Zabúr 32
32
BATTÍSWÍṈ ZABÚR.
Dáúd ki is tạlím-dihinda zabúr meṉ kháss yih tạlím hai, ki jo gunahgár makr se apne gunáhoṉ ke chhipáne kí koshish kartá hai, aur un se tauba nahíṉ kartá, wuh niháyat g̣am aur dukh meṉ paṛá rahegá; aur jo un ká iqrár karke muafí hásil kartá hai, wuh niháyat hí nekbaḳht o ḳhushhál hogá. Shurụ́ meṉ Dáúd kahtá hai, ki jis ke gunah muạ́f kie gae, wuh kyá hí mubárak hai (1, 2), aur apne tajribe se is bát ko sábit karke (3—6), bháíon ko is kí nisbat tạlím o nasíhat kartá hai (7—9), aur áḳhir meṉ gunahgároṉ kí badbaḳhtí aur sádiqoṉ kí nekbaḳhtí ká phir zikr kartá (10, 11).
Dáúd kí Tạlím-dihinda Zabúr.
1Wuh kyá hí mubárak hai, jis ká gunah baḳhshá gaya, jis kí ḳhatá dhámpí gaí! 2Wuh ádmí kyá hí mubárak hai, jis ke liye Yahowáh badí mahsúb nahíṉ kartá, aur us kí ruh meṉ kuchh makr nahíṉ hai!
3Kyúṉki maiṉ ḳhámosh ho rahá, aur mere tamám din ke karáhne se merí haddíán gal gaíṉ. 4Kyúṉki rát din tera háth mujh par bhárí rahtá hai; merí rutúbat garmí kí ḳhushkíoṉ se badal gaí. Siláh. 5Maiṉ ne kahá ki “Apní ḳhatá tujh par zahir karúṉgá,” aur apní badí nahíṉ chhipáí; maiṉ ne kahá, ki “Yahowáh ke áge apne gunáhoṉ ká iqrár karúṉgá,” aur Tú hí ne merí ḳhatá kí badí ko muáf kiyá. Siláh. 6Isí liye har ek muqaddas jab tak tú mil saktá hai, terí taraf rujụ́ hoke duạ́ kare; yaqínan jab baṛe páníoṉ ke sailáb hoṉ, tab us tak na pahunchenge.
7Tú hí mere liye áṛ hai; tú mujhe tangí se mahfúz rakhegá; riháí kí tarannumát se mujhe gheregá. Siláh. 8Maiṉ tujhe tạlím dúṉgá aur jis ráh par tú chalegá terí rahnumáí karúṉgá; maiṉ tujhe saláh dúṉgá, merí áṉkh tujh par lagí rahegí. 9Ghoṛe ke mánind, ḳhachchar ke mánind na ho, jin meṉ kuchh samajh nahíṉ; bág aur lagám meṉ un kí zínat hai, táki un ká muṉh pakṛe, kyúṉki wuh tere qaríb nahíṉ áte. 10Sharír par bahut dukh haiṉ; aur jo Yahowáh par tawakkul rakhtá hai, wuh use mihrbání se gheregá. 11Ai sádiqo, Yahowáh se ḳhush ho aur shádmání karo, aur, Ai sáre rást-dilo, tarannum karo.
Iliyochaguliwa sasa
Zabúr 32: URDRPS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Historical text first published in 1863, and maintained by the British and Foreign Bible Society.
Zabúr 32
32
BATTÍSWÍṈ ZABÚR.
Dáúd ki is tạlím-dihinda zabúr meṉ kháss yih tạlím hai, ki jo gunahgár makr se apne gunáhoṉ ke chhipáne kí koshish kartá hai, aur un se tauba nahíṉ kartá, wuh niháyat g̣am aur dukh meṉ paṛá rahegá; aur jo un ká iqrár karke muafí hásil kartá hai, wuh niháyat hí nekbaḳht o ḳhushhál hogá. Shurụ́ meṉ Dáúd kahtá hai, ki jis ke gunah muạ́f kie gae, wuh kyá hí mubárak hai (1, 2), aur apne tajribe se is bát ko sábit karke (3—6), bháíon ko is kí nisbat tạlím o nasíhat kartá hai (7—9), aur áḳhir meṉ gunahgároṉ kí badbaḳhtí aur sádiqoṉ kí nekbaḳhtí ká phir zikr kartá (10, 11).
Dáúd kí Tạlím-dihinda Zabúr.
1Wuh kyá hí mubárak hai, jis ká gunah baḳhshá gaya, jis kí ḳhatá dhámpí gaí! 2Wuh ádmí kyá hí mubárak hai, jis ke liye Yahowáh badí mahsúb nahíṉ kartá, aur us kí ruh meṉ kuchh makr nahíṉ hai!
3Kyúṉki maiṉ ḳhámosh ho rahá, aur mere tamám din ke karáhne se merí haddíán gal gaíṉ. 4Kyúṉki rát din tera háth mujh par bhárí rahtá hai; merí rutúbat garmí kí ḳhushkíoṉ se badal gaí. Siláh. 5Maiṉ ne kahá ki “Apní ḳhatá tujh par zahir karúṉgá,” aur apní badí nahíṉ chhipáí; maiṉ ne kahá, ki “Yahowáh ke áge apne gunáhoṉ ká iqrár karúṉgá,” aur Tú hí ne merí ḳhatá kí badí ko muáf kiyá. Siláh. 6Isí liye har ek muqaddas jab tak tú mil saktá hai, terí taraf rujụ́ hoke duạ́ kare; yaqínan jab baṛe páníoṉ ke sailáb hoṉ, tab us tak na pahunchenge.
7Tú hí mere liye áṛ hai; tú mujhe tangí se mahfúz rakhegá; riháí kí tarannumát se mujhe gheregá. Siláh. 8Maiṉ tujhe tạlím dúṉgá aur jis ráh par tú chalegá terí rahnumáí karúṉgá; maiṉ tujhe saláh dúṉgá, merí áṉkh tujh par lagí rahegí. 9Ghoṛe ke mánind, ḳhachchar ke mánind na ho, jin meṉ kuchh samajh nahíṉ; bág aur lagám meṉ un kí zínat hai, táki un ká muṉh pakṛe, kyúṉki wuh tere qaríb nahíṉ áte. 10Sharír par bahut dukh haiṉ; aur jo Yahowáh par tawakkul rakhtá hai, wuh use mihrbání se gheregá. 11Ai sádiqo, Yahowáh se ḳhush ho aur shádmání karo, aur, Ai sáre rást-dilo, tarannum karo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Historical text first published in 1863, and maintained by the British and Foreign Bible Society.