DUKU 15
15
Chisɔsi‑a tai tɛ, a si sa ma, min to‑a a ɔ
(Matiu 18:12-14)
1Tima dɔndɔ a, pawa kain mɔɛ nu, ni mɔɛ chɛ nu, miin nii sɔ ɔ Yataa 'a chia ma, an gbɛɛ na‑a wan, an too ma sɔ koe a Chisɔsi ma. 2Chɛɛ Chu mɔɛ chɛ nu, miin ni Fayisii n na, an bɛ Chu n 'na sawa kan mɔɛ n na, an bun‑da gbonyɛ‑a Chisɔsi a, an dɔ, “Kamin chɛ ɛ a boo si wan mɔɛ chɛ n bɛɛ kɔɔ, miin mbe ee sɔ ɔ Yataa 'a chia ma, mbɛ an‑na daunɛ chɛ kaina dɔndɔ.”
3Chɛ‑a a ma wan, mbɛ Chisɔsi‑a tai chɛ tɛ an tena, a ɔ, 4“Mmɔ a ya, mbɛ sa chɛmɛ dɔndɔ ɛ wo dɔndɔ boo ɔ. Ɛ fen ma, ni dɔndɔ to‑a a ɔ? Ɛ sa bi kɔnɔntɔ kun ma kɔnɔntɔɛ chɛ n to wan daun chɛ a. Ɛ ta wan a ya a kan‑da sa dɔndɔ gbe chɛ a, min to‑a a ɔ ka. Ɛ a ya a kan fan, aan a ni a yen. 5Ni a‑a a yen, a bu ɔ dia‑a wan, mbɛ a‑a a sa a kan ma, 6mbɛ a yɛ‑a a a a waa a. Mbɛ ɛ a dia nyɔɛ n chee wan kaina dɔndɔ, a basan a baachenɛ n na, mbɛ a ɔ, ‘N‑na n 'na sa yen. Mmɔ buɔdia bɔ.’ 7A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, buɔdia chenama ɛ ma‑a wan banda bu ɔ. An buɔdia chɛ sin gbu benden mu buɔdia chɛ ma, min sien mu mɔ bi kɔnɔntɔ kun ma kɔnɔntɔɛ chɛ n ma, miin‑na an yii na chii an fandi a, mbɛ mɔ tandenɛ mu an na. Mbɛ an sin kan kɔ sɔ ee to an ma.”
Chisɔsi‑a tai tɛ, a si kainɛ ma, min to‑a a ɔ
8Mbɛ Chisɔsi‑a tai dɔ mende tɛ an ye, a ɔ, “Kain gbɛnsɛn tanɛ ɛ musu boo ɔ, kain ba nu. Ni dɔndɔ gbe to‑a a ɔ, ɛ fen ma? Mɔ a yen, mbɛ ɛ dambo a man fan, mbɛ a‑a chenɛ chɛ doee gbɛɛ ɔ fian fo, ɛ a ya a kan‑da a 'a kain chɛ a kɔdɛɛ, aan a ni to a ɔ, a ni a yen. 9Ni a‑a a yen, ɛ a dia nyɔɛ n chee‑a wan, a basan a baachenɛ n na, mbɛ a ɔ, ‘N‑na n 'na kainɛ yen. Mmɔ buɔdia bɔ.’ 10A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, maeka n bɛɛ bu ɔ dia‑a ka wan.”
Chisɔsi‑a tai tɛ, a si denɛ ma, min to‑a a ɔ
11Mbɛ Chisɔsi‑a a fɔ to an ye, a ɔ, “Kamin dɔndɔ ni wan nɔ, den kaien fea ni min boo ɔ. 12Tima dɔndɔ che‑a wan, mbɛ denɛ dɔma‑a a fa ɔ tisa, a ɔ, a fa ni a boo fenɛ du, a ni a ta be a ma. Mbɛ a fa wɛɛ‑a a boo fenɛ n gbɛɛ du, mbɛ a‑a a 'a denɛ dɔma chɛ ta be a ma. 13Tee kuun den ben‑da kɛn, denɛ dɔma chɛ‑a a ta boo fen chɛ n gbɛɛ ma tachɛ, mbɛ a bɔ‑a a waa duu chɛ ɔ, kɔpɔɛ chɛ ɛ a boo ɔ. A ta‑a chɛnyɛ min dɔ, a ɔ ni yansan kaka. A ni kɛn nɔ an chɛnyɛ chɛ ɔ, a‑a kɔpɔɛ chɛ gbɛɛ yɔn baa baa chia an fan na. 14Kɔpɔɛ gbɛɛ min ni a boo ɔ, a ban‑da wan fion. Mbɛ a tima chɛ a, kɔnkɔ wa dɛgbɛ na‑a an chɛnyɛ chɛ ɔ. Mbɛ koe ɔ bun‑da gbɛa‑a a ma. 15Chɛ‑a a ma wan, mbɛ a ta‑a wai chɛ koe a chɛnyɛ den dɔndɔ tena. Kamin chɛ wɛɛ‑a a a ta wan a 'a kɔɛnya kuii ɔ a 'a sɛnɛ ɔ, a ni a 'a kɔɛnya n da kɔ. 16A ni wan a yii ma, a ni kɔɛnya chɛ n da tɔɛ daun, chɛɛ mɔ ɔ mɔ ma fen kɔ fen be ni a ma.
17“Chɛɛ ko bonda chɛ si‑a kɛn a a, a danka a, a‑a yiimatɛ ma sɔn fan gbɛ, mbɛ a ɔ, ‘Daun fenɛ ɛ wan fa 'a wai chɛ mɔɛ n gbɛɛ boo ɔ, an mbe min daun a tɔɛ ɛ to. Chɛɛ n sin yen ko gbɛ nɛ, n mbe fa‑a kɔnkɔɛ a. 18N mbe ee chɛ ɔ si chɛ tena. N mbe n kɔɔ sɔ‑a wan, n ni ta, n ni fa tan. Mbɛ n‑na a fɔ a ye, n dɔ, “Fa, n‑na ko yama ma i a, wo fea Yataa a. 19A ma nyin to i ni n ya i 'a denɛ a. N ya yɔ i 'a wai chɛ mɔɛ chɛ n dɔndɔ.” ’ 20Mbɛ a‑a a a sɔ wan, mbɛ a‑a chia bia ta koe a a fa tan‑da.
“Chɛɛ a to‑a pɔɔ wan, mbɛ a fa‑a a yen, mbɛ a ma chinchinɛ‑a a fa bia. Mbɛ a fa‑a bui sa a a, mbɛ a‑a a 'a denɛ tan. Mbɛ a bea‑a a kaa ɔ, mbɛ a‑a a kɔndɔn buɔdia wandi ɔ. 21Mbɛ den chɛ ɔ, ‘Fa, n‑na ko yama ma i a, wo fea Yataa a. A ma nyin to i ni n ya i 'a denɛ a.’ 22Chɛɛ a fa‑a a fɔ wan a 'a wai chɛ mɔɛ n ye, a ɔ, ‘Wo a a gbandia. Wo ta na doma kai nyima nyima a, wo ni a don a ma. Wo chia don a boo ma, mbɛ wo‑a kɔɔwa don a chen na. 23Mbɛ wo ta‑a, wo‑a ninchi busi ya, min maen mu buchɛ buchɛ. Mbɛ wo‑a a fa, mbɛ mmɔ‑a daun chɛ buɔdia bɔ. 24Koe min na mu, n 'na den chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ.’ Mbɛ an‑na a kuu sɔ daunɛ chɛ‑a an mbe ta‑a tɔmbɔɛ don‑da a boo ɔ.
25“Koe chɛ n gbɛɛ mbe ma tena tima min na, denɛ kaima chenama ni sɛnɛ ɔ wan wai chɛ‑a. Mbɛ a na‑a duu ɔ. A foenɛ a an 'na chenɛ baima, mbɛ a‑a kuiɛ fenɛ kuiɛ a min, a basan mɔɛ n tɔmbɔ don kuiɛ a. 26Chɛ‑a a ma wan, mbɛ a‑a a fa 'a wai chɛ den dɔndɔ chee, mbɛ a‑a a ɔ tisa ni fen mbe ma tena chenɛ a. 27Mbɛ wai chɛ mɔɛ chɛ ɔ, ‘I dɔɛ an na‑a ka bi. Chɛ ko a, i fa‑a a ma wan, nn‑na ninchi busi chɛ fa, a mu min na, i dɔɛ yɛ‑a a fɔɛ a a sun da a.’
28“Chɛɛ denɛ chenama chɛ‑a bai chɛ a min kɛn, a faa tɛ‑a wan gbeden, mbɛ a ban‑da don koe a chenɛ a. Mbɛ a fa bɔ‑a, a‑a a tan. Mbɛ a‑a a ma nande, a ɔ, a ni don chenɛ a. 29Chɛɛ den chɛ‑a a fɔ wan a fa ye, a ɔ, ‘A yen bɛ, san sɛsɛ wa chɛ gbɛɛ ko a, n wai‑a wan i ye yɔ yɔnɛ. A sin, n ma i da a kuiɛ yɔn ni tee dɔndɔ wɛɛ a. Chɛɛ chɛ gbɛɛ ɔ, i ma fen kɔ fen be ni n ma. I ma ba den bɛɛ be ni n ma, min mbe a ma, nn bɛɛ n dia nyɔɛ n na, nn ni tee dɔndɔ 'a buɔdia wɛɛ bɔ. 30Chɛɛ i 'a den chɛ‑a i boo fenɛ gbɛɛ ɔ yufuyufu dani ma gbankanda an ma. A yɛ‑a kɛn gbɛ sanche, i‑a ninchi busi chɛ an fa a ye.’ 31Mbɛ a fa ɔ, ‘N 'na den, mɔ fea an mbe tima ɔ tima ko a, a sin, fen kɔ fen min mbe n boo ɔ, i wan ta mu a a. 32Chɛɛ mɔɔ ni mmɔ‑a buɔdia bonda chɛ bɔ, a mu min na, i dɔɛ chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ sanche.’ ”
Iliyochaguliwa sasa
DUKU 15: KONONT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Kono © The Bible Society of Sierra Leone, 2006.
DUKU 15
15
Chisɔsi‑a tai tɛ, a si sa ma, min to‑a a ɔ
(Matiu 18:12-14)
1Tima dɔndɔ a, pawa kain mɔɛ nu, ni mɔɛ chɛ nu, miin nii sɔ ɔ Yataa 'a chia ma, an gbɛɛ na‑a wan, an too ma sɔ koe a Chisɔsi ma. 2Chɛɛ Chu mɔɛ chɛ nu, miin ni Fayisii n na, an bɛ Chu n 'na sawa kan mɔɛ n na, an bun‑da gbonyɛ‑a Chisɔsi a, an dɔ, “Kamin chɛ ɛ a boo si wan mɔɛ chɛ n bɛɛ kɔɔ, miin mbe ee sɔ ɔ Yataa 'a chia ma, mbɛ an‑na daunɛ chɛ kaina dɔndɔ.”
3Chɛ‑a a ma wan, mbɛ Chisɔsi‑a tai chɛ tɛ an tena, a ɔ, 4“Mmɔ a ya, mbɛ sa chɛmɛ dɔndɔ ɛ wo dɔndɔ boo ɔ. Ɛ fen ma, ni dɔndɔ to‑a a ɔ? Ɛ sa bi kɔnɔntɔ kun ma kɔnɔntɔɛ chɛ n to wan daun chɛ a. Ɛ ta wan a ya a kan‑da sa dɔndɔ gbe chɛ a, min to‑a a ɔ ka. Ɛ a ya a kan fan, aan a ni a yen. 5Ni a‑a a yen, a bu ɔ dia‑a wan, mbɛ a‑a a sa a kan ma, 6mbɛ a yɛ‑a a a a waa a. Mbɛ ɛ a dia nyɔɛ n chee wan kaina dɔndɔ, a basan a baachenɛ n na, mbɛ a ɔ, ‘N‑na n 'na sa yen. Mmɔ buɔdia bɔ.’ 7A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, buɔdia chenama ɛ ma‑a wan banda bu ɔ. An buɔdia chɛ sin gbu benden mu buɔdia chɛ ma, min sien mu mɔ bi kɔnɔntɔ kun ma kɔnɔntɔɛ chɛ n ma, miin‑na an yii na chii an fandi a, mbɛ mɔ tandenɛ mu an na. Mbɛ an sin kan kɔ sɔ ee to an ma.”
Chisɔsi‑a tai tɛ, a si kainɛ ma, min to‑a a ɔ
8Mbɛ Chisɔsi‑a tai dɔ mende tɛ an ye, a ɔ, “Kain gbɛnsɛn tanɛ ɛ musu boo ɔ, kain ba nu. Ni dɔndɔ gbe to‑a a ɔ, ɛ fen ma? Mɔ a yen, mbɛ ɛ dambo a man fan, mbɛ a‑a chenɛ chɛ doee gbɛɛ ɔ fian fo, ɛ a ya a kan‑da a 'a kain chɛ a kɔdɛɛ, aan a ni to a ɔ, a ni a yen. 9Ni a‑a a yen, ɛ a dia nyɔɛ n chee‑a wan, a basan a baachenɛ n na, mbɛ a ɔ, ‘N‑na n 'na kainɛ yen. Mmɔ buɔdia bɔ.’ 10A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, maeka n bɛɛ bu ɔ dia‑a ka wan.”
Chisɔsi‑a tai tɛ, a si denɛ ma, min to‑a a ɔ
11Mbɛ Chisɔsi‑a a fɔ to an ye, a ɔ, “Kamin dɔndɔ ni wan nɔ, den kaien fea ni min boo ɔ. 12Tima dɔndɔ che‑a wan, mbɛ denɛ dɔma‑a a fa ɔ tisa, a ɔ, a fa ni a boo fenɛ du, a ni a ta be a ma. Mbɛ a fa wɛɛ‑a a boo fenɛ n gbɛɛ du, mbɛ a‑a a 'a denɛ dɔma chɛ ta be a ma. 13Tee kuun den ben‑da kɛn, denɛ dɔma chɛ‑a a ta boo fen chɛ n gbɛɛ ma tachɛ, mbɛ a bɔ‑a a waa duu chɛ ɔ, kɔpɔɛ chɛ ɛ a boo ɔ. A ta‑a chɛnyɛ min dɔ, a ɔ ni yansan kaka. A ni kɛn nɔ an chɛnyɛ chɛ ɔ, a‑a kɔpɔɛ chɛ gbɛɛ yɔn baa baa chia an fan na. 14Kɔpɔɛ gbɛɛ min ni a boo ɔ, a ban‑da wan fion. Mbɛ a tima chɛ a, kɔnkɔ wa dɛgbɛ na‑a an chɛnyɛ chɛ ɔ. Mbɛ koe ɔ bun‑da gbɛa‑a a ma. 15Chɛ‑a a ma wan, mbɛ a ta‑a wai chɛ koe a chɛnyɛ den dɔndɔ tena. Kamin chɛ wɛɛ‑a a a ta wan a 'a kɔɛnya kuii ɔ a 'a sɛnɛ ɔ, a ni a 'a kɔɛnya n da kɔ. 16A ni wan a yii ma, a ni kɔɛnya chɛ n da tɔɛ daun, chɛɛ mɔ ɔ mɔ ma fen kɔ fen be ni a ma.
17“Chɛɛ ko bonda chɛ si‑a kɛn a a, a danka a, a‑a yiimatɛ ma sɔn fan gbɛ, mbɛ a ɔ, ‘Daun fenɛ ɛ wan fa 'a wai chɛ mɔɛ n gbɛɛ boo ɔ, an mbe min daun a tɔɛ ɛ to. Chɛɛ n sin yen ko gbɛ nɛ, n mbe fa‑a kɔnkɔɛ a. 18N mbe ee chɛ ɔ si chɛ tena. N mbe n kɔɔ sɔ‑a wan, n ni ta, n ni fa tan. Mbɛ n‑na a fɔ a ye, n dɔ, “Fa, n‑na ko yama ma i a, wo fea Yataa a. 19A ma nyin to i ni n ya i 'a denɛ a. N ya yɔ i 'a wai chɛ mɔɛ chɛ n dɔndɔ.” ’ 20Mbɛ a‑a a a sɔ wan, mbɛ a‑a chia bia ta koe a a fa tan‑da.
“Chɛɛ a to‑a pɔɔ wan, mbɛ a fa‑a a yen, mbɛ a ma chinchinɛ‑a a fa bia. Mbɛ a fa‑a bui sa a a, mbɛ a‑a a 'a denɛ tan. Mbɛ a bea‑a a kaa ɔ, mbɛ a‑a a kɔndɔn buɔdia wandi ɔ. 21Mbɛ den chɛ ɔ, ‘Fa, n‑na ko yama ma i a, wo fea Yataa a. A ma nyin to i ni n ya i 'a denɛ a.’ 22Chɛɛ a fa‑a a fɔ wan a 'a wai chɛ mɔɛ n ye, a ɔ, ‘Wo a a gbandia. Wo ta na doma kai nyima nyima a, wo ni a don a ma. Wo chia don a boo ma, mbɛ wo‑a kɔɔwa don a chen na. 23Mbɛ wo ta‑a, wo‑a ninchi busi ya, min maen mu buchɛ buchɛ. Mbɛ wo‑a a fa, mbɛ mmɔ‑a daun chɛ buɔdia bɔ. 24Koe min na mu, n 'na den chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ.’ Mbɛ an‑na a kuu sɔ daunɛ chɛ‑a an mbe ta‑a tɔmbɔɛ don‑da a boo ɔ.
25“Koe chɛ n gbɛɛ mbe ma tena tima min na, denɛ kaima chenama ni sɛnɛ ɔ wan wai chɛ‑a. Mbɛ a na‑a duu ɔ. A foenɛ a an 'na chenɛ baima, mbɛ a‑a kuiɛ fenɛ kuiɛ a min, a basan mɔɛ n tɔmbɔ don kuiɛ a. 26Chɛ‑a a ma wan, mbɛ a‑a a fa 'a wai chɛ den dɔndɔ chee, mbɛ a‑a a ɔ tisa ni fen mbe ma tena chenɛ a. 27Mbɛ wai chɛ mɔɛ chɛ ɔ, ‘I dɔɛ an na‑a ka bi. Chɛ ko a, i fa‑a a ma wan, nn‑na ninchi busi chɛ fa, a mu min na, i dɔɛ yɛ‑a a fɔɛ a a sun da a.’
28“Chɛɛ denɛ chenama chɛ‑a bai chɛ a min kɛn, a faa tɛ‑a wan gbeden, mbɛ a ban‑da don koe a chenɛ a. Mbɛ a fa bɔ‑a, a‑a a tan. Mbɛ a‑a a ma nande, a ɔ, a ni don chenɛ a. 29Chɛɛ den chɛ‑a a fɔ wan a fa ye, a ɔ, ‘A yen bɛ, san sɛsɛ wa chɛ gbɛɛ ko a, n wai‑a wan i ye yɔ yɔnɛ. A sin, n ma i da a kuiɛ yɔn ni tee dɔndɔ wɛɛ a. Chɛɛ chɛ gbɛɛ ɔ, i ma fen kɔ fen be ni n ma. I ma ba den bɛɛ be ni n ma, min mbe a ma, nn bɛɛ n dia nyɔɛ n na, nn ni tee dɔndɔ 'a buɔdia wɛɛ bɔ. 30Chɛɛ i 'a den chɛ‑a i boo fenɛ gbɛɛ ɔ yufuyufu dani ma gbankanda an ma. A yɛ‑a kɛn gbɛ sanche, i‑a ninchi busi chɛ an fa a ye.’ 31Mbɛ a fa ɔ, ‘N 'na den, mɔ fea an mbe tima ɔ tima ko a, a sin, fen kɔ fen min mbe n boo ɔ, i wan ta mu a a. 32Chɛɛ mɔɔ ni mmɔ‑a buɔdia bonda chɛ bɔ, a mu min na, i dɔɛ chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ sanche.’ ”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Kono © The Bible Society of Sierra Leone, 2006.