JƆN NSENDƐ 3
3
Apuma Hɔbatokɛ
1Ke ŋchɔmalen mbomdɛ ma Baaɛ koŋ hi kaɛ, chelɛ pɔ hi velɛ apuma Hɔbatokɛ; ni vɛ hiɛ. Yendɛ ŋɔ bi hɔlɔɛ hɔ si hi niɛ haliwɔ hɔ si wɔni. 2Anya ŋchɔmalen, hi apuma Hɔbatokɛ yɛlayoɛ; la panmu toŋgini ŋɔ hi bi ha cheɛ, kɛ hi siɛ yɛ wɔ toŋginiɛ hi bi ha che kendɛ wɔn, haliwɔ hi bi ha ke wɔ kendɛ ŋɔ wɔ yɛ. 3Ni nɔɛ gbi wɔ bɛ gbo kithgbɔl wɔnayɛ wɔ hani charaŋ kendɛ hɔ wɔ charaŋdɛ.
4Nɔɛ gbi wɔ ha gbo iwɛiɛ wɔ ikweɛ saba; iwɛi hɔɛ ikweɛ saba. 5Ŋa siɛ lɛ ka toŋgini ha kwe iwɛi, ni wɔnay iwɛi ŋɔ chelɔni. 6Nɔɛ gbi wɔ wɔnayɛ chen ha iwɛi; nɔɛ gbi wɔ ha iwɛiɛ ke wɔn mu o si wɔn mu.
7Apuma tata, ha nɔ gbi ma nɔ dik bolmin. Nɔɛ gbi wɔ ha gbo ja tiŋtiŋdɛ wɔ naythin tiŋtiŋday, kendɛ Jisɔs wɔnbɛ wɔ tiŋtiŋdayɛ. 8Nɔɛ gbi wɔ ha gbo iwɛiɛ wɔ ha min dɛ; haliwɔ min dɛ koŋ ha iwɛi hiŋg tipɛkɛ. Yendɛ hɔ bi Tak Hɔbatokɛ ka toŋgini ha simi mpanth ma min dɛ.
9Nɔɛ gbi wɔ Hɔbatokɛ gbemdɛ chen ha iwɛi; haliwɔ che Hɔbatokɛ kɔwɔay, ni chen bɔ ha iwɛi haliwɔ wɔ gbemni Hɔbatokɛ. 10Ka lanɛ ki ŋanɛ ŋa apuma Hɔbatokɛ ŋa bɔ keni, ni ŋanɛ ŋa apuma min dɛ; nɔɛ gbi wɔ hani gbo tiŋtiŋ dɛ, ni nɔɛ gbi wɔ chɔŋɔni pɛnte wɔɛ len dɛ cheni ha Hɔbatokɛ.
Ŋa chɔŋ ni len
11Haliwɔ wom dɛ lɔki lɔ ŋa koŋ theɛ hiŋg tipɛkɛ, lɛ hi ha chɔŋniyalen, 12ni hi ma che kendɛ Ken wɔ ka che wɛiyɛ ni di pɛnte wɔɛ. Ni yɛ bi ni di wɔa? Haliwɔ jaliwɔ li ha la ka che li wɛi ni ha li pɛnte wɔɛ la ka che tiŋtiŋ.
13Ŋa ma kabani, anya mi, lɛ hɔlɔɛ mith nɔ. 14Hi siyɛ lɛ hi koŋ chaŋ hiŋg li wu hi koŋ pɔŋni ihɔlɔŋday, haliwɔ hi chɔŋ anya hiɛ len. Nɔɛ wɔ biɛni gbo nchɔmalendɛ wɔ li wuay. 15Nɔɛ gbi wɔ mith gbo pɛnte wɔɛ wɔ nɔ diɛ nɔ, ni ŋa siɛ lɛ nɔ diɛ nɔ gbi biɛni ihɔlɔŋ chɔŋgba wɔnay. 16Ka lanɛ kiay hi si ŋchɔmalen, Jisɔs wɔŋ ihɔlɔŋ wɔɛ ha hin; ni hin bɛ hi ha wɔŋ hɔlɔŋ thihiɛ ha anya hiɛ. 17Kɛ yɛ nɔ gbi bi gbo ŋyek ma hɔlɔɛ ni ke pɛnte wɔɛ biɛni, kɛ kathaliya gbɔl wɔɛ ŋa wɔn, hɔ ŋchɔmalen ma Hɔbatokɛ ma che wɔnaya? 18Apuma atata, hima bi ŋchɔmalen ŋhɔkay o theliaŋ day kɛ ki jalihay ni rɔŋday.
Thɛthɛ gbɔl Hɔbatokɛ che
19Ka lanɛ ki hi bi ha siɛ lɛ hi ha rɔŋdɛ, ni hi bi kith gbɔl wɔn che 20mɛŋk kɛ gbi hɔ gbɔl thihiɛ tha poliɛ hi gboɛ; haliwɔ Hɔbatokɛ wɔ bomba chaŋ gbɔl thihiɛ, ni si len-o-len gbi. 21Anya ŋchɔmalen, yɛ gbɔl thihiɛ tha poliɛ hi ni gbo, hi bi kithgbɔl Hɔbatokɛ che; 22ni hi sɔthɔ hiŋg wɔn lendɛ la hi yiɛ, haliwɔ hi thɔŋgulɔ saba thi wɔɛ ni hi haa lanɛ la wɔ hini gbɔl lɛ. 23Ni saba wɔɛ hɔ ki, lɛ hi ha bi laanɛ ko ilel Taa wɔɛ Jisɔs Krayst ni hi chɔŋniyalen kendɛ ŋɔ ko hi gbɔndaɛ. 24Ŋanɛ gbi ŋa yɛthiɛ gbo saba thi wɔɛ ŋa wɔnay, ni wɔn wɔ hanay. Ni ka lanɛ ki hi siɛ lɛ wɔ hiay, ka Min Charaŋdɛ ŋɔ koŋ hi kaɛ.
Iliyochaguliwa sasa
JƆN NSENDƐ 3: SNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sherbro New Testament Portions © Bible Society in Sierra Leone, 2020.
JƆN NSENDƐ 3
3
Apuma Hɔbatokɛ
1Ke ŋchɔmalen mbomdɛ ma Baaɛ koŋ hi kaɛ, chelɛ pɔ hi velɛ apuma Hɔbatokɛ; ni vɛ hiɛ. Yendɛ ŋɔ bi hɔlɔɛ hɔ si hi niɛ haliwɔ hɔ si wɔni. 2Anya ŋchɔmalen, hi apuma Hɔbatokɛ yɛlayoɛ; la panmu toŋgini ŋɔ hi bi ha cheɛ, kɛ hi siɛ yɛ wɔ toŋginiɛ hi bi ha che kendɛ wɔn, haliwɔ hi bi ha ke wɔ kendɛ ŋɔ wɔ yɛ. 3Ni nɔɛ gbi wɔ bɛ gbo kithgbɔl wɔnayɛ wɔ hani charaŋ kendɛ hɔ wɔ charaŋdɛ.
4Nɔɛ gbi wɔ ha gbo iwɛiɛ wɔ ikweɛ saba; iwɛi hɔɛ ikweɛ saba. 5Ŋa siɛ lɛ ka toŋgini ha kwe iwɛi, ni wɔnay iwɛi ŋɔ chelɔni. 6Nɔɛ gbi wɔ wɔnayɛ chen ha iwɛi; nɔɛ gbi wɔ ha iwɛiɛ ke wɔn mu o si wɔn mu.
7Apuma tata, ha nɔ gbi ma nɔ dik bolmin. Nɔɛ gbi wɔ ha gbo ja tiŋtiŋdɛ wɔ naythin tiŋtiŋday, kendɛ Jisɔs wɔnbɛ wɔ tiŋtiŋdayɛ. 8Nɔɛ gbi wɔ ha gbo iwɛiɛ wɔ ha min dɛ; haliwɔ min dɛ koŋ ha iwɛi hiŋg tipɛkɛ. Yendɛ hɔ bi Tak Hɔbatokɛ ka toŋgini ha simi mpanth ma min dɛ.
9Nɔɛ gbi wɔ Hɔbatokɛ gbemdɛ chen ha iwɛi; haliwɔ che Hɔbatokɛ kɔwɔay, ni chen bɔ ha iwɛi haliwɔ wɔ gbemni Hɔbatokɛ. 10Ka lanɛ ki ŋanɛ ŋa apuma Hɔbatokɛ ŋa bɔ keni, ni ŋanɛ ŋa apuma min dɛ; nɔɛ gbi wɔ hani gbo tiŋtiŋ dɛ, ni nɔɛ gbi wɔ chɔŋɔni pɛnte wɔɛ len dɛ cheni ha Hɔbatokɛ.
Ŋa chɔŋ ni len
11Haliwɔ wom dɛ lɔki lɔ ŋa koŋ theɛ hiŋg tipɛkɛ, lɛ hi ha chɔŋniyalen, 12ni hi ma che kendɛ Ken wɔ ka che wɛiyɛ ni di pɛnte wɔɛ. Ni yɛ bi ni di wɔa? Haliwɔ jaliwɔ li ha la ka che li wɛi ni ha li pɛnte wɔɛ la ka che tiŋtiŋ.
13Ŋa ma kabani, anya mi, lɛ hɔlɔɛ mith nɔ. 14Hi siyɛ lɛ hi koŋ chaŋ hiŋg li wu hi koŋ pɔŋni ihɔlɔŋday, haliwɔ hi chɔŋ anya hiɛ len. Nɔɛ wɔ biɛni gbo nchɔmalendɛ wɔ li wuay. 15Nɔɛ gbi wɔ mith gbo pɛnte wɔɛ wɔ nɔ diɛ nɔ, ni ŋa siɛ lɛ nɔ diɛ nɔ gbi biɛni ihɔlɔŋ chɔŋgba wɔnay. 16Ka lanɛ kiay hi si ŋchɔmalen, Jisɔs wɔŋ ihɔlɔŋ wɔɛ ha hin; ni hin bɛ hi ha wɔŋ hɔlɔŋ thihiɛ ha anya hiɛ. 17Kɛ yɛ nɔ gbi bi gbo ŋyek ma hɔlɔɛ ni ke pɛnte wɔɛ biɛni, kɛ kathaliya gbɔl wɔɛ ŋa wɔn, hɔ ŋchɔmalen ma Hɔbatokɛ ma che wɔnaya? 18Apuma atata, hima bi ŋchɔmalen ŋhɔkay o theliaŋ day kɛ ki jalihay ni rɔŋday.
Thɛthɛ gbɔl Hɔbatokɛ che
19Ka lanɛ ki hi bi ha siɛ lɛ hi ha rɔŋdɛ, ni hi bi kith gbɔl wɔn che 20mɛŋk kɛ gbi hɔ gbɔl thihiɛ tha poliɛ hi gboɛ; haliwɔ Hɔbatokɛ wɔ bomba chaŋ gbɔl thihiɛ, ni si len-o-len gbi. 21Anya ŋchɔmalen, yɛ gbɔl thihiɛ tha poliɛ hi ni gbo, hi bi kithgbɔl Hɔbatokɛ che; 22ni hi sɔthɔ hiŋg wɔn lendɛ la hi yiɛ, haliwɔ hi thɔŋgulɔ saba thi wɔɛ ni hi haa lanɛ la wɔ hini gbɔl lɛ. 23Ni saba wɔɛ hɔ ki, lɛ hi ha bi laanɛ ko ilel Taa wɔɛ Jisɔs Krayst ni hi chɔŋniyalen kendɛ ŋɔ ko hi gbɔndaɛ. 24Ŋanɛ gbi ŋa yɛthiɛ gbo saba thi wɔɛ ŋa wɔnay, ni wɔn wɔ hanay. Ni ka lanɛ ki hi siɛ lɛ wɔ hiay, ka Min Charaŋdɛ ŋɔ koŋ hi kaɛ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sherbro New Testament Portions © Bible Society in Sierra Leone, 2020.