PIENCILNA 43
43
Benjamin tawh a Sanggamte Peikia
1Tu-in gam sungah kielpi nasie mama hi. 2Amate in Egypt gam pana a puoh uh antang a khawn zaw ciengun a pa un a kung vuah, “Kuonkia unlen an halkhat va leibe kia ta un,” a ci hi. 3Ahi vangin Judah in ama kungah, “Tua mipa in khautahin ei hilkhol a, ‘Na sanggampa nang zawpi sih uleh ka mai na mu sih ding uhi,’ ei ci hi. 4Ka sanggampa tawh nei zawsah ding leh, an lei dingin ka kuonsuh ding uhi; 5nei zawsah sih dinga ahile ka kuonsuh sih ding uhi, azieh pen tua mipa in ka kung vuah, ‘Na sanggampa utawh nang zaw sih uleh ka mai na mu sih ding uhi,’ ei ci hi,” a ci hi. 6Israel in, “Mipa kungah bang dingin sanggam dang khat ka nei uhi, ci-in genin ei hici bawlsiet na hi uh ahei?” a ci hi. 7Amate in a dawng vua, “Mipa in kote le ka tanaute uh thu limtahin ei dong a, ‘Na pa uh a dam lai ei mah? Sanggam dang na nei na vuoi mah?’ ei ci hi. Ama in tam banga ei dawhna teng a dawngkia ka hi bo uhi. ‘Na sanggampa hing zawpisuh ta un,’ ei ci ding lam bang ka ci thei ding uh ahei?” a ci uhi. 8Tua ciengin Judah in a pa Israel kungah, “Tangvalpa ei zawpisah in. Nangma, kote, le i nausente si loin i hin thei nadingin ka va pei ta ding uhi. 9Kei mama ama adinga a kikham kang hi ding hi; ama tangin kei tungah mawna nei suon thei hi. Na kungah ama kang tutkia sih a, na mai-ah kang koikia sih tah leh tua mawna kei ei puosah zing ta’n. 10A vaikai lo khat hi leih tu-in nivei a kilekia zo ding ka hi ta uhi,” a ci hi.
11Tua ciengin a pa uh Jacob in amate kungah, “Tua bang ahi vawt tah leh tam bangin bawl un: Na ip sung vuah gam sunga a tuituoh pen singga pawlkhat puo unlen, tua pa tungah letsong dingin lingsi halkhat, khuoizu halkhat, singnai, myrrh panamtui, pistachio ga, le almond gate puosuh un. 12Na sum uh a zani vom un. Na vangong sung vua kikoi sumte puokia un; a kiphawh kha lo zong hi thei ding hi. 13Na sanggampa uh zawpi ta unlen, tua mipa kungah peikia ta un. 14Ama in tua adang na sanggampa ule Benjamin ang hlakia thei nadingin Vanglien#43:14 Heb’ zah ngaina-ah “El Shaddai” Pasien in mipa mai-ah note hing lungsiet taheh. Kei ka hile ka tate ka tan le zong a tan hi ta mai veng,” a ci hi. 15Tuaci’n amate in letsong la-in sum a zani a kenbe vua, Benjamin zong a zawpi uhi. Tua ciengin Egypt gamah a peisuh vua, Joseph mai-ah a ding uhi.
16Joseph in amate tawh ang zawhton Benjamin a mu ciengin a inncingpa kungah, “Inn sungah mite peipi inlen, tam mite sun an nehpi nuom ka hi ziehin gan khat go-in a baisa-in na omsah in,” a ci hi. 17Joseph’ gen bangin tua mipa in bawl a, Joseph’ inn sungah tua mite a zawpi hi. 18Tu-in Joseph’ inn ah a kizawpi ziehin a zausi vua, amate in, “A masa lai-a i ip sung vua kikoi sumte ziehin i tung vuah thu sui-in sila tengta-in ei bawlin i laate a mat thei nading vua ei kipeipi hi ta,” a ci uhi. 19Tuaci’n Joseph’ inncingpa kungah a peito vua, inn kotbiengah ama tawh a kiho uhi. 20Amate in, “Ka pu aw, a masa-in an lei dingin kang peisuh uhi; 21giena mun ka tun ciengun ka ip ka hong ule ka sum uh a gih za a kimin ka ip gong ciet vuah na om hi. Tua ahi ziehin tua sumte kang puokia uhi. 22Tua banah an lei nading sum kang kenbe lai uhi. Ka sumte uh ka ip sung vuah koi pen koi ahei, ci ka thei sih uhi,” a ci uhi. 23Ama in dawngin, “Kilungnuom sah unlen zau sih un; na Pasien ule na pate uh’ Pasien in na ip sung vuah na gou ding vua ang koipieh hi ding hi; na sum uh ka nga na hi,” a ci hi. Tua ciengin ama in amate tungah Simeon a peipi hi. 24Inncingpa#43:24 Heb “mipa” in Joseph’ inn ah amate zawpi-in tui pie a, a keng uh silin a kalaohte uh an a pieh zaw ciengin, 25tua munah a an neh ding lam uh a zah ziehun sun lai-a Joseph ang pei cienga a pieh ding uh letsong a baisa-in a koi uhi.
26Inn ah Joseph a tun ciengin amate in inn sunga a tawi uh letsongte ama kungah a peipi vua, ama’ mai lei lahah a kun uhi. 27Ama in dam le dam lo thu teng dongin, “Na gen uh na pa vuoi uh a dam dam nai mah? Ama a hing lai ma amah?” a ci hi. 28Amate in, “Na nasempa ka pa uh dam lai hi; ama hing lai hi,” a ci uhi. Tuale a lu uh kunin zatahna a pie uhi. 29Tua ciengin Joseph a dahto leh a nu’ tapa a sanggampa Benjamin mu a, ama in, “Ka kunga nei gen uh na nautum pen uh tampa ahiei mah? Pasien in nang hing khuotuo taheh, ka tapa aw!” a ci hi. 30Tua bangin a sanggampa a ngai seng ziehin Joseph pusuohin a kap dingin a kisa hi. Tuaci’n inndan tuom khatah pei-in kap hi. 31Tua ciengin a maiphietin a pusuoh hi; ama le ama ki-ip kenkonin, “An ei thua un,” a ci hi. 32Amate in Joseph ama guohin nesahin, amate zong a tuom ma-in nesah a, a an nehpi Egypt-te in a tuom ma-in a nesah uhi, azieh pen Hebrew-te tawh ankuong imton pen Egypt-te adingin a kidahhuoi ahi hi. 33Amate a suoh masa a suo kum utawh kizui le a tumpen a khangdawnna tawh kizui-in ama mai-ah a to ciengun mite in lamdangsa-in khatlekhat a ki-en uhi. 34Joseph’ sabuoi pan a tanh ciet uh kithuapieh a, hinanle amau’ tanh sangin Benjamin-a’ a za nga-in a tamzaw hi. Tuaci’n amate in an ne tui dawnin ama tawh a guol nuom uhi.
Iliyochaguliwa sasa
PIENCILNA 43: ZBOTF01
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Zo Bible © Bible Society of Myanmar, 2018.
PIENCILNA 43
43
Benjamin tawh a Sanggamte Peikia
1Tu-in gam sungah kielpi nasie mama hi. 2Amate in Egypt gam pana a puoh uh antang a khawn zaw ciengun a pa un a kung vuah, “Kuonkia unlen an halkhat va leibe kia ta un,” a ci hi. 3Ahi vangin Judah in ama kungah, “Tua mipa in khautahin ei hilkhol a, ‘Na sanggampa nang zawpi sih uleh ka mai na mu sih ding uhi,’ ei ci hi. 4Ka sanggampa tawh nei zawsah ding leh, an lei dingin ka kuonsuh ding uhi; 5nei zawsah sih dinga ahile ka kuonsuh sih ding uhi, azieh pen tua mipa in ka kung vuah, ‘Na sanggampa utawh nang zaw sih uleh ka mai na mu sih ding uhi,’ ei ci hi,” a ci hi. 6Israel in, “Mipa kungah bang dingin sanggam dang khat ka nei uhi, ci-in genin ei hici bawlsiet na hi uh ahei?” a ci hi. 7Amate in a dawng vua, “Mipa in kote le ka tanaute uh thu limtahin ei dong a, ‘Na pa uh a dam lai ei mah? Sanggam dang na nei na vuoi mah?’ ei ci hi. Ama in tam banga ei dawhna teng a dawngkia ka hi bo uhi. ‘Na sanggampa hing zawpisuh ta un,’ ei ci ding lam bang ka ci thei ding uh ahei?” a ci uhi. 8Tua ciengin Judah in a pa Israel kungah, “Tangvalpa ei zawpisah in. Nangma, kote, le i nausente si loin i hin thei nadingin ka va pei ta ding uhi. 9Kei mama ama adinga a kikham kang hi ding hi; ama tangin kei tungah mawna nei suon thei hi. Na kungah ama kang tutkia sih a, na mai-ah kang koikia sih tah leh tua mawna kei ei puosah zing ta’n. 10A vaikai lo khat hi leih tu-in nivei a kilekia zo ding ka hi ta uhi,” a ci hi.
11Tua ciengin a pa uh Jacob in amate kungah, “Tua bang ahi vawt tah leh tam bangin bawl un: Na ip sung vuah gam sunga a tuituoh pen singga pawlkhat puo unlen, tua pa tungah letsong dingin lingsi halkhat, khuoizu halkhat, singnai, myrrh panamtui, pistachio ga, le almond gate puosuh un. 12Na sum uh a zani vom un. Na vangong sung vua kikoi sumte puokia un; a kiphawh kha lo zong hi thei ding hi. 13Na sanggampa uh zawpi ta unlen, tua mipa kungah peikia ta un. 14Ama in tua adang na sanggampa ule Benjamin ang hlakia thei nadingin Vanglien#43:14 Heb’ zah ngaina-ah “El Shaddai” Pasien in mipa mai-ah note hing lungsiet taheh. Kei ka hile ka tate ka tan le zong a tan hi ta mai veng,” a ci hi. 15Tuaci’n amate in letsong la-in sum a zani a kenbe vua, Benjamin zong a zawpi uhi. Tua ciengin Egypt gamah a peisuh vua, Joseph mai-ah a ding uhi.
16Joseph in amate tawh ang zawhton Benjamin a mu ciengin a inncingpa kungah, “Inn sungah mite peipi inlen, tam mite sun an nehpi nuom ka hi ziehin gan khat go-in a baisa-in na omsah in,” a ci hi. 17Joseph’ gen bangin tua mipa in bawl a, Joseph’ inn sungah tua mite a zawpi hi. 18Tu-in Joseph’ inn ah a kizawpi ziehin a zausi vua, amate in, “A masa lai-a i ip sung vua kikoi sumte ziehin i tung vuah thu sui-in sila tengta-in ei bawlin i laate a mat thei nading vua ei kipeipi hi ta,” a ci uhi. 19Tuaci’n Joseph’ inncingpa kungah a peito vua, inn kotbiengah ama tawh a kiho uhi. 20Amate in, “Ka pu aw, a masa-in an lei dingin kang peisuh uhi; 21giena mun ka tun ciengun ka ip ka hong ule ka sum uh a gih za a kimin ka ip gong ciet vuah na om hi. Tua ahi ziehin tua sumte kang puokia uhi. 22Tua banah an lei nading sum kang kenbe lai uhi. Ka sumte uh ka ip sung vuah koi pen koi ahei, ci ka thei sih uhi,” a ci uhi. 23Ama in dawngin, “Kilungnuom sah unlen zau sih un; na Pasien ule na pate uh’ Pasien in na ip sung vuah na gou ding vua ang koipieh hi ding hi; na sum uh ka nga na hi,” a ci hi. Tua ciengin ama in amate tungah Simeon a peipi hi. 24Inncingpa#43:24 Heb “mipa” in Joseph’ inn ah amate zawpi-in tui pie a, a keng uh silin a kalaohte uh an a pieh zaw ciengin, 25tua munah a an neh ding lam uh a zah ziehun sun lai-a Joseph ang pei cienga a pieh ding uh letsong a baisa-in a koi uhi.
26Inn ah Joseph a tun ciengin amate in inn sunga a tawi uh letsongte ama kungah a peipi vua, ama’ mai lei lahah a kun uhi. 27Ama in dam le dam lo thu teng dongin, “Na gen uh na pa vuoi uh a dam dam nai mah? Ama a hing lai ma amah?” a ci hi. 28Amate in, “Na nasempa ka pa uh dam lai hi; ama hing lai hi,” a ci uhi. Tuale a lu uh kunin zatahna a pie uhi. 29Tua ciengin Joseph a dahto leh a nu’ tapa a sanggampa Benjamin mu a, ama in, “Ka kunga nei gen uh na nautum pen uh tampa ahiei mah? Pasien in nang hing khuotuo taheh, ka tapa aw!” a ci hi. 30Tua bangin a sanggampa a ngai seng ziehin Joseph pusuohin a kap dingin a kisa hi. Tuaci’n inndan tuom khatah pei-in kap hi. 31Tua ciengin a maiphietin a pusuoh hi; ama le ama ki-ip kenkonin, “An ei thua un,” a ci hi. 32Amate in Joseph ama guohin nesahin, amate zong a tuom ma-in nesah a, a an nehpi Egypt-te in a tuom ma-in a nesah uhi, azieh pen Hebrew-te tawh ankuong imton pen Egypt-te adingin a kidahhuoi ahi hi. 33Amate a suoh masa a suo kum utawh kizui le a tumpen a khangdawnna tawh kizui-in ama mai-ah a to ciengun mite in lamdangsa-in khatlekhat a ki-en uhi. 34Joseph’ sabuoi pan a tanh ciet uh kithuapieh a, hinanle amau’ tanh sangin Benjamin-a’ a za nga-in a tamzaw hi. Tuaci’n amate in an ne tui dawnin ama tawh a guol nuom uhi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Zo Bible © Bible Society of Myanmar, 2018.