
Seem naantiibi bɔti
10Seem naantiibi bɔti sɔ̀. Nnyiŋgbeen jítì abin ali boonee, ní Seem màl̄ Aripakisaadi. Ŋyunti gbantee, u nìn cáá abin dilaataal. 11Aripakisaadi màaltam boonee, Seem gíti ŋá abin alaataa aŋmoo ní. U nìn gíti màl̄ mbininjabiyaamu nì nnimpubiyaamu ki kútì.
12Aripakisaadi nìn cáá abin mmuŋku nì saalaa nì aŋmoo ní ki màl̄ Seera. 13Seera màaltam boonee, Aripakisaadi gíti ŋá abin alaataa anaa nì abin ata ní. U nìn gíti màl̄ mbininjabiyaamu nì nnimpubiyaamu ki kútì.
14Seera nìn cáá abin mmuŋku nì saalaa ní ki màl̄ Eebeer. 15Eebeer màaltam boonee, Seera gíti ŋá abin alaataa anaa nì abin ata ní. U nìn gíti màl̄ mbininjabiyaamu nì nnimpubiyaamu ki kútì.
16Eebeer nìn cáá abin mmuŋku nì saalaa nì anaa ní ki màl̄ Peeleegi. 17Peeleegi màaltam boonee, Eebeer gíti ŋá abin alaataa anaa nì abin mmuŋku nì saalaa ní. U nìn gíti màl̄ mbininjabiyaamu nì nnimpubiyaamu ki kútì.
18Peeleegi nìn cáá abin mmuŋku nì saalaa ní ki màl̄ Reewu. 19Reewu màaltam boonee, Peeleegi gíti ŋá abin alaataa ali nì abin awa ní. U nìn gíti màl̄ mbininjabiyaamu nì nnimpubiyaamu ki kútì.
20Reewu nìn cáá abin mmuŋku nì saalaa nì ali ní ki màl̄ Seerugi. 21Seerugi màaltam boonee, Reewu gíti ŋá abin alaataa ali nì abin aluli ní. U nìn gíti màl̄ mbininjabiyaamu nì nnimpubiyaamu ki kútì.
22Seerugi nìn cáá abin mmuŋku nì saalaa ní ki màl̄ Naakɔɔr. 23Naakɔɔr màaltam boonee, Seerugi gíti ŋá abin alaataa ali ní. U nìn gíti màl̄ mbininjabiyaamu nì nnimpubiyaamu ki kútì.
24Naakɔɔr nìn cáá abin mmuŋku nì awa ní ki màl̄ Teeraki. 25Teeraki màaltam boonee, Naakɔɔr gíti ŋá abin dilaataal nì diba kpá mmuŋku ní. U nìn gíti màl̄ mbininjabiyaamu nì nnimpubiyaamu ki kútì.
26Teeraki nìn cáá abin imuŋku ita nì saalaa ní ki màl̄ Abram nì Naakɔɔr nì Aran.
27Teeraki biyaamu bɔti sɔ̀. Teeraki màl̄ Abram nì Naakɔɔr nì Aran, ní Aran màl̄ Looti. 28Aran baa Teeraki dáá kā ní Aran kpíì Uur, Kaaldee tiŋki kin poon bi màl̄-uee. 29Ní Abram nì Naakɔɔr cáá binimpoobi. Abram nimpuu ní bi yíì Saarayi, ní Naakɔɔr nimpuu sá Aran bisal Miilka. Aran biyaamu di sá Miilka nì Yisika. 30Saarayi úǹ nìn sá uŋmaŋŋmanti ní, waa nìn cáá kibiki.
31Ní Teeraki yōoǹ u-jipɔɔn Abram nì u-naantiiu Looti, Aran jipɔɔn nì u-coopu Saarayi, Abram nimpuu. Bi-kɔkɔ yíkì Uur, Kaaldee tiŋkin ki nín cá Kanaan tiŋkin. Bi bàn̄ Kaaran tiŋkinee ní ki gbíntì niin. 32Teeraki ŋá abin alaataa ali nì abin aŋmoo ní ki kpíì Kaaran tiŋkin.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
BIBLE EN N'TCHAM (Bassar) © Alliance Biblique du Togo, 2013.