Genesis 35
35
Ne Jacob Bethel Nón꞉we Nionsá꞉re
1Rawenni꞉io wahawènhahse ne Jacob, “Téstaʼn, Bethel nón꞉we niahá꞉se, tánon thóh nón꞉we ionsasatenà꞉taien. Thóh nón꞉we nahtshónnien ne ietsenhahráhkhwah ne Rawenni꞉io tsi ráonha iatotahshién꞉ni nó꞉nen shonsahtshaté꞉kwahse ne tsatateʼkén꞉ʼa Esau.” 2Sók kiʼ ne Jacob wahshakaʼwènhahse ne raonónhskon ratiʼterón꞉ton tánon ratikwé꞉kon ne skátne ratikwekonhátieʼs, “Isehʼ iaʼsewá꞉ti tsi naesewaièn꞉take ne thihatí꞉te ratiní꞉ioʼs, tánon sasewatonhnhakanón꞉ni tánon tesewatá꞉ton tsi nʼi꞉ioht tsi sewatsherón꞉nis; 3eʼthó꞉ne tetewá꞉taʼn tánon Bethel nón꞉we niehétewe, ne naón꞉ton thóh nón꞉we iahiʼiónnien ne ietsenhahráhkhwah né Rawenni꞉io tsi niká꞉ien ne tehakerihwaʼserakwén꞉ni ne tewenhniserá꞉tehkwe ne shaʼtewakeʼnikónhrhare tánon kwáh iakenikwekonhátieʼskwe ne tsik nonwéhsons niewaké꞉non.” 4Katíʼ Jacob tahonwawíhon akwé꞉kon ne thikontí꞉teʼs niioʼokón꞉ha ne rotiièn꞉tahkwe, tánon ne atahonhtotahrhóktsheraʼs; tánon ne Jacob waʼhaiaʼtátarion karontó꞉kon ne karíhton tsi neʼ nón꞉we niiorontó꞉tahkwe kanatákta ne Shechem.
5Tsi tahontáhsawen ne tahontháhahkwe ne Bethel nón꞉we niahón꞉ne, kahteronhtsherowá꞉nen Rawenniió꞉ke non tá꞉we tánon ne wahotíhrahʼne ne kanatowá꞉nenʼs ne aktóntieʼs tsi nón꞉we nihón꞉neʼskwe, ne ká꞉ti ne tóhsa ónhka ahonwatíhsere ne Jacob raonekenhteronʼtsheraʼshón꞉ʼa. 6Ne Jacob iahá꞉rawe ne Luz (ne ne Bethel nón꞉we) ne ne tsi watonhontsá꞉ien ne Canaan, ráonha tánon tsi nihá꞉ti ne ratikwekonhátie, 7tánon thóh nón꞉we nahrón꞉ni ne ietsenhahráhkhwa tánon ne wahanà꞉tonhkwe ne El-bethel, tiorí꞉wa tsi ehʼ nón꞉we ne kwáh ráonha Rawenni꞉io nihototahshièn꞉ni ne shonsahoté꞉kwahse ne iatateʼkén꞉ʼa.#35.7 Né El-bethel né Hebrew ne neʼ kén꞉tons “Shakoní꞉io í꞉ken ne Bethel.” 8Tánon ne Deborah, ne ne Rebekah akaonkwé꞉ta teiakóhshnie, waʼkénheie, tánon karontó꞉kon ne karíhton nón꞉we nakonwaiaʼtáta ne nentié꞉ne nokwá꞉ti ne Bethel. Sók katíʼ neh nón꞉we Allon-bacuth waʼkonwahsèn꞉non.#35.8 Ne Allon-bacuth né Hebrew ne ne kén꞉tons “Karíhton karón꞉ta tewahsènthohs.”
9Ne Rawenni꞉io shé꞉kon sahototáhshien né Jacob nó꞉nen shaʼtontá꞉re ne Paddan-aram, tánon wahoiaʼtaté꞉riste. 10Ne Rawenni꞉io wahawènhahse, “Jacob iesá꞉iats; iáh kíʼ shé꞉kon Jacob thaonsaiesaiátsheke, nok kiʼ Israel entiesaiátsheke.” Sók kiʼ ne Rawenni꞉io Israel sahoná꞉tonhkwe. 11Ne Rawenni꞉io wahawènhahse, “I꞉i ne Ní꞉io wakeʼshatstenhserowá꞉nen: sathwatsirón꞉ni tánon sewentiohkowáhnha; nonkwehshón꞉ʼa tánon niaʼteiakahontsá꞉kes isé꞉ke non entieiènhtahkwe tsi enionthwatsirón꞉ni, tánon ótiaʼks tsi nienhsathwatsirí꞉ne enhotinontí꞉ioʼne. 12Ne ohóntsa nétho tekheiá꞉wi ne Abraham tánon ne Isaac, kwáh í꞉se enskón꞉ion, tánon ó꞉ni iensekhé꞉ion tsi nienhsathwatsirí꞉ne.” 13Eʼthó꞉ne ne Rawenni꞉io sahathará꞉tate karonhiá꞉ke nionsá꞉re sahotiaʼtontákwahse tsi nón꞉we naʼtehotihthá꞉rahkwe. 14Né Jacob wahanenió꞉ten tsi nón꞉we naʼtehotihthá꞉rahkwe; tánon tho tahahnekáweron ne oʼnenharákeri ne iahá꞉tate, tánon ó꞉ni tho taháweron ne iakeniewáhtha kèn꞉ie. 15Káti ne Jacob neh nón꞉we niwatenà꞉taien tsi nón꞉we naʼtehotihthá꞉rahkwe ne Rawenni꞉io Bethel wahaná꞉tonhkwe.
Tsi Wahrennákerate Ne Benjamin Tánon Tsi Waʼkénheie Ne Rachel
16Eʼthó꞉ne tsi naʼtontahón꞉ne ne Bethel; tánon kwáh eʼthó tsi niió꞉re thotinó꞉ronʼskwe ne Ephrath, né Rachel ó꞉nen skanó꞉ronʼs aiowiraién꞉taʼne, tánon kwáh tho tsi niioronhiá꞉kenhkwe. 17Ne nó꞉nen kwáh siioronhiá꞉ken, ne iohshnié꞉nons naiowiraièn꞉taʼne waʼawènhahse, “Tóhsa sáteronʼn, aseʼkénh ó꞉nen ó꞉ia sesanekenhteronʼtsheraièn꞉taʼne.” 18Ók kenhé꞉ionhskwe, tánon nohná꞉ken shaʼtontontón꞉rie, Ben-oni wahohsèn꞉non ne roièn꞉ʼa; ók ne roʼníha Benjamin neʼ wahohsèn꞉non.#35.18 Ne Ben-oni ne Hebrew ne ne kén꞉tons “Ne roʼnihnéha nakeʼnikonhraksénhtshera.” Benjamin: né Hebrew ne ne kén꞉tons “Né riièn꞉ʼa skeweientehtáhkwen.” 19Katíʼ ne Rachel waʼkénheie, tánon tho nón꞉we naʼkonwaiaʼtáta tsi nieiothahí꞉non ne Ephrath (ne ne Bethlehem), 20Jacob tsi iotenontsístate naotshatónhkhwa wahanenió꞉ten; tsi kanèn꞉iote ne tsi nón꞉we ne Rachel nikonwaiaʼtáten, shé꞉kon thóh nón꞉we nikanén꞉iote nón꞉wa wenhniseraténion. Naonsakonwehiahrahstáhkwake, tánon shé꞉kon nón꞉wa nikaierón꞉ni tsi Rachel aotshatónhkhwa í꞉ken. 21Ne Israel tonsahatháhahkwe, tánon thóh nón꞉we iahataʼtohseró꞉ten ieiotohétston ne tsi kaʼnikáhtote ne Eder.
22Tsi nikarí꞉wes ne Israel tho nón꞉we nihanákerehkwe neh nón꞉we niionhóntsaien, né Reuben iahá꞉re tánon skátne wahiá꞉rate ne Bilhah ne ne roʼníha tehníiahsé꞉ne; tánon ne Israel waharihwá꞉ronke nétho.
Ne Israel ó꞉nen tékeni iawén꞉re nihá꞉ti sihonekenhteronʼtsherá꞉ien. 23Ne kí꞉ken ne Leah akoioʼokón꞉ʼahs Reuben (ne ne thakowá꞉nen ne ne Jacob roièn꞉ʼa), Simeon, Levi, Judah, Issachar, tánon ne Zebulun. 24Nakoioʼokón꞉ʼahs ne Rachel ne ne Só꞉se tánon ne Benjamin. 25Tánon nakoioʼokón꞉ʼahs ne Rachel aohnhá꞉tshera Bilhah ne ne Dan, tánon ne Naphtali. 26Ne Leah aohnhá꞉tshera Zilpah nakoioʼokón꞉ʼahs ne ne Gad, tánon ne Asher. Paddan-aram nón꞉we thonennakerá꞉ton.
Tsi Wahrénheie Ne Isaac
27Jacob roʼnihnéha Isaac niahá꞉re ne ne Mamre nón꞉we, khehs ne Kiriath-arba (Ne ne Hebron) tsi nón꞉we ne Abraham tánon ne Isaac iehninákerehkwe. 28Nón꞉wa ne Isaac énska tewenʼniáwe tánon shaʼté꞉kon niwáhsen niiohserá꞉ke nikarí꞉wes rónhnhehkwe. 29Tánon ne Isaac ne nohná꞉ken waʼaónhniaʼte sahatón꞉rie, tánon kwáh tho tsi nithó꞉ionhkwe sharénheie, tánon iahshakohtsá꞉thahrhahse ne rontátenonhkweʼs nohén꞉ton thonenhé꞉ion tsi ní꞉ioht ne ráonha; tánon ne raonekenhteronʼtsheraʼshón꞉ʼa ne ne Esau tánon Jacob wahonwaiaʼtáta.
Iliyochaguliwa sasa
Genesis 35: MHK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Genesis 35
35
Ne Jacob Bethel Nón꞉we Nionsá꞉re
1Rawenni꞉io wahawènhahse ne Jacob, “Téstaʼn, Bethel nón꞉we niahá꞉se, tánon thóh nón꞉we ionsasatenà꞉taien. Thóh nón꞉we nahtshónnien ne ietsenhahráhkhwah ne Rawenni꞉io tsi ráonha iatotahshién꞉ni nó꞉nen shonsahtshaté꞉kwahse ne tsatateʼkén꞉ʼa Esau.” 2Sók kiʼ ne Jacob wahshakaʼwènhahse ne raonónhskon ratiʼterón꞉ton tánon ratikwé꞉kon ne skátne ratikwekonhátieʼs, “Isehʼ iaʼsewá꞉ti tsi naesewaièn꞉take ne thihatí꞉te ratiní꞉ioʼs, tánon sasewatonhnhakanón꞉ni tánon tesewatá꞉ton tsi nʼi꞉ioht tsi sewatsherón꞉nis; 3eʼthó꞉ne tetewá꞉taʼn tánon Bethel nón꞉we niehétewe, ne naón꞉ton thóh nón꞉we iahiʼiónnien ne ietsenhahráhkhwah né Rawenni꞉io tsi niká꞉ien ne tehakerihwaʼserakwén꞉ni ne tewenhniserá꞉tehkwe ne shaʼtewakeʼnikónhrhare tánon kwáh iakenikwekonhátieʼskwe ne tsik nonwéhsons niewaké꞉non.” 4Katíʼ Jacob tahonwawíhon akwé꞉kon ne thikontí꞉teʼs niioʼokón꞉ha ne rotiièn꞉tahkwe, tánon ne atahonhtotahrhóktsheraʼs; tánon ne Jacob waʼhaiaʼtátarion karontó꞉kon ne karíhton tsi neʼ nón꞉we niiorontó꞉tahkwe kanatákta ne Shechem.
5Tsi tahontáhsawen ne tahontháhahkwe ne Bethel nón꞉we niahón꞉ne, kahteronhtsherowá꞉nen Rawenniió꞉ke non tá꞉we tánon ne wahotíhrahʼne ne kanatowá꞉nenʼs ne aktóntieʼs tsi nón꞉we nihón꞉neʼskwe, ne ká꞉ti ne tóhsa ónhka ahonwatíhsere ne Jacob raonekenhteronʼtsheraʼshón꞉ʼa. 6Ne Jacob iahá꞉rawe ne Luz (ne ne Bethel nón꞉we) ne ne tsi watonhontsá꞉ien ne Canaan, ráonha tánon tsi nihá꞉ti ne ratikwekonhátie, 7tánon thóh nón꞉we nahrón꞉ni ne ietsenhahráhkhwa tánon ne wahanà꞉tonhkwe ne El-bethel, tiorí꞉wa tsi ehʼ nón꞉we ne kwáh ráonha Rawenni꞉io nihototahshièn꞉ni ne shonsahoté꞉kwahse ne iatateʼkén꞉ʼa.#35.7 Né El-bethel né Hebrew ne neʼ kén꞉tons “Shakoní꞉io í꞉ken ne Bethel.” 8Tánon ne Deborah, ne ne Rebekah akaonkwé꞉ta teiakóhshnie, waʼkénheie, tánon karontó꞉kon ne karíhton nón꞉we nakonwaiaʼtáta ne nentié꞉ne nokwá꞉ti ne Bethel. Sók katíʼ neh nón꞉we Allon-bacuth waʼkonwahsèn꞉non.#35.8 Ne Allon-bacuth né Hebrew ne ne kén꞉tons “Karíhton karón꞉ta tewahsènthohs.”
9Ne Rawenni꞉io shé꞉kon sahototáhshien né Jacob nó꞉nen shaʼtontá꞉re ne Paddan-aram, tánon wahoiaʼtaté꞉riste. 10Ne Rawenni꞉io wahawènhahse, “Jacob iesá꞉iats; iáh kíʼ shé꞉kon Jacob thaonsaiesaiátsheke, nok kiʼ Israel entiesaiátsheke.” Sók kiʼ ne Rawenni꞉io Israel sahoná꞉tonhkwe. 11Ne Rawenni꞉io wahawènhahse, “I꞉i ne Ní꞉io wakeʼshatstenhserowá꞉nen: sathwatsirón꞉ni tánon sewentiohkowáhnha; nonkwehshón꞉ʼa tánon niaʼteiakahontsá꞉kes isé꞉ke non entieiènhtahkwe tsi enionthwatsirón꞉ni, tánon ótiaʼks tsi nienhsathwatsirí꞉ne enhotinontí꞉ioʼne. 12Ne ohóntsa nétho tekheiá꞉wi ne Abraham tánon ne Isaac, kwáh í꞉se enskón꞉ion, tánon ó꞉ni iensekhé꞉ion tsi nienhsathwatsirí꞉ne.” 13Eʼthó꞉ne ne Rawenni꞉io sahathará꞉tate karonhiá꞉ke nionsá꞉re sahotiaʼtontákwahse tsi nón꞉we naʼtehotihthá꞉rahkwe. 14Né Jacob wahanenió꞉ten tsi nón꞉we naʼtehotihthá꞉rahkwe; tánon tho tahahnekáweron ne oʼnenharákeri ne iahá꞉tate, tánon ó꞉ni tho taháweron ne iakeniewáhtha kèn꞉ie. 15Káti ne Jacob neh nón꞉we niwatenà꞉taien tsi nón꞉we naʼtehotihthá꞉rahkwe ne Rawenni꞉io Bethel wahaná꞉tonhkwe.
Tsi Wahrennákerate Ne Benjamin Tánon Tsi Waʼkénheie Ne Rachel
16Eʼthó꞉ne tsi naʼtontahón꞉ne ne Bethel; tánon kwáh eʼthó tsi niió꞉re thotinó꞉ronʼskwe ne Ephrath, né Rachel ó꞉nen skanó꞉ronʼs aiowiraién꞉taʼne, tánon kwáh tho tsi niioronhiá꞉kenhkwe. 17Ne nó꞉nen kwáh siioronhiá꞉ken, ne iohshnié꞉nons naiowiraièn꞉taʼne waʼawènhahse, “Tóhsa sáteronʼn, aseʼkénh ó꞉nen ó꞉ia sesanekenhteronʼtsheraièn꞉taʼne.” 18Ók kenhé꞉ionhskwe, tánon nohná꞉ken shaʼtontontón꞉rie, Ben-oni wahohsèn꞉non ne roièn꞉ʼa; ók ne roʼníha Benjamin neʼ wahohsèn꞉non.#35.18 Ne Ben-oni ne Hebrew ne ne kén꞉tons “Ne roʼnihnéha nakeʼnikonhraksénhtshera.” Benjamin: né Hebrew ne ne kén꞉tons “Né riièn꞉ʼa skeweientehtáhkwen.” 19Katíʼ ne Rachel waʼkénheie, tánon tho nón꞉we naʼkonwaiaʼtáta tsi nieiothahí꞉non ne Ephrath (ne ne Bethlehem), 20Jacob tsi iotenontsístate naotshatónhkhwa wahanenió꞉ten; tsi kanèn꞉iote ne tsi nón꞉we ne Rachel nikonwaiaʼtáten, shé꞉kon thóh nón꞉we nikanén꞉iote nón꞉wa wenhniseraténion. Naonsakonwehiahrahstáhkwake, tánon shé꞉kon nón꞉wa nikaierón꞉ni tsi Rachel aotshatónhkhwa í꞉ken. 21Ne Israel tonsahatháhahkwe, tánon thóh nón꞉we iahataʼtohseró꞉ten ieiotohétston ne tsi kaʼnikáhtote ne Eder.
22Tsi nikarí꞉wes ne Israel tho nón꞉we nihanákerehkwe neh nón꞉we niionhóntsaien, né Reuben iahá꞉re tánon skátne wahiá꞉rate ne Bilhah ne ne roʼníha tehníiahsé꞉ne; tánon ne Israel waharihwá꞉ronke nétho.
Ne Israel ó꞉nen tékeni iawén꞉re nihá꞉ti sihonekenhteronʼtsherá꞉ien. 23Ne kí꞉ken ne Leah akoioʼokón꞉ʼahs Reuben (ne ne thakowá꞉nen ne ne Jacob roièn꞉ʼa), Simeon, Levi, Judah, Issachar, tánon ne Zebulun. 24Nakoioʼokón꞉ʼahs ne Rachel ne ne Só꞉se tánon ne Benjamin. 25Tánon nakoioʼokón꞉ʼahs ne Rachel aohnhá꞉tshera Bilhah ne ne Dan, tánon ne Naphtali. 26Ne Leah aohnhá꞉tshera Zilpah nakoioʼokón꞉ʼahs ne ne Gad, tánon ne Asher. Paddan-aram nón꞉we thonennakerá꞉ton.
Tsi Wahrénheie Ne Isaac
27Jacob roʼnihnéha Isaac niahá꞉re ne ne Mamre nón꞉we, khehs ne Kiriath-arba (Ne ne Hebron) tsi nón꞉we ne Abraham tánon ne Isaac iehninákerehkwe. 28Nón꞉wa ne Isaac énska tewenʼniáwe tánon shaʼté꞉kon niwáhsen niiohserá꞉ke nikarí꞉wes rónhnhehkwe. 29Tánon ne Isaac ne nohná꞉ken waʼaónhniaʼte sahatón꞉rie, tánon kwáh tho tsi nithó꞉ionhkwe sharénheie, tánon iahshakohtsá꞉thahrhahse ne rontátenonhkweʼs nohén꞉ton thonenhé꞉ion tsi ní꞉ioht ne ráonha; tánon ne raonekenhteronʼtsheraʼshón꞉ʼa ne ne Esau tánon Jacob wahonwaiaʼtáta.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.