TIMOTHI MƆƐKƐ TIŊDƐ 4
4
1Ya mɔ gbɔnda Hɔbatokɛ che ni Krayst Jisɔs wɔ bi ha thoŋga anya ihɔlɔŋdɛ ni anya wuɛ, ni ka hun wɔɛ ni pɔk wɔɛ: 2Thɛkɛsi hɔk Hɔbatokɛ, che lɛni mɛŋk gbi, ha pɔ laanɛ, hɔl, ni tɔŋk, ma mani ha bi muyu ni ha toŋgi. 3Haliwɔ mɛŋkɛ hɔ hunɛ yɛ ayin chen pɛ muyu toŋgi tiŋtiŋ, kɛ ka nui thi sɔkul hae dikilɛni anya toŋgiɛ ŋa la ŋa yema theɛ, 4ŋaye thimni ha lɔŋ nui ko tiŋtiŋ dɛ ŋae pɔŋni ko mbɛn. 5Ŋa hɔm, bi bolɛ bul, muyu ha che thenɛki, ha mpanth ma mɔ thɛkɛsi hɔk Hɔbatokɛ, ŋa mpanth mamɔɛ 6Ya koŋ bɛmpani ha pɔn hok mi saka; mɛŋk mi kɔndɛ koŋ mɔɛ. 7Ya koŋ chɔ chɔthi yegbeɛ, ya koŋ ka ihamdɛ, ya koŋ laanɛ. 8Labi pɔ koŋ mi thɔndɔ gba che charaŋ, ŋɔ Bɛɛ, nɔ thoŋga tiŋtiŋdɛ, bi ha kami hwɛyɛ vɛ, ni chen ha yaŋ gbo kɛ ko hanɛ ha chɔŋ hun wɔɛ lendɛ.
Hɔk ma mi ndel lɛ
9Nchɔ kath ha mɔn hun kɛkɛ komika. 10Ha Demas, yɛ koŋ chɔŋ hɔlɔɛ ki lendɛ, koŋ mi kosini ni kɔni Thɛsalonikako; Krisɛns koŋ koni Galeshiako, Taytɔs Dalmasiako 11Luk wɔn kɛn wɔm ntɛnt ka. Lɛliɛ Mak ni chima wɔ; haliwɔ wɔm bɔ ha mpanth. 12Ya koŋ wom Tikikɔs Ɛfisɔsko. 13Yɛ mɔ hundɛ, chima lomɔɛ kɔ ya le ko Kapɔsɛ Trɔsko, ni raythɛ, teŋgateŋga hathi kɔ ŋvisɛ.
14Alɛksandra kɛbiɛ hami jali wɔi li bom; Bɛɛ bi ha paka wɔ ha chekin ma wɔɛ 15Hɔmbɛ bɛkninten ha wɔn, haliwɔ chɔma wom li hiɛ kathba.
16Hɔmini nsendɛ nɔgbi sɛmɛ mini veleŋ; han gbi ŋa kosiɛmini. Ha la maha lem! 17Kɛ Bɛɛ sɛmɛ mi veleŋ ni kami fɔsa ha cham Womdi Yegbeɛ gbi, chelɛ ŋanɛ ŋa cheni Ajuwaɛ ha thela. Ni pɔ mie loli hiŋg sɔndaɛ nyɔhɔl. 18Bɛɛ bi ha pa mi hiŋg iwɛi gbi ni loliɛ mi ha bɛɛliwɔ arijanaɛ. Gbɛŋ kɔche ko-wɔ-ko ha chɔŋgba ni chɔŋgba. Vɛlache.
Lɛiŋ mɛkindɛ
19Lɛyŋyɛ mi Priska ni Akwila, ni ram Onisifɔrɔsɛ. 20Ɛrastɔs le Kɔrinthko; ya le Trɔfimɔs naka Miletɔsko. 21Nchɔ kath ni hun henandɛ ŋɔhɔm mɔɛ. Ibulɔs wom leiŋ komɔko, kendɛ Pudɛns ni Linɔs ni Klɔdia ni anya ha gbi.
22Bɛɛ chema min mɔ charaŋ dɛ. Wɔŋɔ Hɔbatokɛ kɔ che ma mɔ.
Iliyochaguliwa sasa
TIMOTHI MƆƐKƐ TIŊDƐ 4: SNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sherbro New Testament Portions © Bible Society in Sierra Leone, 2020.
TIMOTHI MƆƐKƐ TIŊDƐ 4
4
1Ya mɔ gbɔnda Hɔbatokɛ che ni Krayst Jisɔs wɔ bi ha thoŋga anya ihɔlɔŋdɛ ni anya wuɛ, ni ka hun wɔɛ ni pɔk wɔɛ: 2Thɛkɛsi hɔk Hɔbatokɛ, che lɛni mɛŋk gbi, ha pɔ laanɛ, hɔl, ni tɔŋk, ma mani ha bi muyu ni ha toŋgi. 3Haliwɔ mɛŋkɛ hɔ hunɛ yɛ ayin chen pɛ muyu toŋgi tiŋtiŋ, kɛ ka nui thi sɔkul hae dikilɛni anya toŋgiɛ ŋa la ŋa yema theɛ, 4ŋaye thimni ha lɔŋ nui ko tiŋtiŋ dɛ ŋae pɔŋni ko mbɛn. 5Ŋa hɔm, bi bolɛ bul, muyu ha che thenɛki, ha mpanth ma mɔ thɛkɛsi hɔk Hɔbatokɛ, ŋa mpanth mamɔɛ 6Ya koŋ bɛmpani ha pɔn hok mi saka; mɛŋk mi kɔndɛ koŋ mɔɛ. 7Ya koŋ chɔ chɔthi yegbeɛ, ya koŋ ka ihamdɛ, ya koŋ laanɛ. 8Labi pɔ koŋ mi thɔndɔ gba che charaŋ, ŋɔ Bɛɛ, nɔ thoŋga tiŋtiŋdɛ, bi ha kami hwɛyɛ vɛ, ni chen ha yaŋ gbo kɛ ko hanɛ ha chɔŋ hun wɔɛ lendɛ.
Hɔk ma mi ndel lɛ
9Nchɔ kath ha mɔn hun kɛkɛ komika. 10Ha Demas, yɛ koŋ chɔŋ hɔlɔɛ ki lendɛ, koŋ mi kosini ni kɔni Thɛsalonikako; Krisɛns koŋ koni Galeshiako, Taytɔs Dalmasiako 11Luk wɔn kɛn wɔm ntɛnt ka. Lɛliɛ Mak ni chima wɔ; haliwɔ wɔm bɔ ha mpanth. 12Ya koŋ wom Tikikɔs Ɛfisɔsko. 13Yɛ mɔ hundɛ, chima lomɔɛ kɔ ya le ko Kapɔsɛ Trɔsko, ni raythɛ, teŋgateŋga hathi kɔ ŋvisɛ.
14Alɛksandra kɛbiɛ hami jali wɔi li bom; Bɛɛ bi ha paka wɔ ha chekin ma wɔɛ 15Hɔmbɛ bɛkninten ha wɔn, haliwɔ chɔma wom li hiɛ kathba.
16Hɔmini nsendɛ nɔgbi sɛmɛ mini veleŋ; han gbi ŋa kosiɛmini. Ha la maha lem! 17Kɛ Bɛɛ sɛmɛ mi veleŋ ni kami fɔsa ha cham Womdi Yegbeɛ gbi, chelɛ ŋanɛ ŋa cheni Ajuwaɛ ha thela. Ni pɔ mie loli hiŋg sɔndaɛ nyɔhɔl. 18Bɛɛ bi ha pa mi hiŋg iwɛi gbi ni loliɛ mi ha bɛɛliwɔ arijanaɛ. Gbɛŋ kɔche ko-wɔ-ko ha chɔŋgba ni chɔŋgba. Vɛlache.
Lɛiŋ mɛkindɛ
19Lɛyŋyɛ mi Priska ni Akwila, ni ram Onisifɔrɔsɛ. 20Ɛrastɔs le Kɔrinthko; ya le Trɔfimɔs naka Miletɔsko. 21Nchɔ kath ni hun henandɛ ŋɔhɔm mɔɛ. Ibulɔs wom leiŋ komɔko, kendɛ Pudɛns ni Linɔs ni Klɔdia ni anya ha gbi.
22Bɛɛ chema min mɔ charaŋ dɛ. Wɔŋɔ Hɔbatokɛ kɔ che ma mɔ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sherbro New Testament Portions © Bible Society in Sierra Leone, 2020.