MAKI 12
12
Chisɔsi‑a tai tɛ, a si yadi kun ma fɛn mɔɛ n ma
(Matiu 21:33-46; Duku 20:9-19)
1Mbɛ Chisɔsi bun‑da koɔ‑a an tena tai ɔ, a ɔ, “Kaminɛ ni wan nɔ, min‑na yadi#12:1 yadi: Bai miin nyɛnden mu Kiisi gboo ɔ, an fasai an nɛ: “keepi yadi.” sa. Mbɛ a‑a yadi chɛ da a sansa gbɛɛ, mbɛ a‑a a a bɛn. Mbɛ a yɛ‑a, a‑a bondonɛ nyan, ɛ a tɛn kaina, a ni a yii bɔ a ɔ. Mbɛ a yɛ‑a to, a‑a gbasa sɔ, a 'a yadi chɛ kun ma fɛn koe a. A ban‑da kɛn chɛ gbɛɛ ma‑a, mbɛ a‑a yadi chɛ kunɛ don mɔɛ n boo ɔ, a kun ma fɛn koe a, mbɛ a ta‑a chɛnyɛ dɔ mende ɔ. 2Chin fen chɛ ya tima che‑a kɛn, yadi ti chɛ‑a a 'a bɔi denɛ dɔndɔ a ta wan yadi kun ma fɛn mɔɛ chɛ n tena. A toen ni, an ni chin fen chɛ dɔ be a ma, mbɛ a na‑a a a ye. 3Chɛɛ an chɛ‑a a ma, mbɛ an‑na a boan, an‑na a a yɛ, a boo a senɛ a. 4Mbɛ yadi ti chɛ‑a a 'a bɔi denɛ dɔ mende a ta wan to, a fean bɔɛ ɔ. Chɛɛ yadi kun ma fɛn mɔɛ chɛ n‑na a nɛnɛ ma gba wan, a kunɛ ɔ, mbɛ an‑na mauma koe n sɛ a ma. 5Mbɛ a‑a dɔ mende a ta to, a sawan bɔɛ gbɛ. An‑na a nɛnɛ fa wan. An‑na bɔi denɛ to gbaa nɛnɛ n bɛɛ bia ka wan, yɔ a saa chɛ nu. An‑na dɔ n boan fan, mbɛ an‑na dɔ n sin fa. 6Chɛɛ dɔndɔ gbe ni wan a boo ɔ gbɛ, a a ta koe a an tena, a 'a denɛ, min ko a ni di a ye gbeden. Mbɛ a yiima ɔ, a ɔ, ‘An mbe basɔmaya be‑a wan n 'na denɛ wandi gbu ma.’ 7Chɛɛ yadi kun ma fɛn mɔɛ chɛ n‑na a fɔ wan an nyɔn ma, an dɔ, ‘Yadi ti chɛ 'a denɛ wandi gbu an nɛ. Wo na, mmɔ ni a fa, min mbe a ma, boo fenɛ chɛ gbɛɛ ni ma mmɔ ta a.’ 8Mbɛ an‑na a 'a den chɛ bia, an‑na a fa, mbɛ an‑na a su a dɛ yadi gbaa chia a.”
9Mbɛ Chisɔsi ɔ, “Wo ta yiima ɔ, ni yadi ti chɛ na‑a tima min na, ɛ fɛn ma‑a yadi kun ma fɛn mɔɛ chɛ n na? Ɛ na‑a wan, a ni an yadi kun ma fɛn mɔɛ n kasaa, mbɛ a‑a a don a kun ma fɛn mɔɛ dɔ mende n boo ɔ. 10Ɛ wan n yii ma, mbɛ wo‑a a kan fan Yataa 'a gboo ɔ, a kaka min‑na a fɔ, a ɔ,
‘Chen sɔ mɔɛ n na‑a ban senɛ min dɔ, an dɔ, a ma nyin,
an gbu ma‑a gbɛ senɛ kuu ba wandi a, chenɛ gbu ko a.
11Yataa an‑na chɛ ma.
A sin mu kamaya koe an na mmɔ ya a.’ ”
12Chu n kun ti n toen ni, an ni Chisɔsi bia. Koe min na mu, a ni wan an yii ma, a 'a tai chɛ sien mu an fan ma. Chɛɛ an chian‑da wan mɔ fanka fanka chɛ ma, mbɛ an‑na a to nɔ, an ta‑a an ye.
An‑na Chisɔsi ɔ tisa, a si chɛnyɛ pawa chɛ koe ma
(Matiu 22:15-22; Duku 20:20-26)
13Mbɛ an‑na Fayisii dɔ n sɔ, an bɛ Mansa Ɛdɔdi fɛ mɔɛ dɔ n na, Chisɔsi tena. An toen ni, an ni a ɔ chɛ tisa chɛ a a, mbɛ an‑na a bia a chen kɔ, a da a bai ɔ. 14An na‑a Chisɔsi tena, mbɛ an dɔ, “Ticha, nn‑na a ɔ sɔn fan, mbɛ danaya tɔɛ mu i a. I ma i gbɔsɔ ni mɔ gbu ɛ min fɔ, a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ i ma i gbɔsɔ ni mɔ 'a sɔ tena ko a, chɛɛ e mɔɛ n kan Yataa bai miin gbɛɛ a, tea mu an na. A ɔ yian bɛ nn na, i ta yiima ɔ, i‑a pawa chɛ be koe yen ka ma Domi kun ti wa ma, a nyin fan?”
15Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, “Fen mu wo toen mu wo ni n dɔ chɛ? Wo na n ye kain gbɛnsɛn#12:15 A tima chɛ a, kain gbɛnsɛn chɛ nɛnɛ, a dɔndɔɛ ni debea pawa ya wan tee dɔndɔ ko a. An ni kɔpɔɛ chɛ chee, an dɔ, denayɔsi. dɔndɔ a, n mbe a ma fɛn.”
16Mbɛ an na‑a a a, mbɛ a ɔ an ma, “Nyɔn ya kɔɔɛ ɛ ka a ma, a basan a tɔɛ a?”
Mbɛ an dɔ, “Domi kun ti wa an nɛ.”
17Mbɛ Chisɔsi ɔ, “Mbɛ fen chɛ nu, miin mu Domi kun ti wa boo fenɛ a, wo an be a ma. Mbɛ wo yɛ‑a, fen chɛ nu, miin be Yataa ko a, wo‑a an be Yataa ma.”
An tɛnɛ‑a wan a a, a‑a an yɛman buɛ min dɔ.
An‑na Chisɔsi ɔ tisa, a si mɔɛ kɔɔ sɔ koe ma saya ɔ
(Matiu 22:23-33; Duku 20:27-40)
18Mbɛ Chu mɔɛ dɔ nu, miin ni Sadusii n na,#12:18 Sadusii mɔɛ n ni Chu mɔ kuun denɛ n fan na. Nyan tɔ wa ni an na. A yɛ to, an sɛsɛ ni mɔɛ n fan na, miin ni mɔ gbu n tɛ ɔ Yataa a. An danden ni koe miin na, an kaen fan ni Fayisii n ta ma. miin nii ma dan ni mɔɛ kɔɔ sɔ koe a a ka saya ɔ, an bɛɛ na‑a Chisɔsi tena. Mbɛ an‑na a ɔ tisa, an dɔ, 19“Ticha, Mosisi‑a sawa chɛ an nyɛn mmɔ ko a, a ɔ, ‘Ni mɔɛ suun ma nyɔɛ kaima fa‑a,’ a ɔ, ‘mbɛ a‑a a 'a musu to, an fea ma den suun ni min na,’ a ɔ, ‘a dinden fan mu a ma,’ a ɔ, ‘a ni chenɛ da mun, an ni denɛ suun ta mɔɛ chɛ ko a.’ 20Tima dɔndɔ a, kaminɛ n ni wan nɔ, an kai wɔnfea an de‑a an fɛn suun. Mbɛ a wɛn ni chenan ka an gbɛɛ ma, a‑a musu si. Mbɛ a fa‑a, a ma den suun ni, musu chɛ ma. 21Mbɛ denɛ kaima fean bɔɛ chɛ wɛɛ‑a musu dɔndɔ gbe chɛ si to musu a. Mbɛ a wɛɛ fa‑a ka wan, a ma den suun ni, musu chɛ ma. A sawan bɔɛ wɛɛ ma‑a ka wan. 22An wɔnfean bɔɛ gbɔdɛ, a na‑a musu chɛ si wan. Chɛɛ a wɛɛ nii ma den suun ni, musu chɛ ma, mbɛ a wɛɛ fa‑a. A danka a gbɛ, musu chɛ wɛɛ gbu fa‑a. 23Ni tee che‑a, faa mɔɛ n ni an kɔɔ sɔ a ka saya ɔ, musu chɛ ɛ ma nyɔn 'na musu a gbɛ? A yen ko, a ni wan an gbɛɛ boo ɔ, musu a.”
24Mbɛ Chisɔsi ɔ, “Wo saman‑da kaka a fɔ koe a, mbɛ ni mɔɛ fa‑a, a ee a kɔɔ sɔ to a ka saya ɔ. Mbɛ fen‑na a ma wo saman‑da, a mu koe min na, wo ma Yataa 'a gboo ɔ gbɛ ni, mbɛ a yɛ to, wo ma ko ɔ ko sɔn a si Yataa 'a gbasaya ma. 25Tima min na, mɔɛ n mbe an kɔɔ sɔ‑a a ka saya ɔ, musu si basan kai sɔnɛ a, a ee ma‑a nɔ. Mɔ gbu gbɛɛ ɛ ma‑a wan yɔ maeka nu banda bu ɔ. 26Min sin sien mu faa mɔɛ n kɔɔ sɔ koe ma, a ka saya ɔ, ɛ n yii ma, mbɛ wo‑a a kan fan, Mosisi 'a gboo ɔ, a si kɔn den chɛ ma, min ni yɔ a ni minda tena wan. Yataa na‑a a fɔ buɛ min dɔ, a ɔ, Yataa mu a wan na Ebeami ko a, a basan Aisaki an fea Chekɔpi a. A ɔ, an mbe a wan fai.” 27Mbɛ Chisɔsi‑a a fɔ to, a ɔ, “Chɛ‑a a ɔ yian fan, mbɛ chɛndɛ ba n fan mbe Yataa fai. Mɔɛ min faen mu, a ee Yataa fai. Tea ee wo 'a yiinachii ɔ.”
An‑na Chisɔsi ɔ tisa, a si sawa chenama ma
(Matiu 22:34-40; Duku 10:25-28)
28Mbɛ Chu n 'na sawa kan mɔ dɔndɔ ni wan nɔ sɔ ɔ, min ni a too ma sɔ tena an 'na chia ɔ bɔɛ chɛ ma. A‑a a ɔ yen kɛn, mbɛ Chisɔsi‑a Sadusii chɛ n 'na tisa yɛman fan chɛndɛ chɛ, a wɛɛ ɔ, “Mosisi na‑a sawa sɛsɛ be wan mmɔ ma. An tɛ ɔ, sawa minan mu a chenama a?”
29Mbɛ Chisɔsi ɔ, “Sawa chenama gbu yen ko. ‘Wo a a min, wo wan Isɔɛɛ mɔɛ nu. Mansa Yataa, an mu mmɔ 'a Yataa a. A ɛ dɔndɔ gbe. 30A sin, wo to Mansa Yataa a, wo faa gbɛɛ a, wo ni to a a, wo 'a fɔɛ gbɛɛ ɔ, wo ni to a a, wo sɔɛ gbɛɛ a, wo ni to a a, wo yiima gbɛɛ a.’ 31Sawa fean bɔɛ chenama gbu an nɛ, ‘Wo to wo 'a mɔɛ n na, yɔ wo toen mu buɛ min dɔ wo wandi a.’ Sawa kan kɔ kan mbe ee nɔ, min benden mu sawa fea chɛ n ma.”
32Mbɛ sawa kan mɔɛ chɛ ɔ, “Ticha, i‑a tea fɔ, mbɛ Mansa Yataa an mu Yataa dɔndɔ gbe a. Yataa dɔ mende kan kɔ kan mbe ee nɔ, mɔɔ a wan. 33Mbɛ mɔ gbu ni to Yataa a, a faa gbɛɛ a, ni a yiima gbɛɛ a, a basan a sɔɛ gbɛɛ a. A ni yɛ to, a ni to a 'a mɔɛ n na, yɔ a toen mu buɛ min dɔ a wandi a. A ma bɛnden mu sawa fea chɛ n sa tena ɔ bɛn koe a, a ni ben yasi kan kɔ kan ma.”
34Mbɛ kɛn Chisɔsi‑a a ɔ yen, mbɛ kamin chɛ‑a yiimatɛ bai fɔ, mbɛ a‑a a fɔ a ye, a ɔ, “Ɛnden fan to‑a gbɛ, mbɛ i don‑da Yataa 'a mansaya kɔɔ.”
Chɛ gbakɔ, mɔ ɔ mɔ chian‑da wan gbɛ Chisɔsi ɔ tisa koe a.
Chisɔsi‑a an dɔ tisa, a si kunka mansa ma
(Matiu 22:41-46; Duku 20:41-44)
35Chisɔsi to‑a kan chɛ an na Yataa 'a kata ɔ, mbɛ a‑a an dɔ tisa, a ɔ, “Mmɔ 'a sawa kan mɔɛ nu, an mbe kun ka ma an ni a fɔ, an dɔ, mbɛ kunka mansa ɛ bɔ‑a Mansa Defidi 'a dambi an dɔ? Fen mu chɛ ɛ ma? 36Mansa Defidi wandi gbu wɛɛ, Yataa Nyina na‑a bai don kɛn a da ɔ, a na‑a a fɔ wan, a ɔ,
‘Mansa Yataa‑a a fɔ n 'na Mansa ye, a ɔ,
“Si nɛ n boo nyima ɔ,
aan n ni i chɛɛ ma nyɔɛ n don i kɔɔ.” ’
37Mansa Defidi wandi gbu yen ko gbɛ, a ɔ, kunka mansa chɛ benden mu a ma. Chɛɛ mɔ kun ma kundi ee koa, a ni ben i ma. A fɔen mu gbɛ, mbɛ kunka mansa chɛ ɛ bɔ‑a Mansa Defidi 'a dambi an dɔ. Fen ko a, chɛ ɛ ma?”
Chisɔsi‑a da si chɛ, a si sawa kan mɔɛ n ma, an bɛ Fayisii n na
(Matiu 23:1-36; Duku 20:45-47)
A tima chɛ a, mɔ fanka chɛ nu, an bu ɔ dia‑a wan, an too ma sɔ koe a Chisɔsi ma. 38A sin ni kɛn an kan‑da, a ɔ, “Wo wo kun ma fɛn Chu n 'na sawa kan mɔɛ chɛ n boo ɔ. An toen mu doma wa wa don koe a, an mbe ben ben. Ni an ta‑a machiti an dɔ, an toen mu mɔɛ n ni basɔmaya kɔndɔnɛ chɛ an na. 39Ni an ta‑a mmɔ 'a samun chɛ chenɛ n bɛɛ a, an toen mu si tena ma bɛnden ba an na. Daun chɛ bɛnɛ wɛɛ ɔ, an toen mu si koe a gbakoo n fan tɛ. 40An mbe fuinya musu n boo fenɛ n gbɛɛ daun fan, kafaya ɔ. An gba yama chɛ ma nun koe a, an mbe samun dɔ yansama an chɛ. Chɛ ko a, Yataa wɛɛ ɛ an tɔɔya‑a wan, a ni ben mɔɛ tɔɛ n gbɛɛ ma.”
Fuinya musu‑a boo fenɛ min be Yataa ma
(Duku 21:1-4)
41Mbɛ Chisɔsi si‑a kɔpɔ sa kakaa chɛ ya teen ma, Yataa 'a kata ɔ, ɛ mɔ fanka n ma fɛn‑da, an mbe an boo fenɛ n na bea‑a a ɔ. A‑a nyan tɔ sɛsɛ yen fan, an mbe boo fen chenama n na bea‑a. 42Mbɛ fuinya musu na‑a, yɔn tɔɛ, mbɛ a‑a kɔpɔ gbɛnsɛn#12:42 Bai miin nyɛnden mu Kiisi gboo ɔ, an fasai an nɛ: “kɔpɔ gbɛnsɛn fea.” A tima chɛ a, kɔpɔ gbɛnsɛn chɛ nɛnɛ, a chɛmɛ dɔndɔɛ ni debea pawa ya wan tee dɔndɔ ko a. An ni an kɔpɔɛ chɛ chee, an dɔ, dɛpitɔn. den fea a bea. An kɔpɔ gbɛnsɛn fea chɛ, a a kanden ni pɛnɛ an na. 43Mbɛ Chisɔsi‑a a fɛ denɛ n chee, mbɛ a‑a a fɔ an ye, a ɔ, “Tea a, n ni a ma din wo tena, mbɛ fuinya musu yɔnden chɛ, a‑a kɔpɔɛ min na bea ka, a benden mu chɛ ma, mɔɛ tɔɛ chɛ n gbɛɛ, an‑na miin na bea ka. 44A mu min na, chɛ n‑na min be ka, an‑na a ya a chenama an kun ma, chɛɛ musu chɛ ta kɔpɔɛ gbɛɛ an nii nɛ a boo ɔ. Kɔpɔ dɔ mende kan kɔ kan mbe ee to a boo ɔ.”
Iliyochaguliwa sasa
MAKI 12: KONONT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Kono © The Bible Society of Sierra Leone, 2006.
MAKI 12
12
Chisɔsi‑a tai tɛ, a si yadi kun ma fɛn mɔɛ n ma
(Matiu 21:33-46; Duku 20:9-19)
1Mbɛ Chisɔsi bun‑da koɔ‑a an tena tai ɔ, a ɔ, “Kaminɛ ni wan nɔ, min‑na yadi#12:1 yadi: Bai miin nyɛnden mu Kiisi gboo ɔ, an fasai an nɛ: “keepi yadi.” sa. Mbɛ a‑a yadi chɛ da a sansa gbɛɛ, mbɛ a‑a a a bɛn. Mbɛ a yɛ‑a, a‑a bondonɛ nyan, ɛ a tɛn kaina, a ni a yii bɔ a ɔ. Mbɛ a yɛ‑a to, a‑a gbasa sɔ, a 'a yadi chɛ kun ma fɛn koe a. A ban‑da kɛn chɛ gbɛɛ ma‑a, mbɛ a‑a yadi chɛ kunɛ don mɔɛ n boo ɔ, a kun ma fɛn koe a, mbɛ a ta‑a chɛnyɛ dɔ mende ɔ. 2Chin fen chɛ ya tima che‑a kɛn, yadi ti chɛ‑a a 'a bɔi denɛ dɔndɔ a ta wan yadi kun ma fɛn mɔɛ chɛ n tena. A toen ni, an ni chin fen chɛ dɔ be a ma, mbɛ a na‑a a a ye. 3Chɛɛ an chɛ‑a a ma, mbɛ an‑na a boan, an‑na a a yɛ, a boo a senɛ a. 4Mbɛ yadi ti chɛ‑a a 'a bɔi denɛ dɔ mende a ta wan to, a fean bɔɛ ɔ. Chɛɛ yadi kun ma fɛn mɔɛ chɛ n‑na a nɛnɛ ma gba wan, a kunɛ ɔ, mbɛ an‑na mauma koe n sɛ a ma. 5Mbɛ a‑a dɔ mende a ta to, a sawan bɔɛ gbɛ. An‑na a nɛnɛ fa wan. An‑na bɔi denɛ to gbaa nɛnɛ n bɛɛ bia ka wan, yɔ a saa chɛ nu. An‑na dɔ n boan fan, mbɛ an‑na dɔ n sin fa. 6Chɛɛ dɔndɔ gbe ni wan a boo ɔ gbɛ, a a ta koe a an tena, a 'a denɛ, min ko a ni di a ye gbeden. Mbɛ a yiima ɔ, a ɔ, ‘An mbe basɔmaya be‑a wan n 'na denɛ wandi gbu ma.’ 7Chɛɛ yadi kun ma fɛn mɔɛ chɛ n‑na a fɔ wan an nyɔn ma, an dɔ, ‘Yadi ti chɛ 'a denɛ wandi gbu an nɛ. Wo na, mmɔ ni a fa, min mbe a ma, boo fenɛ chɛ gbɛɛ ni ma mmɔ ta a.’ 8Mbɛ an‑na a 'a den chɛ bia, an‑na a fa, mbɛ an‑na a su a dɛ yadi gbaa chia a.”
9Mbɛ Chisɔsi ɔ, “Wo ta yiima ɔ, ni yadi ti chɛ na‑a tima min na, ɛ fɛn ma‑a yadi kun ma fɛn mɔɛ chɛ n na? Ɛ na‑a wan, a ni an yadi kun ma fɛn mɔɛ n kasaa, mbɛ a‑a a don a kun ma fɛn mɔɛ dɔ mende n boo ɔ. 10Ɛ wan n yii ma, mbɛ wo‑a a kan fan Yataa 'a gboo ɔ, a kaka min‑na a fɔ, a ɔ,
‘Chen sɔ mɔɛ n na‑a ban senɛ min dɔ, an dɔ, a ma nyin,
an gbu ma‑a gbɛ senɛ kuu ba wandi a, chenɛ gbu ko a.
11Yataa an‑na chɛ ma.
A sin mu kamaya koe an na mmɔ ya a.’ ”
12Chu n kun ti n toen ni, an ni Chisɔsi bia. Koe min na mu, a ni wan an yii ma, a 'a tai chɛ sien mu an fan ma. Chɛɛ an chian‑da wan mɔ fanka fanka chɛ ma, mbɛ an‑na a to nɔ, an ta‑a an ye.
An‑na Chisɔsi ɔ tisa, a si chɛnyɛ pawa chɛ koe ma
(Matiu 22:15-22; Duku 20:20-26)
13Mbɛ an‑na Fayisii dɔ n sɔ, an bɛ Mansa Ɛdɔdi fɛ mɔɛ dɔ n na, Chisɔsi tena. An toen ni, an ni a ɔ chɛ tisa chɛ a a, mbɛ an‑na a bia a chen kɔ, a da a bai ɔ. 14An na‑a Chisɔsi tena, mbɛ an dɔ, “Ticha, nn‑na a ɔ sɔn fan, mbɛ danaya tɔɛ mu i a. I ma i gbɔsɔ ni mɔ gbu ɛ min fɔ, a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ i ma i gbɔsɔ ni mɔ 'a sɔ tena ko a, chɛɛ e mɔɛ n kan Yataa bai miin gbɛɛ a, tea mu an na. A ɔ yian bɛ nn na, i ta yiima ɔ, i‑a pawa chɛ be koe yen ka ma Domi kun ti wa ma, a nyin fan?”
15Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, “Fen mu wo toen mu wo ni n dɔ chɛ? Wo na n ye kain gbɛnsɛn#12:15 A tima chɛ a, kain gbɛnsɛn chɛ nɛnɛ, a dɔndɔɛ ni debea pawa ya wan tee dɔndɔ ko a. An ni kɔpɔɛ chɛ chee, an dɔ, denayɔsi. dɔndɔ a, n mbe a ma fɛn.”
16Mbɛ an na‑a a a, mbɛ a ɔ an ma, “Nyɔn ya kɔɔɛ ɛ ka a ma, a basan a tɔɛ a?”
Mbɛ an dɔ, “Domi kun ti wa an nɛ.”
17Mbɛ Chisɔsi ɔ, “Mbɛ fen chɛ nu, miin mu Domi kun ti wa boo fenɛ a, wo an be a ma. Mbɛ wo yɛ‑a, fen chɛ nu, miin be Yataa ko a, wo‑a an be Yataa ma.”
An tɛnɛ‑a wan a a, a‑a an yɛman buɛ min dɔ.
An‑na Chisɔsi ɔ tisa, a si mɔɛ kɔɔ sɔ koe ma saya ɔ
(Matiu 22:23-33; Duku 20:27-40)
18Mbɛ Chu mɔɛ dɔ nu, miin ni Sadusii n na,#12:18 Sadusii mɔɛ n ni Chu mɔ kuun denɛ n fan na. Nyan tɔ wa ni an na. A yɛ to, an sɛsɛ ni mɔɛ n fan na, miin ni mɔ gbu n tɛ ɔ Yataa a. An danden ni koe miin na, an kaen fan ni Fayisii n ta ma. miin nii ma dan ni mɔɛ kɔɔ sɔ koe a a ka saya ɔ, an bɛɛ na‑a Chisɔsi tena. Mbɛ an‑na a ɔ tisa, an dɔ, 19“Ticha, Mosisi‑a sawa chɛ an nyɛn mmɔ ko a, a ɔ, ‘Ni mɔɛ suun ma nyɔɛ kaima fa‑a,’ a ɔ, ‘mbɛ a‑a a 'a musu to, an fea ma den suun ni min na,’ a ɔ, ‘a dinden fan mu a ma,’ a ɔ, ‘a ni chenɛ da mun, an ni denɛ suun ta mɔɛ chɛ ko a.’ 20Tima dɔndɔ a, kaminɛ n ni wan nɔ, an kai wɔnfea an de‑a an fɛn suun. Mbɛ a wɛn ni chenan ka an gbɛɛ ma, a‑a musu si. Mbɛ a fa‑a, a ma den suun ni, musu chɛ ma. 21Mbɛ denɛ kaima fean bɔɛ chɛ wɛɛ‑a musu dɔndɔ gbe chɛ si to musu a. Mbɛ a wɛɛ fa‑a ka wan, a ma den suun ni, musu chɛ ma. A sawan bɔɛ wɛɛ ma‑a ka wan. 22An wɔnfean bɔɛ gbɔdɛ, a na‑a musu chɛ si wan. Chɛɛ a wɛɛ nii ma den suun ni, musu chɛ ma, mbɛ a wɛɛ fa‑a. A danka a gbɛ, musu chɛ wɛɛ gbu fa‑a. 23Ni tee che‑a, faa mɔɛ n ni an kɔɔ sɔ a ka saya ɔ, musu chɛ ɛ ma nyɔn 'na musu a gbɛ? A yen ko, a ni wan an gbɛɛ boo ɔ, musu a.”
24Mbɛ Chisɔsi ɔ, “Wo saman‑da kaka a fɔ koe a, mbɛ ni mɔɛ fa‑a, a ee a kɔɔ sɔ to a ka saya ɔ. Mbɛ fen‑na a ma wo saman‑da, a mu koe min na, wo ma Yataa 'a gboo ɔ gbɛ ni, mbɛ a yɛ to, wo ma ko ɔ ko sɔn a si Yataa 'a gbasaya ma. 25Tima min na, mɔɛ n mbe an kɔɔ sɔ‑a a ka saya ɔ, musu si basan kai sɔnɛ a, a ee ma‑a nɔ. Mɔ gbu gbɛɛ ɛ ma‑a wan yɔ maeka nu banda bu ɔ. 26Min sin sien mu faa mɔɛ n kɔɔ sɔ koe ma, a ka saya ɔ, ɛ n yii ma, mbɛ wo‑a a kan fan, Mosisi 'a gboo ɔ, a si kɔn den chɛ ma, min ni yɔ a ni minda tena wan. Yataa na‑a a fɔ buɛ min dɔ, a ɔ, Yataa mu a wan na Ebeami ko a, a basan Aisaki an fea Chekɔpi a. A ɔ, an mbe a wan fai.” 27Mbɛ Chisɔsi‑a a fɔ to, a ɔ, “Chɛ‑a a ɔ yian fan, mbɛ chɛndɛ ba n fan mbe Yataa fai. Mɔɛ min faen mu, a ee Yataa fai. Tea ee wo 'a yiinachii ɔ.”
An‑na Chisɔsi ɔ tisa, a si sawa chenama ma
(Matiu 22:34-40; Duku 10:25-28)
28Mbɛ Chu n 'na sawa kan mɔ dɔndɔ ni wan nɔ sɔ ɔ, min ni a too ma sɔ tena an 'na chia ɔ bɔɛ chɛ ma. A‑a a ɔ yen kɛn, mbɛ Chisɔsi‑a Sadusii chɛ n 'na tisa yɛman fan chɛndɛ chɛ, a wɛɛ ɔ, “Mosisi na‑a sawa sɛsɛ be wan mmɔ ma. An tɛ ɔ, sawa minan mu a chenama a?”
29Mbɛ Chisɔsi ɔ, “Sawa chenama gbu yen ko. ‘Wo a a min, wo wan Isɔɛɛ mɔɛ nu. Mansa Yataa, an mu mmɔ 'a Yataa a. A ɛ dɔndɔ gbe. 30A sin, wo to Mansa Yataa a, wo faa gbɛɛ a, wo ni to a a, wo 'a fɔɛ gbɛɛ ɔ, wo ni to a a, wo sɔɛ gbɛɛ a, wo ni to a a, wo yiima gbɛɛ a.’ 31Sawa fean bɔɛ chenama gbu an nɛ, ‘Wo to wo 'a mɔɛ n na, yɔ wo toen mu buɛ min dɔ wo wandi a.’ Sawa kan kɔ kan mbe ee nɔ, min benden mu sawa fea chɛ n ma.”
32Mbɛ sawa kan mɔɛ chɛ ɔ, “Ticha, i‑a tea fɔ, mbɛ Mansa Yataa an mu Yataa dɔndɔ gbe a. Yataa dɔ mende kan kɔ kan mbe ee nɔ, mɔɔ a wan. 33Mbɛ mɔ gbu ni to Yataa a, a faa gbɛɛ a, ni a yiima gbɛɛ a, a basan a sɔɛ gbɛɛ a. A ni yɛ to, a ni to a 'a mɔɛ n na, yɔ a toen mu buɛ min dɔ a wandi a. A ma bɛnden mu sawa fea chɛ n sa tena ɔ bɛn koe a, a ni ben yasi kan kɔ kan ma.”
34Mbɛ kɛn Chisɔsi‑a a ɔ yen, mbɛ kamin chɛ‑a yiimatɛ bai fɔ, mbɛ a‑a a fɔ a ye, a ɔ, “Ɛnden fan to‑a gbɛ, mbɛ i don‑da Yataa 'a mansaya kɔɔ.”
Chɛ gbakɔ, mɔ ɔ mɔ chian‑da wan gbɛ Chisɔsi ɔ tisa koe a.
Chisɔsi‑a an dɔ tisa, a si kunka mansa ma
(Matiu 22:41-46; Duku 20:41-44)
35Chisɔsi to‑a kan chɛ an na Yataa 'a kata ɔ, mbɛ a‑a an dɔ tisa, a ɔ, “Mmɔ 'a sawa kan mɔɛ nu, an mbe kun ka ma an ni a fɔ, an dɔ, mbɛ kunka mansa ɛ bɔ‑a Mansa Defidi 'a dambi an dɔ? Fen mu chɛ ɛ ma? 36Mansa Defidi wandi gbu wɛɛ, Yataa Nyina na‑a bai don kɛn a da ɔ, a na‑a a fɔ wan, a ɔ,
‘Mansa Yataa‑a a fɔ n 'na Mansa ye, a ɔ,
“Si nɛ n boo nyima ɔ,
aan n ni i chɛɛ ma nyɔɛ n don i kɔɔ.” ’
37Mansa Defidi wandi gbu yen ko gbɛ, a ɔ, kunka mansa chɛ benden mu a ma. Chɛɛ mɔ kun ma kundi ee koa, a ni ben i ma. A fɔen mu gbɛ, mbɛ kunka mansa chɛ ɛ bɔ‑a Mansa Defidi 'a dambi an dɔ. Fen ko a, chɛ ɛ ma?”
Chisɔsi‑a da si chɛ, a si sawa kan mɔɛ n ma, an bɛ Fayisii n na
(Matiu 23:1-36; Duku 20:45-47)
A tima chɛ a, mɔ fanka chɛ nu, an bu ɔ dia‑a wan, an too ma sɔ koe a Chisɔsi ma. 38A sin ni kɛn an kan‑da, a ɔ, “Wo wo kun ma fɛn Chu n 'na sawa kan mɔɛ chɛ n boo ɔ. An toen mu doma wa wa don koe a, an mbe ben ben. Ni an ta‑a machiti an dɔ, an toen mu mɔɛ n ni basɔmaya kɔndɔnɛ chɛ an na. 39Ni an ta‑a mmɔ 'a samun chɛ chenɛ n bɛɛ a, an toen mu si tena ma bɛnden ba an na. Daun chɛ bɛnɛ wɛɛ ɔ, an toen mu si koe a gbakoo n fan tɛ. 40An mbe fuinya musu n boo fenɛ n gbɛɛ daun fan, kafaya ɔ. An gba yama chɛ ma nun koe a, an mbe samun dɔ yansama an chɛ. Chɛ ko a, Yataa wɛɛ ɛ an tɔɔya‑a wan, a ni ben mɔɛ tɔɛ n gbɛɛ ma.”
Fuinya musu‑a boo fenɛ min be Yataa ma
(Duku 21:1-4)
41Mbɛ Chisɔsi si‑a kɔpɔ sa kakaa chɛ ya teen ma, Yataa 'a kata ɔ, ɛ mɔ fanka n ma fɛn‑da, an mbe an boo fenɛ n na bea‑a a ɔ. A‑a nyan tɔ sɛsɛ yen fan, an mbe boo fen chenama n na bea‑a. 42Mbɛ fuinya musu na‑a, yɔn tɔɛ, mbɛ a‑a kɔpɔ gbɛnsɛn#12:42 Bai miin nyɛnden mu Kiisi gboo ɔ, an fasai an nɛ: “kɔpɔ gbɛnsɛn fea.” A tima chɛ a, kɔpɔ gbɛnsɛn chɛ nɛnɛ, a chɛmɛ dɔndɔɛ ni debea pawa ya wan tee dɔndɔ ko a. An ni an kɔpɔɛ chɛ chee, an dɔ, dɛpitɔn. den fea a bea. An kɔpɔ gbɛnsɛn fea chɛ, a a kanden ni pɛnɛ an na. 43Mbɛ Chisɔsi‑a a fɛ denɛ n chee, mbɛ a‑a a fɔ an ye, a ɔ, “Tea a, n ni a ma din wo tena, mbɛ fuinya musu yɔnden chɛ, a‑a kɔpɔɛ min na bea ka, a benden mu chɛ ma, mɔɛ tɔɛ chɛ n gbɛɛ, an‑na miin na bea ka. 44A mu min na, chɛ n‑na min be ka, an‑na a ya a chenama an kun ma, chɛɛ musu chɛ ta kɔpɔɛ gbɛɛ an nii nɛ a boo ɔ. Kɔpɔ dɔ mende kan kɔ kan mbe ee to a boo ɔ.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Kono © The Bible Society of Sierra Leone, 2006.