JƆN NSENDƐ 5
5
Nyum hiɛ hɔlɔɛ atok
1Nɔɛ gbi wɔ laanɛ gboɛ lɛ Jisɔs wɔɛ Kraystɛ, wɔ komɔ Hɔbatokɛ, ni nɔɛ gbi wɔ chɔŋ gbo abɛnay len dɛ chɔŋ komɔɛ len. 2Ka lanɛ ki hi siɛ lɛ hi chɔŋ apuma Hɔbatokɛ len, yɛ hi chɔŋ gbo Hɔbatokɛ len ni hi kweɛ saba thi wɔɛ. 3Haliwɔ nchɔmalen ma Hɔbatokɛ ma kiɛ, ha hin kweɛ saba thi wɔɛ. Ni saba thi wɔɛ tha cheni dis. 4Haliwɔ yendɛ gbi hɔ gbemni Hɔbatokɛ nyum hɔlɔɛ; ni laanɛ hiɛ kɔ fɔsa nyum hɔlɔɛ. 5Hina wɔɛ nɔɛ wɔ nyum hɔlɔɛ kɛ nɔɛ wɔ laanɛ kɛ Jisɔs wɔ Tak Hɔbatokɛ?
Li sei ha Jisɔs Krayst
6Wɔn wɔ ki wɔ hun ka mɛndɛ ni ŋkɔŋdɛ, Jisɔs Krayst, chen ka mɛndɛ gbo kɛ ka mɛndɛ ni ŋkɔŋdɛ. Ni Min Charaŋdɛ wɔɛ sei, haliwɔ Min Charaŋdɛ wɔɛ rɔŋdɛ. 7Ŋseiɛ ŋa ara, 8Min Charaŋdɛ, mɛn dɛ, ni ŋkɔŋ dɛ; ni araɛ ki ŋa lomthibul. 9Yɛ hi kweyɛ gbo sei li anyin, sei li Hɔbatokɛ lɔ chaŋ che li bom; haliwɔ Hɔbatokɛ koŋ cheɛ sei ha Taa wɔɛ. 10Nɔɛ wɔ laanɛ gbo Tak Hɔbatokɛ bi sei lɛ wɔnay. Nɔɛ wɔ lanɛni gbo Hɔbatokɛ koŋ wɔ piŋgiɛ nɔ mbol, haliwɔ biɛni lanɛ ko sei lɛ lɔ Hɔbatokɛ wɔŋ ha Taa wɔɛ. 11Ni sei lɛ lɔ ki, lɛ Hɔbatokɛ ka hi ihɔlɔŋ chɔŋgba, ni ihɔlɔŋ do ki hɔ Taa wɔay. 12Nɔɛ wɔ bi Taaɛ bi ihɔlɔŋ; nɔɛ wɔ biyɛni Tak Hɔbatokɛ biyɛni ihɔlɔŋ.
Ihɔlɔŋ chɔŋgba
13Ya gbal lanɛ ki konɔko ŋan ŋa bɛ lanɛɛ ilel Tak Hɔbatokɛay, chelɛ ŋa siɛ lɛ ŋa bi ihɔlɔŋ chɔŋgba. 14Ni kithgbɔllɛ kɔ kiɛ kɔ hi bi wɔnayɛ, lɛ yɛ hi yiyɛ gbo ha yen gbi sɔŋgɔma hɔ yema laɛ wɔ hi theɛ. 15Ni yɛ hi si gboɛ lɛ wɔ hi theɛ ko lanɛ gbi la hi yiɛ gboɛ, hi siɛ hi koŋ sɔthɔ yendɛ hɔ hi yiɛ wɔɛ.
16Yɛ nɔ gbi ke gbo anyin ŋa ha iwɛiyɛ hɔ che ŋa diɛ, bi ha yi, ni Hɔbatokɛ bi ha ka ihɔlɔŋ ha ŋanɛ ŋa iwɛi ŋaɛ hɔ che ŋa diɛ. Iwɛi hɔlɔ hɔ ŋa diɛ; ya hɔndɛ nɔ wɔ ha sɛli ha lan. 17Jali wɛi gbi la iwɛi, kɛ iwɛi hɔlɔ hɔ chen diɛ.
18Hi siɛ lɛ nɔɛ gbi wɔ gbemni Hɔbatokɛ chen ha iwɛi, kɛ Tak Hɔbatokɛ wɔ wɔ thɔŋgul, ni nɔ kafa che wɔ bɛŋ.
19Hi siɛ lɛ hi ha Hɔbatokɛ, ni hɔlɔɛ gbi hɔ fɔsa nɔ kafay.
20Ni hi siɛ lɛ Tak Hɔbatokɛ koŋ hun ni koŋ hi ka sa nten, ha si wɔ wɔn wɔ tiŋtiŋ; ni hi wɔnay wɔn wɔ tiŋtiŋ, Taa wɔay Jisɔs Krayst. Ki wɛ Hɔbatokɛ tiŋtiŋdɛ ni ihɔlɔŋ chɔŋgba.
21Apuma tata, ŋa kosini ithɔm.
Iliyochaguliwa sasa
JƆN NSENDƐ 5: SNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sherbro New Testament Portions © Bible Society in Sierra Leone, 2020.
JƆN NSENDƐ 5
5
Nyum hiɛ hɔlɔɛ atok
1Nɔɛ gbi wɔ laanɛ gboɛ lɛ Jisɔs wɔɛ Kraystɛ, wɔ komɔ Hɔbatokɛ, ni nɔɛ gbi wɔ chɔŋ gbo abɛnay len dɛ chɔŋ komɔɛ len. 2Ka lanɛ ki hi siɛ lɛ hi chɔŋ apuma Hɔbatokɛ len, yɛ hi chɔŋ gbo Hɔbatokɛ len ni hi kweɛ saba thi wɔɛ. 3Haliwɔ nchɔmalen ma Hɔbatokɛ ma kiɛ, ha hin kweɛ saba thi wɔɛ. Ni saba thi wɔɛ tha cheni dis. 4Haliwɔ yendɛ gbi hɔ gbemni Hɔbatokɛ nyum hɔlɔɛ; ni laanɛ hiɛ kɔ fɔsa nyum hɔlɔɛ. 5Hina wɔɛ nɔɛ wɔ nyum hɔlɔɛ kɛ nɔɛ wɔ laanɛ kɛ Jisɔs wɔ Tak Hɔbatokɛ?
Li sei ha Jisɔs Krayst
6Wɔn wɔ ki wɔ hun ka mɛndɛ ni ŋkɔŋdɛ, Jisɔs Krayst, chen ka mɛndɛ gbo kɛ ka mɛndɛ ni ŋkɔŋdɛ. Ni Min Charaŋdɛ wɔɛ sei, haliwɔ Min Charaŋdɛ wɔɛ rɔŋdɛ. 7Ŋseiɛ ŋa ara, 8Min Charaŋdɛ, mɛn dɛ, ni ŋkɔŋ dɛ; ni araɛ ki ŋa lomthibul. 9Yɛ hi kweyɛ gbo sei li anyin, sei li Hɔbatokɛ lɔ chaŋ che li bom; haliwɔ Hɔbatokɛ koŋ cheɛ sei ha Taa wɔɛ. 10Nɔɛ wɔ laanɛ gbo Tak Hɔbatokɛ bi sei lɛ wɔnay. Nɔɛ wɔ lanɛni gbo Hɔbatokɛ koŋ wɔ piŋgiɛ nɔ mbol, haliwɔ biɛni lanɛ ko sei lɛ lɔ Hɔbatokɛ wɔŋ ha Taa wɔɛ. 11Ni sei lɛ lɔ ki, lɛ Hɔbatokɛ ka hi ihɔlɔŋ chɔŋgba, ni ihɔlɔŋ do ki hɔ Taa wɔay. 12Nɔɛ wɔ bi Taaɛ bi ihɔlɔŋ; nɔɛ wɔ biyɛni Tak Hɔbatokɛ biyɛni ihɔlɔŋ.
Ihɔlɔŋ chɔŋgba
13Ya gbal lanɛ ki konɔko ŋan ŋa bɛ lanɛɛ ilel Tak Hɔbatokɛay, chelɛ ŋa siɛ lɛ ŋa bi ihɔlɔŋ chɔŋgba. 14Ni kithgbɔllɛ kɔ kiɛ kɔ hi bi wɔnayɛ, lɛ yɛ hi yiyɛ gbo ha yen gbi sɔŋgɔma hɔ yema laɛ wɔ hi theɛ. 15Ni yɛ hi si gboɛ lɛ wɔ hi theɛ ko lanɛ gbi la hi yiɛ gboɛ, hi siɛ hi koŋ sɔthɔ yendɛ hɔ hi yiɛ wɔɛ.
16Yɛ nɔ gbi ke gbo anyin ŋa ha iwɛiyɛ hɔ che ŋa diɛ, bi ha yi, ni Hɔbatokɛ bi ha ka ihɔlɔŋ ha ŋanɛ ŋa iwɛi ŋaɛ hɔ che ŋa diɛ. Iwɛi hɔlɔ hɔ ŋa diɛ; ya hɔndɛ nɔ wɔ ha sɛli ha lan. 17Jali wɛi gbi la iwɛi, kɛ iwɛi hɔlɔ hɔ chen diɛ.
18Hi siɛ lɛ nɔɛ gbi wɔ gbemni Hɔbatokɛ chen ha iwɛi, kɛ Tak Hɔbatokɛ wɔ wɔ thɔŋgul, ni nɔ kafa che wɔ bɛŋ.
19Hi siɛ lɛ hi ha Hɔbatokɛ, ni hɔlɔɛ gbi hɔ fɔsa nɔ kafay.
20Ni hi siɛ lɛ Tak Hɔbatokɛ koŋ hun ni koŋ hi ka sa nten, ha si wɔ wɔn wɔ tiŋtiŋ; ni hi wɔnay wɔn wɔ tiŋtiŋ, Taa wɔay Jisɔs Krayst. Ki wɛ Hɔbatokɛ tiŋtiŋdɛ ni ihɔlɔŋ chɔŋgba.
21Apuma tata, ŋa kosini ithɔm.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sherbro New Testament Portions © Bible Society in Sierra Leone, 2020.