Wrúfè 2
2
Wrúfè è yuɔkǝ̀ Bóà píé ɓlɥ́ɵ̀
1Nìómà gɔ̃̀ Ɛ̀límílɛ̀ mɛ̀ do è kǝ̀ lɵ̀. È kǝ̀ gɔ̃ɔ̃̀ ɓɔ̀uzǝ̀ ká, wà tɔ́ lɛ̀ Bóà. 2Lɛ̀kɔ̀ɔɛ é Wrúfè é kǝ̀ Móà sɛ̀ gɥ́ nǝ́lezǝ̀ káɛ ê pɵ Nìómà lǝ̀ yi do ká, “Gó á ló bálè gbòu mɛɛ̀ mɛ n wɔ̃̀ yí lo kã à lǝ̀ɛ̀ píé ɓlɥ́ɵ̀?”
Lɛ̀kɔ̀ɔɛ é Nìómà yà pɵà lǝ̀, “Ƃò ló ɥ líé, n lú.”
3Lɛ̀kɔ̀ɔɛ é lo ɓlɥ́ɵ̀ lɛ̀ doà é ye bálè gbòu mɛɛ̀sɥ̀à bálè kã́ mɛ̀nù tàà. Lɛ̀kɔ̀ɔɛ éye dè ye kǝ è bálè kã́là gɔ̃ɔ̃̀ wó lɛ̀ Bóà, é kǝ̀ Ɛ̀límílɛ̀ mɛ káɛ, píé ɓlɥ́ɵ̀.
4Xlã dè ɓɛ gɥ́ɛ Bóà è go Bɛ́fléhɛ́n é gbɛ̀ì ɓlɥ́ɵ̀, é bálè kã́ mɛ̀nù ɓoyie, ê pɵ, “Gó Yàwɛ è kǝ ka píé!”
Wó wè pɵ́ wô pɵ, “Gó Yàwɛ è lúàkpɔ́ ɥ ɓà!”
5Lɛ̀kɔ̀ɔɛ é Bóà è lɛ̀ɛ̀kpɔ́ kǝ̀ bálè kã́ mɛ̀nùa mɛvà gɔ̀, ê pɵ, “Dɵ lú é dèè?”
6Lɛ̀kɔ̀ɔɛ é bálè kã́ mɛ̀nùa mɛvà yà pɵ, “Móà nǝ́lezǝ̀ é wãã̀ Nìómà wó go Móà sɛ̀ gɥ́ wó nuɛ é ɓǝ. 7Ye ê pɵ n lǝ̀, ‘Ƃa gǝ̃̂sǝ̀ ɓò wéàɓà á bálè gbòu ɓlɵ́ kǝ bálè kã́ mɛ̀nù tàà lɛ̀ wó waa bálè gbanù pàkóà àɓàɛ̀ ɓà.’ Lɵɛ é nu zɛ̃ɛ̃̀ lɛ̀àlíé é ye yuɔkǝ̀sɥ̀à, gó lɛ̀àlíé ɓà ɥ nuá xlã nɛ̀ɛ̀ gɥ́ ɓà, è kã́ e fùàsɥ̀ ɓlɵ́ é kǝà yi ɓlɵ́ téé ɓà dɔ̀ù nɛ̀ɛ̀ ɓàɛ̀ ɓà.”
8Lɛ̀kɔ̀ɔɛ Bóà yà pɵ Wrúfè lǝ̀, “N lú ɥ tótó á wɔ̃́ biɛ̀ ɥ lǝ̀. Kɵ́kǝ̀ ɥ́ lo bálè gbòu mɛɛ̀sɥ̀a ɓlɥ́ɵ̀ gbɛ gɥ́ ĩ́ĩ́ kɵ́kǝ̀ ɥ́ lo lɛ̀ gbɛí ɥ́ go zɵ. Ƃò tó ma yuɔkǝ nǝ́lonzǝ̀ wó nɛ̀ wo píé zɵ. 9Ƃò ɥ nyá kǝ bálè lɛ̀ àyé gɔ̃ɔ̃̀nù wó kã́là nɛ̀ ɓà, yàkɔɔ́ɛ ɥ́ tó nǝ́lonzǝ̀ nɛ̀ wo pĩ píé. A lùòpɵ̀ nǝ́ gɔ̃ɔ̃̀nù ɓɛ wo lǝ̀ kɵ́kǝ̀ wó lo ɥ fũ̀ã̀fṹã́ kǝ̀. Bààzɥ́ɛ, àyé yí mɥ lɔ̀ yà ɥ kǝ̀ɛ, ɓò ló gɔ̃ɔ̃̀nù wó dèɛ̀ wo píé ɥ́ yí é wó tɔ pǝ gɥ́ ê pa máɛ gbú mɥ̀.”
10Lɛ̀kɔ̀ɔɛ é gblɥ̀n, éye kpòn pà sɛ́á, ê pɵ gɔ̃ɔ̃̀ ɓɛ lǝ̀, “Mǝkǝ̀ é ɥ wɥǝ sǝ̀ è bɔ n píé, é ɥ nyá è n kũè, ɓií ma á nɛ̀ɛ̀, nɛ̀à wɛ́á mɥ̀ n ká?”
11Kǝǝ Bóà yà pɵ̀ à lǝ̀, “Pǝ sáálɵ ɥ̂ kǝ̀ ɥ gɔ̃̀le gɔ̀, gó ɥ gɔ̃̀ ga yì ɓàɛ̀ káɛ mâ ma. Zɛ̃ã ɥ́ goá ɥ le wãã̀ ɥ dǝ wo ɓà é ɥ́ goá ɥ kpɔ́ sɛ̀ gɥ́ ɥ nuá mɛ é ɓaá wo dɔ líéɛ wo píéɛ, mâ plɛ́ín ma sáálɵ. 12Gó Yàwɛ è ɥ kɔ̀ɔ̀ nu wɔ̃́ ɥ́ kǝ̀ɛ mɔ́ɔ̀ wɔ̃̀à. Gó Yàwɛ é Ézrɛ̀a Aaɓi ká, é ɥ́ nuà gbã xlɵ̀ɵ̀ ɥ bĩ̀lɛ̀àɛ̀, è ɥ kɔ̀ɔ̀ nu líé mɔ̀sɥ̀zǝ̀ ká.”
13Lɛ̀kɔ̀ɔɛ é Wrúfèà pɵ à lǝ̀, “N dɛn, ɓá grúsǝ̀ kǝ n ká dùò, yàkǝɛ ɥ n zòɔ yà grú wɔ̃̀ bìɛ̀, ma n ká nɛ̀ɛ̀ ɓa yuɔkǝ nǝ́lonzǝ̀ wó nɛ̀ à do lɵ́ gɛàɓo ɓɛɛ.”
14Lɛ pǝɓɵ̀ yì è dɔɛ, Bóà yà pɵ̀ Wrúfè lǝ̀, “Ƃò nu zɵ, ɥ́ɥ ɓà blɛɛ̀ krú sɥ́, ɥ́ sɔ̀ tóó ɓàà.” Lɛ̀kɔ̀ɔɛ é yà bálè kã́ mɛ̀nù sɔ́, é Bóà è bálè plàɥ̀ nuà lǝ̀. Lɛ̀kɔ̀ɔɛ ê ɓɵ̀ é à zòɔ è wɔ̀àn, é à gbú è to. 15Lɛ̀ é wrùù nyɛ̀ɛ̀ bálè kã́ɛ, Bóà yà pɵ yaa nǝ́gɔ̃ɔ̃̀nù ɓɛ lǝ̀, “Kà góà zɥ̀ è bálè gbòu mɛɛ̀ bálè gbanù son, yà gbú sɥ́, kɵ́ kǝ̀ mɛ gbɛɛ yà dɔ̀sɛa wò pɵ. 16Bààzɥ́ɛ, kà bálè gbã gbú gã́ã́ à gɥ́ ká dà bálè gbòu píé kǝ nyɛ̀ɛ̀ à sɥ́, kɵ́kǝ̀ ká à dɔ̀sɛa wò pɵ.”
17Lɵɛ é to bálè gbòu mɛɛ̀sɥ̀à é toá pɵ́ yínɛ̀a lɛ̀ dɔá. Lɛ̀kɔ̀ɔɛ é bálè ɓɛ wàà e gbòu sáálɵ, ê sìɛ̀ à sii è to téé nyɛ̀ɛ̀ kǝ̀ ɓlà gɥ́ gɔ́ɔ̀ pèètɛ-ga-sɔ́ɔ́lú ká. 18Lɛ̀kɔ̀ɔɛ ê lu ê sɥ, ê dɔ e tuo, é loá pɵɵ. É bálè é kã̀ɛ̀ zɔ̃̀ e gɔ̃̀ le lǝ̀, é bààzɥ́ é ɓɵ̀pǝ̀ àyé é to, kǝ à zòɔ yà wɔan pǝ ɓɵ̀lɛ̀àɛ̀, nuà lǝ̀. 19Lɛkɔ̀ɔɛ à gɔ̃̀ leà lɛ̀ɛ̀kpɔ́kǝ̀, é pɵ à lǝ̀, “Lɛ̀ mlǝ̀ǝ̀zǝ̀ ɥ́ go bálè sùu é nɛ̀ ká àɓà gbɛ̃́ã̀ɛ? Bààzɥ́ɛ lɛ̀ mlǝ̀ǝ̀zǝ̀ ɥ́ yuɔkǝ̀ à ɓà gbɛ̃́ã̀ɛ̀? Gɔ̃ɔ̃̀ é à wɥǝ sǝ̀ è bɔ ɥ píéɛ, lúà kpɔ̀àsɥ̀ mɥ̀ àɓà.”
Lɵɛ Wrúfèà pɵ e gɔ̃̀ le lǝ̀, “Gɔ̃ɔ̃̀ á yuɔkǝ̀ à píé ɓlɥ́ɵ gbɛ̃́ã̀ɛ̀, à tɔ́ é tɔɔ Bóà.”
20Lɛ̀kɔ̀ɔɛ é Nìómà yà pɵ e gbɵ bɔú lǝ̀, “Gɔ̃ɔ̃̀ é ɓɛ, Yàwɛ dè è lúà kpɔ́ àɓà. Yàwɛ zɵ yaá trɵ grúsǝ̀ kǝlɛ̀à mɛ é ɓéìɛ̀ wãã̀ mɛ yà gaɛ ká.” É Nìómà yà pɵ zɥ́, “Gɔ̃ɔ̃̀ é ɓɛ, kwa mɛ̀ dè mɥ̀à ká.”
21Lɛkɔ̀ɔɛ é Wrúfèà pɵ, “Wɔ̃́ kpã̀ã̀zǝ̀ dè é zìè à sáálɵɛ làɛ̀ é tɔɔ yà pɵ̀ n lǝ̀ á tó bálè gbòu kã́sɥ̀à àɓà yuɔkǝ mɛ̀nù sɔ́ nyɛ̀ɛ̀ toápɵ́ bálè kã́sɥ̀ nyɛ̀ɛ̀ nyiɛá.”
22Lɛ̀kɔ̀ɔɛ é Nìómàà pɵ Wrúfè, é à gbɵ bɔú káɛ lǝ̀, “È sǝ̀ n lú, kǝ ɥ́ǹ tó àɓà yuɔkǝ nǝ́lonzǝ̀ wó ɓɛ wo píé nyɛ̀ɛ̀ zieá lò mɛ gbɛa ɓlɥ́ɵ̀sɥ̀ là, kɵ́kǝ̀ wó lo wɔ̃́ gbéè kǝ ɥ ká.” 23Lɵɛ Wrúfè è to yuɔ kǝsɥ̀à wo píé é toápɵ́ wó wítì wãã̀ bálè kã̀ã sáálɵ. Lɛ̀kɔ̀ɔɛ é to e gɔ̃̀ le píé teelɵ.
Iliyochaguliwa sasa
Wrúfè 2: DHB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia