Genesis 25
25
NʼAbraham Keturah Wahotíniake
1NʼAbraham óia sahatateniákten, ne ne Keturah konwá꞉iats. 2Tánon wahotinekenhteronʼtsheraièn꞉taʼne, ne ne Zimran, Jokshan, Medan, Midian, Ishbak, tánon ne Shuah. 3Ne Jokshan ne shakoioʼokón꞉áhs ne Sheba ó꞉ni ne Dedan, tánon ne Dedan ne iesehshakoioʼokón꞉ahs ne Asshurim, Letushim, ó꞉ni ne Leummim. 4Tánon ne Midian shakoioʼokón꞉ahs ne꞉ne Ephah, Epher, Hanoch, Abida, tánon ne Eldaah. Ratikwé꞉kon kí꞉ken ne ne Keturahʼs akoioʼokón꞉as.
5NʼAbraham kwáh tsi nahó꞉ten roientahtsherá꞉ien akwé꞉kon Isaac wahohiatonhserónnien. 6Nok naotinekenhteronʼtsheraʼshón꞉ahs nó꞉ia tehatiiahsé꞉ne ne rotiwiraientá꞉seron ne Abraham niaʼté꞉kon wahshakowíhon, ne ne shé꞉kon sirónhnhehkwe, tánon é꞉ren wahshakoiaʼtenhá꞉wihte tsi non nihanákere ne Isaac. Tsitkarahkwínekenʼs nonkwá꞉ti tionhóntsaien nón꞉we iahshakoténniehte.
Shahrénheie Ne Abraham
7Tsi nihrónhnhehskwe nʼAbraham, énska tewenʼniáwe tsá꞉ta niwáhsen-wísk niiohserá꞉kehkwe. 8NʼAbraham sahatón꞉rie nohná꞉ken waʼaónniaʼte tánon kwáh thóh tsi nithó꞉ionhkwe shahrénheie, tánon iahshakotiaʼtáhrhahse ne rontátenonhkweʼs nohénton thonenhé꞉ion tsi ní꞉ioht ne ráonha. 9Ne raonekenhteronʼtsherashón꞉ʼahs NʼIsaac tánon ne Ishmael, iahonwaiaʼtáta tsi tiohshonwaká꞉ronte ne Machpelah, ne ne tsitkarahkwínekenʼs nonkwá꞉ti ne Mamre ne raohentaʼkénhen ne Ephron né roʼníha ne ne Zohar ne ne Hitró꞉non. 10Neʼthóh kahèn꞉ta ne ne Abraham shakohentahní꞉non ne Hitró꞉nonʼs. Thóh nón꞉we nihonwatiiaʼtáten ne Abraham tánon ne roneʼkénhen Sarah. 11Shahrénheie ne Abraham, ne Rawenni꞉io wahoiaʼtaté꞉rihste ne roièn꞉ʼa Isaac, tánon NʼIsaac ákta ne Beerlahai-roi nón꞉we nihanákerehkwe.
Tsi Rahwatsiratátie Ne Ishmael
12Ne kí꞉ken tsi nontahahwatsiratátie ne Ishmael, ne ne Abraham roienʼkénhen, áonha né Hagar ne Egyptró꞉non naʼkaiatoʼtén꞉ne ne꞉ne Sarah aonhnhaʼtsheraʼkénhen ne ne Abraham rotiwiraientá꞉on, 13Ne kí꞉ken tsi nihotisennoʼtén꞉shonʼs NʼIshmael raonekenhteron; tsheraʼshón꞉aʼhs, ronwatihsennawíhon ne tioianénha tsi nihonanakerá꞉ton: Nebaioth, ne ne thakowá꞉nen nʼIshmael roièn꞉ʼa, tánon Kedar, Adbeel, Mibsam, 14Mishma, Dumah, Massa, 15Hadad, Tema, Jetur, Naphish, tánon ne Kedemah. 16Ne kí꞉ken ne Ishmael raonekenhteronʼtsheraʼshón꞉ahs tánon ne kí꞉ken ne raotihsennaʼshón꞉ahs, ne raotinà꞉takon tánon tsi nón꞉we nihonnaʼtaienhskwe, tékeni iawén꞉re nihá꞉tihkweh shakotihentenséhahkwe ne raotitióhkwaʼs. 17(Ne kíʼ tsi nihrónhnhehskwe nʼIshmael énska tewenʼniáwe tánon áhsen niwáhsen-tsá꞉ta niiohserá꞉kehkwe; nohnà꞉ken tontahatón꞉rie tánon wahrénheie, tánon iahshakotiaʼtáhrhahse ne rontátenonhkweʼs nohén꞉ton thonenhé꞉ion tsi ní꞉ioht ne ráonha.) 18Tsi rahwatsiratátie nʼIshmael thóh nón꞉we nihatinákerehkwe tsi kanakerahserá꞉ien tsi naʼtetiátere ne Havilah tánon ne Shur, ne ne tsitkarahkwínekens nonkwá꞉ti ne Egypt tsi nieiothahí꞉non ne Assyria. Aí꞉non naʼtehónterehkwe tsi ratinákerehkwe ne ronatiaʼké꞉shonʼs nʼAbraham raohwá꞉tsires.
Shahnennákerate Ne Esau Tánon Ne Jacob
19Ne kí꞉ken tsi rahwatsiratátie NʼIsaac, ne ne Abraham roienʼkénhen: 20NʼIsaac kaié꞉ri niwáhsen shaʼtehaohseriiá꞉kon shahotíniake ne Rebekah, ne ne Bethuel shakoièn꞉ʼa (Aramró꞉non ne ne Paddan-aram), ne ne Laban iatenoʼsénha Aramró꞉non. 21NʼIsaac raonhá꞉ke ne Roiá꞉ner iahaterén꞉naien ne ne ró꞉ne aorihwá꞉ke, tiorí꞉wa tsi iáh teiowiraièn꞉taʼskwe; tánon kíʼ ne Roiá꞉ner waʼthorihwaʼserákwahse ne raoterén꞉naient, tánon ne ró꞉ne Rebekah iohrhá꞉rehkwe naiakowiraièn꞉taʼne. 22Tehníkhen iowiraientá꞉sere, tánon nohén꞉ton nahnennákerate, iaʼthiatatrékhon ne kaià꞉takon. Waʼkén꞉ron, “Nontié꞉ren tsi knahó꞉tenʼk kí tho ní꞉ioht tsi naontià꞉tawen?” Sók kíʼ Roiá꞉ner nonkwá niaháhe naiotó꞉kenhse.
23Ne Roiá꞉ner wahrènhahse,
“Tehotitióhkwake tsà꞉takon niiá꞉ti,
tánon teionkwé꞉take nenhshenákeratste kwáh kíʼ tenhotirihwakháhshionke;
saiá꞉ta sénha enhaʼshásteke tsi ní꞉ioht ne shaià꞉ta,
ne thó꞉ion ne ne ranáhskwa enkénhake tsi nonkwá ne kenʼ nithoión꞉ha.”
24Shiaʼkáhewe naiowiraièn꞉taʼne, tehníkhen kíʼ tó꞉kenhske waʼowiraièn꞉taʼne. 25Ne tahatié꞉renhte wahrennákerate onekwènhtara nihaiatóʼ꞉ten, tánon raiaʼtakwé꞉kon ronnonhwéhrhote tsi ní꞉ioht natià꞉tawi nononhwéhrhon nahó꞉ten ionniá꞉ton, sók kiʼ Esau wahonwaná꞉tonhkwe. 26Eʼthó꞉ne iatateʼkén꞉ʼa nón꞉wa sahrennákerate, tsi wahrennákerate kwáh iohní꞉ron tsi roienawá꞉kon ne raʼkotarà꞉ke ne Esau; sók kiʼ Jacob wahonwaná꞉tonhkwe. Né Rebekah shaʼakonákeratste ne Esau tánon ne Jacob, NʼIsaac iá꞉iaʼk niwáhsen shaʼtehaohseriiá꞉kon.
27Ne tehniksá꞉ʼa shahiatehiá꞉ron, ne Esau kwáh í꞉ken tsi rorenʼnhá꞉ʼon naható꞉rate, ne ne rón꞉kwe raonʼweskwaníhahkwe atsté꞉shon tió꞉konte ahré꞉sheke, ók ne Jacob kwáh ne í꞉ken tsi sahkthí꞉ken tió꞉konte nenʼ neʼeh atoserá꞉kon rèn꞉teron. 28NʼIsaac ronorónhkhwah ne Esau, tiorí꞉wa tsi ne nenʼneʼeh tharákwas naható꞉rate; nok ne Rebekah Jacob ne ronorónhkhwa.
29Énska kí nenʼneʼeh ne Jacob rotkátstonhkwe ne tekakhwaiehstánion, Esau sá꞉rawe rotorathón꞉ne. Kwáh í꞉ken tsi iáh ohthé꞉nen teháhsta tánon ratonhkáriaʼkskwe. 30Ne Esau wahawènhahse ne Jacob, “Toʼ ostón꞉ha tákenonht thí꞉ken onekwènhtara nikanontaró꞉ten, aseʼkénh kwáh í꞉ken tsi katonhkáriaʼks.” (Katí ne aorí꞉wa ne ronwahsenná꞉wi ne Edom: ne ne kén꞉tons “Onekwènhtara.”)
31Ne Jacob wahén꞉ron, “Tasatié꞉renht takahtsakwaríhshiaʼs tsi nitisanakerá꞉ton naesaianerenhseraièn꞉take.”
32Ne Esau wahén꞉ron, “Ó꞉nen thó꞉ha akíheie: nahó꞉ten neʼ káhsta tsi nitewakenakerá꞉ton naontianerenhseraièn꞉take?”
33Jacob wahén꞉ron, “Tasatié꞉renk takahrharátsten.” Sók kíʼ wahohrharátsten, tánon wahohtsakwaríhshiaʼse ne Jacob ne tsi nithonakerá꞉ton ne thé꞉nen ahoianerenhseraièn꞉take. 34Eʼthó꞉ne ó꞉nen ne Jacob wahonaʼtará꞉non꞉te tánon wahonontará꞉nonte nonékwa tekakhwaiehstánion, waʼthatská꞉hon ó꞉ni wahahnekí꞉ra tánon thosahá꞉taʼne sahaiá꞉kenʼne. Tho ní꞉ioht ne Esau tsi iáh ohthé꞉nen tehakweniènhsthahkwe tsi nahoianerenhseraièn꞉take tsi nithawennakerá꞉ton.
Iliyochaguliwa sasa
Genesis 25: MHK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Genesis 25
25
NʼAbraham Keturah Wahotíniake
1NʼAbraham óia sahatateniákten, ne ne Keturah konwá꞉iats. 2Tánon wahotinekenhteronʼtsheraièn꞉taʼne, ne ne Zimran, Jokshan, Medan, Midian, Ishbak, tánon ne Shuah. 3Ne Jokshan ne shakoioʼokón꞉áhs ne Sheba ó꞉ni ne Dedan, tánon ne Dedan ne iesehshakoioʼokón꞉ahs ne Asshurim, Letushim, ó꞉ni ne Leummim. 4Tánon ne Midian shakoioʼokón꞉ahs ne꞉ne Ephah, Epher, Hanoch, Abida, tánon ne Eldaah. Ratikwé꞉kon kí꞉ken ne ne Keturahʼs akoioʼokón꞉as.
5NʼAbraham kwáh tsi nahó꞉ten roientahtsherá꞉ien akwé꞉kon Isaac wahohiatonhserónnien. 6Nok naotinekenhteronʼtsheraʼshón꞉ahs nó꞉ia tehatiiahsé꞉ne ne rotiwiraientá꞉seron ne Abraham niaʼté꞉kon wahshakowíhon, ne ne shé꞉kon sirónhnhehkwe, tánon é꞉ren wahshakoiaʼtenhá꞉wihte tsi non nihanákere ne Isaac. Tsitkarahkwínekenʼs nonkwá꞉ti tionhóntsaien nón꞉we iahshakoténniehte.
Shahrénheie Ne Abraham
7Tsi nihrónhnhehskwe nʼAbraham, énska tewenʼniáwe tsá꞉ta niwáhsen-wísk niiohserá꞉kehkwe. 8NʼAbraham sahatón꞉rie nohná꞉ken waʼaónniaʼte tánon kwáh thóh tsi nithó꞉ionhkwe shahrénheie, tánon iahshakotiaʼtáhrhahse ne rontátenonhkweʼs nohénton thonenhé꞉ion tsi ní꞉ioht ne ráonha. 9Ne raonekenhteronʼtsherashón꞉ʼahs NʼIsaac tánon ne Ishmael, iahonwaiaʼtáta tsi tiohshonwaká꞉ronte ne Machpelah, ne ne tsitkarahkwínekenʼs nonkwá꞉ti ne Mamre ne raohentaʼkénhen ne Ephron né roʼníha ne ne Zohar ne ne Hitró꞉non. 10Neʼthóh kahèn꞉ta ne ne Abraham shakohentahní꞉non ne Hitró꞉nonʼs. Thóh nón꞉we nihonwatiiaʼtáten ne Abraham tánon ne roneʼkénhen Sarah. 11Shahrénheie ne Abraham, ne Rawenni꞉io wahoiaʼtaté꞉rihste ne roièn꞉ʼa Isaac, tánon NʼIsaac ákta ne Beerlahai-roi nón꞉we nihanákerehkwe.
Tsi Rahwatsiratátie Ne Ishmael
12Ne kí꞉ken tsi nontahahwatsiratátie ne Ishmael, ne ne Abraham roienʼkénhen, áonha né Hagar ne Egyptró꞉non naʼkaiatoʼtén꞉ne ne꞉ne Sarah aonhnhaʼtsheraʼkénhen ne ne Abraham rotiwiraientá꞉on, 13Ne kí꞉ken tsi nihotisennoʼtén꞉shonʼs NʼIshmael raonekenhteron; tsheraʼshón꞉aʼhs, ronwatihsennawíhon ne tioianénha tsi nihonanakerá꞉ton: Nebaioth, ne ne thakowá꞉nen nʼIshmael roièn꞉ʼa, tánon Kedar, Adbeel, Mibsam, 14Mishma, Dumah, Massa, 15Hadad, Tema, Jetur, Naphish, tánon ne Kedemah. 16Ne kí꞉ken ne Ishmael raonekenhteronʼtsheraʼshón꞉ahs tánon ne kí꞉ken ne raotihsennaʼshón꞉ahs, ne raotinà꞉takon tánon tsi nón꞉we nihonnaʼtaienhskwe, tékeni iawén꞉re nihá꞉tihkweh shakotihentenséhahkwe ne raotitióhkwaʼs. 17(Ne kíʼ tsi nihrónhnhehskwe nʼIshmael énska tewenʼniáwe tánon áhsen niwáhsen-tsá꞉ta niiohserá꞉kehkwe; nohnà꞉ken tontahatón꞉rie tánon wahrénheie, tánon iahshakotiaʼtáhrhahse ne rontátenonhkweʼs nohén꞉ton thonenhé꞉ion tsi ní꞉ioht ne ráonha.) 18Tsi rahwatsiratátie nʼIshmael thóh nón꞉we nihatinákerehkwe tsi kanakerahserá꞉ien tsi naʼtetiátere ne Havilah tánon ne Shur, ne ne tsitkarahkwínekens nonkwá꞉ti ne Egypt tsi nieiothahí꞉non ne Assyria. Aí꞉non naʼtehónterehkwe tsi ratinákerehkwe ne ronatiaʼké꞉shonʼs nʼAbraham raohwá꞉tsires.
Shahnennákerate Ne Esau Tánon Ne Jacob
19Ne kí꞉ken tsi rahwatsiratátie NʼIsaac, ne ne Abraham roienʼkénhen: 20NʼIsaac kaié꞉ri niwáhsen shaʼtehaohseriiá꞉kon shahotíniake ne Rebekah, ne ne Bethuel shakoièn꞉ʼa (Aramró꞉non ne ne Paddan-aram), ne ne Laban iatenoʼsénha Aramró꞉non. 21NʼIsaac raonhá꞉ke ne Roiá꞉ner iahaterén꞉naien ne ne ró꞉ne aorihwá꞉ke, tiorí꞉wa tsi iáh teiowiraièn꞉taʼskwe; tánon kíʼ ne Roiá꞉ner waʼthorihwaʼserákwahse ne raoterén꞉naient, tánon ne ró꞉ne Rebekah iohrhá꞉rehkwe naiakowiraièn꞉taʼne. 22Tehníkhen iowiraientá꞉sere, tánon nohén꞉ton nahnennákerate, iaʼthiatatrékhon ne kaià꞉takon. Waʼkén꞉ron, “Nontié꞉ren tsi knahó꞉tenʼk kí tho ní꞉ioht tsi naontià꞉tawen?” Sók kíʼ Roiá꞉ner nonkwá niaháhe naiotó꞉kenhse.
23Ne Roiá꞉ner wahrènhahse,
“Tehotitióhkwake tsà꞉takon niiá꞉ti,
tánon teionkwé꞉take nenhshenákeratste kwáh kíʼ tenhotirihwakháhshionke;
saiá꞉ta sénha enhaʼshásteke tsi ní꞉ioht ne shaià꞉ta,
ne thó꞉ion ne ne ranáhskwa enkénhake tsi nonkwá ne kenʼ nithoión꞉ha.”
24Shiaʼkáhewe naiowiraièn꞉taʼne, tehníkhen kíʼ tó꞉kenhske waʼowiraièn꞉taʼne. 25Ne tahatié꞉renhte wahrennákerate onekwènhtara nihaiatóʼ꞉ten, tánon raiaʼtakwé꞉kon ronnonhwéhrhote tsi ní꞉ioht natià꞉tawi nononhwéhrhon nahó꞉ten ionniá꞉ton, sók kiʼ Esau wahonwaná꞉tonhkwe. 26Eʼthó꞉ne iatateʼkén꞉ʼa nón꞉wa sahrennákerate, tsi wahrennákerate kwáh iohní꞉ron tsi roienawá꞉kon ne raʼkotarà꞉ke ne Esau; sók kiʼ Jacob wahonwaná꞉tonhkwe. Né Rebekah shaʼakonákeratste ne Esau tánon ne Jacob, NʼIsaac iá꞉iaʼk niwáhsen shaʼtehaohseriiá꞉kon.
27Ne tehniksá꞉ʼa shahiatehiá꞉ron, ne Esau kwáh í꞉ken tsi rorenʼnhá꞉ʼon naható꞉rate, ne ne rón꞉kwe raonʼweskwaníhahkwe atsté꞉shon tió꞉konte ahré꞉sheke, ók ne Jacob kwáh ne í꞉ken tsi sahkthí꞉ken tió꞉konte nenʼ neʼeh atoserá꞉kon rèn꞉teron. 28NʼIsaac ronorónhkhwah ne Esau, tiorí꞉wa tsi ne nenʼneʼeh tharákwas naható꞉rate; nok ne Rebekah Jacob ne ronorónhkhwa.
29Énska kí nenʼneʼeh ne Jacob rotkátstonhkwe ne tekakhwaiehstánion, Esau sá꞉rawe rotorathón꞉ne. Kwáh í꞉ken tsi iáh ohthé꞉nen teháhsta tánon ratonhkáriaʼkskwe. 30Ne Esau wahawènhahse ne Jacob, “Toʼ ostón꞉ha tákenonht thí꞉ken onekwènhtara nikanontaró꞉ten, aseʼkénh kwáh í꞉ken tsi katonhkáriaʼks.” (Katí ne aorí꞉wa ne ronwahsenná꞉wi ne Edom: ne ne kén꞉tons “Onekwènhtara.”)
31Ne Jacob wahén꞉ron, “Tasatié꞉renht takahtsakwaríhshiaʼs tsi nitisanakerá꞉ton naesaianerenhseraièn꞉take.”
32Ne Esau wahén꞉ron, “Ó꞉nen thó꞉ha akíheie: nahó꞉ten neʼ káhsta tsi nitewakenakerá꞉ton naontianerenhseraièn꞉take?”
33Jacob wahén꞉ron, “Tasatié꞉renk takahrharátsten.” Sók kíʼ wahohrharátsten, tánon wahohtsakwaríhshiaʼse ne Jacob ne tsi nithonakerá꞉ton ne thé꞉nen ahoianerenhseraièn꞉take. 34Eʼthó꞉ne ó꞉nen ne Jacob wahonaʼtará꞉non꞉te tánon wahonontará꞉nonte nonékwa tekakhwaiehstánion, waʼthatská꞉hon ó꞉ni wahahnekí꞉ra tánon thosahá꞉taʼne sahaiá꞉kenʼne. Tho ní꞉ioht ne Esau tsi iáh ohthé꞉nen tehakweniènhsthahkwe tsi nahoianerenhseraièn꞉take tsi nithawennakerá꞉ton.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.